雋太日本料理 (已結業)

我少入元朗..雖知元朗多美食..但始終都係少入元朗..呢間店我覺得算交通唔太方便..本來唔太吸引我去但朋友住元朗話抵食..上OPENRICE又見多好評就黎試下星期6預左好多人排隊...所以早D去排 7:30後果PART冇加錢要生蠔/涮涮鍋食物種類唔算少我地4人叫左好多野食刺身都算新鮮略嫌炸物有D過油"利"呢間令我好驚喜既係 - 甜蝦 同 甜品甜蝦 夠大隻 唔同出面D甜蝦好細隻..冇乜肉..甜蝦我地狂叫好多次...甜品..好少放題有咁多種類叫和菓子超好味價錢平食物好..忍唔住上黎推介不過唯一認為要改善 係店員應該再請多個忙起上黎有被忽視感覺

第一次係元朗食放題，仲要係揀咗中午時段都係第一次！好彩我同老公早咗到先唔洗等位，隔咗一陣已經坐滿成個餐廳，心諗有咁多人嚟食，一定冇錯啦……叫咗最喜愛嘅壽司，size適中，最緊要係舊飯唔太大，可以留番個肚食其他嘢……仲有D刺身夠鮮甜，尤其係希靈魚，encore 再encore

假期帶埋阿仔同埋同學仔媽咪一齊，早上去完濕地公園玩，之後去左元朗食放題，第一次黎哩度食午餐放題，無咁多人坐得好舒服。烏冬比阿仔食，湯底好好味清清地，烏冬口感唔錯，阿仔食左成碗。辣煮青口好惹味，青口口感都嫩口。生蠔生蠔好大隻，好creamy, 無乜海水味，但肥美。蟹腳雖然食起來有啲麻煩，但有交剪幫手 ok la.肉好鮮甜 juicy.壽司叫左好多款，都好大件，阿仔最愛蟹柳壽司~我就鍾意三文魚同帶子，因為都好肥美。刺身雖然叫得唔多，但都好食，甜蝦最好食又大隻。花之戀好大件，好多蟹子，三文魚又肥美。真係食完一件都飽左。。。甜品靚仔至愛，Movenpick 雪糕，好滑，但都係岩呀仔多啲。。。太甜了！我覺得午餐食放題舒服好多又無咁趕，但上菜都係有少少慢，但帶埋小朋友都無所謂啦！好食又食飽飽都Ok la!

今日入元朗搵好耐冇見既朋友，因為元朗太遠啦所以真係好少去，難得入到黎元朗梗係要食好野啦﹗朋友就話有間日本放題好得好正，咁就一定要去試下啦﹗可能平日同早既關係，所以唔洗點等位入到去覺得d位少少迫同少少窄，不過都ok既首先黎轉刺身先﹗ 劃左三文魚生鮮，帶子，榮螺片，甜蝦，仲有油金魚非常肥美熟食都唔少得啦當然﹗ 牛油粟米，蕃薯，牛油炒雜菇，炸蝦天婦羅，燒菠蘿，牛柳粒衝左一輪，其實已經好飽啦﹗不過因為d 刺身所有點都要再黎多轉三文魚刺身，帶子刺身，油金魚刺身到甜品啦，不嬲對放題d甜品都冇咩期望，但係有驚喜喎........就係Movenpick雪糕啦﹗完全無諗過囉﹗真係好開心，今餐真係超級滿足呀﹗侍應態度都ok，叫佢地都好快應唔會扮見你唔到呢個價錢食到有質數既食品，我覺得物超所值呀﹗

我地一班同事元朗收工，慶祝跑數勝利，聽講呢間日本放題係ok .膽粗粗walk in 入去試試。環境開揚，燈光火猛，傢伙好新。其實我最中意食都係三文魚刺身，同埋d 壽司，因為太肚餓，第一次落單基本上可以話係乜都寫d ...驚喜位在於，d 員工笑容滿面，傳菜時都好有禮貌，訓練有素既感覺！！明太子雞翼，非常香氣撲鼻，非常惹味！大部份刺身我都食晒，好新鮮，好食到停唔到口，最誇張係我其中同事一個人食左30片三文魚刺身！！！佢食到好濟！大滿足，下次會再返尼幫襯！

