雍雅山房 (已結業)

難得去山頂放狗，就醒起山頂重開左呢一間香港人回憶既餐廳，一於去朝聖下😂🎈 烤伊比利亞豬梅花肉配焦糖蘋果 $198肉質好淋，烤得啱啱好，再配上焦糖蘋果感覺好清新。🎈 炸乳鴿配櫻花蝦蔥油拌麵 $178乳鴿炸得剛剛好，外皮香脆，肉質一啲都唔鞋，好嫩滑！🎈 香煎比目魚柳配炒椰菜及泰蘆筍，烤焗薯仔 $188魚柳香滑，但略嫌份量較少，幸好有焗薯仔可以飽肚啲🤣整體嚟講，最欣賞呢間餐廳可以遠眺整個維港，加上食物質素不錯，如果上山頂玩嘅朋友，不妨可以一試。味道：❤️❤️❤️❤️🤍環境：❤️❤️❤️❤️❤️價錢：❤️❤️❤️🤍🤍

得知「雍雅山房」選址山頂廣場重開，開心到飛起，第一時間約男友去緬懷一下粵語長片的取景地點。餐廳內雖然不能保留園林實景，但以投影器放射出綠林環境，加上露台位置可俯瞰維港優美景色，令人感覺好放鬆，的確值得去chill 吓。👫沙角蟹肉多士以沙角入饌變成沙律都係第一次食，沙角切成細細粒，加上蟹肉、沙律醬可以變出味道如此清甜、爽口的沙律，超乎預期地好味😋魚肉釀山水豆腐以鐵板奉上，確保上枱時熱辣辣，像這樣的平民美食「魚肉釀豆腐」基本上沒有出錯之處，鮮味魚肉配嫩滑豆腐，重點是濃稠豉油提味，食多啲都冇負擔。香煎羊扒羊扒入口比較乾身，較為失色。但有趣的是墊底的配菜是炒薯仔和蝦粒，既簡單又飽肚。紅燒乳鴿經典美食，特地請來大廚以傳統方式炮製，以秘製醬油醃製，再風乾塗上麥芽糖炸成皮薄香脆的紅燒乳鴿，乳鴿肉嫩味濃，果然出色。經典椰汁紅豆冰亮點一定是紅豆冰上面的小雨傘，神還原舊時的紅豆冰模樣。紅豆佔嘅比例差唔多有半杯😍紅豆粒入口軟糯清甜、椰汁相當濃郁，甜度不算好高，一邊飲一邊欣賞維港感覺一流 ！

#fafafoodblog中環 #fafafoodblog中菜1.香辣蝦仁脆炸蓮藕片野菜沙律138🦐🥗蓮藕片炸到好香脆 好食又特別 沙律菜 蘿蔔片做配襯 仲有兩隻新鮮既煎蝦 配埋多酸少辣既醬汁夠哂開胃2.雍雅山房特色炸乳鴿 178 乳鴿炸得好皮好香脆 乳鴿肉比較香同嫩滑 點 d准鹽咸度剛好3.法式乾邑蟹濃湯🦀128個湯一望就知好濃 一上枱聞到好香蟹味🦀 飲落濃既程度似好多蟹磨成粉再煮湯甘 再加 d干邑 所以飲落有 d甘甘地既香味4.美國蜜瓜螺頭燉豬展 188用個幾靚中式既器皿放住湯 除左靚仲可以保住温度 入面豬展已煲到肉分離好林好入味 螺肉既海鮮味夠 同口感彈牙 配蜜瓜令到成碗湯除左鮮同肉味仲加 d甜香 正🐷🍈5.山楂酸甜咕嚕肉配瑤柱蛋白炒飯🐷308山渣汁好酸甜 咕嚕肉好香脆。入面豬肉爽滑 菠蘿新鮮 做配襯出色 而佢配瑤柱蛋白炒飯都唔錯 蛋白炒得夠軟滑 瑤柱多 夠香咸 配埋山渣汁好食 6.鴿肉蟲草花野菜燴意粉🍝178鴿肉整得好軟林 充滿蟲草花香味 應該係用蟲草花煲過 有青瓜 黃茄子 做點綴 醬汁帶 d厚度 同黑椒香 帶 d酸辣 同爽口既意粉十分 match 7.蛋白杏仁茶 98 🥚蛋

朋友從外國回來，所以特意陪他去香港旅遊熱點“山頂”玩玩。正在擔心用什麼招待他時，想起當年有名的“雍雅”於山頂重開， 所以去試吓。餐廳內部裝修好優雅，好靚。外面露台都排了一排枱可以供客人進餐，可以遠望山頂風景， 但今日山頂實在太大風了，只可走回於室內進餐。之後每人叫了個精選Lunch ，當中主菜“香煎比目魚柳”好好味， 外脆脆而內好juicy 加上蘆筍及配菜都好甜，好正。朋友提醒一定要試下經典“炸乳鴿”，所以叫了一份，一上枱是熱辣辣的，好香，咬下皮好脆不太油，肉好嫩好多汁。好好味！甜品當然是叫了我至愛的Tiramisu啦！這個Tiramisu 實太驚喜了！個擺碟超靚，連朋友都即時打卡！所以今次行程都算大滿足了！

