雅高·33

营业中

休息中

荃灣西餐廳$10 一隻生蠔，咁抵，所以要試一試！我地叫咗3隻 $10 特價生蠔，雖然細細隻，但食落都幾鮮甜新鮮。另外我哋叫咗三隻水中花，呢款生蠔就大隻啲，而且海水味重啲，一樣都咁新鮮鮮甜同creamy! 巴馬火腿薄餅呢個係薄pizza，皮焗到好脆，入口卡卡聲，我一個人食咗三塊😋烤蒜蓉香草春雞半隻烤春雞半隻完隻上，香草味好出，雞肉10分鮮嫩，蒜蓉醬汁好開胃。美式BBQ 烤排骨呢個排骨好多肉，唔似其他餐廳骨太多，肉太少，醬汁搭配10分好，仲要配買薯條🍟 香煎美國 🇺🇸西冷扒七成熟，牛肉味十足，煎到剛剛好，仲有少少牛肉汁滲出嚟，好juicy 呀！

早排去咗荃灣呢間好抵食嘅西餐廳特別之處係呢度有特價嘅生蠔只係需要$10 1隻咋咁抵食我地又點會錯過呢所以我哋就叫咗四隻唔算好重海水味亦都唔算好多肉但勝在夠平抵食呀除咗生蠔之外我哋仲買咗個田園沙律份量都幾多㗎而且啲沙律醬係已經一早撈好好方便主菜方面我哋就叫咗一個美國牛脷伴燕麥紫薯球紫薯球好脆口牛脷另一個係牛肉眼扒伴意粉意粉比想像中多而且啲肉都煮得好好味每個主菜都有餐湯同埋蒜蓉包羅宋湯幾開胃不過蒜蓉包就覺得可以再脆口啲總括來講都算唔錯

今日夜晚同朋友係荃灣試咁間之前冇食過嘅食廳😋由千色店行過去都唔係好遠😛餐廳係簡約設計，餐桌和座椅都係木製，環境都算幾整潔👍🏻餐廳有兩款set menu，晚餐和廚師推介。我地叫左一個set B6意大利飯和set G肉眼扒🥩 鐘意食海鮮嘅可以叫埋抵食生蠔😌前菜有沙律🥗兩個餐都有餐湯，我地分別叫左忌廉湯和羅宋湯。忌廉湯略兼有d淡，羅宋湯都算足料。蒜蓉包夠熱夠脆，牛油和蒜蓉比例幾好🤗海膽帶子忌廉意大利飯賣相不錯，海膽都幾新鮮😚唔係好多海膽，不過貴精不貴多！帶子都幾大粒，表面煎到金黃色，食落都幾有口感😝意大利飯嘅飯粒都幾粒粒分明，如果creamy d 會更好😛美國安格斯CAB級牛肉眼扒我地叫咗五成熟，肉眼扒都幾大塊🤩有d煎香左嘅蔬菜伴碟，仲有薯菜😋旁邊有燒汁可以蘸。塊扒都算幾夠牛味，唔蘸燒汁都好好食，不過有少少靭，切嘅時候有少少困難🙈最後，餐飲我地叫左兩杯凍檸茶。

最近行過荃灣發現呢一間性價比好高嘅西餐店!!價錢合理之餘,嘢食都好大份叫咗一個套餐，有田園沙律，蒜蓉包同餐湯！羅宋湯特別之處加咗蒜蓉，飲落就更加香口焗蠔$48 有4隻，超級抵食，每隻上面嘅芝士都可以做到拉絲效果作為餐前小食一流套餐揀咗香煎三文魚扒可以見到三文魚扒嘅份量都幾大！而且熟度適中切開三文魚可以見到入邊嘅肉係岩岩熟，帶微微橙色，魚肉吾腥，都幾嫩滑，旁邊配有番茄意粉同沙律！一份餐黎講絕對夠哂飽香煎澳洲牛肉眼今次揀咗燒汁！配有薯菜牛肉眼揀咗七成熟切開可以見到牛扒內裏粉嫩牛味夠香，帶微微嚼勁，肥瘦亦適中，吾會好多筋另外不得不提嘅就係焗西蘭花西蘭花覺得夠晒入味，有芝士香，而且底下成盤都係薯蓉，就咁食都已經夠晒飽肚，薯蓉打得夠晒綿密總括而言同朋友嚟食嘅話環境夠晒舒服而且價錢比較實惠！食物亦好大份，岩哂男孩子黎擦餐勁

