陳儀興牛什粉麵茶餐廳

营业中

休息中

是日去安泰邨搵朋友食飯，朋友介紹左哩間都好多人食的陳儀興牛什粉麵茶餐廳食DINNER，哩度的姐姐真的好有人情味，未食都已經好感動，朋友話一定要食佢地的牛坑腩同埋崩沙腩因為真的唔知點選擇，所以就叫左雙拼，開心D XDDD牛坑腩同埋崩沙腩河另外也點埋墨丸牛筋河因為點左套餐，就有碟腐乳生菜，同埋我叫左可樂，牛坑腩崩沙腩河牛坑腩崩沙腩河一上來，真的唔少的份量，牛坑腩同埋崩沙腩也好，食落都好淋，唔會有UN的感覺，同埋好香的牛味，真的二款都好好食~~唔叫雙拼真的對不起自己~~墨丸牛筋河墨丸牛筋河都唔錯，牛筋都好多份量，食落都唔會硬，腐乳生菜腐乳生菜，個腐乳汁真的好正，撈埋河粉真的好惹味，最後我點左汽水仲結尾，哩間陳儀興牛什粉麵茶餐廳真的值得再來食食~~

我哋一家三口在屋企樓下試吓樓下嘅粉麵檔，我哋柯打咗崩沙腩河，牛三寶河加咗魚皮加腩汁菜心，同常餐！崩沙腩河粉：牛腩份量好多，每塊崩沙腩上有薄膜，豐富嘅牛脂膠質，連着少許肉，爽軟不硬，口感豐富，油香味濃魚皮：好大塊又完整，成香薄脆，送麵一流牛三寶河粉：有牛腩，牛肚同牛筋，一次過滿足晒3個願望份量大，牛肚同牛筋冧滑入味，牛腩比崩沙腩較瘦，但都牛味香濃常餐：沙嗲牛肉米線加漢堡扒煙肉，個沙嗲醬好正，要讚下塊牛油多士烘得香脆可口！

牛腩 beef brisket 是洋人對牛腩位的統稱，香港作為美食天堂，對牛腩，或者叫清湯腩有份特別的執著，所以有很多的細分比如最為人熟悉的坑腩就是牛肋骨旁邊的腩位，瘦的比例高一些，配一塊彈牙的筋膜崩沙腩則是近橫隔膜的腩位，比較肥美，餐廳通常炆得較軟稔，通常在香港的清湯腩店才會有它的踪影陳儀興座落安泰邨，離觀塘市區一點也不近，但質素卻是非常高！性價比也高食物：牛坑腩崩沙腩雙拼河粉$60河粉份量適中，但牛腩豪不吝啬，十多塊的腩肉舖滿碗內！坑腩一如所料比較瘦，但逆紋而切，入口非常易咬！稔軟好吃！崩沙腩算是第二個世界吧，那半肥的橫隔膜位入口即化！而且每塊都重牛脂香，份量也多，很不錯紫菜雲吞淨食$39侍應姐姐推介的淨雲吞，蝦跟肥豬肉的比例剛好，兩份蝦肉一份半肥瘦豬肉，大地魚香豐富，皮薄餡多。這六大顆雲吞只要$39的前菜，卻飽得我不要不要的呢！菜心+$10也沒什麼好說的，普通菜心一份，在質素不強的情況下把它煮得稔一些方便客人咀嚼，廚師功力值得一讚

今天約左在朋友家聚, 由於中午已食過Pizza, 故晚上就食點比較輕食的食物, 於是就帶左我去商場街市,食呢間陳儀興牛什粉麵茶餐廳, 主食潮式牛雜, 崩沙坑腩, 雲吞等麵食, 但都有西式下午荼可選,由於商埸都是新開不久，故地方都乾淨企理. - 牛崩沙腩加牛根米線牛坑腩邊皮連着肥肉, 咬出油香, 瘦肉部份淋而不un, 湯底味香濃, 非常美味！ - 牛雜河聞到友人叫的牛雜河很香噴牛味，友人說常會食,湯底濃郁, 牛雜各部份都炆煮得入味，加埋佢自制的辣椒油夾埋河粉一併食，超滿足喎😙。 -  淨雲吞雲吞足料蝦非常彈牙, 蝦跟豬肉的調味很不錯, 幸好預左2份食, 因有8粒而且有菜墊底。 $10加了碟生菜, 都大碟啊！$8可加飲品！ 店舖有自家制嘅辣椒油, 香而不過辣, 連醋添落粉麵度一齊食, 很惹味啊呀😘。$38/樽, 我都買左樽回家呢~

