陳新記

营业中

休息中

五一假期特登去幫襯本地食肆。但係真係好灰心。未座低已經比阿姐當人肉球叫座呢度又話要座個度。點知另外一個阿姐掉返轉頭問我地揀完坐邊度未。我哋話唔係我哋要揀，係你地叫我哋轉枱。最後好似我哋阻住佢，話咁你地揀好未呀！無奈，唯有離開。

睇過好多YouTuber 推介今日決定前來一試一口多士炸得鬆脆，花生醬及煉奶做得香滑唔會好甜，但其實都幾heavy，不過間唔中一次冇所謂。炸三寶有雲吞、魚片頭、魚皮。雲吞皮炸得好鬆脆，雲吞餡用了新鮮，魚片頭軟熟彈牙，最好食係炸魚皮，做得好薄身，同樣做得鬆脆。雲吞麵，雲吞size適中，雲吞餡加了一小粒冬菇，提升了雲吞味道層次，湯底及麵底就比較一般。另外太太點了魚蛋粉加兩杯凍飲total$110雖然是街市熟食中心，環境算乾淨，起碼個地下唔會濕漉漉。

我同事話呢間嘢嘅炒麵等等啲嘢冇鑊氣,偏淡,我哋諗住畀個機會佢,試下佢嘅海鮮加工。我們今次6人上星期平日晏晝自攜8款海鮮去加工(每款海鮮收$60-$110不等,現加工費共$690),除咗白芍赤米蝦屬正常(唔知係咪第一味上嘅菜,又加上肚餓),其餘真係唔掂,唔知佢唔捨得用料定唔識用料,啲味道全部唔到位,多偏淡,除咗辣酒煮花螺味係夠濃,但都整得唔好食。另叫小食招牌三寶($80),魚皮係薄、脆,但偏淡,其餘雲吞、魚蛋一般; 一口多士($37)係偏乾,唔掂(我個人認為巡味-荃灣店超正,不過我一年多冇去,唔知仲keep唔keep到水準,佢全間嘢除咗一口多士好味,其餘冇樣好食,如果淨係食多士,性價比就低)。 赤米蝦~白芍(正常)扇貝~蒜蓉蒸(出唔到生熟蒜味,淡茂茂)蟶子~豉椒炒(完全冇落豆豉,所以冇咗嗰種鹹香味)花螺~辣酒煮(煮到酒還酒味,螺還螺味,食到唔係酒香味,係酒嘅苦味)鮮魷~椒鹽(唔夠惹味,偏淡)海中蝦~豉油王(唔夠惹味,偏淡)南非鮑魚~豉油陳皮蒸(豉油/陳皮冇味)沙白~鹽水煮(有D過熟) 自攜海鮮加工：赤米蝦=$80/份扇貝140/3只x2份=$280/6只蟶子@200斤=$240/10只花

睇咗YouTube有人介紹，特登過嚟食西多士+奶茶紅豆冰。嚟到係下午茶時間，見下午茶餐牌有一口西多士餐， $45 一口西多士下午茶餐，加杯奶茶紅豆冰加$12 ，加埋$57 。一口西多士，冇餡👎🏻淋面嘅花生醬同奶都好少👎🏻成個西多士都好淡味👎🏻又冇料👎🏻唔知想點😵‍💫奶茶紅豆冰正常Anyway，性價比極低，冇下次

時間：上午約11:30可能期望有啲高，或者我個人口味啦！一口西多外皮係脆但偏乾及硬，無蛋味，未必有下次。不過見好多食客，自帶海鮮料加工煮，同埋每枱都有叫豉油王炒麵，或者下次可以試吓。

