隨變燒烤麻辣雞煲

营业中

休息中

忽然心癢癢想食雞煲, 隨變半年前食過, 雖然好辣, 但覺得好正, 好回味佢既川辣香料味, 星期五放左工7點2左右去, 已經好多人等, 不過都預左, lee 度勝在你留左電話佢有位就會call你.. 唔駛係度呆等。反正都等, 都有去了lee排好紅既x香苑留埋電話, 邊度快就邊度。友人話x香苑老闆本身係隨變的, 果時都有去四川學師, 鬧翻左自己出左黎開.. 唔知堅定流…不過果邊真係無野行..結果等既時間去左食甜品, 隨變係8:30左右就call我.. 有位梗係去啦! 一入鋪, d香料味超攻鼻, 咳左幾下先適應到… 因為友人唔太食得麻辣, 叫左個微香辣煲(半隻雞); 不過對都好多辣椒..對我地黎講都好辣, 但我真係好鍾意佢既香料味。(lee d 咪叫犯賤law..)另外叫左:墨丸/秋耳餃/九菜餃/雲吞/ 黑百頁: 講真, 配料真係無咩特別, 似係你平時普通去街市買的, 但lee度食湯底ma, 咁佢配料價錢真係唔貴, 仲要有一份份咁叫.. 少人食都無問題豬腦: 我無食, 不過朋友話好好食, 而且少地方有隨變粉: lee 個就特別la, 好煙韌, 而且超索湯, 凍左食更加煙韌, 而且凍食都係好辣

前前日去左佐敦做野順便約埋d FD係個頭食飯,宜家咁鬼涼梗係約去食辣加啦!個fd 話之前食過呢間覺得唔錯所以就帶我地去試下一行幾人叫左個雞煲、麻辣湯底,叫左d串燒,仲有d例排野(肥牛、丸、餃子....個類啦)個湯黎到見到已經知咩事,太浠啦!!仲要無乜味唔夠辣,不過好彩有D香草搭夠!另外串燒就還可以啦,肉燒得幾香~嗜辣一族既我地黎講,呢次雞煲味道一般,希望下次再黎食既時候會有所改進

隨變係我食過咁多間麻辣雞煲中最好味。雞煲其實都分左好多種，隨變係四川風味，嗜辣者一定有興趣。我帶過好多愛辣朋友黎試，9成都會愛上左佢。我欣賞佢每次黎嘅水準都維持到，材料又可以一份份叫，兩個人黎食都可以食多幾款。等候時間最長試過2小時，但分店開張後，等候時間約30分鐘。我最瘋狂試過一個月食四次😛，而家都會每個月到訪一次。不過油份都幾勁，為健康都係久不久食就夠！

第一次去好好彩咁唔使等位, 一入去就有位啦.由於友人不能吃辣, 因此就叫了一個半只雞的央央鍋, 一半中辣, 一半清湯. 還叫了幾樣火鍋材料.侍應把鍋放上桌子上已聞到陣陣的雞煲味, 很辣很野味, 而且雞很入味, 湯底材料十足, 很多辣椒和花椒, 清湯也不是清水, 而是有很重的雞湯味, 可見湯底誠意十足. 火鍋材料份量算正常, 叫菜會比較多.這裡的雞煲相比其他地方來說, 價錢十分合宜, 味道也很好, 但半只雞的份量可能不是太足, 不過這也不是大問題, 湯底和雞的味道已經彌補了一切, 價錢亦十分公道, 值得再去!!!