此店在剛開業時試個一次午餐，最特別記得係此店有斧頭扒預訂。今晚在荃灣區 閒逛 ,突然很想吃生蠔。朋友介紹下這沙咀道難得有 生蠔吃的店。很欣賞賜店的枱嘅間隔無論是二人四人或者六日都可以凝聚在一起只要order 其中一款晚餐便可以享用十蚊一隻的特價生蠔晚餐都有很多款選擇， 傳統的焗飯意粉外還有一個扒類的晚餐牌法國海洋女神N1 $38 這款生蠔，蠔肉真的很飽滿，口感爽滑。帶子位非常清甜，群邊口感豐富，真的有如它名字的由來，清晰的裙邊形狀令人聯想起妙齡少女翩翩起舞時泛起的裙邊而名的海洋女神。 特價生蠔 $10半包打的特價生蠔當然沒有海洋女神那麼大隻，但性價比極高 ,海水味有，洗得也很乾淨一點沙殼也沒殘留焗厚切牛脷伴燕麥紫薯球主角牛脷酥軟不在話下 ,伴菜的紫薯球 竟然吸引到我考慮可否自己也弄一弄。 我敢肯定番薯是用上日本上盛的紫薯，甜而不膩，外層的燕麥 焗度脆度剛剛好 燕麥紫薯球有單點的焗豬扒飯簡單的一個焗飯也能顯示出廚師的用心，每一口飯都黏上番茄汁 ,芝士 焗到剛剛拉絲，又清曬了。

今晚去荃灣探完朋友之後，順便問吓佢附近有乜好食嘅餐廳介紹吓佢就介紹呢間，我就請佢同我一齊入去食返餐入到去見地方都幾寬敞舒適坐低睇餐牌d食物款式都幾吸引我哋叫左個晚餐和廚師推介來享用，而且還有我至愛生蠔叫，如果叫套餐還可以用優惠價$10叫一隻特價生蠔，每日唔同款，每一個餐最多叫一打。香煎澳洲牛肉眼扒：選左6成熟剛剛好，入囗好嫩滑，好香牛味唔使點醬已好好味，沙律配菜好爽。雲酥羊架：薯菜好脆，羊架都係選左6成熟，咬落好腍嫩滑可囗，跟餐蒜蓉包香脆惹味，凍咖啡，入口濃香咖啡味我哋每人叫左一打生蠔，今日係法國林寶生蠔，需然蠔身唔係好飽滿，尺寸大細都適中，但入囗蠔味濃帶子位鮮甜，有強烈的回甘，鹹鹹海水味帶d金屬味，以呢個價錢算係今次朋友真係冇介紹錯

很久沒去這兒吃晚餐，是日跟朋友到性價比很高之地方吃生蠔，非常期待大吃一餐～我們叫了兩個晚餐，一個意粉加半打法國品種生蠔。香煎澳洲牛肉眼扒非常抵吃*肉眼扒宜選帶少許脂肪的部位，這店就可以選出了這好吃的肉眼，再用心地煎出來帶油脂香和肉味濃郁，咬一口，感覺清爽有彈性。一般西冷會比較瘦，這個充滿口感的部位朋友也非常愛吃，令人覺得煎牛排都總是沒餐龐做的那麼好吃，要一提的為意粉份量很大喔。 BAKED RICE WITH PORTUGUESE CHICKEN葡國菜的傳統風格偏濃郁，而這個經典菜式葡國雞飯，正秉承了這一特點。黃薑是這葡式料理中不可或缺之調味料，加上嫩嫩雞肉呢，味道也非常香濃馥郁，令人無法抗拒。CABONARA培根蛋麵（意大利語：Pasta alla），同時亦是去西餐愛吃的菜喔，是一種義式麵食，常見材料包括蛋、乳酪、培根和朋友最愛的黑胡椒。 這店用之麵條有口感，味道也經典濃郁，實在吸引，令人很快吃清呢。 法國品種生蠔從美國東海岸到法國，市面上售賣的生蠔來自很多不同的地方，於幾個國家的生蠔品種，有不同之特色及口感，讓食客在吃生蠔的時候，能分出它們之不同～法國蠔蠔味軟濃，海水味重喔，朋友吃

肥妹仔聽朋友介紹話荃灣有一間西餐廳做緊斧頭扒加鹹豬手放題， 每位298蚊，限時兩小時任食36安士嘅斧頭扒同埋鹹豬手，仲有另外五款小食 無限追加， 飲品就係半價，睇落去都好吸引，所以就同咗肥爸肥媽肥家姐一齊去試下啦。我哋叫咗兩份斧頭扒同埋鹹豬手，斧頭扒真係好大份，係一塊木板嘅 size 。上到枱真係令到我哋成家都話咗一聲，佢斧頭扒肉味好濃， 肉質都算嫩滑，我哋叫咗五成熟，切落去仲有鮮嫩嘅粉紅色。不過可能因為太大塊嘅關係，所以避無可免之下都會有少少筋，但係總括而言都ok唔錯。 另外佢嘅豬手呢就應該係先烚熟然後再攞去焗，所以 外皮微脆，而內裏都軟淋，林豬肉味都好香，不錯。我哋仲另外叫咗餐湯同蒜蓉包，個餐湯係白湯，普通貨色，但係蒜蓉包就到好香脆，蒜蓉味都幾濃。小食方便我哋叫咗雞翼，芝士西蘭花，同埋炸魷魚圈。先講佢嘅雞翼，外表炸到脆卜卜，雞肉嫩滑，好好食。佢嘅芝士西蘭花芝士同白汁係冇手軟，好多好香濃，而佢嘅魷魚圈就比較普通啦，冇乜特別。