放完個復活節假，個人仍然好holiday mood!番工悶悶地就上openrice睇下邊度有好野食啦！見到有生蠔有movenpick雪糕已經好吸引，即刻wtsapp班老死試一試呢間放題！ 我地4個女仔放工齊人就出發！放題地點唔算太近，西鐵站行10分鐘左右就到，不過元朗d 路好好行，不經不覺就到喇。 離遠已見門口有人龍，等緊入場，原來都幾爆場wo! 即刻覺得自己好彩可以即日book到位！ 準時入場，坐梳化卡位，身邊位美人一坐底就即刻手起筆落寫order紙，飲品竟然都有韓國芒果汁同蘆薈汁揀！正呀！ 因為大家都係大食精，食物一到已放滿左張枱！上菜速度幾快，員工手腳都快，唔會no show, 但冇乜笑容, 不過放題間間都係咁，冇所謂啦！ 生冷食物質素絕對高比價性！熟食OK,可以更好！甜品款款都好食！ 推介/心水既食物：1. 刺身-夠新鮮，厚身！甜蝦，油甘魚，帶子必食！ 個刺身盤擺設有心思，冰底，夠凍！2.生蠔-夠大隻，甜！加幾十蚊就任食，仲要我地呢幾個係生蠔迷，食到番晒本喇！唯一覺得個生蠔醬可以再辣d 囉！3.香草羊扒-幾好，冇乜筋4.清酒煮蜆-蜆甜，冇沙，份量唔少，咪眼闊肚

為什麼會以 "機會是給有準備的人" 做食評的題目呢?原因是之前與妹妹來過這間吃晚市放題, 食物水準是不錯,但服務就有點扣分了, 只是朋友說很想試雋太,好吧就看看今次如何啦~午市放題時間比較充裕, 有 3 小時任飲任食,便選了復活節來盡情吃喝聊天囉, 未到 12:30 門口已大排長龍了,我們被安排坐在卡位, 坐位很舒適呢~還加了任食生蠔、松葉蟹腳, 而自從上次看到鄰桌的刺身船後,一直念念不忘, 今次我們也蠻多人, 終於可以近距離一睹它的真面目,與它拍拍照來過相機食先文化囉~有冷熱飲品提供, 熱飲有柚子蜜、蜂蜜紅棗茶、蜂蜜生薑茶,這些也算比較少見呢, 可惜當天天氣太炎熱了, 要來點冷飲緩和一下,竟然有我常喝的 lemom cc 唷~刺身 - 三文魚、吞拿魚、八爪魚、象拔蚌、北海道帶子、甜蝦維持水準, 新鮮沒雪藏味, 象拔蚌很爽口啊枝豆 - 平時很少點的, 豆豆微暖又不會太淋丫香芒炒豬頸肉 - 芒果的香甜配豬頸肉很夾嘛天婦羅 - 海蝦、南瓜、蕃薯吉列廣島蠔、日本芝士年糕、紫心香芋丸炸粉適中, 南瓜味甜呢汁燒翠肉瓜 - 與名字一樣清脆呀牛油栗米 - 很大碗, 有好香濃牛油味, 很合我口味嘛味噌

其實由4/2到4/4, 每天已經在勁食了! 4月5 日的星期天原本打算在家做宅女的! 可惜宅女唔成, 因為朋友出長水遠就我, 入元朗同我LUNCH, 咁……點我都要出來啦!大伙兒選了受好評的雋太日本料理! 中午12:30去到, 發現原來可以食3個鐘, 去到3:30, 食到真抵! 加上我們加以一邊食, 一邊傾, 不怕被人趕! 正!可能是中午關係, 人不算多, 只有一半是有客人的!假日這個時段, 只須$185. 友人喜愛吃生蠔及蟹腳, 都只須加$58. 最後加一埋單都只係每人$270, 食足3個鐘!最先來的是刺身船一隻, 好大好靚! 因為我不吃刺身, 所以只有看得一份!這兒的枝豆我好LIKE, 是暖暖的, 只有外面鹹, 豆肉則剛剛好, 不是太鹹!而前菜都推介這個沙津!食日式放題, 我以熟食為主! 所以, 有別一般的刺生推介, 我會主力推介熟食的!一般和風料理:上圖: 汁燒帶子, 炒野菜, 牛柳粒下圖: 牛油栗米, 炒什菇, 羊架重點推介為牛柳粒同牛油栗米. 牛柳粒夠入味, 容易咬! 牛油栗米勁香牛油味, 真係又香又甜!天婦羅同炸物叫了不少, 真係上枱時都嘩一聲! 當中蕃薯, 紫薯波同芝士年

