阿肥火鍋 (已結業)

去完科學館探究完，時間已六點，過對面馬路睇下有乜食先，醫下肚胡椒豬肚雞鍋幾香胡椒香味，有半隻雞俾我地食，服務員還很細心地幫我們剪開一小件的穀飼安格斯牛肩胛肉淥幾秒就食得牛肉嫩滑海鮮拼盤 $288有四款海鮮，蟹、番薯蜆、海中蝦、貴妃蚌，蟹有很飽滿的黃油、多肉，海蝦新鮮又爽口貴妃蚌爽口彈牙又大隻且鮮甜自家包的鳳城水餃，內有木耳、蝦.....材料芝心墨魚丸，有一粒粒彈牙的墨魚粒芝士爆多，還有很強的拉絲效果打邊爐必點的粟米，超級甜每粒很飽滿足料的馬蹄竹蔗水，打邊爐最佳拍檔還有前菜，花生、菜寶先開胃

咁岩今個月有多位好友同時生日，其中一位好友便提議我們黎到呀肥呢到打邊爐慶生。呢到都係我第一次黎，踏入門口剎那間，真係以為自己回到適日香港似的。呢到既一枱一櫈，所有裝潢擺設等等都做得十分仔細及維肖維妙👍🏻👍🏻店內還會播放一些較為懷舊的歌曲，係呢個環境一邊聽住d舊歌一邊享用晚餐，真係特別有feel!!全鋪打造成一個屋邨既環境，十分特別🤭醬料就自助形式的，需要自己出去拎。首先黎到係湯底：皮蛋芫茜馬蹄鍋$78清清地，又可以下火幾好！！之後食物陸續跟住上枱：呢個幾特別用點心籠黎放，好有特色食落亦十分彈牙可口👍🏻番薯蜆$68番薯蜆處理得好乾淨，食落口完全無沙，肉質鮮甜各款丸類及餃類我地都只點了半份，可多嚐幾款！蔬菜類都點得幾多下，有竹笙、金菇、萵筍......全部都新鮮且清甜！！至於肉類我們只點了手切安格斯牛（例）$238份量十足，師傅薄切完後都相當大碟下，足夠我們食用。而且口感不錯，食落肉質鬆軟，唔會韌！街頭炸大腸$58呢到除左打邊爐外，亦有多款小食供選擇！！炸大腸雖然係邪惡，但賣相咁吸引，真係好難令人忍得住口。食落熱辣辣，脆卜卜，口感一流！！仲有多款食物無影到，因為已經被友人吃清光了 哈哈😂😂

而家興懷舊, 所以不少有懷舊情懷嘅 食肆應運而生, 呢期最紅~阿肥火煱!沿住樓梯級行落去, 就好似去左七十年代尾八十年代初地方真係好有feel。食火煱, 食物質素ㄧ定要新鮮, 我至愛湯底~ 胡椒豬肚雞鍋, 呢個湯底我要比佢👍👍👍, 同ㄧ般火鍋湯底感覺不ㄧ样, 材料ㄧD都唔唔hea, 尤其是鍋中雞肉, 偶爾咬了ㄧ口, 感覺嫩滑, 唔覚得*鞋烚烚*, 份量又十足, 胡椒味重, 非常滋味!火煱必食食材~ 牛(安格斯牛肉), 雖然係薄切, ㄧ放入口牛肉鮮味浸出来, 口感嫩滑, 仲好有牛奶香, 安格斯牛肉, 簡直係百食不厭。不能不提日本蠔, 比軟覚得食蠔必定係生食最味美, 熟食嘅蠔ㄧ定冇好食, 但今次, 完全令我改觀, 可能係我哋把握時間啱啱好! 剛從煱裏撈上来蠔, 除了味鮮, 肥嘟嘟賬卜卜, 竟然冇縮水, 放入口仲非常 juicy , 應該係食材新鮮及上等嘅質素, 否則ㄧ定唔會有如此口感!餐廳在當眼地方設置ㄧ個海鮮区, 任君選擇, 我到訪那天, 高朋满座, 可想而知今次 選擇係冇錯嘅!

