影片
招牌菜
经常都有朋友推介食陆记米线，今日终于有机会去试下。陆记米线款式都蛮多，但今日想食得清淡少少，所以拣左蕃茄蛋花鸡肉汤米线，配水晶凉粉。先来凉粉，未见个白色既凉粉，感觉新奇，一啖食落去都几透心凉。再来的米线，所谓既蛋花比较似炒蛋，蕃茄好香，鸡肉嫩滑，米线是较为粗身款，不过都弹牙爽口，反而汤底没什么味道，要靠配菜调味，而且有点油腻，一点也不算是清淡之选。但不得不提的是在枱上让客人自加的泡椒，辣椒粉和辣椒粒，加入米线中，即刻风味十足，惹味非常，咁都反映出个汤底真系无咩味。店中环境尚算整洁，可能对比又新街总店，此店位置较偏，人流不多，坐得比较舒服。员工态度都良好，唔会催人走。😽：陆记饭餐同粉餐既价钱会因时段不同有不同收费。如果唔赶时间，拣下午茶时段感觉比较抵食。😺：星期六日及假期会多收一蚊总结：会再尝试其他的米线款式。
继续阅读
叫左个红烧肉汤粉,旧肉唔错,个皮好脆,半肥瘦,有6-7旧,系食唔哂既!不过个汤就一般般,唔太甜,无咩特别! D粉又唔系特别索汤,都系普普通通。上菜好快,叫左4-5分钟就黎左! 跟set 加杯冻奶茶要47蚊,唔太平阿!座位就正正常常,无咩特别。
继续阅读
元朗出名多野食，去到元朗绝对唔洗怕无野食！是次又试新野啦！今次去左食陆记正宗桂林米米粉，叫了一个「咖喱猪扒粉」！咖喱是不辣那一种，但味道香浓。猪扒是炸熟的，外层外脆，但略嫌肉质有点身韧。总括来说，不过不失吧！
继续阅读
又一学生时代回忆，太耐无食，记忆中只有水晶凉粉，前几日忍唔住买左两个餐番去同屋企人回味下～锅烧肉饭，几大块烧肉舖满饭面，白饭又被肉燥汁覆盖晒咁滞，最估唔到系拎到番去都仲脆脆地，皮脆瘦肉多。麻辣牛𦟌饭，一样系肉燥汁底，加埋啲麻辣汁一齐食味道刚好，牛𦟌较韧，相对无烧肉咁好味。饭又食完，汤又饮埋，终于轮到主角出场，水晶凉粉～～～一开就闻到花奶香味，甜道刚好，晶莹剔透，质地软身过大菜糕，但又唔会好似啫喱咁软淋淋，同有草药味嘅黑色凉粉相似，比较爽滑，仲多几分烟韧～唔钟意黑妈妈凉粉嘅朋友可以一试。套餐份量够，饮品/汤/甜品各选两款，主食味道平均，不过凉粉为成餐划上完美句号，都不失为元朗抵食之选～
继续阅读
今日去元朗整指甲，整完都10:30想食既野唔系执左就关左门，朋友问我试唔试鸡扒，有间睇上有点dirty 但系好好食。我当然无所谓，朋友就带左我去喇一入到去果然真系感觉到有点dirty hahahaaa不过唔紧要 野食好 无问题朋友发板先叫左蒜蓉鸡扒饭鸡扒够入味 鸡皮亦煎得好脆咬落去有'卜' 不声美中不足 唔够滑 另外再叫左个双猪饭双猪系 猪颈肉同炸咸肉双拼猪颈肉够入味 而且整得仲好'林'而炸咸肉 值得一赞皮炸得好松脆！而猪肉肥瘦岩岩好！而咸肉又唔过份咸值得再食另外 个餐系跟埋一个汤及饮品佢地既汤 好足料 无味精埋单2个人都系100蚊相当低食
继续阅读