開始有點懷疑呢62個哈哈笑既食評可信性。我覺得我係有必要話比大家聽，去唔去試下就由你地決定喇下。先論環境，算不過不失，但係唔知係咪坐左入偏廳，越食越唔對路，好似坐左係抽油煙機口咁，勁大油煙味! 我去食完韓燒都無咁臭呀大佬。論食物，食物款式唔太多，魚生一般般，唔可以話新鮮，但算入到口，炸物，算係最好架喇，起碼熱丫! 嘩，果個明太子雞翼，咬一啖真係即刻吐出黎，腥到呀!!! 焗蠔臭架大佬! 跟住好多野食點極都唔黎，追佢啦，追返黎既湯烏冬同蟹粥，咦，凍既？？？？ 真係想搵個好食少少既都難，丫有呀，佢果杯雀巢雪糕囉……基本上食左第ROUND都已經停左, 真係無一樣野想ENCORE囉........250論服務，都算ok既，叫唔會唔應你，你問佢找乜都拎比你。論價錢，我食正價既，佢比一般放題算係貴，而且多多規矩，同行有個2歲既小朋友已經話要收小童錢，到埋單果陣我地有個朋友生日，佢話如果有人生日，生日果個可以FREE, 但小朋友要收大人價錢!!!因為小童都算係優惠wor!!! 只可以用一個優惠WOR!!!!! 當堂呆左!!最後評語純個人感受，我唔算係嘴鵰既人，但都已經真心覺得唔好食，仲要貴，唉……真係

落單的刺身同送來的，完全唔同，應該小左一半。帶子係碎上，得1/4粒。其他食物質素都好一般。如果落左單但沽清的食物，完全唔會同你交代一聲。如果食量唔大既人，寧願用同樣價錢去d質素高d既地方食好過。另外，服務極差，無人執台，我自己執，d侍應見到都唔會幫手。門口收錢個阿姐又係，唔知係我得罪左佢，定落埋單部機得罪左佢，見佢想篤爆部機咁。我想問阿姐:你係唔係無糧出呀？  定係我比錢來食飯得罪左你呀📢📢基本上，無一個侍應係有禮貌，放低杯野，唔會講係乜就走左去。結論只有一句，貼錢都唔會再去食。元朗大把好野食，使乜睇你地面色。

今晚同老豬去咗雋太日本料理食放題勁多人呀!!好彩有訂位咋坐低第一時間揀嘢食嘞，我哋升級咗松葉蟹腳放題，加多38蚊好抵呀一輪狂風掃落葉結果成檯都係嘢食沙律、小食、料理同鐵板、壽司香芒炒豬頸肉幾特別，樣樣都係新鮮熱辣一定唔錯啦天婦羅都係新鮮出爐架，呢個日式釀蟹蓋特別得嚟又好味，不過撈埋一堆真係唔知裡面係乜串燒選擇唔多，比較吸引嘅係燒菠蘿，啱啱好唔會燒到乾晒刺身呀...我得個睇字，遲啲我要狂食刺身日本磯煮鮑魚係早一日訂位就送架，有嘢送就好開心架嘞食到呢度都已經飽咗七成嚕呢個就係加錢嘅松葉蟹腳，加多38蚊好抵呀不過蟹腳都唔敢食太多嚕，等多陣就可以大解放嘞整體服務態度好好，上菜又快仲要有我最愛嘅Mövenpick雪糕，不過士多啤梨味唔係我杯茶就唔食嘞

上得山多終遇虎，食咁多次放題，係open rice 見到有62 個好評，于是我地就千里迢迢，坐了一小時巴士慕名而來，從落單開始，侍應似喪屍般的服務，沒有落單的食物，放在我台上，我話唔係我既，唔要喇，更警告我只有一次機會，食物質數更不用講，所謂既長腳蟹，完全沒有味道，其他熟食更不用講，垃圾！我老公去厠所，見到只有女厠鎖匙，佢話男女一樣，去到開唔到男厠門， 就試下開女厠，一開見到個女人，攪到非常尷尬，最後要去公園公厠，真係未去過咁差既地方食放題

