隆記牛什粉麵

营业中

休息中

潮洲四寶拼牛腩河。丸類水準保持，牛腩都ok入味，唔會韌又唔會粉，實浄，當然要加一羹招牌麻辣醬提味。$40，抵食。隆記牛什粉麵 (藍田)藍田碧雲道168號廣田商場31號舖

來沒有去過樓下面店,聽說有牛什,雲吞,決定一試!外賣回到家,勁足料!30$6大個水餃!仲送左兩袋自家制spicy source! 未多人時要快去食!以後紅左又不一樣了!

星期六下午想食下午茶，家人決定食附近的年鎖快餐，我就由於想試新野，入街市買左碗牛腩河(從未試過在廣田街市食野)。一碗牛腩河外賣都衹係31蚊，比起家人在快餐店盛惠30蚊的西多士(而且不好食)真係無得頂。下單時我要求多腩汁和多蔥蒜，配合河粉真係幾好食，牛腩都幾軟，但略嫌不夠入味，但份量很足。(雖然斬得很小夠)河粉D麵質同個口感就差左D，一夾即斷，太淋，入D貨唔太好這個價位絕對明白，佢煮麵的時間縮短D就會好好多。但同個湯配合起就無咁大問題,

係藍田食過咁多間牛雜真係最好食係呢間，個d牛雜同湯都好好味！同埋價錢都算正常價！不過壞處係佢地係街市入面，好早就關左門，所以放工通常都食唔到，要放假晏就先可以去食！

雙拼粉麵連埋油菜40蚊有找，啲水餃魚餃係3:4比例，冇錯!係共7隻，就咁睇，啲料多到連米線都見唔到，真係好扺食。湯底清甜滴油不沾，飲多兩啖都冇口渴。隨湯附送既蘿蔔亦入口即溶，最最最重要既係老闆娘自家製麻辣醬，將成個湯既鮮味帶出。魚餃係來貨，但肉餡鮮美，入口爆汁，水餃係老闆娘自家製，一邊食一邊睇住佢即場包，包新鮮啦~! 水餃皮薄餡靚，層次分明，木耳絲同荀絲咬落更索索聲，低價錢高質素，我呢啲邨外人都要黎支持下屋邨小店

在藍田南體育館未落成之前，老一輩藍田人所認知的藍田是九十年代之前的藍田邨。電影《古惑仔之人在江湖》中鄭伊健飾演的陳浩南被吳鎮宇飾演的𡃁坤「爆樽」的足球場，正是當年藍田邨的地標－藍田配水庫遊樂場。所謂的「藍田南」，地圖上是指「三康兩田」－康雅苑、康栢苑、康瑞苑、平田邨和廣田邨。今次介紹的食肆「隆記」正位於毗鄰藍田南體育館五分鐘路程的廣田邨廣田商場一樓街市內。記憶中「隆記」開業之初由一位伯伯主理，那時候還有售低廉至十六元一碗的酸菜芽菜酸辣米線，忘了從何時起才由現在的檔主夫婦頂手。誠如同店上一篇食評的「方哥仔」所言，老闆娘來自四川，鎮店之寶正是由她親自調製的麻辣醬，她也是全店惟一一位樓面，老闆金毛哥哥則忙於切牛腩煮粉麵。一碗「魚水之歡」淨食，盛惠三十一元，有五隻水餃和三隻魚皮餃，如此價錢已無愧「抵食」二字。魚皮餃似是來料加工貨，但仍不失魚皮餃應有的豐脂油潤水準。水餃則是自家包餡製作無誤，外皮薄，餡料豬肉、筍絲、木耳等混合而成的爽口、爆料、清新口感令人難忘。喝不出味精的清甜湯底之上是那毫不吝嗇的大量蔥花和乾蒜粒，配以畫龍點睛的一撮慷慨紫菜，賣相與食味俱全。先原味吃了半碗，剩下的添一茶匙麻辣醬混

搬過黎廣田已經三年第一次黎呢間街市已經注定左我以後入黎都要食佢已經食到好運個邊完全唔問我叫左野食未一開始個老闆係阿叔黎坦白講佢煮得好食d 第一次食崩砂腩河已經徹底俘虜左我結果之後一個月已經換左第二代呢個金毛老闆初頭佢接手我食落有d失望 因為真係差第一代幾大既距離我都好坦白咁同佢講有咩唔夠好 而老闆每次都好比心機落力去改進 到今日已經好接近神一樣既第一代直到而家落到去大家已經熟晒 雖然話價錢都係跟餐牌 但份量質素一定會好過其他客仔有一晚我落到去 佢就收檔 街市都開始洗地於是我行入去鋪頭入面老闆同我講 想要咩就同我講，夾晒比你我係打從心底咁溫暖 呢份食客同廚師既感情今時今日係香港真係賣少見少直於食物質素方面，牛腩真係好正，來貨靚，咬落好有牛腩味，香到爆。河粉就會飄忽左d，有時用幼身河粉會好食d。另外，來自四川既老闆娘有罐特製既麻辣油都深得熟客歡迎，絕對完爆市面所有連鎖麻辣米線。(老闆娘身材一樣咁火辣)最後一定要對業主表示強烈不滿，由三年前碗麵18蚊賣到24蚊，真係離譜，老闆已表示租金唔肯退讓會搬走。