陳新記環境雖唔算豪華，但勝在夠地道，有種親切嘅街坊味。先講講佢哋嘅招牌西多士啦，望住嗰碟綠色嘅碟上面疊住嘅西多士，真係好似一座座小金磚咁。西多士炸得金黃酥脆，外層好似披咗件閃亮嘅盔甲，咬落去“咔嚓”一聲，酥脆到爆！裡面嘅麵包軟綿綿，浸滿咗蛋漿嘅香味，再配上濃郁嘅花生醬，甜而不膩，齒頰留香，真係食到停唔落嚟。不過呢，可能因為炸嘅時間有少少長，邊位有啲偏硬，唔夠鬆軟。同其他餐廳嘅西多士相比，陳新記嘅西多士花生醬嘅味道更加醇厚，唔會好似有啲地方咁，花生醬淡到好似冇落咁。而且佢哋嘅價錢都幾實惠，咁大碟先廿幾蚊，性價比唔錯。再嚟睇下呢個蛋治啦，兩片烤到金黃嘅吐司，夾住香噴噴嘅炒蛋同香脆嘅肉碎，簡直係絕配。炒蛋炒得嫩滑無比，好似雲朵一樣輕盈，肉碎增添咗口感嘅層次，每一口都係滿滿嘅幸福感。同外國嘅三明治相比，呢個蛋治更加符合我哋香港人嘅口味，外國嘅三明治有時會加好多生菜、番茄，感覺有點生冷，而陳新記嘅蛋治熱辣辣，食落肚暖笠笠，真係好正。講真，食呢啲港式美食，有種好特別嘅情懷。細細個嘅時候，阿媽會喺屋企煎蛋治畀我哋做早餐，嗰種簡單嘅味道，一直留喺心裡。而家喺陳新記食到呢個蛋治，好似返番去童年嘅時光，好

走到鴨脷洲尋味，隨緣來到陳新記果然有食神，通常魚蛋麵牛雜麵雲吞麵都係同一個湯底，這間魚旦粉嚐了一口湯底好有意外驚喜，係用魚熬成湯底味鮮清甜可口，魚蛋爽口彈牙這個一口西多士，我甘願為佢跑多幾個圈，麵包鬆軟外層炸得香脆，實在值得打破我多年不食西多士戒條。

又嚟買海鮮加工啦大尿蝦，青衣12兩，油鹽水墨魚，扇貝仔，左口，獅頭魚我坐低後陳太問我要點整，我話你話事🤣大尿蝦既焦鹽出面無得食，好出色陳新記既蒸魚永遠時間岩岩好，剛剛到位就上台，真係從來無失準，完全係好放心將最好既食材交俾陳生獅頭魚我本身諗住清蒸妹妹下食下魚味，上台原來係蘇炸，阿又幾香口wo香港最近好多餐廳結業尼樣戈樣，其實好多餐廳執笠都有共通點就係無誠意兼難食我每年都會大老遠將軍澳入去鴨脷洲，就係食佢既鑊氣，功夫

今日來到鴨脷洲，一心一意想試海鮮加工，一班朋友過來，之前沒有預先book位，諗住中午時間唔會太多人，點知場面十分墟冚、人頭湧湧！全場熟食攤檔只有佢座位滿晒，令我哋更加期待！之後馬上到樓下海鮮檔買海鮮，結果買了幾樣馬上上去，好彩之前上去攞咗位，買埋海鮮啱啱好！首先，叫咗兩個前菜，分別係招牌炸三寶，同埋個炒麵！炸三寶真係名不虛傳，即叫即炸，而且都幾好食！之後個炒麵就正常，都算乾身唔會油膩！終於嚟到海鮮環節，第一味係豉油王大蝦，呢個確實好味，炒得都幾乾身，亦都保持大蝦的鮮味，裏面仲好濕潤！值得一讚！之後係椒鹽鮮魷，呢個我就覺得麻麻哋！啲椒鹽太鹹，蓋過晒所有味道！個個人都負評！之後就到蒜蓉粉絲蒸蟶子，呢個就中規中矩，比較淡身！食完再叫咗個一口多士，呢個係招牌菜，多士炸得好乾身，都唔錯！但係環境十分逼夾，人背人坐，我覺得呢個質素，其實好多大排檔都有，如果經過就可以試吓，特登我覺得就唔需要！

今日同朋友就嚟咗鴨脷洲呢一邊搵食，就去咗呢一個鴨脷洲市政大樓嘅街市買啲海鮮上去加工，聽講呢度有一間幾出名嘅海鮮加工餐廳，所以就特登過嚟試吓，我哋就買咗瀨尿蝦鮑魚同埋都赤米🙈🙈椒鹽瀨尿蝦真係非常出色，每一隻都做得非常挺身，而且我覺得瀨尿蝦最好就係椒鹽，佢呢一間餐廳嘅做功非常好，有鑊氣之餘，而且味道上嘅調味唔會話太辣，啱晒啲食唔到辣嘅朋友🙈🙈 鮑魚我哋就叫咗清蒸，加少少陳皮成個味道更加昇華！赤米就白灼，所以都冇乜太大功夫！最後加咗個西多士，加工費都唔算太貴，我覺得可以接受🙈