原本是去試瀛喜，但很多人介紹這間，就試啦 不過掛住食 開頭唔記得影相。。。有好多款食物選擇, 而且店員雖然好忙, 但都快手落單, 位置有少許迫, 但可以接受!食材很新鮮，份量很足，感覺很良好!刺身很新鮮，推薦象(物)蚌，帶子，仲有圖上兩款魚（懷疑調轉其他枱的，不知叫什麼），不過全部都好食 哈哈飲品有很多款韓國款，仲有啤酒，都係任飲蕃薯仔，燒菠蘿，讚讚讚炒雜菜，炒野菌，不好味，太咸太淋，不過牛粒好味其他沒拍照，好吃的有天婦羅，枝豆，黃金芝士蠔，牛油粟米，燒三文魚等等不好味的有青口，天婦羅蠔甜品士多啤梨及綠茶雪糕泡芙，食4粒有三粒雪糕溶。。。這個不用說XD

自助餐我真係5係話成日食!今日係我同男友周年紀念日，諗住上openrice睇下有咩新野。。見到呢間有咁多好評米去試下囉！點知被fake左! 一入到去感覺好正 好似吾會差得去邊。一坐底我寫左7張紙, 舉手啲waiter完全5理人。。舉左叉5多2分鐘先有人收張紙！（手都軟）（啲客仲要五係多）首先好快就尼左個刺身, d甜蝦好正 好大條 但新鮮就5係話好新鮮拉~跟住都好快尼呢個花之戀,芝士年糕同炸蠔, 花之戀同炸蠔都okay 但芝士年糕就好難食，一食成口都係粉，得好小芝士！再尼多個牛舌， D牛舌根本食唔到！咬都咬5到！好喇食完呢d個table乜都冇...okay..咁玩下個電話拉...都仲未有野食....都算..當佢漏左單,又寫左8張紙...無聊望下周圍。。5單止我地個table冇野食 其他好多人都玩更電話 張table都係冇食物~跟住尼左個螺肉，芝麻八爪魚同芒果沙律！ 個螺肉okay lah...芝麻八爪魚就好味 但芒果沙律就5好食。d沙律醬超小!冇味!跟住張枱又冇曬野食!食完d碟又冇人執,見到都5執!我又落單拉 我差唔多落左30幾張單 但係尼左2張單到.. 咁無聊喇。冇野食就玩下電話 玩左

朋友升職，邀請我到極高好評的雋太日本料理食放題，吃過之後味道真的無得彈，難得不用排隊就可以進入用餐了！大量韓式飲品可供飲用，韓啤都有呢可供點食的食物數之不盡小小不足是，點餐紙厚厚太大疊～佔了桌面大量空間而且當時我背著大包包，著住件厚褸，又了購物，心想找個空間放好東西坐得舒服一點於是問服務員能否拉張椅子比我放東西竟然一下子答我沒有，被拒絕了～其實他們可以另外幫我寄存東西，走的時候才拿走這樣感覺會好一點但眼見服務員都忙得不可開交，我是明白他們的難處的餐紙有多種升級計劃加多幾十元便可以食蠔和蟹腳放題了我就是為了蠔而來的必食烤羊架加入了秘制香料，十分入味，肥廋適中，多汁肉嫩，想多吃但不敢，因為怕浪費空間食其他嗎！火炙夀司，火炙程度剛好，米香完全展示出來，我就是喜歡這種口味主角來了我光是刺身就點了３圈有圖有真相呢！甜蝦和三文魚是最美味的去食放題，只要刺身做得好，已經成功了一半燒蠔，也點了３圈，我一個人食了８只，每次限點一人二只，幸好是無限次下單的燒蠔的醬汁酸酸甜甜，加上鮮美的蠔，完美的配搭我們升級了生蠔，但由於太飽啦，只是食了２圈味道不腥，這個價錢絕對超值食多了肉類還是想點些菜蔬，三款沙律味道不