雍雅山房是昔日經典茶座， 1963年在沙田開業，2005年結束營業， 17年後 (2022 年) 在山頂廣場重開， 餐廳佈置還原昔日園林景色， 走進餐廳， 昔日回憶再湧現在眼前，露台設有露天茶座， 飽覽維港無敵大海景， 令人賞心樂事 ! 經典 炸乳鴿、煎釀豆腐、紅豆冰及乾炒牛河， 令人津津回味。沙葛毛豆蟹肉多士脆卜卜的多士， 塗上鮮味的蟹肉 絲、 爽脆的沙葛及毛豆， 放上漂亮的食用花點綴， 賣相精巧別緻， 蟹肉令平淡香脆多士，添上鮮味，口感更豐富吸引。 懷舊鐵板豬面青肉煎釀山水豆腐/ 四件 煎至金黃色的山水豆腐， 釀上肥瘦適中的豬面青，大口咬下，爆出嫩滑的豆腐 ，既香且滑 ， 誘人的豆香， 雖不是貴價食材 ，卻令人津津回味的懷舊小菜。雍雅山房特色炸乳鴿 人氣炸乳鴿， 沿用舊時的秘製配方， 用自家滷水醃製， 再塗上麥芽糖去炸，即叫即製， 熱燙燙的乳鴿皮， 炸至油光亮麗，香氣十足， 皮脆肉嫩，充滿肉汁， 不需要沾上任何醬汁， 已經令人吮指回味。烤焗法國羊小排配手壓薯仔炒蝦及陳醋燒汁 厚切的羊小排， 煎到剛剛好，深褐色外表， 散發著陣陣香氣，入口軟嫩，上酸甜的陳醋燒汁， 令羊肉鮮味提升，配上

首先 環境一流 景觀唔錯 不過冷氣房 太凍20度 經經理調教後才能升高0.5度！ 有人頂唔順 另外還會導致食物 快速降溫影響味道。其次 靚仔服務生欣勤 幫忙影相永無托手踭 上菜速度不太慢可接受。最後就係食物性價比低(指的係 食物價貴 量少 味道一般 )失望之至無法形容， 本想懷緬 舊雍雅山房 嘅味道/ 情懷 但，第1干炒牛河 量少價貴，牛肉 又薄又柴 一啲唔嫩滑 (十片不到) 致於 乳鴿 我媽話 仲衰過佢食過嘅$XX蚊 乳鴿， 價 又貴。仲有 餐厅連杯清水都欠奉 要落單嗌 前世未 賺夠咁埋單人均消費每人三嚿 就好似 其他部分食客嘅同感:冇下次

因為行山去到山頂尾站，朋友話之前馬料水嘅雍雅山房係山頂重開，所以就決定試下。可能當時已經係下午 2:45 pm , 過咗午飯時間, 餐廳冇乜人，環境係唔錯嘅，同埋你去得山頂食，都預咗價錢唔會平，不過食物質素實在太差， 落完單啲食物好快送到，水都要收錢，侍應服務一般， 餐具又執唔齊，不過侍應生都有提醒客人可到餐廳旁邊戶外影吓相，睇吓風景。最後揀咗套餐，因為大家都未食晏，散叫食物及飲品，價錢都唔平。 前菜 ⇒ 燒雞科布沙律， 一細塊冇味嘅燒雞。另一款前菜 ⇒ 其中一個招牌菜 → 懷舊煎釀山水豆腐 ，豆腐滑嘅，不過冇特別。 主菜 ： 秘製紅燒乳鴿，係佢其中一個招牌菜， 佢賣相係ok嘅，但係乳鴿冇味。(燒鴿餐 $ 238 , 加一後 $ 262 )配薑蔥蠔油撈蝦子麵。 全個餐最差就係呢個蝦子麵，又霖又爛👎 真係唔希望畀外國人遊客食咗之後，以為香港D蝦子麵係咁質素😢另一主菜 ⇒ 烤伊比利亞豬梅肉配焦糖蘋果。(豬肉餐 $ 268 , 加一後 $ 295 )味道普通， 唔係現在睇番個 Menu 同相，我都唔知嗰啲係蘋果。戶外個境真係唔錯。總括嚟講：餐廳個名除咗都係叫雍雅山房，同以前嘅味道完全唔同 。

今日叫左三個套餐，要左三個薄荷蕃茄湯配炸薑絲，碗湯幾凍呀，唔知點解咁樣點解會俾客飲用，一個1963 特色乾炒牛河，還可以，唔夠熱，一份香煎比目魚柳配炒椰菜及泰蘆筍，烤焗薯仔及紅波椒汁，好細份，味道普通，一份烤伊比利亞豬梅肉配焦糖蘋果，炸椰菜花手壓薯仔及露絲瑪莉燒汁，好鞋，啲餐廳職員不停系你附近收碗碟，掃地，好趕客，另外我哋叫左三杯mocha，只係需要補$10差價一杯，但埋單個陣佢當我地傻，全部計$58一杯，擺明呃錢，好奸呀

