雅苑餐廳 (豐利中心)

营业中

休息中

最近香港天氣突然轉冷，最好不過就是打邊爐了，這個豬肚雞鍋份量十足，湯底濃厚好味道.雞肉十分之細滑,豬肚也十分之入味.餐廳環境佈置舒適明亮，冷氣足夠，店員也熱情地招待，介紹當日時令菜式.各醬料也可以讓自己自由地配搭，可讓大家可以享受這一個晚上.鮮蝦雲吞，爽口彈牙，加上雲吞是自家製的質量控制比較好.手打蝦絞，用料十足，配上濃厚的湯底，簡直是最佳的配搭.這個鱔片，顯示出廚師刀工犀利，薄薄的魚片，大概10秒經已完全熟透.

朋友觀塘返工，帶我去了開源道雅苑餐廳食雞煲加火鍋，初初以為係普通茶餐廳，但原來個雞煲真係好食喎，而且個雞煲冇咁辣，就啱晒我。晚飯時間七點左右都多人，但好在都有位。今次嘅鮑魚雞煲有四隻鮑魚、半隻雞，兩個人剛剛好，鮑魚夠晒入味，個雞煲好香，啲洋蔥又好甜。之後就轉食火鍋，叫咗脆肉鯇魚片、娃娃菜、竹笙、雜菇拼盤、豆腐等。朋友好讚賞豆腐，因為煲完之後都仲好完整唔會散晒，食咗咁多肉，之後食返啲蔬菜類可以中和下，冬天最啱食火鍋，一邊食吓嘢，一邊傾吓計。

餐廳位於觀塘最繁忙既開源道，鋪頭光猛，空間大，座位闊落。呢到日頭主打茶餐廳快飯及魚蛋粉等等食物，夜晚就轉做火鍋，當日入座坐滿七成人，枱枱都係食雞煲，勁香。由於用餐前一晚都打左邊爐，想食清淡小小，所以嗌左醉雞煲，前菜時店員會先上花雕湯底，湯底以花雕酒及紅棗、桂圓、黨參及當歸等藥材，飲落清清甜甜，十分滋補。試完湯後可入加醉雞打邊爐，雞件皮滑肉質爽彈，有雞味，略嫌調味可以咸小小，可能我係重口味人。雞煲仲會附送一碟生菜，抵食。火鍋料叫左手切肥牛(大)、炸響鈴、萵荀、出前一丁。手切肥牛切得夠厚，食落有牛味，肉質腍滑無渣，一碟份量都幾多，兩個食肉獸食岩岩好。其他火鍋料就正常，勝在所有野都新鮮，萵荀爽脆無渣，炸響鈴係來貨，但食落無益味。食到咁上下叫杯特大檸檬茶飲，勁大杯，檸檬多，茶味夠，兩個人分岩岩好。整體質素唔差，而且價錢實惠，下次可以試下麻辣雞煲，見隔離枱食香口惹味好吸引。

📍雅苑餐廳 (觀塘)天氣凍食下雞煲🍲。呢間餐廳主打雞煲，口味選擇都唔少。胡椒酸菜豬肚口味好啱冬天食😋，配邊爐料都好正！🍗胡椒豬肚雞煲 $228一開頭唔會好濃，不過會越煮越香越辣，仲好暖胃🥰。分開幾次加雞件，唔會煮到嚡晒。🥩手切肥牛 $168肥牛比較厚身，味道濃郁，脂肪部份特別香。🦑墨魚滑 $68味道鮮甜，仲有粒粒爽脆嘅墨魚肉。質素好高！🍄什菇拼盤 $48📍雅苑餐廳 (觀塘)觀塘開源道54號豐利中心地下3號舖

