陳儀興牛什粉麵 (已結業)

下午茶时间3点几，去到丽阁邨商场打卡逛街，睇吓食街有乜好食。旧地重游，回忆前陈往事，感叹面目全非。商场外的老人院变成泰国菜、日本老麦同牛肉饭。整体商场翻新里外甚有工业风，以前食街呢个位系无乜人行既湿货街市。望咗一阵，有啲食肆已经关灯唔做下午，都仲有十零间有开门营业。晌陈仪兴牛什粉面叫咗碗猪手粗＄33，另加一盒维他纸包柠檬茶＄3。收银姐姐问我系咪拎走，我话晌度食，佢都系用外卖餐具比我，只不过加多个托盘唔用胶袋包比你。个面搭咗两条青菜，粗面普通弹牙无碱水味，3件猪手都好冧，唔使点用牙咬；但系有件猪手特别皮薄，骨肉近乎解体啱哂老人家食。个汤底几好味，我平时好少饮汤底，都饮多咗两啖。…查看更多

系长沙湾揾野食，大部分好评价餐厅都食过，见到哩间系丽阁村，居然30个食评，所有都比最高评价，梗系睇下乜料啦。food court其实系商场的另一个部分地下，都系室内，行入去亦无人理你有无扫安心出行或度体温，更吾好话有无人比纸仔老人家瑱安心出行资料啦，好在我买外卖。里面好大，位与位都好宽敞，下午茶时间非常静，哩间就有一两个客。铺位有一个师父同一个负责收钱的男士，埋去问位收钱大佬，佢已经好悔气咁话等等。之后到我可以问佢捞面几钱，又系好悔气，最后比钱用八达通，佢部机慢无所谓，到我搂开张卡，佢好大声咁话都未过到。另外，我一早话系外卖，佢最后递餐就放系个盘度，挂住同师父倾计，无客都搞错。算啦！如果食到好野，受气都无所谓，所以仲叫左个最贵的坑腩/崩沙腩捞面，要$49一碟。一食就超级中招，真系吾明白点解之前100%食评都比最高分，连普通的中间分都无人比过咁奇怪。两个人一起食，大家都同样感觉- 牛腩又过淋，又”鞋”，又黐牙，又无乜牛味，又无乜卤水味，至识咁形容。-蚝油吾够捞成蝶面。-个面同汤就勉强合格。…查看更多

经常会到长沙湾食饭, 不过基本上都系去元州商场𠮶边既食店, 因为可以顺便到759或者市政街市补货 - 有我地爱吃的饺子🥟和素食。今晚决定揾D新意到丽阁邨附近晚饭(结论系呢边真系无咩野可以行逛, 食完饭直接返🏠屋企)。上网揾下新装修的丽阁商场(其实都改建左有两年)有咩好食, 最想食全是好评的陈仪兴牛什粉面 , 望真D食评, 最近𠮶个食评都已经系上年既事, 唔通已经结业左无updated? 所以我地都事先揾左同样位于丽阁商场既pepper lunch 做后备。当晚6点前到达既我地, 见到营业中既陈仪兴就即刻揾位坐。我地嗌左崩沙腩幼面, 崩沙腩河粉同🥤可乐。望到呢两碗面既第一个反应系, 唉, 食左咁多年中式汤面, :(讨厌食葱既我点解都仲系会忘记嗌走葱。第二个反应系, 两碗一样既面, 一碗感觉明显丰盛D, 料多D, 仲有炸蒜舖面, 而另一碗望落去相对比较寒酸, 好似比人食左两啖咁。我地都拣左唔系好多地方有卖既崩沙腩, 崩沙腩在牛嘅横膈膜位置, 腩中带筋, 胶质丰富, 比其他牛腩位置肥, 牛脂香味浓, 肉质爽口弹牙, 最重要系陈仪兴的崩沙腩完全无骚味雪藏味。陈仪兴的崩沙腩面值得推介, 不过份量有点少, 细食的我都唔够饱, 帮衬左附近的寿司安买左一客章鱼烧, 同样好好味, 今晚对丽阁商场foodcourt的食店印象大好。…查看更多

陈仪兴牛什粉面@丽阁小食街翻新过的丽阁商场，光猛阔落，都几舒适。陈仪兴牛什粉面就系其中一个小食档，有粉面饭，有牛腩牛什鱼蛋等等。下午茶最抵食，最平$25就有。夜晚6点后冇堂食的关系，一于外卖自取加𩠌吧！净崩沙腩（$108）牛腩属于比较浓味的类别，肉质软淋，牛腩汁捞饭好好味。招牌汕头牛丸捞面（$40）牛丸弹牙有肉汁，而且份量好大，一个人食绝对够饱！外卖都要食好d！陈仪兴牛什粉面可以加入我的口袋名单了！…查看更多

行开长沙湾丽阁商场，发现呢个商场变左好多，装潢过后好新净行得又舒服，仲有好多新餐厅，平民得来好多好野食，food court 形式但位置都坐得好舒适。今次就试下呢度呢间陈仪兴牛杂粉面店，我同朋友点了这里出名的崩沙腩面，我选择了幼面，另外又点了牛三宝幼面，不要看小两碗普通面，真系好食到不得了。崩沙腩超入味，而且腩肉肥嫩，腩汁浓郁真系正到爆，送面真系超开胃。牛三宝系有牛肚牛筋牛腩，牛肚滑牛筋爽牛腩嫩，都系果句，好味到爆。最紧要系平民食式平民价，长沙湾街坊有福了，真系可以多点来吃喔。…查看更多