陳新記

营业中

休息中

鴨脷洲覓食: 到熟食中心一楼尋找相傳入口即溶之一口多士！找到了陳新記……食客非常多; 多是携海鮮加功，我地則找美食！叫了一口多士、三寶、肉絲炒麵; 多士真的很邪惡呀！入口即溶……有煉奶、牛油、花生酱; 炸三寶:魚皮脆、魚片頭香、雲吞皮更脆; 肉炒麵: 麵餅脆脆; 連奶茶的茶胆也香、濃、純……值得再回味

上網睇鴨脷洲必食《陳新記》一口西多士，果然名不虛傳👍🏻👍🏻👍🏻我俾佢溶化啦，外脆內軟有大量邪惡嘅花生醬煉奶牛油，真係好好食😋😋😋另外碗魚蛋雲吞河，魚蛋彈牙好食，雲吞一般貨色，重點推介辣椒油好辣👍🏻👍🏻👍🏻

每次假日去鴨脷洲食海鮮都會叫既粒粒西多士.即叫即做.每粒以半煎炸做到金黃色.而中間都會見到滿滿既蛋槳已經滲左入去🤤加埋牛油🧈.花生醬🥜.煉奶🍞😈.就算放耐左都保持到脹卜卜唔會淋哂.但真係好邪惡另外想食海鮮既可以落下面濕檔揀好海鮮再拎上嚟俾餐廳加工.不過今次加工海鮮我地試左食記..er..感覺係失望浪費左D海鮮.下次都係去返隔離既陳新記🤡 可能香港無地方去感覺鴨脷洲假日多人到爆炸.食到3點都重有人等位.建議早D到.食完個多士再落去揀海鮮個時間就最好🤓..➿一口西多士 HKD 30..(.❛ ᴗ ❛.) 👩‍🍳  整體味道: 8/10 💸  性價比: 8/10 📸  打卡指數: 8/10 🤵🏼  環境服務: 9/10 🤔  推薦指數: 8/10

今日天氣☀️咁好，快閃去個覓食遊，人生第一次踏足🐤鴨脷洲🙉🙉坐港鐵到利東站，就可到達，好方便架!👧🏻先去醫下肚仔，知道呢度嘅市政街市熟成中心入面有一間 「陳新記」，出名有黃金粒粒西多士，梗係要去試試啦！原來仲有招牌三寶：炸魚皮、炸魚角、炸雲吞，都係香脆可口嘅美食，送啤酒🍻應該好不錯，不過我呢啲小朋友級都係飲紅豆冰啦🐒試左佢嘅特色奶茶紅豆冰，同埋咖啡紅豆冰，奶茶紅豆冰比較優勝，紅豆軟硬適中！一個愉快的下午茶～～

六七月休魚期間，數千艘大型漁船歸航停泊香港仔避風港內。黃昏日落時份，花了二百元租一艘蜑家木艇，圍繞近岸轉圈，漁船配上夕陽殘照，拍攝了幾輯壯觀勝大場面照片，頗有香港純樸味道。自己是首次來鴨脷洲大街，只為泊車，對岸之香港仔中心所收是正常停車價格，這兒只用$2半小時。泊車後，前往旁邊的地下街市逛一圈，兩排店舖大都賣海魚海蝦的。或是休魚期緣故，氣氛冷淡，門堪羅雀。星期六下午三時，人客極少。乘搭電梯上二樓熟食市場，原打算出海後這兒晚飯，但因海鮮選擇少，人生路不熟，不敢冒險，寧落回銅鑼灣吃西餐算罷了。見到熟食中心盡頭的陳新記，竟有七八成滿座，都是來吃茶餐廳常見的下午茶菜式的。店員推薦必要嚐試馳名的招牌一口西多士，另配一杯凍奶茶，消磨時間靜待五點半出發的船家。【招牌一口西多士】即點即到，少於一分鐘內送至。明顯預先制作，但仍然炙熱溫度，應是店家生意旺盛，不憂熱門食物久放變質。這樣便能增加翻枱次數，提高收入，就像我們大時大節只限點選套餐的理論一樣。水吧伯伯不斷地切麵包粒沾蛋漿，放入滾油炸爐，制成同一款食物一口西多士。落單後，店員立即往水吧有規律地堆砌擺盤：底部四粒，中層兩粒，上層一粒的微型西多士，再刮一