終於到了凍冰冰天氣，當然就要食滾滾下的雞煲啦！一上菜麻辣雞煲炸炸聲，麻辣香氣令人食指大動，最令人讚好是可以剔走芫茜，只點了半隻都食極都有，份量十足，洋蔥炒得很香很有獲氣，雞件香口入味，不會太辣又夠麻香味，合我口味。食完雞煲後加清湯就開始打邊爐，點了手切肥牛，不會太肥，很有牛香味，必食！雙拼丸很好，可以自由選擇，點了牛丸和貢丸，還點了至喜愛的水魷魚，黑栢葉和芋絲。全部性價比都很高，大大碟。朋友點了個珊瑚蚌，估不到淥完後這麼爽口，很驚喜！邊食住邊爐再邊飲大大杯的檸檬茶真是十分爽！冬天可以食到雞煲加邊爐，很滿足的晚上！

呢間餐廳係我舊公司樓下，之前都有食開呢間既lunch, 好好食，大份又滿足。晚餐就未試過，今日同舊同事聚舊，就想試下呢間既雞煲。😁環境就一直都坐得咁舒服，地方夠大，員工都幾nice, 唔會好似其他茶記粗聲粗氣😂連晚餐食雞煲火鍋都好正！👍🏻👍🏻麻辣雞煲 ($280 1隻)本身我話2個人食半隻都夠，但舊同事係雞煲控，佢堅持叫1隻😂咁唯有叫少d餸。個醬汁好香濃，係超級入味🤤雞都好滑，再加上好多配料爆到好香，呢個雞煲簡直無得頂！👏🏻我地叫左BB麻BB辣, 呢度好好，有得揀麻度同辣度。就算我地只係叫BB麻BB辣，個味都勁突出，食得到之餘又好過癮😝手切肥牛 (大 $138)呢碟肥牛一上枱就勁吸引，擺碟超靚，佢係捲埋出黎，好有心😍個肥牛紋係好靚，而且望落都好鮮，紅卜卜。一煮熟完放入口，真係嘩一聲，勁爽口，又好滑，又超重牛味，正到不得了！😝食唔停口！黑豚豬肉 ($58)呢個擺碟都好靚好吸引，質素都好高！肉質完全唔鞋，好滑，而且有小小入口即溶既感覺，但又唔係食緊肥膏位，神奇地咁好食！🤤🤤

今日天氣好涷，同男朋友行完街好想食雞煲，所以就去左屋企附近食。呢間餐廳位置好方便，坐得舒服夠闊落。我地叫左半隻麻辣雞煲，因為唔係好食得辣，所以叫左BB辣，雞煲嚟到好大份，超香，好多件雞，食落滑嫩，而且好入味，真係食唔停口。食完雞煲就加水打邊爐，我地叫左手切肥牛，墨魚滑，西洋菜仲有響鈴。肥牛細份都夠多，唔會好薄，食落牛味重，幾好食！ 墨魚滑好有驚喜，食到粒粒墨魚係入面，超足料。響鈴炸得夠脆，浸住湯食外脆內軟一流！ 冬天嚟食真係個身都暖好多，下次要要encore！

最近天氣咁凍，緊係要食雞煲打邊爐～ 今次去咗觀塘雅苑餐廳，環境地方是正光猛👍🏻 伙記人手足夠，仲有兩部大電視機睇～麻辣雞煲(半隻) $180雞煲半隻味道麻辣惹味，雞件香滑，食到差唔多加普通豬骨湯打邊爐～ 想要特別啲嘅湯底都可以再揀～美國雪花肥牛(小) $118肥牛份量都幾多下～ 薄切肥牛入口軟嫩，夾埋金菇一齊食就至夾啦😋脆肉鯇魚片 $75鯇魚片啲骨比較多同長要小心啲食～魚片口感好爽口～紅薯粉 $28最後食反碗彈牙紅薯粉今晚就暖粒粒圓滿結束啦～🥰🥰🥰

位於觀塘開源的餐廳 環境寬敞 係門口已經見到麻辣雞煲的招牌我地叫左奇味雞煲 可以揀麻度同辣度 我地淨係揀左BB麻同BB辣 另外再揀選 洋蔥 芫茜的份量 當然要超多洋蔥 因為洋蔥可以好索雞煲汁 半隻雞的份量 都唔少 另外有勁吸汁的厚豬皮 有足夠的薑 所以好夠香食完雞煲當然要打邊爐 火鍋配料勁多 手切牛肉都好吸引 但可惜我地二人食量有限 所以都係叫d基本野 餐廳仲好窩心幫你調埋醬汁 唔使自己整 仲好惹味 黑豚豬肉 薄切 好快熟 吸到雞煲的味 剛剛好雙併餃子 有魚皮餃同鮮蝦雲吞 勁爽口丸類都可以有好多配搭 墨魚丸同魚片頭 都好彈牙另外少不了雜菇同生菜 打邊爐配埋特大杯凍檸茶 涼返下 勁爽 食完成身暖晒