第一次食呢間陳儀興，餐廳內嘅環境算係乾淨企理，餐檯闊落,侍應非常有禮貌，姐姐好好人，有介紹主打菜式，可能因為疫情關係，唔算太多人，主要是屋邨街坊。叫左個崩沙舉腩搭牛丸粗麵，麵無鹼水味，幾好味，崩沙腩夠晒腍同入味，腩汁都好夠濃郁，叫全香港最最好又不至於，但是，也要認真要一試！另外，仲叫咗個牛坑腩拼崩沙牛腩麵，加紫菜，牛坑腩有咬口，同好香，唔錯，感覺比崩沙更好食，紫菜都好有味，食到冇沙，幼麵就比較上重鹼水味啲，但可以接受，下次黎應該要試下河粉。小食方面，嗌左炸魚皮同埋腐乳通菜， 炸魚皮夠晒脆，味道偏鹹，可以一試，通菜就正常，腐乳係好食嗰隻。 辣椒油方法，是潮州式果隻，夠香而唔算太辣，落落碗麵同牛腩都好夾!飲品方面，只叫左一杯熱檸蜜，味道不錯，不會太甜，又無苦澀味。

今日放工同朋友食左一餐超級高水準既牛腩餐！！！因為今晚近收工先知屋企無人，所以就去左接朋友收工兼一齊食晚飯～朋友係屋苑附近既補習社工作，等佢搞掂之後就去左街市入面既粉麵檔開餐～朋友話呢度既牛腩同牛什都好出色，所以我地就每人要左一個“單拼粉麵套餐”HKd$49，另外要左一份“崩沙腩拼牛坑腩（淨食）”HKd$118=］先黎既係套餐中既油菜同炸魚皮~菜心新鮮，炸魚皮亦夠香脆！之後我地所點既牛什河同牛筋米都好快黎到～係牛什之中，自己就最中意食牛肺呢度既牛什清洗得好乾淨，仲滷得好入味添朋友俾左件牛筋我試都非常唔錯～但今晚既重點都係呢碟“牛坑腩拼崩沙腩”！！！份量超多，呢個價錢可以食到呢兩款咁高質既牛腩，可以話係超值！！！兩者牛腩都唔係度度有得食，全因坑腩既位置較少所以就算有得食都會比平日既牛腩貴，但食過你就知，貴d都係值得架～兩款都係香較而鬆化，崩沙腩就帶有多少少脂肪同筋膜，更為可口～最後一人一杯涷檸茶，完美！

放工回家途中好肚餓，就係安泰村落車去揾野食🤪🤪有間陳儀興粉面入面幾多人幫襯所以我都選左呢間🥰店內姐姐推介崩沙腩係佢地招牌，我唔知係牛/豬所以問清楚姐姐，佢解釋我知係牛腩但脂肪多d會淋d, 於是我最後選左呢個招牌崩沙腩拼雲吞麵🐮🦐🍜，仲有食呢d 必備的炸魚皮🐟😎先試一啖原汁原味的然後再加上辣椒油🌶️🌶️，不過好像都唔係好辣我落了好幾匙🤪🤪試一試崩沙腩，不來真係好好味😋而且好足料，雖然係雙拼但d崩沙腩食極都有，起埋超過10 舊😍😍炸魚皮都係我鐘意的口感。浸完湯仲係胞身而唔係淋果種

扮孝順有好報~ 陪伴阿媽上安泰 睇啲嘢順便食晏，食到超正牛腩， 上到去街市阿媽話好耐冇食粉麵，見到呢一間粉麵茶記好似唔錯，所以就入去試下， 第一次嚟紊下menu先啦， 可能阿姐姐見我哋睇得耐， 就同我哋講"我哋啲牛腩同埋牛三好好食㗎"﹐ 阿媽就決定牛三寶河，我想試下牛雜~就叫咗個雜米，咁梗係要加油菜啦~點可以唔食菜呀~上得好快呀~上嚟嘅時候賣相就麻麻地，但係攞隻羹兜下原來好鬼多料~好大碗， 先講自己個牛什米~好新鮮 ﹐雖然都應該係冰鮮貨，但係佢真係做出嚟嘅味道好似新鮮牛雜咁樣，牛味好夠~ 佢五香味好香，但係唔會濃到膩~ 阿媽嘅食量呢我係一定要幫佢食少少，果然係阿姐嘅推介，牛筋真係唔會係軟曬一pat pat嗰隻， 牛腩軟淋啲肉已經係淋到見一絲絲，但係食完唔粘牙， 阿姐見我哋食得咁滋味跟住就講咗句 "我哋啲崩沙腩仲好食呀", 唔使諗~ 加一份淨食崩沙腩， 阿姐好開心咁幫我同廚房落order﹐ 唔好見咁大嚿肥其實入口就係半肥瘦嘅感覺， 嗰浸牛香味配埋五香~ 真係一個最高嘅享受，張相我係食咗先記得影~﹐ 而且佢呢個淨食係唔貴㗎~只係一百蚊，個質素呢絕對係一流~ 下次嚟都一定要食~另外仲要講係佢

朋友介紹話呢道既牛腩麵好食，咁啱要去附近睇戲就試下~. 牛坑腩麵 $42問左姐姐崩沙腩同牛坑腩有咩分別，姐姐話牛坑腩瘦啲所以就揀左手坑腩~食落係肥瘦適中偏爽口，果然好高質! 麵條好彈牙，湯都好味😋.薑油雞扒雙蛋飯 $48雞扒煎到香脆多汁，雙蛋䓤油豉油既配搭最經典又好食.腐乳通菜 $10$10有碟菜食下好抵，仲要有腐乳👅.凍檸茶 凍奶茶 $8姐姐服務態度超好，我倒瀉咗都冇怪我，仲安慰我，再比多杯我😭係人情味呀~~~

