雅高·33

营业中

休息中

今日要去荃灣攞野俾個客，所以順便係度食埋晚飯先走。係荃灣寶石大厦附近睇下有咩岩食，點知俾我見到呢個牌我即刻雙眼發光😍😍😍😍因為呢個價錢黎講係餐廳食真係唔算貴😜平時去蠔吧食蠔都要四十幾蚊起跳，呢度十蚊起跳，真心抵食嘅。❤️跟住個身體就不由自主咁走左入去🙈今日個客幫我買左好多野😆，所以我决定今日食好啲獎勵下自己。餐廳晚市套餐有兩張。一張係主打平民啲嘅，價錢由68蚊起包湯包餐包仲有野飲跟。另一張一樣跟多個沙律，而個主食食材亦會高級啲，價錢由178起。我覺得佢迎合到大眾嘅需求，岩晒一大班朋友，有啲想慳錢食平啲，有啲唔介意錢想食好啲，唔會因爲食物上嘅追求唔同而煩惱。❤️而我發覺佢晚餐本身已經包好多野所以我打消左叫生蠔嘅念頭🙈，因為我都驚自己食唔晒。最後我揀左B餐 熊本霜降牛西冷餐湯可以揀白湯或者紅湯，我揀左紅湯。羅宋湯入面有好多蔬菜，而味道酸酸甜甜岩岩好。蒜蓉包焗到啲邊脆卜卜但中間係軟熟嘅，而且蒜蓉味好夠。👍🏻沙律份量唔算好多，食落新鮮、爽脆，配黑醋汁。熊本霜降牛西冷 $198可以選擇跟白飯/意粉或者薯菜。我揀左跟薯菜。薯條係粗薯條，炸到脆卜卜❤️配菜沙律就跟芝麻醬。哈哈，試左兩隻唔同味道嘅沙律。

今日黎到荃灣呢間感覺平民小小既西餐廳呢度冇華麗既裝修 走簡單撲素既風格所以套餐 食物有著平民既價錢好多一家大細都book位黎食飯晚餐有兩款套餐一款貴d 食靚排類一款平d 食意粉意大利飯我地試左貴價小小既排類餐湯係mushroom soup 有一粒粒既mushroom粒食到有口感 足料 點個garlic bread 食 好香脆叫左個香煎三文魚排 配意粉$178三文魚排煎得幾好食 肉唔會一吉就散煎得幾有油香 意粉好有驚喜 夠濕既番茄意粉意粉份量好夠呀 多到我女人仔都食唔哂～沙律🥗有麻醬 好開胃食完個主菜都勁飽包野飲 好抵其實叫意粉果d $100令蚊都落到樓！試左男友叫既熊本霜降牛排$198 7成熟呢款牛賣點係油脂勁重 好易咬 入口即溶 冇咩筋 但對比起黎牛味比起美國澳洲應該冇咁重～ 中意油脂重既朋友仔可以試一試另外叫左$10生蠔4隻有小小海水味 勁Creamy ！好抵食一人食2隻

今日想食西餐同朋友行過就入咗去呢間西餐啦。竟然有意外驚喜。 見到西餐係主打食生蠔而價錢都好抵食又有唔同嘅選擇。可惜朋友唔食生蠔，所以就冇叫到啦。 雖然朋友唔食生蠔但係我哋都叫咗一個特色焗蠔。佢嘅做法好特別，面頭嘅芝士啱啱好熟溶溶地熱辣辣而內面就keep到生蠔嘅鮮味好新鮮。如果下次自己黎就一定試吓佢哋生蠔。而佢哋第二個主打就係牛扒，所以我哋就叫左澳洲肉眼扒。價錢相當抵食。牛扒套餐可以揀薯菜或意粉而汁醬方面亦都有唔同撰擇。份量好名同多肉汁。最後我地叫左個佢哋餐廳嘅拼盤。通常出面拼盤都係一啲小食拼盤但佢哋嘅雅高拼盤就有燒排骨食 ，而價錢都唔貴而我最欣賞係佢啲懷舊飲品。而我地都叫左個雪糕紅豆冰。總結而間餐廳性價比都好高。