同個FAN出黎食飯，記得睇過網上話隨變的雞煲唔錯，所以就帶他去。我自己就先到等位，個FAN到咗之後，我叫咗個麻辣雞煲，仲點幾樣配菜。等到齊嘢，先試個雞煲，但真唔掂啊，由頭到尾得個辣字，其他乜味都食唔出，都唔知系咪辣椒平。仲有其他配菜，只都剩翻一個字，鹹~~食完餐飯翻到屋企，要狂飲水，真系頂唔順~仲有樣嘢要Complaint ，個道D服務真系唔得，亂咁黎的。

吃完韓式辣雞之後來到這裡溝貨, 繼續辣聽辣辣小隊說這裡是他們心中覺得最好吃的雞煲, 我還沒有試過點了中辣雞煲, 個人覺得味道有夠, 但就是太麻了他們下了超多的花椒在裡面, 減少一點會比較合我口味配料不過不失, 有些說到超好吃超特別的我又覺得一般環境坐得不太舒服, 加上服務又不太好, 很多人讚這裡夠味夠好吃但對我來講除了雞煲的味道, 配料也是很重要的自己心目中還有更好的選擇, 是不錯但這裡不是我最愛的雞煲店

等咗一陣終於有得食 一窩紅紅的,滿滿的麻辣雞煲終於出現係我面前. 佢係一窩十足料的雞煲,還有裹面有很多很多的麻子.一陣陣麻辣香味帶少少刺鼻, 真係令我無法再等.雖然店舖細, 但勝在好食. 價錢平, 一分錢一分貨.他的酸辣粉一定要食. 酸中帶一點點麻. 味道剛剛好. 在回如一口一口的麻辣雞, 真的今我回味無窮如果想食麻辣煲, 佢一定係我no.1choice for now. 他們有唔同辣級比你選.

剛剛食完所謂招牌麻辣雞煲，簡直令人大失所望！一d都唔似麻辣雞煲，其實係雞湯煲！而且價錢又貴，但每碟都好少，一碟肉丸得9粒就要39元，又唔係好食，永遠都唔會再去！

兩個人吃，點咗隨變麻辣雞煲，涼拌海帶，肥牛，牛百葉，蘿白片，薯粉，仲有個青菜。雖說，隨變，是OpenRice上面評話幾好食，我覺得名過其實。首先，個款隨變麻辣雞煲，分量超少，而且點睇都唔似麻辣雞煲，似咖喱雞煲多D。整盤都是油，讓我們懷疑是**油，而且鹹到冇朋友。涼菜，本來是豬耳朵的，說沒有了，換了海帶，但超多水~。牛肉同牛百葉都仲可以，味道尚可。最好的就算系個薯粉了，口感可以，但始終都系個鍋底問題，吃完之後，覺得口乾舌燥，超級鹹。

看了隨變食評沒有這寫得那麼好, 服務也不太好.一人在門外休息,一人在發呆.我們一同四人去, 叫了一隻鴛鴦煲, 一隻 小麻小辣, 辣一面沒有麻味.特級美國雪花肥牛, 肉質一般 腐竹很醜,食落很硬咬不開, 青瓜只有鹽味蒜味,涼拌金錢肚看來汁很少,食落很乾身, 還好蔬菜不錯,其他食物也是一般可在佳寶可買到的墨丸,魚皮餃,金菇之類,在家也可食到.不太特別!我們一家也不想再試,因為實有點別人失望!

今日同老公两人点的是田鸡煲'我6点去等位'都是排在第七个'今次田鸡煲分开鸳鸯锅'叫的中辣小麻'田鸡煲*108一份'大小同价'价钱贵过鸡煲一点'但是份量却比鸡煲少很多'我们叫了四碟素菜和四碟肉'居然总肚饿'于是加多四份肉类'最后吃的猪红'味道麻麻'但是总的说来味道都几好的'下次应该总会去的'

为了不用排队'这次买回来自己在家煮火锅吃'我们点的是随便鸡煲大麻大辣'味道真的不错''超级和我口味'够辣够麻'我和老公一共喝了两大樽饮料'老公吃了一半就辣的受不住'后来基本上都是我自己一个人在吃'劲爽

