雅苑座

很久沒有去這裏食自助餐 ，開始見到好多美食， 食落發覺有啲問題！ 麵包蟹蓋ok啲肉有啲怪味 ，刺身連最基本嘅子薑都冇提供， 有啲失望！ 仲約咗啲friend遲啲九月再去，希望可以改善下喇🙏

見之前嘅食評都唔錯，所以book 左平日 lunch buffet。食物質素都ok，但款式一般。條蒸魚好食，刺身都唔錯，凍海鮮普通，得青口，蝦，蜆＆ 麵包蟹。服務都ok，好多 staff。唯獨冇諗過竟然同本地旅行團一齊食，成班大媽瘋狂搶食，頭果15-20分鐘唔好加入戰團，以免誤傷。如果我係去九展食，我冇所謂，預左會接待旅行團。但真係冇諗到尖東嘅酒店竟然會係咁！埋單七五折，折實$338/位，仲要同人搶，真係唔會再黎！

好遲先book，既然排到waiting list ，所以就去左。12:20到達，裝修好令，有個水池，上年食有外藉人士現場鋼琴演奏+唱英文歌。食左幾款沙律，跟住食左凍海鮮、熱食。凍海鮮（最近周圍都無長腳蟹供應）青口：無咩特別蝦：很鮮甜彈牙，似係游水蝦蜆：鮮甜飽滿彈牙，大部分都脹卜卜，我狂食，點泰式辣汁好惹味麵包蟹：睇落好似一般，但其實挖開黎食會見有好多橙色膏，只係圖片影唔到。我食左好多！好邪惡😈 所以要食返多d菜平衡下。煙三文魚： 正常白身魚：無咩味三文魚：不錯吞拿魚： 好新鮮，唔鯹燒牛扒：不錯豬： 不錯中式蒜蓉蔬菜： 幾好食仲有其他無影相，蒸魚： 不錯炸魚： 炸粉好好食😋雞肉串燒： 同超市買果種好似，好juicy菠蘿（生果區）：好食😋仲有其他我無試，例如海南雞飯、燒味。朱古力蛋糕： 超好食，朱古力好靚，狂食！提拉米蘇：帝苑最出名！ 好有酒味，咖啡味都有，但可以再多少少，然後我靈機一觸，去咖啡機沖咖啡，加落tiramisu食，果然好食😂我地去問經理有無芒果拿破崙，佢話夜晚先有😂 因為上次食過好好食。整體而言： 食物選擇真心少，但樣樣味道都不錯，海鮮新鮮，如果可以有返長腳蟹就好完美😋 如果

吃過幾次這兒的自助午餐, 最喜歡吃長腳蟹。7月17日(星期六)再次光顧, 沒有長腳蟹, 只有麵包蟹, 非常失望！出名的海南雞也失準, 似沒有味道的烚雞胸, 完全不滑。服務態度也差, 我還沒吃完, 不問一聲便把調味料收了, 還說2：30就要收了(明明星期六自助午餐到3：00), 好似趕客咁, 當天又多小孩又嘈吵, 以為自己去左澳牛。酒店餐廳環境也不整潔, 竟然有蒼蠅飛來飛去。如果沒有openrice 首50名6折, $478加一 $525.8 一位的自助午餐實在不值。很多酒店自助午餐, 有生蠔有長腳蟹有movinpick也不用這個價錢。很差的一次經驗, 不會再光顧了。

星期六瞓醒覺，好想食buffet，但是即日是很難book位的，太差的buffet唔會book，太貴的又食唔起，最hit的又未必book到位，心裏想揾一間中高檔級數walk-in搏一搏，但係都試下打電話去問一問先，誰不知Royal Garden的Late lunch buffet有位，只不過時間是3:30~5:30p.m.，Go Go GoRoyal Garden的buffet食物選擇非常多，以烤肉來計，牛/猪/羊有齊，熱葷有牛面頰/魚/菜/印度咖哩/中式燒味/點心/串燒/生滾麵檔，刺身/壽司是必然，中/西式湯，海鮮冷盤，甜品/雪糕，應有盡有，全部好食，中上級水準，結帳仲有六折。👍👍👍

又係因為staycation食嘅餐廳🙈今次就係房送嘅自助早餐 質素唔錯哦👍🏻👍🏻同平時嘅酒店早餐一樣都係有即場煎蛋嘅我就點左太陽蛋🙈佢仲有omelette，炒蛋，煎蛋白等等個薯餅仲脆嘅👍🏻煙肉就放耐左有啲難咬個牛肉燒賣係估唔到嘅好食😋一啲都唔粉👍🏻炒麵亦唔錯👍🏻👍🏻 另外雞粥無影度相 但係係好食啲粥係有雞油味嘅😋

