陳記魚蛋

营业中

休息中

今日同老公陪屋企人食完飯就諗住到路德圍食個糖水，食完突然口痕痕，好想食下小食，但行左好耐都諗唔到食咩好，本身打算去食豪大大雞扒，但見到有勁多人排隊.....所以就打消左呢個念頭。之後見到豪大大隔離有間唔多顯眼嘅舖頭仔，傳黎陣陣嘅香味，立即走上前睇下係咩黎。見到係一間賣魚蛋嘅舖頭，仲有三種辣汁比大家揀，舖頭嘅牆上痴滿周刊報導，蘇絲黃都話辣汁好味咁，真係估唔到咁隱世嘅店舖原來係咁出名。見到有香腸就叫左一串，要小小辣嘅辣汁，未食入口已經聞到好香嘅辣味，係聞得出佢係由好多香料煮成。雖然只係小小辣，但對我黎講辣味已經好夠，仲有少少嘅甜味，個種香味係有別於出面嘅辣汁，出面嘅汁係得個麻味，完全冇辣嘅香味，呢度嘅辣汁直頭令人一試難忘，只可惜我已經食得好飽如果唔係我一定食多幾串。下次黎到路德圍呢度一定係我不二之選。

魚蛋（$6）燒賣（$6）👅個日痴左中同一粒魚蛋😳覺得好正好有林昌記既影子！頭先行過荃灣就自己買黎隊下啦😆😆😆呢到既魚蛋細細粒，咬落唔係爽口，而係中間feel到有韌度😳😳超中意呢種口感！會比爽口既魚蛋既魚味出好多好多！😋😋😋呢到既咖哩沙爹汁可以簡辣度😎我簡小辣！個咖哩汁令啲魚蛋當堂升左一個level😍😍甜甜地超惹味！會食唔停口😝😝下次可以簡大辣🤔小辣唔夠辣～至於啲燒賣就比出面個啲大粒！脹卜卜咁😆😆沾埋啲咖哩汁同甜醬😋無得輸！

有晩經過荃灣路德圍,都好耐無去過呢度,估唔到成個地方變左好多,差不多80%地方都成為左食肆，勁！咁多食肆喺到,咁為食嘅我無理由試都唔試下就走,但又食飽飯,唉!輕食算啦!就喺陳記魚旦到整番兩串水魷魚試下。都幾新鮮,份量適中,配埋個秘製沙爹醬，嘩,真係另一番風味,唔錯!

當我每次經過陳記魚蛋舖時，都忍不住買一串辣辣魚蛋品嚐一下。新鮮的魚蛋配上辣汁簡直無得頂。 辣汁是秘製的，又麻又辣，好好味。值得一提，除了魚蛋外，還有燒魷魚，又香又脆非常野味。

以前住長沙灣，會成日突登走去深水埗買陳記野食，決為個醬真係啦好好味，後來開多左分店，就方便左好多~每次一定會揀麵根，因為最吸汁，我記得以前電視介紹過個醬有加入藥材製成架，我就食到有花生，蒜，咖哩，仲有種好獨特既味，唔知係咪就食果啲藥材？總之呢隻味道，就真係第二度食唔到~牛柏葉都係唔錯既選擇，雖然唔吸汁，但係因為啲醬汁夠濃稠，一片片既牛柏葉，掛汁程度都好高而我通常都揀小辣，惹味得來又唔會太辣，好好味不過感覺上一次比一次少醬，曾經開過口問阿姐可唔可俾多啲醬，阿姐都唔肯俾之後都唔敢再問喇~

小弟系之前都介紹過林昌記，其實同一日小弟都食左陳記魚蛋呢，系食食下嘅時候，小弟又諗起這首歌苦：彼此撐了一柄雨傘　妳吃魚蛋卻沒說話妍：為我仍未親吻我　旁人的心聲可有消化苦：這檔辣醬妳吃不慣　令你手震反白眼隨淚線崩潰再沒法說話還記得小時候小弟一吃魚蛋便會想起這首魚蛋歌，雖然twins已經無以前咁受人歡迎，但一聽到食到魚蛋，就不自覺想起這首歌了XD系陳記食時魚蛋想起這首歌就更座應境，原因就梗係佢嘅汁好好味啦。小弟今次就叫左手20蚊魚蛋，雖然貴左啲，但係可以用碗食，方便啲之外，仲可以有多啲汁呢。魚蛋；無魚味，應該係用粉整嘅，非常一般。汁就好好味啦，有蒜香，也有辣度，唔識食辣嘅你地唔洗驚，佢有分辣的，你可以揀小辣，中辣，大辣。不過姐姐服務一般，叫佢多少少汁，又寸話已經好多汁，仲要不過整體來說，不過不失啦，叫做有個幾好嘅汁補救

近路德圍嘅陳記魚蛋，每次經過我都忍唔住食串燒賣！🍢🍢由$5食到$7串/5粒，食燒賣最忌太粉，食到成pat粉咁就真係喊出嚟～呢度嘅燒賣就比較煙韌，，我就通常加小小辣，精華就喺秘製辣醬度 (有次我試下加普通豉油同辣椒油，滋味level即刻降左十級) 佢個醬應該加左少少蒜粒碎，好惹味！

食完晚餐，仲有少少唔夠飽，行經路德圍，見陳記魚蛋有唔少人買，一於試下好唔好味！第一次試，一於先試小辣！魚蛋彈牙爽口，秘制沙爹辣醬好正，辣得黎有少少甜，個汁仲幾香添！加上價錢相宜，都只係$6/1串，好抵食！做飯後小食ＯＲ飯前小食都唔錯^^

