隆昌食店

营业中

休息中

外賣甜品，$20 的芒果西米露，返到屋企一開竟然先知一粒芒果都無，只得西米，咁講好的芒果去左邊糖水唔夠甜，完全無味，叫燒賣又唔問人食唔食辣，就直接落左辣豉油，到底想點

多嘢食嘅小店，有生滾粥、豬腸粉、燒賣魚蛋、炒面、煎釀三寶同糖水等，開到夜晚11，12點。食物質素普通，小食嚟講又唔算平，除左炒面，7蚊就有一包。不過叫做多款，舖頭外面，開左幾張枱，可以一路食煙，一路食嘢，而且夜收工嘅朋友，可以買宵夜食。

今日同朋友原本去隔離糖水舖食野,點知坐滿曬人,就去衣間試下第一個出黎既係個芒果西米露,個fd話d西米有酸味......再來是雞扒米線...個雞扒黑到之後就係紫米露...都算叫ok,但隔離個間d野正得多之後其他b fd就走去隔離個間野買外賣過黎食買番黎種比人話濾佢地比多左外賣$走時個呀姐話我要同我執多左垃圾(個d外賣都唔係我買關我咩事)鮫到我食又唔飽!又唔happy!又無la..la...比人話.....

琴日同班fds去食野...間野雖然細左d!!不過都好多野食我地係每人叫d野,,,之後一齊share1.第一碟出黎既係個雞扒米~個雞扒真係好正...又香又好食我地成班引唔住要再叫多一個!!簡直係我既最愛!!2.佢個生菜魚肉唔係平時係街邊食個d...佢個d可以話係真材實料!!唔錯唔錯3.之後就係個蠔餅la...佢個蠔餅都好多蠔仔...味道都唔錯又大份@@仲有食左好多野...有糖水個d~overall黎講都幾ok...下次一定會再去食個雞扒同蠔餅!!真係同大師傅整個d有得fight而且價錢好cheap...5-6個人都係食左一百蚊左右...每個人比十幾廿蚊!!抵食~

AUG 26, 2009 (WED) BREAKFAST $26成晚都訓唔到，一早就想食腸粉，於是同弟弟食個早餐三寶先！腸粉4條 $5 X 2份燒賣5粒 $5 X 2份粉果 2個 $6腸粉朝早買係最好食，因為到下午就蒸得太耐，唔駛剪都斷開哂！明明叫咗千萬不要落甜醬，始終都係落咗，呢間嘢都係問嚟都嘥氣！燒賣唔會太粉，幾好味！因為叫住佢，所以先記得唔好幫我落豉油！粉果皮算薄，餡料味幾好！加少少辣油更好味！如果有醬料唔想要，千萬要自己睇到實，如果唔係就咩都落齊俾你！

AUG 8, 2009 (SAT) 宵夜 今日同屋企人一齊出海去玩吓散散心，釣到條中中哋嘅紅鮋，都有成 10”長，唔錯 lu ！返到嚟都成點鐘，無咩邊度有嘢食賣，唯有再食啦！都係食粥穩陣D，外賣及第粥 $18 (外賣 + $1）、一串燒賣 $5、兩個粉果 $6、兩隻炸雞肶 $24，應該無問題呱！不過真係唔見咗個束馬尾嘅呀姨煮粥呀！但個老細就依然在，原來無轉手，但人手就真係唔同咗！唔通請過D？？？碗粥叫咗兩次唔要薑蔥 & 花生，但返到去依然成碗都係，咁問嚟做咩！但碗粥D料今次只係覺得無味，料蠻多呢！但個粥底好差！粉果還是以前嗰隻貨，皮薄餡料多，加上豉油辣油幾好味！燒賣 1串5粒 ，一直都無食過呢度D燒賣，咬落真的不錯喔！唔會好粉，唔錯！炸雞肶每隻 $12，唔係平，不過即炸，但唔油且好入味，唔太鹹且無咩味精，食完都唔會好口渴，仲幾大隻添！

JUL 30, 2009 (THUR) 剛出院，有D餓好想食車仔麵，於是試吓呢一間未食過！幫襯呢度百次以上的我，原來從未食過佢嘅車仔麵，真係自己都覺得奇！睇睇個餐牌，見到老闆娘車仔麵3餸1麵 $18 標榜新鮮豬骨餚製濃湯，秘製辣汁！優惠時段：星期一至五 11：00am ~ 2：00pm (假期除外)奉送特飲1杯或 +$5 配凍豆漿1枝『外賣 +$1 優惠時段除外』於是選了：魚皮餃、蟹籽蟹粉包、豬皮 配河粉【最終變咗米線】 『少辣』等咗成5~6分鐘，個呀姨先走出嚟話無河粉要第樣啦！於是改油麵，搜尋一輪後又叫無油麵要米線好唔好！咁唯有係咁啦！就要咗米線！當時只係11：45am 咁快咩都無！等等等又過咗5分鐘，另一個呀姨仍在雪櫃搵嚟搵去，究竟搵咩呢？原來係搵緊我要嗰粒蟹籽包呀！幾經辛苦在一堆盒中搵到兩粒，成個盒真係得兩粒！唔知真係咁好賣定平時根本無人叫呢？咩車仔麵D餸都要左搵右搵架咩，唔係一叫就有架咩！又等又等再等，過了10分鐘，終於拎個碗出嚟，加咗D豬皮就咁包俾我，要提佢先記得加辣，辣汁睇得出係秘製的！但我杯嘢飲呢？問咗成2分鐘先講得出係係係青蘋果茶，但茶呢？又等等等成2~3分鐘，又好似