陳鵬鵬潮汕菜館

营业中

休息中

等位耐 有四人枱都會叫兩張2人枱搭枱 旁邊等四人枱個啲飛一直唔叫 第二 樣樣餸都係平平無奇 蠔餅凍的 炒肥腸老 鵝肝乾 老鵝算最正常 但唔及正宗香港小店好 粿條配佢個辣椒油最好食， 野食細！ 最後走先知原來係深圳開過黎… 最慘因為野食細 唔會覺得抵食 只係平少少少少 人均200左右。 唔知係咪預製菜 佢個啲餸完全冇即整的感覺。就算鵝加熱住 都唔覺得佢夠熱..建議大家要平直接去大陸食 無謂香港價錢食番唔值ge野。 最後呢 一間餐廳有冇心機做一道菜 其實食客係感受到的。

晚市二人, 六點攞飛, 等咗一個鐘頭先有位終於埋位發現兩隻碗都有污漬黐喺面, 隻碗摸上手有啲油, 即刻叫侍應換😓😓😓😓😓叫咗滷水拼盤同蠔仔粥, 仲有甜品買一送一滷水拼盤味道一般, 平時街市買開嘅仲好食啲😓😓😓😓😓蠔仔粥太淡唯一優點係應該冇落味精侍應會要求快啲夾起碟上剩低嘅兩三嚿俾佢收碟, 態度唔多禮貌, 餐飯食得唔自在😓😓😓😓😓見到咁多好評原本好期待, 但真係好失望，唔會再食下一次👎🏻

沙田越來越多好野食之前上深圳一直想食呢間得獎無數嘅潮汕菜今日終於喺度俾我食到金獎潮鹵拼盤賣相好靚好豐富，一次過可以試晒多款滷水包括鵝片、鵝頸、鵝血、廣章（潮洲豬肉條）、腩肉及秘滷溏心蛋，口感軟糯，蛋黃香甜香煎鯧魚曾榮獲香港潮菜銀獎呢個菜好有驚喜，煎得外皮又脆又薄，肉質鮮嫩又滑，魚骨不多，小朋友及老人家都容易食，必試菜式海鮮砂鍋粥好鮮甜，有機大米加入鮮蝦、花甲、蠔仔等金獎鵝肝口感細膩，比煎鵝肝少了油膩感潮汕七樣菜就好似香港嘅雜菜煲，七樣菜拼在一鍋金不換炒薄殼第一次食呢個菜，雖然細細粒但係肉質鮮甜配埋金不換，好惹味蜜蘭香仲有食潮州菜點少得功夫茶

唔洗北上都食到嘅🌟陳鵬鵬潮汕菜🌟，依家係沙田新城市廣場都有得食啦🤩新開咗一段時間，平日晚飯時間都勁多人排隊，好多特色嘅潮汕菜呢到都有，幾值得黎試下，每款菜式仲要好夠味，果然多人食👍🏻._.🤎金獎潮鹵拼盤 🤎鹵水拼盤有多款鹵水食物，每樣都好入味，濃濃嘅鹵水汁，個溏心蛋好出色又夠味✨️.🐟香煎鲳魚🐟鯧魚煎到好香，外層少少脆，將煎好嘅鯧魚肉整成條魚嘅造型上碟，好有心機，而且煎完唔會好油膩.🦪南澳蠔仔烙🦪 蠔仔每隻都好飽滿大隻，蠔仔數量多，而且大大餅，炸到好香脆，鹹鮮香味十足.🦐海鮮砂鍋粥🦐生滾粥新鮮滾熱辣上枱，海鮮足料，蝦隻仲開好邊，方便食到蝦肉，粥底都充滿海鮮鮮味.🐚金不換炒簿殼🐚好香濃嘅金不換香料，簿殼嘅蜆仔數量多，蜆肉鮮味，幾惹味.🫖蜜蘭香🫖茶葉放係茶杯上枱，可以翻沖幾杯，香濃，解膩又解渴._.