吃到陳記魚旦就像回到小時候在車仔檔的魚旦一樣，爽口彈牙先不講醬料，單靠魚旦本身質素已比很多熟食店的魚旦好得多，在旺角等地一堆魚旦檔吃落滿口粉，粒粒都發脹而且每串都要過10元難吃得要死 。腸仔亦不貴$3蚊串，味道亦ＯＫ再加上他們獨制既沙爹辣醬(小/中/超辣)感覺真的無得彈。每串魚旦$6/串

2014 倒數前喺路德圍搵食，發現咗陳記魚蛋，價錢真係好平！一串魚旦都係$5，腸仔$3蚊送多粒魚旦，牛丸都係$6。 魚旦跟普通汁，帶甜味，個汁都幾香，似有陳皮在裡頭！魚旦彈牙！腸仔係我最愛的廚司腸～更多送一粒魚旦，很趣怪！今次試了小辣，都係帶甜！之後有點辛口！好抵食～至於牛丸，質數唔係咁好。

話說尋晚同男友各買一串牛柏業食，因為牛柏業既汁好易彈到成身都係，於是問呀姐拎隻綠色膠碟住啲牛柏業。點知呀姐話：“一早叫你買兩串嫁啦，買多串咪俾個兜（白色外賣膠兜）你囉”。同佢講要隻碟又話要買多串俾個兜你，在深水埗店同以前係度食過都可以用綠色碟裝住晚既，況且佢根本無講過買三串有個兜。好，我地就咁食算。上次買外賣又係遇上呢個短髮呀姐，買佢可唔可以淋多少少汁又係悔悔氣氣咁話“得，買多串咪俾多啲汁你囉。”講番食物質素，牛柏業係爽既，但男朋友有五舊牛柏業而我只得三舊。男友叫唔辣醬汁但食落去都辣。總食落總覺得無以前咁香辣。總括嚟講六蚊串小食我唔期望有好服務，但至少唔係咁樣discourage個客。以前去開深水埗店態度都唔錯。論價錢、味道後一條街兩間小食平一半，味道唔都唔錯，食完一肚火，我點解要幫襯你？仲想個客買多串？我會永遠blacklist荃灣陳記魚蛋。

.見到E間鋪開佐既時間都唔短啦..專程走去買回家.一試..OTHER佐..魷魚.豬皮.魚蛋....這三種食物.本身都無咩味道可言.都係正常既.魚蛋都係一般無口感.無鮮味..都可以理解..價錢都係一般6-8蚊.要求不會太好質素...但此鋪主打既.應該都係醬汁..雖然我要既係唔辛辣..但都唔係.無味到.我呆佐.個D醬料比我既感覺係食到成口渣..聞就好香..食落無味..我再落埋豉油都唔覺好味......如果新鋪開張..都係值得體諒..但固有鋪頭...就沒有再幫襯的理由...

陳記魚蛋的辣汁，自多年前在其太子店吃過之後，一試難忘，不是它太出色，只是本人食辣成癮，在那次終於找到個人認為帶點辣的辣汁罷了。當知道就在是日吃午餐的地方，其附近有陳記魚蛋的芳蹤，二話不說，吃畢飯之後，撇開了同事，獨自來偷食。店門外也是搶眼的黃色招牌，在魚蛋旁也是數桶有不同辣度的辣汁，不過原來這個辣汁，也是有不辣的版本，不過本人當然是要吃大辣。本人點了魚蛋及一串牛柏葉，看見店家在翻熱牛柏葉之時，在滾水再一灼，在向其加上辣汁前，雖然店家很用力的隔水，不過加了辣汁的魚蛋及牛柏葉，尤其是那牛柏葉，還是不斷地釋出水份。幸好店家的辣汁真的夠濃稠，不過個人認為是次選了大辣也還是不太夠辣，吃起來有花生味及一點甜甜的感覺，這種甜辣令人想起韓式的辣醬，如今我們港式的就用了花生醬來營造一款異曲同工的感覺。其實本人對其魚蛋興趣不大，情形就有如吃一碟本身不太好吃的牛河一樣，為的可能是用余均益來伴吃吧！說回正題，魚蛋偏腍偏軟，沒什麼咬口可言，當然也說不上有魚味了。牛柏葉不用擔心會很韌，因為店家不知用了什麼方法“那”過它，使得吃起來就是只有爽爽腍腍的感覺，真的是挺奇怪的，不過在香港不少的小吃店，全也是如此，試問誰會

經過好幾次都認為佢貼d廣告係門都唔會影響到幾多人想幫襯呱..始終裝修好似好簡陋唔似有咩神秘野,..今日終於試左...3$ 腸仔 送一粒魚蛋幾特別..岩哂想同時間食哂兩樣又唔想花太多錢既朋友..腸仔好耐無係街邊檔食到la..唔同自己殺個d... 最最最緊要係試左d 辣醬..唔錯..有大中小 唔 4樣你揀..我試左小辣..佢係唔太辣得黎 帶小小甜..唔識言語間形容la..總之開正我個飯..我唔食得辣嘛,...所以決定下次再試嘿..

去親荃灣推淋巴/做FACIAL/ SHOPPING, 我都必去吃一串呢度魚旦架~ 魚旦唔太林, 唔太韌, 最重要係個醬汁, 結結地醬汁痴住魚旦, 唔會狂滴落, 我次次都叫小辣, 超好味啊~ 佢有分大辣, 小辣, 唔辣~呢間係我係香港其中一間最鍾意食的魚旦之一, 又平又抵又好味, $5/串(6粒)~ 今次食食下先發現貼住蘇施黃來過陳記, 我估係灣仔果間呱~