唔知大家父親節去咗邊度食飯呢~我家老竇就鍾意食海鮮🦞煎炸呢啲香口嘢就啱晒佢添😛於是山長水遠去鴨脷洲食海鮮🌊街市樓上嘅熟食市場有得幫手加工海鮮，喺下面買完上去交低就可以等食啦😝街市都有唔少海鮮種類任君選擇，每一檔嘅價錢都差唔多，不過母上就話呢個街市啲嘢比出面嘅會貴啲🤭·<椒鹽瀨尿蝦>瀨尿蝦成半隻手臂咁大，街市賣ʜᴋᴅ 100一隻🦞瀨尿蝦炸得好通透非常香脆，中間嘅肉又保持到好滑唔乾🤩瀨尿蝦本身質素唔錯，隻隻飽滿肉質鮮甜😍·<蒜蓉粉絲蒸蟶子>蟶子又係加大碼，無記錯街市要ʜᴋᴅ 280/斤💸平時喺屋企掌握唔到時間火喉，好易就蒸到老晒變得好韌😟呢度就蒸得啱啱好，隻隻都鮮甜又唔會韌🥰·<陳皮蒸鮑魚>鮑魚肉質紮實爽口，覺得用蒸嘅方法食到原汁原味最好😛不過師傅就無幫手清咗內臟先，食嘅時候記得自己搣返走❗️·<白灼蝦>呢種好似係叫九蝦，比平時食嘅基圍蝦細隻，但都好紮實鮮甜，白灼嘅方法就最啱🦐·<薑蔥炒蟹>炒得好有鑊氣，食得出有走過油嘅香味😗蟹肉都保持到鮮嫩🦀·<椒鹽九肚魚>又係香口嘢🤓不過呢個椒鹽就感覺無瀨尿蝦

🇭🇰陳新記·我地之前咪去左Arca staycation既 難得黎到呢邊 所以我地就試左幾間網上面推介既小店😌😌·招牌一口西多士$30呢一個真係超好食 佢係真係新鮮即炸嘅 一上枱嘅時候超級熱辣辣😍佢嗰麵包厚度剛剛好 出面脆得黎 入面仲係好蓬鬆既 而且花生醬味同蛋味都好夠 超級好味🤩🤩·魚蛋魚片頭雲吞米粉$43 l 炸魚片頭$25佢既魚蛋魚片都好重魚味 而且都幾彈牙 唔錯😎之後佢個雲吞主要係豬肉餡既 唔係好似平時既雲吞 但係味道都可以既 而且唔知係咪因為佢地煮得多魚蛋 佢地個湯幾重魚蛋味 我自己幾中意🐟因為見佢D魚蛋幾出色 我地就加單叫多左個炸魚片頭 呢個就麻麻地啦🙊佢個魚片頭無想像中咁彈牙 但係佢個泰式辣醬同沙律醬溝埋出奇地幾夾😎😎·📍鴨脷洲鴨利洲大街鴨利洲市政大廈1樓

第一次寫食評......父母反映點的粉麵麵底煮得不熟， 墨丸很粉，大失所望。最令人反感是陳新記的態度。叫了乾炒河, 中途催了四次: 第一二次阿姐A說炒野係要耐d，第三次阿姐B話 唔知。但 A B都沒有到廚房看看，一副不耐煩的樣子。平常其他餐廳也會扮下野地講 我幫你check 下先，沒想到最後一次跟阿姐C提起，她乾脆無視我們，裝作看不見走了。。。家人猜，它們太多食海鮮餐的大客，不會分身招呼我們這些只花二百多午餐的散客。呆等一陣，我們也放棄了。眼見其他比我們遲點餐的來了一盤又一盤海鮮，就打定輸數炒河根本不會來。最後在我們3人用餐接近1個鐘而準備埋單之際，乾炒河突然來了公正地說西多和炸三寶還可以，但服務態度太可怕了，不想再受氣。下次到鴨脷洲吃海鮮餐也會試其他。

招牌一口西多士 ($25)西多士賣相幾特別，外表呈金黃色✨，砌到好似一個金字塔嘅形狀。呢度嘅西多士係將麵包分成了九小份，再沾上雞蛋漿嚟半煎炸。麵包比平時啲西多士厚身，但麵包夠軟熟，唔會一按就扁，而且內裡亦炸得近乎膨脹，做到外脆內鬆軟嘅口感😋，唔使切得嚟又易入口。由於多士切到好細塊，令每一嚿都沾滿咗濃濃嘅蛋香♨️，蛋漿甚至滲入麵包中心，整完再預先淋上花生醬、糖漿煉奶同牛油，更有利於多士吸入醬汁同溶化牛油，味道亦比傳統一大塊嘅西多更香口🤤，足夠邪惡。但個花生醬我覺得淡左啲，而且啲醬太多，食到多幾啖就會覺得膩喉😥，所以認為路過就不妨一試，但唔需要專程而嚟。------------------------------整體評分：7.2/10小編回頭率：5/10Btw個老闆都好熱情下，我地一嚟到就向我地極力推薦西多😂，感覺如果啲人本身唔打算試都會受佢感染嗌下嚟食。

人太多太多了，去了兩次，才鼓足勇氣，環境很擁擠，但是一口西多士比較好吃，每一口都是酥酥脆脆，助手飯，助手不算非常軟爛，但是味道不錯，叉燒不算很好，我覺得有點硬，飲料味道正常發揮，比較不滿意的是漏單，點了炸雲吞，都沒有上，兩個服務員最後因為誰漏單吵起來