之前有朋友向我推介呢間西餐廳，話佢份量好大，味道又唔錯，咁岩去開荃灣嗰頭就去試下啦😊晚餐嘅話佢有兩張 dinner set menu，兩張嘅價位都唔同，平貴都有唔少選擇～前菜有沙律、餐湯 (忌廉/羅宋湯) 和蒜蓉包～ 蒜蓉包烘得幾香脆，好味～德國咸豬手配蜜糖芥茉汁 $208 (+10%）店員一放低豬手嗰陣我同朋友都呆左呆😦 好大份呀，有兩大件豬手!!! 咸豬手好入味，肉質又好嫩滑😋 配埋酸酸甜甜嘅蜜糖芥茉汁幾清新醒胃😛 佢嘅豬皮亦整得唔錯，口感比較煙韌，好多時係其他地方食嘅豬皮都燒得太乾硬啦～美國安格斯CAB級牛肉眼扒 $248 (+10%)肉眼扒方面我地揀左7成熟，肉味濃郁，因為佢都有唔少肥肉位，所以成塊扒嘅油香味都幾濃😆 醬汁方面可以選擇燒汁或者黑椒汁，我地選擇左前者，同肉眼扒嘅味道都幾夾～整體食物質素都唔錯，份量真係超級充足，我跟朋友兩個人飽到捧住個肚都食唔哂呢🤰🏻🤭

放工約了家姐食飯，經過雅高被$10隻的特價生蠔廣告吸引，便進餐廳一試。我們點了德國咸豬手配蜜糖芥茉汁套餐($208)，跟餐有餐湯、沙律、蒜蓉包及餐飲一杯。豬手即叫即整，一上檯香噴噴的肉味及香烤味。豬手份量多，外皮香脆，肉質嫩滑咸香，油脂豐富，非常吸引。點了啤酒配咸豬手，正。🤤另外點了意式芝士薄餅($88)，薄餅底夠香脆，配上濃濃芝士及蕃茄，值得一試。 最後我們點了4隻特價生蠔，以$10隻的價錢來說，生蠔新鮮，有海水味，無可挑剔。

We came here for dinner tonight and we found this restaurant has so many choices for the western food. We ordered the top quality USA ribeyes steak and a chicken pizza with set (soup, bread and drink are included). The steak was so nice as it contains 16oz with rice or potatoes. The chicken pizza was amazing as i didn’t think that it could be that chippy The dinner cost us around 400 hkd only and I think it’s very reasonable with this quality.

放工好攰唔想煮飯🙈同老公去屋企附近搵野食！行過荃灣寶石大廈見到間西餐！俾佢$10隻生蠔既廣告牌吸引左入去😆主要晚餐有2款set menu! 一個高級版一個平民版🤣每個set都可以加一打生蠔😎Set menu跟餐湯同蒜蓉包🥳食正餐前先上生蠔🤗望落生蠔都幾肥美！呢個價錢當然唔會expect 食好高級好鮮甜既生蠔啦！但佢絕對值甚至比$10更好味！雖然都有腥味但啲海水味都cover 到！加多啲檸檬🍋更正！我地叫左個焗豬扒飯！佢地用不銹鋼上碟！都幾熱下！大家食要小心！茄味濃郁！不過略嫌啲飯有少少濕 不過整體都好好味！🤤我地清曬全碟🤩然後叫左個香濃牛肉pizza! 認真呢個好好味好有驚喜！🤩可能平時好少食pizza加牛肉既配搭😊佢係好薄身好脆果隻pizza 所以唔會太濟😇牛肉味同芝士味都好香！讚！我地仲加左錢要特飲！一杯咸柑桔下火！同埋一杯檸七😎

兩大一小，order左一個牛扒餐一個羊架餐，再加12隻特價生蠔，本身對d生蠔都無乜特別期望，試完之後有驚喜，鮮甜！牛扒order左5成熟，羊架7成，係有跟住做，唔會hea您既👍🏻百幾銀一個餐黎講，都算係咁，唯一缺點係份量有d少。

口痕痕想食蠔又想食扒發現呢間有蠔食得嚟又唔貴就同隔離果個去試下一入到去即嗌半打蠔試下太心急食關係食完先醒起冇影到相😂以$10隻嚟講都ok 有海水味唔腥唔臭但以呢個價位嚟講唔好期望太高啦佢仲有其他價位的蠔揀$10隻係要嗌咗個餐先可以以呢個價食到仲有烤蠔可以嗌但驚食唔晒冇嗌到同隔離果個嗌咗一人一個牛扒餐試下先會有餐湯同埋包，冇乜特別包唔算脆有少少腍呢個叫白雪公主😂其實只係七喜加球雲尼拿味雪糕主菜係牛扒都幾多筋下有啲難切薯菜嚟講都ok薯條如果可以再脆啲乾身啲就好佢個汁係另上比你自己點以百幾蚊個餐嚟講算係咁啦