打風過後嘅星期六book檯食海鮮加工慶祝埋生日。最緊要留定餐牌無嘅招牌紅豆西多士。老闆仲提示可以下次whatsapp預留。係樓下最多人果間穩記買哂所有嘢上黎加工，好nice嘅老闆娘同我地一齊傾下點整。每樣餸都整得好好味，尤其老闆娘介紹嘅薑蔥炒龍蝦，感覺到龍蝦應該有先油泡再炒，好正又創新其他餸都好好食，椒鹽鮑魚食落依然好嫩。蟶子用左秘制醬皇去炒，有濃香嘅豉油味。招牌魚蛋夠爽脆。最正係menu上無嘅紅豆一口西多士，有滿滿紅豆粒，仲加左大量花生醬同練奶，極度邪惡賣相又好吸睛老闆娘送西多士過黎時仲同我地一齊好開心唱生日歌，難怪呢間鋪被稱為網紅大排檔，好識做生意。下晝兩點先到已經全場爆滿，走果時都係full house。最後食到飽哂好滿足咁捧住個肚走。

今次專誠來鴨脷洲是要試陳新記出名的“招牌秘制一口西多士” ，話明招牌，果然名不虛傳，即整即食，夠熱，夠脆口，夠蜜糖漿，很難唔好食豬扒通粉通粉湯底淡而無味，薄切豬扒細塊又無骨，不用試

閒日熟食中心內街坊食客魚貫入場,坐滿整個檔口.貴為南區鯉魚門,除咗可以海鮮加工,亦有多款必食名物～市政大樓網紅店雖然價格高少少,但確唔係虛有其表!✨秘製一口西多($37)西多士切成大方形,大件厚身,不是一口就可完成.入口外脆內軟,而且帶空氣感,口感非常好!放耐咗亦唔會淋晒～而且將煉奶與花生醬完全融合,沾滿整件西多.有別坊間！確係名不虛傳！✨椒鹽魚蛋($50)即叫即炸,入口熱辣辣.咬落非常有彈性,爽口.加上椒鹽表面,非常惹味(一個人都可以食晒成碟🫢雖則$50得8粒）而其他炒麵,牛腩河亦唔錯.好多食客中午已叫到成枱海鮮,等我有機會下次再試試~

女朋友今日早上突然call我，話同我預祝生日，帶我去一個好特別嘅地方，原來係香港仔陳新記。上到去熟食市場1樓，服務員非常殷勤招待，面帶笑容，我女朋友特登幫我叫咗一個一口西多士，裝飾得好靚，西多士上面有生日牌，又有生日波波，又有蠟燭，好有生日氣氛，而靚靚老闆娘更加不斷同我講生日快樂，又同我影相，又送朱古力，真係賓至如歸，只係幫襯幾十蚊，而家香港有咁嘅服務態度，而食品質素又好，真係好難揾。非常欣賞大家，大家繼續努力。

見附近開咗新商場專程長假過嚟呢邊行吓已經10幾年冇嚟過鴨脷洲呢邊印象呢邊好多屋邨但原來都有好多好嘢食.今日就去陳新記試吓佢個一口西多士一出利東站直行就見到熟食中心搭𨋢上一樓已經有幾間食肆 記得唔好亂坐啊🤭假期午餐時間到全場都幾多人去幫襯，最聰明嘅做法就係去到陳新記同佢講幾多位，之後佢哋就會幫你手搵位或者唔好彩嘅就要等位啦😆.其實本身有幾樣嘢都好想食但因為我哋又來一個美食之旅，怕食唔晒😆，只好精挑細選一下揀咗以下三樣食物👇🏻🐟魚蛋河$38🧈一口西多士$37🥟招牌炸三寶$80🥤可樂$10一落完單勁快就嚟咗佢嘅招牌脆炸三寶成個上菜速度都好快🥰脆炸招牌三寶$80😍有炸魚皮炸魚角同埋炸雲吞，另外配咗甜酸醬同埋沙律醬，呢個配搭平時出邊都比較少有少啲見佢嘅魚皮比較薄身，唔會好鹹就咁單食都覺得好食，唔一定要浸埋湯先食，冇咩油膩味👍👍炸魚角比較普通咗啲，但佢個炸粉本身唔太厚，但略嫌唔夠魚味但彈牙嘅驚喜係個炸雲吞，因為而家好少有，入邊仲要足料喎！有蝦有豬肉雲耳冬菇，點埋個醬嚟食幾好幾正😬覺得如果有外國朋友過嚟都不妨可以帶佢哋嚟試吓！😌😌魚蛋河$38河粉偏厚身嘅，魚蛋同魚片正常，湯底係普普通通，呢個就下次未