陸記正宗桂林米粉 (已結業)

經常都有朋友推介食陸記米線，今日終於有機會去試下。陸記米線款式都蠻多，但今日想食得清淡少少，所以揀左蕃茄蛋花雞肉湯米線，配水晶涼粉。先來涼粉，未見個白色既涼粉，感覺新奇，一啖食落去都幾透心涼。再來的米線，所謂既蛋花比較似炒蛋，蕃茄好香，雞肉嫩滑，米線是較為粗身款，不過都彈牙爽口，反而湯底沒什麼味道，要靠配菜調味，而且有點油膩，一點也不算是清淡之選。但不得不提的是在枱上讓客人自加的泡椒，辣椒粉和辣椒粒，加入米線中，即刻風味十足，惹味非常，咁都反映出個湯底真系無咩味。店中環境尚算整潔，可能對比又新街總店，此店位置較偏，人流不多，坐得比較舒服。員工態度都良好，唔會催人走。😽：陸記飯餐同粉餐既價錢會因時段不同有不同收費。如果唔趕時間，揀下午茶時段感覺比較抵食。😺：星期六日及假期會多收一蚊總結：會再嘗試其他的米線款式。

叫左個紅燒肉湯粉,舊肉唔錯,個皮好脆,半肥瘦,有6-7舊,係食唔哂既!不過個湯就一般般,唔太甜,無咩特別! D粉又唔係特別索湯,都係普普通通。上菜好快,叫左4-5分鐘就黎左! 跟set 加杯凍奶茶要47蚊,唔太平阿!座位就正正常常,無咩特別。

元朗出名多野食，去到元朗絕對唔洗怕無野食！是次又試新野啦！今次去左食陸記正宗桂林米米粉，叫了一個「咖喱豬扒粉」！咖喱是不辣那一種，但味道香濃。豬扒是炸熟的，外層外脆，但略嫌肉質有點身韌。總括來說，不過不失吧！

又一學生時代回憶，太耐無食，記憶中只有水晶涼粉，前幾日忍唔住買左兩個餐番去同屋企人回味下～鍋燒肉飯，幾大塊燒肉舖滿飯面，白飯又被肉燥汁覆蓋晒咁滯，最估唔到係拎到番去都仲脆脆地，皮脆瘦肉多。麻辣牛𦟌飯，一樣係肉燥汁底，加埋啲麻辣汁一齊食味道剛好，牛𦟌較韌，相對無燒肉咁好味。飯又食完，湯又飲埋，終於輪到主角出場，水晶涼粉～～～一開就聞到花奶香味，甜道剛好，晶瑩剔透，質地軟身過大菜糕，但又唔會好似啫喱咁軟淋淋，同有草藥味嘅黑色涼粉相似，比較爽滑，仲多幾分煙韌～唔鐘意黑媽媽涼粉嘅朋友可以一試。套餐份量夠，飲品/湯/甜品各選兩款，主食味道平均，不過涼粉為成餐劃上完美句號，都不失為元朗抵食之選～

今日去元朗整指甲，整完都10:30想食既野唔係執左就關左門，朋友問我試唔試雞扒，有間睇上有點dirty 但係好好食。我當然無所謂，朋友就帶左我去喇一入到去果然真係感覺到有點dirty hahahaaa不過唔緊要 野食好 無問題朋友發板先叫左蒜蓉雞扒飯雞扒夠入味 雞皮亦煎得好脆咬落去有'卜' 不聲美中不足 唔夠滑 另外再叫左個雙豬飯雙豬係 豬頸肉同炸咸肉雙拼豬頸肉夠入味 而且整得仲好'林'而炸咸肉 值得一讚皮炸得好鬆脆！而豬肉肥瘦岩岩好！而咸肉又唔過份咸值得再食另外 個餐係跟埋一個湯及飲品佢地既湯 好足料 無味精埋單2個人都係100蚊相當低食

夜晚11點幾，好多地方都收左，好在桂林米粉收一點半。 想食佢個雙豬好耐啦，有飯有麵揀，今次叫左個雙豬飯跟肉燥汁，雙豬啫係有豬頸肉同燒肉，跟飯仲有甜品，例湯，飲品，三揀二。 雙豬飯一望落份量十足！燒肉個皮望落脆卜卜，肥膏同豬肉一層層好有層次。另一邊嘅豬頸肉係厚切，好大塊！下面嘅肉燥汁都好多，佢個飯嘅份量都唔少，用黎撈飯食超正！ 套餐跟左個例湯同甜品，分別係東瓜湯同水晶涼粉。冬瓜湯見佢入面都湯渣，飲落味道唔重，應該真係煲出黎嘅。水晶涼粉都幾大碗下，加左花奶，簡簡單單冇乜特別花巧，雖然係餐跟嘅，但都唔錯，食落感覺幾新鮮，似平時黑色涼粉但又冇果陣草味。