餐廳座位闊落舒適，主打雞煲邊爐，邊爐配料選擇好多，多款海鮮，肥牛，丸類，蔬菜~ 仲有羊腩煲，小食等等~雞煲就已經有5款可以揀，其中一款係鮑魚雞煲😍😍😍 因為前一日啱食完雞煲，我最後就揀左打邊爐😋 手切肥牛油脂分布均勻，牛味香濃，2個人食揀大份都可以，我哋揀左細份，食完仲想再食👍🏻丸類都唔錯，我哋揀左牛丸同墨丸，口感彈牙，味道香濃👍🏻仲有好多款海鮮供選擇，鮑魚、海蝦、珊瑚蚌、蜆、青口、桶蠔、桂花蚌等等~ 啱晒鐘意食海鮮嘅人~

❄️天氣突變地下降, 好想食下火鍋暖下身, 見到呢間係馳名雞鍋, 即時覺得胃口大開 🥰但礙於朋友仔唔食得辣, 所以叫個清啲嘅火鍋湯底頂下癮先😋🌟餐廳環境闊落, 以卡座為主入坐後, 店員隨即送上熱水及餐單💕食品款式選擇超多元化, 而且價錢貼地👍🤩餐單上標榜住火鍋鍋底係即叫即做, 食材新鮮., 所以有某些食品是限量供應的🧂調味架選擇雖然唔算好多,但基本大眾化最喜愛嘅調味料都有, 我個人最欣賞係辣椒仔, 因為夠新鮮, 香辣味夠濃😍🍲香茜皮蛋下火濃湯鍋 $58湯鍋內有多片生薑片,足料嘅香茜, 皮蛋,豆腐, 令到成個湯非常清甜,先飲番碗熱辣辣嘅渴, 又夠禦寒😍🐮手切肥牛 $168手切肥牛厚薄度適中, 油花分佈及色澤鲜明, 肉味濃厚有咬口感😋🐷黑豚豬肉 $58肉質上乘, 脂肪與肉質分佈均勻, 冇油膩口感, 份量十足👍💥唐生菜 $38 鮮嫩脆口💥芋絲札 $22 QQ爽彈💥魚皮餃 $48 餃皮厚身有咬口, 肉質餡料夠肉香⭐珊瑚蚌 $108肉質新鮮勁爽口😋

12月聖誕第三彈，收工後約了去食雞煲兼打邊爐。想不到觀塘這間餐廳選擇那麼多元化，裝修夠光猛，而且有不少卡位。雞煲 🐤 雞煲有5款，可以按自己喜好選擇辣度、麻辣度及配料份量。選擇了BB麻和BB辣的麻辣雞煲，麻辣度剛好，不愛麻辣的朋友也接受到。雞煲用了多種配料，加上紅椒、青椒🫑，十分香口惹味。火鍋🍲食到差不多，就叫店員加湯轉火鍋。餐廳除了海鮮，還有肉類、餃類、丸類、小食和粉麵等。不食雞煲亦可有幾款湯底選擇。配料鱔片是每次打邊爐🍲都會點的食材之一，爽口味鮮。生根一大碟，份量十足，變軟身後軟滑入味。萵苣十分爽口清脆，微帶甘甜。雙拼餃🥟有雲吞和魚皮餃，個人比較喜歡雲吞，皮薄蝦爽。

