影片
以上资料只供参考，请与餐厅确认详情
见门口写住「雄记牛腩王」，入内一试，碟饭一上枱未食已知中伏，个咖喱汁杰到好似鼻涕，仲要系直接淋上啲牛腩面，牛还牛、汁还汁（有啲牛腩淋唔中），食唔到三分一，留返个肚出去食其他嘢好过。唔知点解咁多好评，可能系图二关系。🤔
继续阅读
牛腩专家简直咗简直侮辱咗专家两个字 。店声称个汤底冇味精，但系淡而无味，个汤好似屋企煮𠮶啲面咁。辣椒油冇特色。竟然系超级市场𠮶种桂林辣椒油 。 好冇诚意 通常啲粉面店 就算唔好食都起码系自己炒 嘅辣椒油 。崩沙腩 已经特别贵 但系 炆得唔够淋 ，都几硬下。 有几旧 仲要系 颜色唔系好均匀 应该火候未到。 炆太短时间粗制滥造紫菜 应该系摆咗好耐 潮湿咗所以 一啲咬口都冇 ，入口霉烂烂嘅口感 唔明点解会有咁多好评。82蚊食到咁嘅质素 有啲愤怒， 最后食净半碗离场 。仲有叫咗多青冇畀到 ，嘢饮又落错单
继续阅读
位于旺角的雄记牛腩王，门外已经飘来香喷喷的腩汁，忍不住要进来吃碗。牛三宝有牛腩、牛筋和牛肚，但重点是那香浓的腩汁汤底。牛腩肉味突出，质地软腍，令人回味无穷；牛筋胶质丰富，味道十足，让人每一口都感受到浓烈的肉香；而牛肚则弹牙爽口，口感层次分明，让整碗汤更加丰富。至于面底，份量十足，足以让人饱肚，真是满足感满分。最正的当然是崩沙腩！这部分是牛腩中最矜贵的，位于牛肚皮的腩位，靠近牛的横膈膜，表面有一层横膈膜连接腩肉，肉质更加软腍，肥瘦适中，让人一试成主顾。咖哩汁的辣味适中，恰到好处，搭配饭简直一流，让人忍不住多添一碗饭。总体来说，雄记牛腩王的牛腩三宝不仅味道出色，是个值得一试的地方。
继续阅读
夜晚七点钟去到，见到得一台客，都觉得伏伏地，但因为赶时间就冇谂咁多，叫咗碗米粉分汤外卖，一返到去打开盖以为自己叫错咗饭😳啲米粉碎到咁样好心就唔好出俾人啦！🤬牛腩冇牛腩味，云吞又冇云吞味，仲好意思间舖叫做牛腩王，真系笑死人😂😂😂😂😂😂😂。真系好犀利！可以令到我成为第一个忍唔住写食评嘅舖头😂😂😂😂😂😂😂😂完全唔明点解果几十个人可以俾到好评，一系就系冇味蕾完全食唔出味道😂
继续阅读
呢排天气好反常每日都系咁落雨，落下停下搞到返工好狼狈。由于今日喺旺角见客亦好少地方泊位所以无揸车，果然天有不测之风云。虽然多左人离港消费，但今日亦见有好多旅客来港，咁都真系唔错呀~ 今日见完客都到下午茶时间，一如以往睇下附近有啲咩嘢食医个五脏庙，对于我一个人揾食首选当然系牛腩面，行经过波鞋街时见到一间应该都开咗无耐嘅牛腩面舖头，见到佢铺面五只大字「雄记牛腩王」，就即管试下系唔系咁厉害。入到去店舖位置都好宽敞，而餐牌上面亦有非常多嘅款式选择， 当然主力都系牛腩，而对我嚟讲一次过可以食到三样钟意嘅嘢一定系牛三宝，今次面底要咗个幼面，而且可以加$20蚊就可以有碟菜同埋一杯冻饮，好唔好食就未知，不过就一定好抵食。落餐后大约等咗十分钟所有食物都陆续上枱啦~~~ 牛三宝面入面有牛腩、牛肚、牛筋，首先从卖相上见到牛腩都有三大件，肥瘦适中而且油脂分布很均匀；牛肚份量好多而且分别有金钱肚同我最钟意嘅草肚两款；牛筋份量多又大件，就咁睇就已经好多胶质。味道方面牛腩炆得好入味而且好嫩滑，嚼劲十足有口感；牛肚口感相当好，咬开一丝丝牛肚非常入味；牛筋除咗有丰富胶质之外，亦炆得相当淋身入味，烟烟靭靭好似食紧花胶咁；当然唔可以少咗配角就系又爽又弹牙嘅幼面，完全冇碱水味；再加上秘制嘅腩汁、汤底浓淡得宜，亦带阵阵牛香唔会太肥腻。腐乳通菜新鲜爽脆，配合腐乳非常惹味。最后当然加埋我最爱嘅冻柠檬茶，大大杯非常够冻而且柠檬有好多片一啲都唔吝啬，甜度适中相当满足。 虽然出面落紧大雨，但自己一个慢慢享受下午茶时光亦系忙里偷闲嘅一个小确幸，埋单都唔驶$100蚊，牛三宝面咁大碗份量又多，再加埋菜同埋饮品性价比好高，食完就继续行埋波鞋街睇下有无啱心水波鞋先~~~
继续阅读
您可能会有兴趣的...