看似又窄又迫的小餐廳，還有乍看以為大陸款式的食物。其實內裏甚麼都有，咖哩， 雞，豬，牛，蕃茄系列，湯粉麵，飯。店內亦有不小下班一族，大家不相交談，但坐在一 起，吃晚飯，看新聞，其實還挺閒適 (假如不是吃麵汗流浹背的話) 。"絕代雙豬飯"乃招牌飯，原來是那個鍋燒飯配豬頸肉。看見大碗飯端來時，賣相挺吸 引，但慢慢吃著，便覺得個人吃這兩味 肉，配大碗飯，實在太多。雖然鍋燒肉皮夠脆，比一般燒肉得多，又夠厚，而五層中肥肉比例大約佔三成多，但還是大大片的豬肉。肥瘦肥瘦肥，吃兩片都有點兒膩，可能亦因為肉不算太熱，以致很易吃得眼光光。豬頸肉亦相當厚切，與燒肉差不多厚，四大片，所以亦令很易吃膩。大碗飯則沒特別，飯還有點兒過軟，比媽 媽煲的飯軟林得多，再淋上多汁的肉燥， 就更加軟林，毫無嚼勁，欠佳。套餐可選配餐湯或甜品水晶粉輕微彈牙，花奶出奇的香而稠，本人平日 不愛吃花奶，但配這水晶粉亦感美味，滑溜，輕軟微彈。如有正常大小，當作甜品賣，我會光顧！值得一讚的是，當時晚上七時左右，晚餐 人流不少，但店員只得一名女子，卻能一一應付各方食客。無論外賣自取，還是留店內用餐，查詢，改單，結帳，由她個人包辦。她毫無怨言

夜麻麻揾野食，嚟到陸記就緊係試傳說中嘅"絕代雙豬飯"啦！！晚餐$49 連凍飲同甜品 , 開頭覺得有d貴, 但碗飯一嚟到, 我相信呢個價錢係值嘅！！當堂口水流哂，雙豬果然名不虛傳！燒肉比例屬黃金,味道同燒臘鋪完全唔同,值得一試！ ,,, 豬頸肉亦大件好味，呢50蚊抵比！！

其實唔係第一次食陸記嘅招牌鍋燒肉飯，每次食都覺得好正，燒肉大大塊，皮又脆，女友第一次食都話正！價錢都係四十幾蚊，有嘢飲同埋例湯，ok合埋啦，每次去元朗都會幫襯！

又黎到元朗下午茶，雖然星期六日比平日貴左1,2蚊，但都算係平了屋企人食炸豬扒飯，聞到都好香，分左一舊比我食，又林又脆 我就食蕃茄蛋花豬潤湯飯，落足料附送水晶涼粉，正

對陸記的認識是緣自一位剛去世的親戚, 就是數年前她介紹我們去吃雙豬飯及水晶涼粉；她曾說過陸記的雙豬飯是可以好味到連我老爺也可以一口氣叫四碗來吃才夠滿足在某晚無聊夜, 在網絡閒逛, 才想起有一味水晶涼粉, 為食心癮發作便左click又click, 卻喚醒了對雙豬飯的記憶....那麼便定個日期, 來個元朗市中心半天遊一月十三日 晴睡飽了, 是時候出發到元朗尋幽探勝；西鐵確實是一列user-friendly的交通工具, 有如瞬間轉移, 忽然我們就到達了朗屏站。由朗屏站就跟看手機的GPS, 左轉右拐的在人迫迫的元朗街道上行走；似終不能太盡信GPS, 當它告訴我已到達目的地, 結果是甚麼也沒有, 還害我吃苦頭 但當我想找其他食肆醫肚時, 過條馬路就見到陸記正宗桂林米粉元朗物價頗貴, 幾年間雙豬飯已由廾多元加價加至$42雙豬飯就是由鍋燒肉併豬頸肉, 再加肉燥汁作飯底, 肉燥汁味道甜甜的好送飯。鍋燒肉是五花腩肉, 層層分明；豬皮脆卜卜但不鬆化, 幾考牙力, 味道也較肉來得鹹；肥膏比較油膩, 多多少少也會有膩的感覺, 不過瘦肉的肉質卻比較硬。豬頸肉煮得較為討好, 肉質軟滑得來帶爽身, 肥是肥但不會有滯