榮獲多個大獎既深圳潮汕菜名店陳鵬鵬潮汕菜✨係沙田開咗啦🥳🥳除咗招牌金獎滷鵝、一系列出色潮汕美食同樣大受歡迎🤟🏻今次就約埋好友試齊多款招牌菜，款款都好出色，果然係獲獎名店🎊🔹金獎滷鵝拼盤揀咗個例牌拼盤，有齊鵝片、鵝頸、廣章（潮洲豬肉條）、豆腐、秘滷溏心蛋等等，推介味濃香軟又多汁既鵝片，肥瘦相間、嫩而不柴，入口超香！另外秘滷溏心蛋亦同樣出色，蛋黃呈濕潤膏狀，食落軟糯香甜，相當香醇！🔹香煎鯧魚榮獲香港潮菜銀獎菜式，將鯧魚醃製後裹上薄薄炸粉，煎至外表金黃酥脆，火侯控制得岩岩好～外皮香脆夠哂薄，魚肉滑嫩味鮮，令人一試難忘！🔹海鮮砂鍋粥有機大米配以鮮蝦、花甲、蠔仔等材料一同熬煮，粥品鮮甜，食到粒粒大米，以砂鍋呈上更可保持熱度。🔹南澳蠔仔烙特別加入木薯粉製成，口感煙韌仲食到大大粒飽滿多汁既蠔仔，口感極佳。🔹潮汕炸粿肉即叫即炸金黃色外酥內嫩，優質豬肉夾雜馬蹄，提升層次感，香口又滋味。🔹潮汕七樣菜每款蔬菜都各有意思，一次過食齊七樣菜代表將七種祝福和運氣全都食落肚，取個好意頭～蔬菜新鮮翠綠，湯頭香甜，絕對係健康之選！🔹達濠魚丸湯最後飲返碗以達濠魚丸製成既熱湯，魚丸鮮美爽滑有嚼勁～陳鵬鵬潮汕菜✨📍沙田沙田正

呢幾日天氣開始熱，最啱就係喺商場搵間好餐廳慢慢享受一餐。尋晚同朋友去咗沙田新城市一間潮州菜餐廳，呢度唔單止冇茶水錢，仲冇加一服務費！我哋叫咗幾款招牌菜，真係每一樣都有水準。首先上枱嘅係金獎潮鹵拼盤，入面有滷水鵝、滷水豆腐同埋鵝掌。滷水鵝皮脆肉嫩，滷得入味，唔會過鹹，真係好正😋滷水豆腐吸晒滷水嘅精華，外層有啲韌，內裡就好滑。鵝掌就更加唔使講，滷得好爽口，有膠質感。香煎鯧魚係我哋當晚嘅驚喜之一，鯧魚煎得外皮金黃香脆，但內裡嘅魚肉依然保持嫩滑，魚味鮮甜，真係好惹味。南澳蠔仔烙係潮州菜經典之一，呢度嘅蠔仔烙煎得恰到好處，外層脆脆地，入面嘅蠔仔鮮甜多汁，蘸埋特製嘅酸甜醬汁。海鮮砂鍋粥係當晚嘅主角之一，粥底煲得好綿滑，入面有蝦、蟹、花甲等等，海鮮味道濃郁。潮汕七樣菜係每次食潮州菜都唔可以錯過嘅，每樣菜都炒得好香又入味。最後上枱嘅係金不換炒薄殼，金不換嘅香味同薄殼嘅鮮味真係絕配。呢間潮州菜餐廳真係無論食物質素同價錢都好有吸引力，特別係冇茶水錢同埋冇加一服務費，真係好抵食。同朋友一齊慢慢食，慢慢傾，感覺好滿足。

