影片
以上资料只供参考，请与餐厅确认详情
食家推介
都有几个月冇帮衬荣园，突然之间唔记得咗佢嘅鱼片定鱼蛋好食啲呢？巷仔𠮶阵我钟意食鱼片，但系入咗舖之后鱼片好似唔系好得。是但啦，叫咗个牛筋鱼片河。结论系，鱼片偏厚实，似交来货，完全不似旧时模样，印象中，鱼蛋应该好食啲。牛筋炆得够腍入味，腩汁浓厚，不会像某些新店，花椒八角味太抢。腩汁芥兰，正正常常，但就不会像麦文好旺角般，有「拣手油菜」的质素。唯有河粉依旧幼滑，暂时荣园仍是香港众多鱼蛋粉之中，我最钟意的河粉。一提起荣园，好多人就会话已经唔及得喺巷仔以前咁好食，直头差咗好多，但系我谂：依家香港嘅渔获都差咗好多，红衫鱼大眼鸡都变咗贵价鱼，点可能仲要求同往日嘅味道一样呢？何况，入咗舖之后，有冷气，卫生环境亦同以前好唔同。有失亦有得，事过境迁，记取今日，活在当下。
继续阅读
旺角云吞粉喺旺角做facial，赶住要食少少嘢，经过呢度就入去求其嗌咗碗面。$40 云吞河喺旺角嚟讲嘅话，唔算平，但系都大大碗，有5粒云吞，河粉偏幼身，但系都唔会碎湿湿。每一粒云吞都好大粒，好多馅，虾同猪肉都有好多。喺旺角来讲，不过不失，可以快食。
继续阅读
「必食地道辣」「荣园面家」-在香港这类型店舖真是买少见少了。简洁嘅餐牌附图贴在墙上，没有饮品供应。这就是（荣园）的特色之处。讲到特色，一定要数数此店的辣酱，够晒地道辣，可无限添加。辣到上瘾，够香又够辣，是必试推荐。食物方面，我点选了以下（牛丸牛腩粗面）-汤头不错，喜欢他的牛丸，弹性十足，也不缺牛味。牛腩也是棒棒的，够（林）而入味。粗面不带碱水，面身质感也不错。（鱼蛋云吞河粉）-鱼蛋算是不过不失，云吞足料，入口超有满足感，虾仁特大只。
继续阅读
今日出去旺角先知巷仔转左入铺，真系好鬼耐无去了，所以走去试下，大蓉46银，6粒云吞，味道依旧。出品快手！云吞大大粒，汤清够热，面弹有咬口，总体情怀100分，味道中上。
继续阅读
放工后去旺角买完电器，就周围睇下有咩食。见到门口贴住旧照片，话开业几十年，由横巷面档搬入铺位，谂住点都 ok ，可以试下啦。入到嚟，座位逼夹就预咗，反正过咗繁忙时间，唔洗我搭台就得啦！叫咗个牛腩捞面，嚟到个面咁细既？ 只系略略铺咗个碟底。 捞面理应比普通汤份量多啲架！ 若果唔系，洗咩要比贵啲钱食捞面啫？食汤面咪得啰？ 牛腩得碎湿湿几旧。味道正常，唔算难食，但就一定唔会有惊喜啦！呢啲所谓街坊小店，帮衬一次就够皮啦！ 唔洗回头。
继续阅读