在元朗長大，一定吃過B仔涼粉，不過水晶涼粉卻鮮有人提起。其實呀，在中學時期，我吃水晶涼粉的次數比B仔還多呢不過進了大學，和朋友的活動範圍反而多在九龍和港島區。這天突然想念起陸記的水晶涼粉，就帶朋友TT來這吃個快飯吧我是一個愛試新東西的人，不過次次來陸記我都會「固執」地點這兒的三鮮粉三鮮粉的「三鮮」有粉腸、豬潤和瘦肉。豬潤十分新鮮，厚薄剛好，而且質感爽脆彈牙，不會太熟或太粉，好食！瘦肉和以前一樣，仍然太「孩」，不夠滑溜（但換個角度想，下少一些鬆肉粉其實也真的健康點）。粉腸味道鮮美，粉粉地之餘又爽爽地，有少少原來的腥味，不太重，但正正因為那獨特的味道，才叫我這個愛吃內臟的人欲罷不能吧桂林米粉是平時吃到那種幼身米粉，滑溜易入口，煮得剛剛好，不會太腍而斷成一截截，口感不俗。湯底不太渾濁，很清，味道鮮甜，吸盡「三鮮」的精華。很清淡，少油少鹽，而且味道很清，似乎沒有下味精，十分健康，如果有多點蔥會更錦上添花。最喜歡那幾塊生茶，令吃了高膽固醇的粉腸和豬潤的我「犯罪感覺」稍稍下降，哈哈。總括來說，水準得以保持的一碗米粉！甜品和飲品各選其一，我當然選了獨家甜品－－水晶涼粉啦。水晶涼粉有一個漂亮的名字，味

生病了, 外出看醫生...在的士上正在煩惱食咩早餐忽然掛住呢度啲雙豬飯!!! 就這決定吧!看完醫生, 找了個朋友聊完, 步行至店舖午飯時間已過, 店裡一個客人都沒有, 真好! 免等喇同阿姨叫了個絶代雙豬飯, 對上一次食已經是1~2年前了價錢貴左少少, 沒關係啦. 不消數分鐘, 外賣已到手...頭暈暈...立即回家好了!一到家當然立刻開飯!!! 一打開...嘩好大盒啊!!! 豬頸肉同燒豬肉加埋大約都有7~8舊.而且都係大大舊, 真係好大舊!!! 再看看飯底, 嘩又係好多, 絶沒因加價而偷工減料豬頸肉都幾入味, 肉好厚!!! 燒豬肉個皮屬厚的, 可能個有啲硬, 不過我鐘意!!!正啊, 再加埋啲肉躁汁, 一流!!!總括來講三十幾蚊算好抵食! 仲有飯後甜品送不過食完個飯都食唔落甜品, 因為實在係巨無霸, 真得晒都要讚好了

昨晚一行三大一B入咗元朗, 但唔知食咩好, 見老公同埋百厭仔契爺都話未試過陸記桂林米粉. 就帶佢哋嚟教育路呢間試下.<我之前喺元朗返工時都幫襯過陸記, 不過係又新街果間. >我哋三個人望了望枱面個餐牌, 竟一致都揀咗雙豬桂林米粉+甜品(水晶涼粉), $33.00. 有無咁啱KEY呀! (佢兩個無食過陸記, 都識揀招牌菜) 碗粉都好大碗呀, (我兩公婆分咗兩小碗比百厭仔都夠食) 啲餸都無欺場, 有四大件豬頸肉加四大件燒肉. 食開唔濃味嘅我同老公, 就覺得個湯底偏咸, 但百厭仔契爺就鐘意食濃味, 仲話加埋啲辣椒粒同蒜粒仲正,再試下啲燒肉, 味道幾好, 可惜燒豬皮被湯浸林咗, 變得好韌. 而豬頸肉就好正, 夠林夠入味! 如果啲餸可以分開上就PERFECT喇, 見到隔離枱食緊碟炸嘢個樣幾好, 一問之下原來係炸餃子, 就叫一碟試下 $15.00. 個皮就好脆, 但入面就無料, 好似食緊炸水餃皮咁 最後食埋個水晶涼粉, 唔錯, 爽爽哋幾好味.埋單$114.00PS. 之前喺又新街果間食果陣, 坐落已經聞到店內有陣怪味, 仲以為係廁所臭味. 今次嚟到教育路呢間, 又聞到同一

到晏畫又係時間諗下食咩好，同B同事蕩咗黎陸記食。其實已經幫襯咗陸記好幾年，佢地既質素已經冇以前咁好好，但為咗碗涼粉係值得既！B同事話好夠辣，雖然我好中意食豬耳，但聽到辣都怕怕.....同場加映懷舊厚瓷咖啡杯。咩話，又貴咗？平時都係28元一個餐，但而家大腸粉已被升格為精選套餐，加咗４蚊？搶錢啊！！！！除咗水晶涼粉，其實呢度的桂林米粉都好特別，比一般米粉粗好多，彈牙D同滑Ｄ其實個餐係附送一碗小涼粉，但我未夠喉，買咗碗大涼粉（外賣就13元）返去同J同事夾份食。水晶涼粉唔甘唔苦，好似爽爽的大菜糕咁，加埋花奶，係香港我剩係食過呢間有水晶涼粉，我而家食陸記都係為咗佢咋雖然話陸記食物冇以前咁好，但陸記的師奶級侍應我都好中意，佢地既禮數唔多，但好親切，成日「阿妹阿妹」咁叫我（我仲係「阿妹」啊，YEAH!），有時自己一個黎食，聽下佢地自己吹水，或者成間舖（侍應+廚房姐姐+我）一齊睇電視，真係好WARM架