約左朋友去荃灣食飯，身為牛魔王嘅我地，一早book左食斧頭扒放題，大快朵頤一番。餐廳喺沙咀道，距離地鐵都有段小路程。門面係一般西餐廳格局晚市餐牌都幾多選擇，不過都唔係我地杯茶！因為我地預早訂左斧頭扒放題！每位$298，唔單止有36安士斧頭扒，伸有豬手同埋小食！見到有$10隻生蠔推廣，唔執輸又叫左兩隻試下。兩個紅湯加蒜蓉包，中規中矩，生蠔有驚喜，都幾鮮甜，$10隻好抵食。主角登場。大大份斧頭扒加豬手。以為豬手得幾小件，點知都好大份。皮脆肉嫩，夠皮，好食！斧頭扒要7成熟，剛剛好切落冇咩血水，肉呈嫩紅色，好有牛味又唔靭，推介。小食點左芝士西蘭花，唔記得影相，但有拉絲，濃濃芝士味，正。兩個人冇再encore已飽到上心口，性價比高！

今晚相約客户在荃灣區，佢知我喜愛吃豬手和牛，所以預早一天book左Artco.33的任食放題淨睇menu都覺得有D震撼！36安士斧頭扒+咸豬手放題，另加5款小食任食，限時2小時都只是$298,另外可以以$10一隻的價錢吃生蠔，飲品半價，真是非常超價先來半打生蠔$10/pc~每天新鮮到港，今晚是加拿大生蠔，本來沒有太大期望，畢竟只是$10一隻，但又意想不到，加拿大蠔肉質爽滑肥美，充滿海水味又鮮甜，絕對值得一試放題還包餐湯和蒜蓉牛油多士，可揀紅湯和白湯，不錯小食我揀了春卷，魷魚圈，芝士忌廉焗西蘭花薯茸和香辣炸雞搥。春卷的餡有蘿蔔碎和洋葱碎，炸得又香又脆，鱿魚圈的魷魚亦新鮮彈牙，炸醬好薄好脆芝士忌廉焗西蘭花薯茸~薯茸配芝士忌廉好滑好creamy, 加埋西蘭花好美味香辣炸雞搥~微辣，頗惹味登登登登！主角正式登場36安士斧頭扒+咸豬手~係任食ga咸豬手肉質好嫩滑和juicy, 皮亦非常彈牙黏口，好美味，蘸蜜糖芥茉汁一流斧頭扒記住order 5成熟或medium rare, 扒的表面焦香，裏面腍滑，正飲品半價~雪糕+日本十勝紅豆冰~日本紅豆又大粒又腍，加埋雪糕更加美味解渴黑牛~即可樂mixed朱古

幾個星期前肥雞同朋友去咗試下呢一間位於荃灣嘅西餐廳，聽聞佢個斧頭扒嘅份量好大咁肥雞梗係同老友挑戰下啦！其實佢呢個放題餐廳除咗任食斧頭扒同埋炸豬手之外仲有啲小菜，例如焗西蘭花炸魷魚圈等等，但係肥雞想留個肚去食呢個斧頭扒所以其他都冇乜點是到，肥雞嗌咗兩個斧頭扒一上枱嗰陣真係嚇親佢嘅肉汁燒得， 啱啱好但係有少少浴巾喺入面肉味都算龍，佢嘅炸豬手唔似一般好咋佢應該係搭過嚟再焗脆佢，仲未都幾朧嘅飲呢就唔包喜放題即係選擇入面要另計但係可以半價總括嚟講都可以一試嘅