💫沙田最近開左間潮洲野 係我最愛嘅潮州打冷🥰==============================𝐅𝐨𝐨𝐝 𝐋𝐢𝐬𝐭📌🏆金獎潮鹵拼盤 招牌菜啦攞晒金獎🏅鹵水滋味濃郁 件件都滷得非常入味 令人食得停唔住！🐟香煎䱽魚 外脆內嫩🥰鮮味十足 一啖接一啖 會食上癮💕🦪南澳蠔仔格 啲蠔仔新鮮彈牙 配合啲醬汁 真係一絕👍🏻 如果你鍾意潮州菜 真係唔好錯過呢啲招牌菜🥢🍲海鮮砂鍋粥 湯頭濃郁 海鮮鮮甜💫 唔單止係美味 仲有啲精心烹調嘅手法 絕對值得一試🏅🥬潮汕七樣菜 每樣菜都獨具特色 新鮮好食💚

去過潮州旅行之後，便喜歡了吃潮州菜。見沙田新城市開了陳鵬鵬潮汕菜館，唔使北上就有得食，梗係要試吓啦！好開心被安排坐卡位，坐得好闊落好舒服👍🏻。我哋兩個人叫咗以下嘅菜（樣樣都想食，原來叫到成枱都係🤪）：1. 茶：蜜蘭香食潮汕菜點可以唔叫壺茶飲下，呢個好香，而且有我在潮州飲的那些茶的甘香。當食得膩時，呢杯茶飲落特別舒服。2. 滷水拼盤呢個滷水拼盤有蛋、鵝片、鵝掌、鴨血，滷水的鹹香味，滿足晒我哋樣樣都想食嘅慾望；特別欣賞那蛋，真係糖心㗎 ！而且鴨血好滑👍🏻3. 香煎鯧魚呢個菜我強烈推介，必食！鯧魚鮮美，而且煎得金黃，皮脆肉嫩🌟🌟🌟好有驚喜，完全係今晚餐飯嘅highlight！4. 蠔仔烙呢個蠔烙跟我想像的有點不一樣，平常食的是比較香脆，這裏加了不少薯粉，香脆得來帶點煙靭，喜歡煙煙韌韌的朋友應該會喜歡這個。而且它的蠔肉一點也不吝嗇，整個餅滿滿蠔仔😋5. 海鮮砂鍋粥淨係聽個名已經流晒口水，那些海鮮多到整個砂鍋鋪得滿滿的，有很多蝦、蠔、蜆肉，粥底很綿很鮮味呢！🥰🥰🥰6. 金不換炒薄殼薄殼端午後中秋前一定要食，加上金不換一起炒後，它的鮮味跟香辣混和在一起，食到冇停口。真係每年也不能錯過！雖然他們很細

今日等位等咗好耐，人山人海等咗個半鐘先至食到陳鵬鵬會試咗陳鵬鵬，所有食物都色香味俱全，值得捧場，而且服務好喂，我最鍾意滷水鵝，煎魚都不錯，值得再來!!!!!!。

金牌滷鵝⭐️🔸製作過程都認真處理，絕不馬虎🔸選用獅頭鵝，自設農場，品質有保證🔸獨創12味草本滷湯及祕製滷汁調製🔸天天現滷，肉質緊致嫩滑金獎潮鹵拼盤 $128拼盤有鵝片同掌翼鹵水汁味道香濃，咸淡度剛好溏心蛋同豆腐都好好味👍🏻凍紅蟹 $298首選大個紅蟹，紅殼白肉，肉爽鮮美，帶著淡海的鹹香～隻蟹好新鮮，肉質非常彈牙，佐以紅醋更能突出鮮味～南澳蠔仔烙 $98份量超多，外皮炸到金黃，非常酥脆～蠔仔鮮嫩多汁，味道極鮮～香煎鯧魚 $128鯧魚用鹽輕輕醃過，在煎得外皮酥脆可口，既有口感有保留到魚肉嘅鮮甜！潮汕七樣菜 $68顧名思義入面有七樣唔同嘅蔬菜，加咗肉碎個湯底係好鮮甜～陳鵬鵬潮汕菜館 (沙田)沙田沙田正街18號新城市廣場一期7樓703A號舖