同事推薦這間西餐廳，慕名前往，幸好有位。店內裝修整潔，頗有特色，侍應有禮熱情，第一印象不錯。午餐有多款選擇，挑了葡國雞芝士焗飯，送餐湯，牛角包，熱飲，非常豐富。好快熱辣辣的焗飯上枱，味道略嫌過咸，但貨真價實超多芝士絕不欺場。因為飯够熱，芝士仍可呈理拉絲狀態。而飯的處理也相當好，做到粒粒分明，軟硬適中，没有糊口。焗飯加餐湯再加餐包，分量很大，女士吃絕對飽到撐胃。索價五十四元，收費進取，但物有所值，誠意推介。

早兩日放假,去咗樂富食咗個貴貴地嘅全日早餐,今朝番工,都想食番個豐富早餐。呢度裝修以工廈風,天花有5把舊式風扇,風力唔會太大,坐位唔多,但位同位之間,都幾近。早餐有8款,今日揀咗個吉列龍脷柳+煎蛋白+煙肉,配牛角酥, 沙津菜。龍脷柳-係即炸,夠熱,皮脆內軟煙肉 - 唔係合成肉,ok煎蛋白-可畀啲唔食蛋黃啲人多一個選擇,抵讚牛角酥-唔算好酥皮,都有少少牛油味整體嚟講,個餐以這個價,都算可以接受,尤其係牛角酥,其他餐廳要加錢轉配,呢度係跟餐

今日公司有野要要去荃灣工廈，做完野出返大街見到有間叫artco33好吸引，又有做$10隻蠔，於是諗都唔諗就入左去食。我同同事叫左蟹蓋意粉，澳洲牛肉眼，黑松露薯條加埋半打蠔，最後仲試埋佢個手工啤。首先先講個蟹蓋意粉，好creamy同好濃忌廉味，蟹蓋好多膏。之後個牛肉眼，廚師控制生熟得非常好，一啲都唔乾，塊扒又夠厚，啖啖juicy，配埋麥香極重的手工啤，一流。黑松露薯條足料，好大份量。最後個重頭戲生蠔，生蠔雖然$10隻，但海水味濃，肉質又飽滿，價廉物美。總結而言，artco33環境坐得舒服，食物質素好，價錢亦合理。

今次呢間餐廳喺荃灣區，餐廳環境大，感覺係舒服嘅！食物方面，我見到一個放題套餐，係大大塊嘅斧頭扒同埋鹹豬手。兩樣嘢都係我鍾意食嘅嘢🥰所以就試吓呢個餐得唔得！🌻斧頭扒其實一見到咁大塊嘅斧頭扒，我真係忍唔住要同佢合照幾張相！我都係第一次食咁巨型，諗住佢質素唔知得唔得嘅時候，點知食落去又真係唔錯喎！咁大塊嘅扒都可以煮得平均，唔會太熟，味道適中，值得推介！🌻鹹豬手表面夠脆，肉質不錯👍🏻其實除咗呢兩樣野之外仲可以任叫小食，所以我都叫咗薯蓉雞鎚嗰啲，兩個人真係食到捧住個肚走！

大件夾抵食！🤤🤤🤤🤤平時食扒餐都起碼百幾蚊起跳☺️☺️☺️呢到$68就有一個雜扒餐啦🙀🙀🙀🙀有埋餐湯同餐包👏🏼👏🏼👏🏼而且份量都唔細嫁貴少少既仲有豬手餐 $188但就有2隻豬手平時出面既豬手餐都係得一隻豬手✋🏻✋🏻另外仲叫左法式田螺焗薯茸🐌🐌🐌同英式炸魚薯條🍟🍟🍟🍟小食既價錢就around $4x-5x唔算特別平 但味道都好正常👍🏼👍🏼👍🏼👍🏼

其實荃灣長期都好多人冇book到位真係唔容易食到野呢間雅高33唔近商場/食肆area以搵位黎講難度唔算高所以諗唔到食咩嘅時候就黎左呢間 haha佢嘅湯同野飲就真係一般但佢嘅薄餅係好食嘅佢做到夠薄夠鬆脆嘅質感佢料唔算好足 但同時唔會令人感覺膩而且唔會覺得好干身所以黎親都會叫薄餅 意粉質感okay適合港人口味啦 佢唔係屬於好彈個隻但個汁match得幾好味不過其他野係只屬於不過不失嘅扒就唔太suggest, 因為通常都會比你想要嘅更熟