自助晚餐$600食茶餐廳三餸飯嘅質素 加茶餐廳阿姐嘅服務態度 苦口苦面又八掛多事 大聲講d客 啫係我地「食食食食鬼咁多嘢」極度趕客 食多嗰少少都已經冇晒胃口 好唔舒服只能話期望越大失望越大 竟然連最基本嘅禮貌都冇🥺仲要環境都補救唔到 因為個場勁細又勁迫 只係樓底高 但其實實用面積極細買個教訓以後$600可以攞嚟坐定定食高級餐廳咯😛P.S. 有幾個著西裝貌似經理嘅人喺度係咁消毒d夾同蓋 但我覺得佢哋只係不停噴到d野食😬

作為一間5星酒店嘅自助早餐，食物款式真係少左啲…基本上會食嘅野我都拎哂，一眼睇哂就係咁多😀食物都唔係特別出色.👍🏽的食物：西式酥餅：出色好味、夠酥脆又唔會太甜朱古力酥餅：香濃嘅黑朱古力味，咬到黑朱古力碎，唔會太甜又唔溜，非常好👍🏽蘋果酥餅：面頭有清甜嘅蘋果蓉，咬到粒粒嘅蓬蘋果，非常讚👍🏽雀巢穀物片、雀巢乳酪.👌🏽的食物：薯餅、煙三文魚、煙肉、火腿.👎🏽的食物：中式點心、炒面炒飯.諗住早餐點都會有帝苑餅房嘅👉🏽蝴蝶酥/曲奇餅/蛋糕甜品，點知一樣都無…🥲.仲有個短髮女經理態度真係差..雖然早餐10:00完我9:30先落黎食，個經理居然黑我面、態度又差，仲有成半個鐘先夠鐘喎…唔洗咁樣下話😕話明食到10點，我9點幾係到拎野食巳經全程比個短髮女經理眼啤啤，都算啦仲要未夠10點正就開始收野食…咁嘅態度真係唔掂喎🤨😕😡

整體黎計，帝苑嘅自助晚餐海鮮唔錯出色，刺身十分出色，熱葷選擇多、水準唔錯，冷盤都算有選擇又吸引，甜品選擇比較多、精緻小巧、甜度剛好。環境幽雅，氣氛唔錯，收碟速度快，refill速度快，侍應有禮貌。海鮮：每樣都有試 龍蝦、麵包蟹、蟹腳 較出色。.👍🏽龍蝦：多膏、肉質爽彈、有龍蝦味👍🏽✨👍🏽麵包蟹：蟹蓋超級多蟹膏，半隻蟹蓋可以有3大匙羹嘅蟹膏，可以好似食飯咁食，非常過穩。蟹身嘅肉質都爽甜，新鮮有蟹味👍🏽✨👍🏽蟹腳：用左比較靚嘅加拿大蟹腳，蟹腳肉質爽彈一絲絲，打開啲肉完全無痴殼，無雪味無霉，仲有小小海水咸味同蟹肉鮮甜味👍🏽✨.👌🏽蟹鉗：普通，肉質爽彈，不過完全無味👌🏽青口：普通，無沙冇渣，細隻無味👌🏽翡翠螺：正常，爽口，不過唔夠鮮甜👌🏽凍蝦：正常水準，爽口彈牙，新鮮有蝦甜味.刺身：👍🏽6款：八爪魚、吞拿魚、錭魚、油甘魚、希靈魚、三文魚🍣師傅切得厚肉 一啲都唔孤寒，件件都非常新鮮、好鮮甜，刺身水準十分高，超讚✨👍🏽✨👍🏽.熟食：👍🏽羊架：麵包糠焗羊架，外邊香脆，內面肉質嫩滑，粉紅色好似有小小血水 其實係肉汁，佢巳經熟哂，口感十分之好，有小小羊肉香味，完全唔蘇，非常讚👍🏽✨👍🏽✨👍🏽燒牛扒：即使

約咗朋友去帝苑食自助午餐🥘🍜🍽由尖東地鐵站行去酒店距離5至10分鐘 好方便因見到網上勁多人推介呢度嘅自助餐😋所以就試下👍 海鮮 🦀🦪🦐蟹腳肉質鮮甜 👍 見到好多食客排隊拎蟹腳 🦀 三文魚刺身😊非常新鮮👍勁厚肉👍 帝苑甜品好出名🍰必食👍個芝士蛋糕勁重芝士味😋口感幼滑 另外蝴蝶酥香脆可口  一食就會停唔到口🤣