昨晚友人六時半前到, 不用特別等位! 點了一隻雞配鴛鴦鍋, 涼伴豬耳, 牛脊肉, 枝竹, 韮菜餃, 生菜 x 2, 蟹柳, 隨變粉同4罐汽水, 合共$544. 價錢OK啦! 牛脊肉$168份量不算多, 可以不叫, 其他火鍋店抵吃得多, 雞鍋味道不錯, 小辣也算是幾辣... 那些人可吃大辣真係勁! 但可能我不是吃慣味精的人.... 昨晚勁口渴, 用膳時已飲了2罐可樂, 晚上仍然勁口渴成晚起身飲水, 冇覺好瞓.... 我最唔buy味精多的餐廳... 所以唔OK!!!

原本約好29/9晚嚟試,但因打風關係,無奈地取消…星期三晚雖然橫風橫雨,但實在太想食最終都嚟咗,由7:40pm等到9:10pm左右,足足等咗個半鐘,期間睇住啲雨停吓落吓都有5,6輪;見之前有食評寫人山人海,現場觀察未有咁誇張,可能係落雨關係啩!叫咗 :隨變麻辣雞煲一隻(小辣) $148 : 雞肉切得都幾大件,之前喺新蒲崗另外一間食過啲雞好細件,冇咗啖啖肉嘅感覺秋耳 $11/份 : 即係雲耳,普普通通冬瓜片 $8/份 : 普普通通墨魚咀 $14/份 : 個人好鍾意食墨魚咀,貪佢夠爽口,之前喺吉之島買過啲炸嘅好好食,而家己經冇得賣;但今次放落啲湯焯兩焯即食就唔得入味紅薯粉 $18/碟 : 普普通通,開頭食好彈牙,浸耐咗開始淋,一般都係咁响玲卷(類似腐皮卷嘅物體) $18/碟 : 放落湯度索晒啲湯係一定嘅,好食麻辣豬耳 $26/碟 - 太多蒜,但還可以鮮爽黑栢葉 $40/碟 - 黑栢葉係我一定要叫嘅,可惜又係因為入唔到味,失望豬紅 $10/份 - 普普通通魚皮餃 $14/份 - 朋友話鹹咗啲,我食得濃,可以接受忌廉 $8/罐X3之前見食友講過可以一份份叫,原來唔係全部都得,朋友想食雞子,但由

睇之前食評好多都話食物得,服務唔得. 我地當日又完全唔覺得喎! 只不過係要等耐少少,都可以接受. 佢個辣雞煲真係好掂. 到現時為止我食過最滿意既辣雞煲. 夠麻夠辣絕對係重點!!! 聽聞隔離川香苑都唔錯,搵日都要去試試比較一下!大麻大辣雞煲 - 香料十足,夠哂惹味!!!!!!!中麻中辣田雞煲 - 味道其實都唔錯,只不過係唔多夠麻辣. 麻辣豬耳 - 十分爽口又入味. 等人時最合適小食! 涼拌蓮藕 - 又係好爽口,美味小食.涼拌紅薯粉 - 夠入味,夠麻辣,好食到要打包!串燒牛,羊 - 唔會燒到乾哂,食前加埋香料及辣椒粉都幾好食. 尖椒皮蛋 - 黃皮蛋夠香,不過尖椒唔辣.涼拌窩筍 - 爽口,清新之選.手切本地新鮮牛頸脊 - 腍滑,牛味唔錯.新鮮有膏雞腸 - 邪惡之選.....但太好食極速被消滅....我都冇食....魚皮餃 - 超正魚皮,高水準之作.鮮豬大腸 - 又係極速被消滅,冇食到.... 薯仔片, 墨魚丸, 午餐肉, 牛丸, 三角魚片頭 - 各有各美味. 我較喜歡午餐肉, 牛丸.豬紅 - 好滑溜,好食!!鮮雞子 - 老闆話細粒仲好食. 果然味道較濃,唔錯.內蒙肥羊 - 十分夠羊羶味!!