雅悅點心燉湯專門店 (已結業)

環境服務舒服 價錢合理 食物有水準(籠仔蒸飯好新鮮足料) 仲有罕見既無味精燉湯(有成8款選擇!) 會再黎既餐廳👍🏻😊 我都覺得大家值得一試! - Y pigThe price, atmosphere, service is top notch. Steamed rice with garlic prawns in basket was succulent and fresh. Soup is truly msg free and no artificial flavouring. Recommended! - K pig

八點幾九點的時間想搵個地方吃個快的晚飯,在網路上隨意搜尋，被這裏的籠仔蒸飯吸引了，決定試一試佢八時多應該是餐廳的黃金時間，沒想到餐廳裏的座位只有一半滿！餐廳的裝修挺別緻，我很喜歡牆壁上有關點心與貓咪的壁畫，很可愛依照原定計劃我們點了荷葉龍躉蒸飯$138嘩的一聲！蒜香撲鼻，賣相吸引，肥美的龍躉上鋪左一層炸蒜，先吃一口飯，煙韌的米飯滲著淡淡的荷葉清香，心想着這到底是白米還是糯米呢？再試試龍躉，新鮮彈牙的魚肉和膠質非常豐富的魚皮充滿着我的口腔，份量雖然多，但很快便被我和老公吃清光另外點了春風得意＄30原來是腸粉包着鮮蝦春卷，甚有創意吃完九時多反而餐廳滿座！埋單時問老闆到底蒸飯是用上了什麼米，老闆露出少少詭秘的笑容，然後問我們是不是有什麼問題，我們便說因為我們分不清是糯米還是白米，老闆立刻很開心的告訴我們是白米（但都不告訴我們是什麼米，應該是商業秘密吧！哈哈） 順帶一提，這裏不收茶錢也不收加一，很抵食

尖沙咀食點心的鋪頭有幾間的。這一間第一次試。兩個人吃的。叫了兩棕飯。內餅飯和排骨飯一般，沒有甚麼特別，味道一般。。飯有少少林的視乎個人喜好啦。30蚊一棕。叉燒腸皮有點厚不過都ok滑的，覺得幾好味啊。25蚊碟。牛肉就覺得味道都沒有甚麼特別，正常，不林的，可接受。20蚊碟。茶芥六蚊位，與同類點心店就比較貴。地方環境可以不過都係木椅的，坐得耐可能比較累。因為少人所以環境可能比較靜。服務態度可以的，叫加茶葉都會加，有禮貌的。

飲夜茶一直都有頗受歡迎, 特別對我地呢D假期‘三點不露’既人尤其吸引；我地呢晚一行5個女仔, 在等齊人放工後已經接近九點, 大家唔想食得太heavy, 於是有人提議到呢間新開既夜茶地方試下, 我地坐低每人先叫一個燉湯, 由於時間已不早, 有兩款燉湯已賣曬, 我地5個人叫了三款, 我叫了燉豬腦湯, 味道不俗而且火喉足, 另外我地叫了兩款籠仔蒸飯, 蟲草蒸雞那款對我唔太吸引, 但龍躉那款我很喜愛, 最主要是飯身蒸的剛剛好不會太淋, 而且我愛它的甜豉油, 我食了兩碗😅至於其他點心並不是很出色, 但這裡的燉湯可以吸引我再來的😊

難得我地幾個可以一齊食飯，早小小book呢間食點心。係正金馬倫道，好易搵。店鋪以為細細間，都幾多位，我地多人，就安排我地坐入面一個角落，啱哂我地一班女仔可以傾下計。首先一人一湯，價錢唔算貴，天氣咁凍，唔過份。我呢個係黨參杞子燉瘦肉，湯飲得出夠耐，瘦肉好夠味，真係入口即溶，暖胃大愛。叫咗超多點心，牛肉球正常，唔會太韌；小籠包皮薄餡靚，多湯；馬拉糕夠鬆，味道ok；腸粉嘅粉稍為韌咗啲，料唔夠紮實；春卷超脆，餡份量剛好，大致點心都比一般好。呢個龍躉腩飯唔係講笑，我地都可以一人有碗，魚蒸得恰當，唔會過老。蟲草花鮮雞，雞滑，呢度嘅蒸飯真係幾好。甜品時間，一人一個甜品再紅豆沙share。一直食到呢度，我地都係有讚無彈。等左成半個鐘，一個甜品都無出過。中間催過，個職員入左廚房好耐無出嚟解釋咩階段。最後三催四請先出甜品，個職員仲係度開玩笑（其實中間一直搭嗲，我地都麻麻），其他職員服務態度都麻麻，呢點要寫番。雙皮奶好好食，好滑，再加啲紅豆沙，又另一番滋味。百幾元一位，又傾左好耐計，都ok啦。