聽講呢度既甜品好出色，咁岩見到午餐有58折就即刻book枱，頭50位好多日都爆曬，唯有專登請假黎試吓呢度既甜品…食甜品之前梗係要食海鮮先啦，海鮮有蟹腳，蝦，蜆，青口，蟹腳不會太咸，只係有d痴殼…蝦都幾大隻…味道仲幾好…刺生長期都好多人排隊，好多選擇有三文魚，吞拿魚，八爪魚….師傅刀工仲好好食完刺身行左一round 見到熱盤選擇都幾多，有叉燒包，炒麵，咖喱雞，燒牛，串燒粟米，煙肉腸仔，仲有燒味，最後我揀左好受歡迎既海南雞飯，海南雞飯真係好好食，仲好食過專賣海南雞飯既小店….甜品都係放題款式，比較好食既係自家製蝴蝶酥，蝴蝶酥夠酥脆..可以留肚食哈根大師..

With the sweltering heat setting in, lounging in open areas without being drenched is sweat is increasingly impracticable - yet a solution is nigh. The Greenery at the Royal Garden features a relaxing indoor buffet experience within a garden-like setting, surrounded by lush foliage and water fountains, as well as live pianists in the evenings. Hardly ever do buffet pastries catch the eye but, Lo and behold, the PALMIERS here shook us! Baked to a gorgeous golden brown, its sugary surface carameli

食自助餐啦🤣一睇到蝴蝶酥，相信好多人都知係邊間酒店嘅自助餐喇，冇錯，就係帝苑喇🥰近排做緊優惠，低至58折，lunch buffet講緊都係270左右一個人，可能因為人太多，lunch分兩輪，1200至1430，1500至1730。因為book唔到第一輪，焗住食第二輪，不過好處係夜晚嗰餐都慳返，因為真係飽到冇朋友。全場食得最多係三文魚，不停叫師傅俾多啲🤣三文魚好新鮮好肥美，其他幾種刺身我就覺得麻麻地。海鮮就有蟹腳、蝦同青口，蟹腳冇乜咩，不過我都食咗唔少，最正係有泰式醬，點乜都好味。之後到熱盤，牛一定唔少得，師傅切得好薄，不過啱晒我，只係想試吓個味，牛煮得好冧，唔錯。羊我就冇試喇，不過睇個樣都ok嘅。蒸魚都幾好味，不過好快就冇，要等換盤先。另外仲有串燒雞肉，呢個正，加埋燒菠蘿，正。平時自助餐我就唔飲湯嘅，不過呢度個湯真係好正，好甜，尤其係中湯，飲完仲想飲。最後就係最愛嘅甜品，蝴蝶酥閒閒地食5、6塊唔算過分掛。仲有即整嘅pancake，配上雪糕真係一流，4隻Haagen-Dazs 口味任食，不過因為係大杯100ml，兩杯已經好飽。蛋糕幾乎全部試晒，覺得tiramisu 同美國芝士蛋糕最好味😋

今日 用左openrice 六折優惠,同屋企人補祝母親節同生日,因為我阿媽食素,餐廳經理好詳細介紹一啲素菜俾我阿媽,仲叫廚房特登整咗個蕃茄意粉,佢見我阿媽都年紀大,仲問如果煮兜菜俾佢使唔使淋啲海鮮：有蟹腳,一直refill,都好大隻甜品：有大概10幾種俾你揀,一定要試蝴蝶酥,好香脆,同埋有即整嘅pancake， 可以叫佢加多啲cream，雪糕係Häagen-Dazs，一杯杯好衛生熟食：海南雞同脆皮燒肉一定要試魚生：佢哋切嘅魚生一大舊 飲品：無限罐裝汽水，仲有橙汁同金橘檸檬俾你任裝嗰度嘅員工超級有禮貌好殷勤，基本上你清完個碟，之後1分鐘之內就會有人收應該係我食過咁多次自助餐，最性價比高嘅餐廳，非常滿意👍🏻

Royal Garden Hotel（雅苑座）自助餐日期:9/5(日）母親節時間：3時至5時半（講真，選擇食一時段，只好食一餐當二餐）以下只是個人觀感， 食物質數和味道是合格的，驚喜之作就沒有！食物refill算快， 服務質數都唔錯！論環境，都算算坐得舒適。至於食物款式都唔算少， 不過即開生豪和龍蝦等貴價就沒有提供。成人:$558（75折)加1=$474.3小童及長者:$458（75折）加1=$389.3 ,抵唔抵就見仁見智！