通常喺荃灣搵食都會喺商場，比較少踏足去住宅區，不過有次經過見到呢間餐廳做緊一個好厲害嘅套餐，就係斧頭扒放題。其實計落條數，呢一餐同普通放題都差唔多價錢，加上又可以食牛扒同豬手，所以就膽粗粗試一下喇。一上菜嘅時候真係尖叫咗出嚟，我同女朋友兩個人都未試過食一塊咁大嘅扒，仲要加埋只豬手。淨係個賣相已經贏曬，最啱攞嚟打卡用嘅。斧頭扒我哋配上咗黑椒汁。斧頭扒處理得恰到好處，咁大塊都唔會好韌，而且都有唔少肉汁，都幾好食架。反而豬手先係重點，我覺得豬手炆得好腍。佢係做到入口即溶嘅感覺。我成日以為入口即溶都會有代價，就係有好多肥豬肉，不過呢件豬手整得都還好，唔會太肥膩，值得一試。講到明係放題，職員話嘅，如果成碟食哂嘅話，佢會再補上一整碟。我食完一碟已經投曬降啦，但係我見到隔離枱真係叫多一碟，佢哋真係厲害。另外呢個餐都送的餐湯同埋蒜蓉包，不過不失啦。除咗斧頭扒同豬手之外，佢哋都仲有幾個餸係可以任食嘅，噉我隨量叫咗兩個，第一個係雞錘，值得一讚係佢嘅伴碟都非常之靚仔，唔會話因為任食求祈上菜，一客四件都係唔錯嘅，味道少少辣辣地。另外一個係雞絲沙律，雞絲分量都多，食落清爽。總結嚟講，呢度係一間食肉獸必去嘅地方。

為左迎接新同事，於是就去左食西餐😂 而見對比同區的西餐，尼間cp值較高。中午大約一個人60～70蚊，要每個餐都會送一個忌廉湯同牛角包。 其實係幾特別，會送牛角包。但個牛角包烤得唔夠香脆。牛油味亦不夠濃。但佢既主食比到驚喜我。我叫了一個雜扒餐，扒既份量好多，一個人完全食唔晒。有雞扒，豬扒仲有香腸。而我揀左洋蔥汁，配上意大利粉，真係好正。係忙碌既工作之中可以嘆到咁正既午餐，真係好開心。下次會再試其他餐，同事說焗豬扒飯，天使麵都不錯！

最近上網見到荃灣呢間餐廳做緊斧頭扒放題 形式好特別於是就同朋友去食下 啱曬我哋呢啲食肉獸夜晚嚟到人唔太多 但都係衝住呢個斧頭扒放題而黎 首先會有餐湯同餐包 同一般西餐無異 個人比較喜歡羅宋湯 酸酸辣辣夠惹味 喺餐廳煮緊斧頭扒拼豬手嘅同時 可以叫住啲小食食住先 香辣炸雞槌 白汁芝士西蘭花 沙律等等 都係全部任食 最特別係白汁芝士西蘭花 下面仲有薯蓉 白汁芝士做到拉斯嘅效果 而且非常creamy 主角斧頭扒嚟到真係超級無敵大 塊扒足足有一吋半厚 而且仲大過我成塊面好誇張 叫咗五成熟切開都唔係好多血水 呈淡淡嘅粉紅色 證明生熟度到啱啱好 咬落juicy而且有炭燒味另外嗰餐會配埋豬手 豬手用蜜糖燒烤過 甜甜地唔太油膩好食 兩個人食一份已經飽咗無能力再追加～

之前一直想見識吓斧頭扒上枱嘅震撼，對我嚟講價錢都唔平，終於搵到一間價錢勁親民嘅西餐廳喇，每位只需要$298+1，就可以喺兩小時内任食斧頭扒+德國豬手及5款小食，而餐飲一律半價。為免浪費，餐廳要求食客食完一份先可以Order第二份。整體感覺唔錯，上菜速度正常，無因為任食而拖時間，餐廳亦唔會多人嘈雜，職員亦好有禮貌，最重要係食物味道好。提提斧頭扒放題需早一日預訂，最少要兩位享用。我哋大概七點到，餐廳安排一個Coner位比我哋。唔食放題，晚餐都有好多選擇，而斧頭扒亦可以就咁叫一份。每位會有一份餐湯同一塊蒜茸包，餐湯有紅湯或白湯選擇。斧頭扒製作需時，等候其間可以叫啲小食，脆炸春捲，胡麻雞絲沙律，芝士西蘭花，脆炸魷魚圈，香辣雞槌，呢5款小食都係任食。脆炸魷魚圈，我哋兩個人每人兩件份量啱啱好，又脆又熱，唔會係咬極都咬唔斷嗰種。芝士西蘭花，呢個好好味，靈魂在放西蘭花下嘅芝士薯容，又香又滑，嗰種飽肚感真係好滿足，啱好似我呢種唔怕漏嘅人。無上限$10生蠔，兩款質素都好唔錯，好抵食。主角出場，五成熟嘅36安士斧頭扒+鹹豬手出場。扒嘅厚度大細2cm厚，色澤嫩紅，充滿肉汁，好juicy。豬手嘅皮亦唔韌，少少嘅