今次介紹嘅依間喺鴨脷洲熟食中心，呢度可以自攜海鮮加工，起樓下街市買心水既海鮮再攞上黎比人煮 ，但今次介紹既唔係海鮮，而係呢個粒粒西多士。-1️⃣ 招牌一口西多士 💰30 （👅: 8.5/10）一嚟到見到賣相超級靚，粒粒西多士堆到成座山咁，而且每粒西多士都炸到金黃色，而且係名副其實一口西多士，一口一件，佢應該原本係一塊西多士切開咗九件再炸，所以會見到九粒西多士。外表係好邪惡，西多士下面係滿咗花生醬，而西多士上碟時上面已經有一舊細細既牛油加煉奶，所以冇得自己控制煉奶糖漿嘅份量，牛油會邊食邊溶，甜度啱啱好唔會太甜。因為新鮮炸起，食落熱辣辣，每一件西多士都炸到脆邊，咬落係脆卜卜，而且佢係分開一粒粒西多士，所以四邊都可以食到脆卜卜嘅口感。食落係外脆內軟，好似食緊脆既棉花糖咁，不過比較油膩，花生醬味非常突出，突出到基本上食唔到西多士嘅蛋香味同牛油味，西多士個味都係主要靠出面既花生醬，同埋多士入面偏乾，如果西多士內涵都有花生醬夾心會更好。-2️⃣⃣ 熱奶茶 💰16 （👅: 7.5/10）通常去熟食中心我都會叫熱奶茶，因為飲過幾間出名嘅奶茶，都係啲熟食中心或者大排檔，呢度既熱奶茶茶味較重，大概64比例，會有少

來港三年多第一次來鴨脷洲，老公說帶我吃一口西多士，長期想減肥的我又要失敗啦～到了熟食市場只見滿山人海、空無虛席，雖然全部的侍應都很忙，但是態度都非常好非常熱情，如果可以不搭枱都會盡量避免。必點的招牌一口西多士$30原本以為又甜又膩結果和我想的完全不同，西多士不但不死甜還酥中帶點嚼勁，一口接一口停不下來的滋味，我又肥了一公斤本來想點公司三文治，可惜侍應說太忙做不了，只好改成雞扒包，吃起來就是普通的口味，不太值得多提，但是飽肚還是可以的✌🏼招牌炸三寶$60老公話佢必食嘅，炸晒邪惡野原本不吃炸魚皮的我，這次也被收服了，雖然是炸物但是只有酥脆沒有油膩感，相較之下魚片和雲吞就沒那麼出色，不過一起熱熱的吃絕對是絕配整體來說雖然位子環境不是那麼舒適，但是整個用餐下來的感受絕對不會後悔，會再encore

今日見到人少少，同老公同個女去鴨脷洲街市個熟食中心食最出名嘅招牌一口好細多士，招牌牛腩麵，同埋牛腩豬手飯，牛腩好林同超入味，若口多士照多花生醬同煉奶，都係好食到唔停到口！不過價錢就偏貴少少，同場見到好多人喺街市度買海鮮上去舖頭度加工，下次都可以試吓，好似都幾好味！

味道：⭐️⭐️⭐️⭐️⭐️熟食中心入面總係有好多意外驚喜呢度嘅西多士簡直係最不能抗拒的美食🤤❶招牌一口西多士🍞$29店家會將西多士砌到好似一個金字塔嘅形狀每一件都炸到金黃色 內裡塗上了花生醬🥜非常香口而且多士既蛋味香濃仲有少少脆邊再加埋牛油🧈同煉奶🧂一齊食 非常邪惡😈

吃過主餐後，雖然不怎麼愛甜食，但也安排給自己一個甜品時間，馬上轉至鴨脷洲市政大廈！假日午飯時段十分繁忙，原來不少客人自攜海鮮來「陳新記」，蝦、蟹、魚、蜆樣樣齊，看得我們流口水！不過是日是瞄準餐牌上的招牌一口西多士而來！要嚐招牌一口西多士 HK$29，必定要早些到來，因為昨天我們才買了一個教訓，以為在五時關門前抵達便安全，誰知四時半的陳新記已進入清潔的收工狀態，結果昨天吃不到一定要今天追回啊！招牌一口西多士大致將麵包分成了九小份，將九小方塊沾上雞蛋來半煎炸，使小方塊每一面也有著濃濃的蛋香，不單不用切和易入口，味道仲要比一大塊烹調出來西多更香口，果然香氣令鄰座的客人也即時點上招牌一口西多士！九小方塊預先淋上花生醬和放上牛油，這更有利於多士吸引醬汁和溶化牛油。入口西多士的確很鬆脆，蛋香和牛油亦不俗，假如花生醬可以濃一點，再加上夾心，那便是更上一層的完美享受了！除了招牌一口西多士，必須一提是煲薑檸樂 HK$23，承傳舊式茶餐廳不偷功減料的做法，爐火煲出來的薑檸樂火喉十足、薑味盡出、薑香洋溢，認真製作與否，一飲便知不是叮一叮交功課的貨色，明白為何鄰座的舊街坊會專程回來，為吃一碗牛腩麵！然而冰凍紅