勁正牛坑腩今日來到觀塘做嘢，順便搵個好耐無見嘅朋友，相約去附近餐廳食個午餐，朋友話呢間牛腩好正要食我叫咗碗牛雜米，牛肚炆到爽口又彈牙，但都帶點腍身唔韌，仲有牛肺都好濃好香，米粉清清地唔會有陣行味叫餐仲有油菜，好新鮮有菜甜味，唔洗點蠔油都好好食剩食牛腩叫咗牛坑腩，牛腩炆到嫩腍有點爽口，因為坑腩面頭仲有啲牛膜筋位，多幾分香味朋友就叫咗牛肚牛筋河，牛筋好腍啊充滿骨膠原感覺。河粉滑滑的喜歡呢個口感，下次試埋佢下午茶餐先

朋友推介的粉麵店，今天剛好到附近工作，終於有機會來一試！點了友人極力推薦的崩沙腩飯，$55，附送咖啡/茶。我還加了$10要了個菜心，balance一下，感覺健康一點！上桌時有點驚訝，份量非常多，店家果然夠大方！熱辣辣的崩沙腩，牛香撲鼻，輕咬一口，它嫩滑又夠油香的口感與味道完美地散發出來。果然朋友沒有介紹錯，一口氣連吃了幾塊。現在想起還是回味無窮！同行朋友點了一碗雲吞，另加$10要了碟炸魚皮。雲吞爽口彈牙，咬下啖啖是蝦肉，蝦肉份量挺多，又要再一次讚店家了！味道也調得不錯。炸魚皮薄身脆口，香脆至極，不像外間的又厚又硬，味道不錯！

平時午餐我都會多數食湯麵，因為真好意食粉麵，要數最愛一定係潮式粉麵，牛雜一定首選今日嚟到觀塘朋友家，就嚟咁呢到食午餐醫醫肚，叫咗個牛雜河套餐配腩汁油菜，另外追加咗炸魚皮魚皮好香口又夠脆，份量都幾多牛雜河一上嚟就好香，牛雜鹵到入哂味，牛肚好爽口帶點彈牙，牛肺好諗喔，仲有最愛嘅牛腸牛膀，而河粉都滑身另外叫了剩牛腩，係牛坑腩位置，爽中帶諗又有一點半筋半肥嘅邊位，好好食近幾年鍾意油菜配腩汁，感覺清啲無蠔油咁肥，哈哈～菜心都翠綠新鮮餐飲就叫了熱齋啡原來仲有好香嘅自家製辣椒油買

抵食又好食嘅粉麵真心唔多，呢間陳儀興粉麵雖然喺屋村入面，但又幾鬼正喎！價錢抵食之餘，仲好好味呀大大個招牌，一眼就望到間野，唔會搵唔到午市粉面套餐都幾多選擇，我點左呢個美味牛丸河 大大粒牛丸 爽彈爽彈最正係牛味夠濃呀 好味道朋友點左個精選飯餐崩沙腩飯，估唔到個份量咁鬼多，我偷左幾件黎食好正呀個崩沙腩，咬落夠晒腍，油香滿滿，呢個真心推介牛肉味道都夠晒濃郁㗎 ！我另外加咗$10要碟炸魚皮，嘩個份量又係超多，可以兩份一齊食，好抵食！魚皮夠晒脆好香口！晏晝勁多人嚟食囉，好彩早嚟唔使排隊。

下午時間，作為一個香港人，食返碗地道粉麵最舒服！好耐冇飲杏仁霜，今次點返杯杏仁霜先！都幾濃幾香，唔錯唔錯！我鍾意食雲吞，又想食牛丸，最後揀咗雙拼牛丸加雲吞河！有成四粒雲吞，正呀喂！啲雲吞好鬼死足料，咬落淡淡蝦肉，爽口彈牙！牛丸嘅味道都唔錯，彈牙就梗㗎啦，估唔到仲爆曬汁！河粉都夠晒滑，整體都非常唔錯！加多$10仲有碟菜芯，都幾大碟，抵食的！由於個雲吞真係好正，發現原來可以買走，所以臨走時決定買盒返屋企自己煮嘆！！店內個環境都唔錯，鋪仔細細但好舒適，下次再嚟過！

平時都好鍾意食粉麵，特別係牛雜粉麵，今次經開呢到去朋友家，就見到呢間正正喺落車位附近見種類都好多選擇，今次無叫牛雜叫咗姐姐推介嘅牛丸，話特別爽彈一定要試，牛丸河都幾大碗，河粉滑滑的不錯喔，而牛丸一口咬落去好爽口，肉汁豐富牛味都出，真係同平時食開唔同，似手打牛丸另外朋友叫咗雲吞食，好大粒好足料，雲吞皮都好薄，鮮蝦同豬肉比例剛好，比出面都大粒幾抵食最後牛丸好食買咗一盒生牛丸外賣返去，可以平時加餸煮麵食