呢間潮汕菜館由 2016 年喺深圳創立，並於今年3月底正式登陸香港～ 餐廳曾榮獲多項大獎，包括中華鹵鵝大賽金獎、法國鵝肝大賽亞洲首獎、香港潮州菜大賽銀獎、連續4年榮登大眾點評「必吃榜」等等，想食潮汕菜嘅就唔好錯過啦！平日晚上大排長龍，有時間嘅建議早啲去攞飛，如果唔係等到天光都未入到，呢個地點呢個價錢真係冇得輸，難怪咁多人去食。一坐低就叫咗呢度嘅招牌菜，金獎潮滷拼盤包含唔同部位嘅鵝，煮至入味，新鮮肥美，配搭豐富，必點之選。私心推介香煎鯧魚，原條上，好睇又好食。肉質又肥又滑，骨唔算多，外層煎至微微脆身，魚頭最正，油脂感十足，唔覺唔覺就清晒。南澳蠔仔烙見周圍嘅客人都有點到，果然有料，炸至金黃酥脆，蠔仔大粒又肥美，而且食落唔油膩。主食有海鮮砂鍋粥，配料十足，連蝦都細心地切開左半邊方便食用，飯粒無煮到好綿所以帶點口感，湯底味道調味適中，份量好多適合多人分享。最後要埋個七樣菜，大雜燴，樣樣有少少，新鮮，鮮甜，飲埋個菜湯真係飽晒。

經過沙田新城市廣場，被陳鵬鵬潮州菜的糖水促銷吸引。門面的橫幅廣告宣傳買一份糖水，第二份半價，這個優惠看似誘人。店內除了紅豆沙有熱飲選擇外，其他糖水選擇都只有凍飲。朋友選擇了薑薯綠豆爽，期待中的傳統潮州風味卻未能如願以償，味道平平，缺乏驚喜。而紅豆沙的表現更是令人失望，苦澀味道重，遠不及預期中的甜蜜滋味。這次的體驗讓我們決定下次寧願多花點錢，也要到旁邊的滿記享受質量更高的糖水。總結來說，陳鵬鵬潮州菜的糖水促銷雖然吸引人，但味道卻未能令人滿意，除了價錢買一第2份半價以外，其他毫無吸引，不會再光顧。

Going for a try today around 145pm as it's nice one we tired in SZ. There is some table vacancy but we just 2 people they only give you some 2 people seat in pack, uncomfortable one but it's ok we sit as we wait for so long already . Then the manager just give us the seat without being any water / tea and the order menu... then we ask for the menu and take the order the Set Menu and then they said “ oh it's over 2 pm and no more set menu WTF!! “So we just leave .. I don't think they do like to

呢間潮汕餐廳最近好多人，次次上到嚟新城市7樓都見到好多人等位！今次終於的起心肝，6:00到場，總算唔使等太耐，半個鐘內有得坐低👍餐牌選擇唔多，我哋食咗滷水拼盤、海鮮粥、招牌嘅潮汕七樣菜、牛丸湯、燒牛丸、蠔餅同埋甜品，絕對係眼闊肚窄！滷水拼盤最快上枱，味道都幾香，拼盤有齊鵝肉、鵝掌、滷蛋等等，配搭豐富，味道唔錯👍 呢度嘅蠔餅係必食推介，蠔餅煙煙韌韌，入面仲有好多肥美嘅蠔仔，點少少魚露好好食！潮汕七樣菜真係好健康，食完蠔餅食呢個好舒服。牛丸都多汁濃味，串燒或者湯都唔錯。你睇吓個海鮮粥幾多料！！！ 不過呢個主食都幾飽肚。一定要留肚食甜品，仙草好好味。仲有仲有，呢度有幾款特色茶，鍾意飲茶嘅朋友一定要試吓。最尾飲埋功夫茶，好消滯！呢度性價比都幾高，下次如果想早食飯可以encore！

4點半囉位 。叫我地5點準時到 但冇位比我地 一開始總等一等 之後叫我地5點到再等2個鐘先有位 已經等左一個鐘 冇位都唔會講 叫你等一等 父親節明白很多人 但你可以講冇位 但不斷同人講等一陣