天氣開始轉涷，又係時候食雞煲，今日嚟咗觀塘一間茶餐廳，估唔到都有雞煲食，甚有驚喜。餐廳提供嘅選擇都唔少，有唔同火鍋底，有麻辣、鮑魚、甚至胡椒豬肚，我就揀咗奇味醬，有芫茜、洋蔥、薑調味，食落小小麻辣。兩個人食我哋就叫咗半隻雞，留肚食其他餸，半隻雞都有雞髀、雞腳、雞頸等，隻雞肥瘦適中，好肉地唔肥，雞煲仲加咗豬皮。食完雞煲，加湯就開始食火鍋。我哋先試咗珊瑚蚌，幾有咬口。火鍋必備炸魚皮同豆卜，分量唔少。想健康啲叫咗娃娃菜，發現餐廳非常慷慨，食到好滿足。打邊爐梗係唔少得唔同種類嘅丸。我哋叫咗墨魚丸、海膽丸、貢丸同芝心丸。冇令人失望，好重墨魚味嘅墨魚丸。第一次食海膽丸，竟然食得出鮮味，非常驚喜。芝心丸可以成功拉絲。貢丸亦都食到濃郁嘅豬肉味。見火鍋底少少辣，即刻順勢叫咗萵筍，同湯底非常之夾。唔夠喉追加咗黑豚豬肉，肉質軟稔。油脂感十足，點醬食一流。擔心熱氣，我哋叫咗兩大榨竹蔗茅根，三十幾蚊一榨，非常抵玩。

座落人來人往的開源道，深受觀塘上班人士愛戴🥳 早午市提供茶餐廳菜式，晚市主打雞煲及羊腩煲🔥 提供多款火鍋款式、配料及小炒，價錢中等，食物質素很不錯，最適合冬天享用👍🏻 餐廳空間闊落，環境乾淨企理，座位寬敞舒適，好熱鬧 有氣氛，適合一班朋友共渡歡樂時光🍻晚市二人消費：$547 🫧不設加一服務費🫧═ ═ ═ ═ ═ ═ ═ ═💖💖💖食評💖💖💖𝑭𝒐𝒐𝒅雞煲套餐(A) ($288)✨-🍲奇味雞煲 (半隻)(小辣)✨推薦！雞肉嫩滑又入味🤤 醬汁調味十分香濃惹味，適合不吃辣的朋友，配上豬皮、紫洋蔥、芫荽、蒜蓉、薑片，豬皮滲透醬汁 非常好味🔥 半隻雞份量足夠二人享用👍🏻 特別一提，芫茜及洋蔥可以選擇份量🥩美國雪花肥牛 (細)✨薄切肥牛，肉質嫩滑😍 🧆魚皮餃拼丸子 (芝心丸、蟹子丸)✨ 🥬時令蔬菜 (唐生菜)✨ -🐟脆肉鯇魚片 ($75/8片)✨推薦，鮮味十足！魚肉爽口彈牙🐙墨魚滑 ($68)✨推薦！口感嫩滑又彈牙，好好味🍄什菇拼盤 ($48)✨四款菇類，份量好多🍜日本烏冬 ($30)✨煙靭彈牙，滲入湯汁，非常美味😋𝑫𝒓𝒊𝒏𝒌🍶酸梅湯 ($38/榨)✨酸酸甜甜， 十分解膩

在觀塘一帶返工，經常經過雅苑餐廳，今晚就與同事到來食。餐廳有馳名雞煲及多款的火鍋湯底，最吸引我的是馳名麻辣雞煲，雖然可選辣或不辣，但礙於同事暫時不食麻辣，所以最後要了個香茜皮蛋下火濃湯$58，湯底有頗多的芫茜及皮蛋，當真夠下火。手切肥牛$168 手切肥牛大理石紋，手切不厚也不太薄，所以食時有口感，入口軟腍有牛味。台山肥蠔$128台山肥蠔雖然不是很大隻，但數量頗多，隻隻都頗肥厚，軟滑帶鮮。脆肉鯇魚骨腩$98脆肉鯇魚骨腩上抬見到已知道新鮮，面上一排的都是魚腩，底下有幾件是魚脊骨，頗抵食的。脆肉鯇很爽脆，食到魚腩部份更是特別油香。鯪魚滑$68鯪魚滑伴有芫茜、蔥的香，令魚滑味道更有層次。整體價錢平民，質素頗高，有機會帶家人來食。