影片
食记 (14)
时代变迁，系呢个洪流里总会有被淘汰既事物。相信你同我既回忆里面，总有几间特别难忘、又偏爱既餐厅。今日要介绍既「鸡脾意粉」，正正就系一间陪我成长既老餐厅餐牌内既特价饭。由小学到中学，直至我投身社会既今日，一个月都总会有几日会光顾。面对时代巨轮，商场加租，由早几个月前既签名支持续租行动时，老顾客们都早已经心中有数，小本既经营始终都挨唔得太耐。老餐厅终于要在今月月尾光荣结业。说实话我真系非常唔舍得，无奈唔只得我，相信仲有一班老伙记、老顾客，朝见买面包，晚见撑櫈脚，足足支持左十几年。以表诚意，最后想正式地记录底呢间餐厅。数十年间装修过几次。门口这种要捐入去的收银台，由小到大都给我一种门诊护士坐里面的感觉，现在我大概称之为「旧式收银」设计。还记得入口曾经有一幅香港夜景，但如今已经拆下来，继而换上一张张色彩斑斓既餐纸。四面墙连天花板都贴满餐牌，将会系我对呢间餐厅最后既印象，非常鲜明又突出既记忆。～【时而鸡脾意粉、时而双肠全翼意粉】这两款大概是我最常叫既特价饭，价钱不贵（相比集团式餐厅），而且非常丰满，保证一定饱。而小时长高就系要靠呢啲高卡食物，所以现在非常健康、牛高马大！仔细介绍番个特价意粉：呢间餐厅既意粉唔系个种白烚完淋茄汁上去既餐，而系烩过、橙身既面条加上热辣辣既茄汁，相当入味，令人满足。而鸡脾、鸡全翼均可以选择炸或卤水汁。而我必选后者。多少都因为儿时既情意结，细个游水后系出面食卤水脾真系好好食。呢间餐厅做到个种回忆中既卤水脾味道，所以必食！最后讲下个小配角啦，有主角就要有配角，所以无肠就加肠也是个梗。厨士肠用茄汁同蜜糖浆烤过，所以味道系甜甜地，后劲系厨士肠既咸味。唔识形容喇，茄汁奴必CALL之选；烧烤无肠不欢既你，必选。温馨既提示：要试就衬快喇！另外，堂食价同外卖价唔同，要食平啲就买番屋企食，足足平HKD10！但系呢，堂食就大碟啲同新鲜啲，识食既你识拣喇。最后，多谢呢间老餐厅带比我好多回忆。感激！
继续阅读
朗屏商场依家由领汇翻修，作为朗屏的老字号雅苑都环面临管理公司的强权既威胁! 朗屏既舖租也愈来愈贵，还不知呢间老字号还可坚持到什么地步！老居民既我当唔希望呢间由细陪到我大的餐厅因而消失！叫左个茄汁鸡脾意，意粉的硬度适中，每条意粉都有茄汁的味道！鸡脾系鼓油脾！再配上可乐，完全系下午餐的一大选择！作茶餐厅，讲味道就绝对比不上大餐厅的大厨，不过佢既茶餐厅风味还是我们朗屏既一大特色！
继续阅读
近日热到完全唔想煮野去左朗屏雅苑茶餐厅度买外卖嗌左 北姑鸡饭 烧卖 细皮蛋粥都系23蚊！！！抵到烂北姑鸡饭不过不失，d鸡件都算多，系滑既，不过饭就硬身左d烧卖就几大粒，都算弹牙，不过皮就厚左ｄ细皮蛋粥都几足料！！！粥底又够绵！！！正23蚊既份量其实系够2个人食！！！平价首选
继续阅读
以前读书成日帮衬呢间买外卖饭盒做lunch, 并唔系觉得佢好食, 只系贪平, 果阵时唔觉咁差, 可能人大咗, 要求高咗, 今次重游旧地, 估唔到系失望而回...............果日明明好肚饿, 但睇匀佢个menu都冇乜嘢好食, 而且又贵, 所以求其叫个最普通的小食, 但我系完全唔想食, 就算几饿, 试过一啖之后都冇乜胃口, 好勉强地每样食咗一半................... 猪皮萝卜鱼旦 猪皮超多猪毛, 而且煮到林pat pat, 唔驶咬都烂 萝卜淡如水, 一d萝卜本身的甜味都冇, 再加上用清水煮哂佢d味出嚟, 旧萝卜仲难食过煲完汤的汤渣 鱼旦又唔弹, 又腥, 又林 碗仔翅杰到浆糊咁, 色水深到好似成支老抽倒哂入去咁, 又冇乜料, 得d粉丝、少少肉丝、木耳丝、蛋花
继续阅读
由于太就脚,所以成为我同男友方先生最常去开餐ge餐厅之一,唔讲唔知,呢间餐厅其实几有性格,虽然佢同其他餐厅一样都会做外卖,但....唔该,一律自取!!!之前喺度试过梅菜扣肉煲,五花腩同甜梅互相吸晒对方精华,好味到连我呢个一向唔多钟意梅菜ge人,都对佢赞不绝口,梅菜仲好味过五花腩,但千其唔好外卖返屋企食,因唔止份量少左,味道都冇咁吸引呀>.<是次同方生再次光临,叫左食过好多次"鸳鸯炒饭",个饭唔平,但收得咁ge价钱,佢就足咁ge份量,白汁:汁香都唔及大大只虾咁吸引,新鲜爽口的虾每次都有6-8只;红汁:微酸带甜ge茄汁夹带新鲜蕃茄条同鸡肉,滑滑鸡肉令人好开胃再黎"火锅云吞鸡",叫呢个锅佢有肥牛/鲜虾,2选1 送的,因方生唔多钟意肥牛想要虾的,但是日冇虾,唔好彩,要肥牛喇~ 以为送ge一定唔会靓喇,点知又唔系哦,瘦多肥肉少,牛味又足,又系好好味~ 叫多个茄汁虾,虾一定先用葱爆香过,再落汁、糖之类之类ge野喇,虾壳都唔使剥,成条食,真系好香好好味
继续阅读