自從疫情後已經很長時間沒有上山頂了, 星期五難得工作需要去山頂並發現了招牌"雍雅山房" !? 是廿多年前那間"雍雅山房" 還是新的 ?? 好奇心之下走進去,雖然是中午Lunch Time 但不到15分鐘就有位了, 座位好舒服好靚,桌面藍色復古圖案花好靚,因為只是一個人就點了待應推介的招牌乳鴿,干炒牛河及紅豆椰子沙冰.不到一陣紅豆椰子沙冰就送來了,試了一口,好OK喎! 紅豆沙冰的椰汁好濃而且紅豆好淋好綿,不太甜剛剛好, 出面的紅豆冰是用淡奶沖而這裡的是用椰汁打成沙冰, 所以口感及味道非常特別香濃及好味.之後是干炒牛河及乳鴿,熱騰騰但都要立即試下因太香了,牛河不乾,入口沒有成口油的感覺,好好味.另外,乳鴿外皮好脆,撕開後好多汁流出來, 肉不如其他店乾及硬,都好好味.可惜Lunch 時間有限, 不然會坐長時間些享受周邊環境,另外見到有客人坐於露台座位用餐, 露台裝修有點像六十年代的感覺,加上山頂一望無際感覺, 個人好Free !! 好正!! 可惜要趕時間返工, 聽待應講夜晚露台景超正 ! 所以會再約朋友去試下晚餐享受山頂美景及打卡!! 

兩年多沒去過,  發現多了很多不同店舖,  美食亦不少,  驚喜發現〖雍雅山房〗重開, 呢個名細細個就聽過長輩講過, 而家重開, 仲有山頂靚景,  更加要一試啦!   門口裝修都好有懷舊味道, 牌坊絕對一定要打咭啦!內部裝潢都好靚好舒適, 有露天座位,  超靚, 仲係 Pet Friendly!點咗幾樣招牌菜, 紅燒乳鴿、鳳梨酸甜咕嚕肉、乾炒牛河、紅荳冰、黑牛等經典食品,  味道不錯,  最正係望住個無敵維港景, 已經值回票價!  下次可以帶埋狗狗上去, 睇住個超靚日落, 仲可以叫埋香檳飲!!

食物方面性價比極低 山頂中菜有其他選擇千萬別選這家部長有生意唔做咁 話排左20張枱 不準再攞飛 指system不容許 當時只是中午12點正好好笑連攞飛都唔得之後揾另一個女員工又能排了食物方面山頂預左貴，但比想像中難食很多擺盤ok 打卡用中菜廳性價比太低乾炒牛河比茶記質素差 河粉散哂而且好淋 食到成口油 牛好似打邊爐牛一樣乳鴿上枱凍哂 皮唔脆地板笠痴痴 為左環境食嘅不妨選擇山頂其他餐廳奉勸大家不要因其他分店食評好而選擇山頂這家雍雅山房

Overpriced Hong Kong style food that tastes worse than any Cha Chaan Tang in Hong Kong. Wont even provide water and force you to order mineral water. The “signature” beef noodles was cold!!! The roast pigeon was very average. I hope that tourists visiting this restaurant would not be left with a bad impression of Hong Kong style food. This restaurant probably has no relationship to the original Yucca de Lac which closed over fifteen years ago. Probably just recycled the name to cater to nostalg

唔算貴，平均300 per head。 但服務唔得，上羊排唔上刀。 食物係十分普通，我覺得差過全盛時期既翠華。 燈光時黑時光⋯⋯ 黑嗰陣連個湯係咩色都睇唔到。 一係就有藍色燈，基本上，牛河既啡色都蓋住。山頂係可能要貴啲，但我唔expect 出品咁普通。羊排啲羊，食料係普通嘢，貴少少既茶餐廳做到。牛河啲牛咬口好奇怪。 成餐得個炒飯叫好啲，但啲鹽炒唔散，食左一啖好咸。服務員人數夠，但比較年長做嘢唔夠快，未坐滿都已經接唔切客。

大家如果想食到一肚火可以嚟呢度食✅由一開始你一坐低已經催你落單，因為佢間餐廳唔夠餐牌等咗45分鐘都未有嘢食…中途問佢幾次佢嘅回應態度都係非常之差，同埋亦都唔會對出菜速度有幫助到最後等咗差唔多一個鐘頭先有嘢食，而且仲要有兩樣嘢係落錯單食物質素非常之差！酒店價錢但差過茶餐廳質素！

Reminiscence of Shatin yucca de lac came to try after appearance on scmpTry the fried beef noodle it’s not the same thin noodles rather than flat ones beef dried overall not worth 200 dollarsTry the halibut not even cooked through when served probably not defrost in time😩baguette not fresh stale pigeon not freshly make but oven cooked definite for tourist only