6:45 就去到呢間阿肥火鍋. 門面都唔錯, 地點亦算易搵, 下落地庫就係了.入到去, 係完全唔駛等位的,  waiter 就帶我地入座啦.我地食到大約８：３０度，　其實都係重有位，唔知係咪地庫無咩人識來啦。內在裝修其實都幾有特色，　係用左舊香港的士多糧油雜貨店來做主題。算係幾有心思，幾有　ｆｅｅｌ．未點野食，　當然就先去拎醬，　有咩大家可以睇相，　話明懷舊，　個醬就都係果ｄ啦。睇返個　ｍｅｎｕ，　選擇其實就唔係話好多，　但係應該有的都已經有啦。特別係鍋底，選擇好足，　我地今次就要左個　胡椒豬肚雞鍋，原因係我自己喜歡呢個湯。但係肚就得一個，其他就只好留返下一次再試了。咁個鍋來到，　第一件事就真係飲左個湯先，因為呢個時間的湯先係最清最原汁原味。　呢個湯我可以畀滿分。留意呢個鍋係有半隻雞，　值得一賺係，　　ｗａｉｔｅｒ　係有來幫我地　ｃｕｔ　開佢的，　真係好貼心服務。叫左的野食就唔一個一個講啦。主要講返比較喜歡的。鮮滑牛，　好新鮮，　同埋真係好滑，　放入去１０秒度就已經食得。我諗可以算係招牌菜其次就係手打墨魚丸，　好有咬口，　同埋個爆汁黑琢肉丸，　真係估你唔到，　原來個汁係咸蛋黃，　第一次

今次帶男朋友試左間新既打邊爐佢個特色係入面既野全部都好懷舊架~餐廳既裝修都係跟以前8090年代, 仲會播當時流行既歌tim...呢個醬油區都好特別仲有個魚檔, 餐廳既海鮮都係放哂呢到, 即叫即撈好新鮮前菜仲有花生菜莆食~我地揀左呢個養生松茸菌昆布湯鍋, 諗住清清地, 個湯好甜, 忍唔住係咁飲個湯先打邊爐點可以唔食肉呢! 我地叫左安格斯牛肩胛肉, 肉質好爽好好味我最愛既蟹籽墨魚滑, 勁爽口彈牙, 最鐘意整到細細粒, 咁就可以食多幾舊啦我地仲叫左3款海鮮, 有珊瑚蚌, 貴妃蚌同鮑魚仔~呢度d海鮮都好新鮮, 見到佢即時係魚缸拎出黎, 加上個湯底本身都唔係濃味, 所以食呢d海鮮都食得出好鮮甜既味道冬瓜件浸到入哂味就最好味啦, 而且比我想像中都有好多舊呢間餐廳唔會太嘈, 岩哂想傾計既朋友仔呀

炎炎夏日，雖然係會比較少打邊爐！但今日同朋友經過尖沙咀，竟然見到呢間好特別，以懷舊主題嘅火鍋店，咁當然我哋呢D追求環境嘅廢青，就當然一定要入去試一試啦。佢嘅裝修真係好靚，全部都係懷舊嘅主題，但因為太多人啦，都唔方便周圍影佢嘅環境。我哋喺呢一張枱坐，前面係啲舊式嘅鐵閘、充滿着懷舊嘅feel，絕對係自拍良機。打邊爐就絕對唔少得、要啤一啤佢！叫咗啤酒，好驚喜，居然係用冰鎮左的戰鬥碗，再配埋冰凍嘅啤酒，真係特別爽。佢有好多款好特別的火鍋湯底，我地就清清地叫左個一般火鍋店都無的松露窩..一滾起..濃濃菇味😍😍佢都好多好特別的食材黑豚肉丸！完全無諗過...入面係有蛋黃流出！細驚喜！！松露蝦餃，好足料，居然有兩隻蝦，口感一流！！牛胸爽！ 好爽好薄，居然有好重牛油味、好match！墨汁餃..食完唔好怕黑嘴😆😆但好淋、好香墨汁味！紫菜響令，新鮮炸起咁好脆！正！鱔片，好薄，正常😂呢個店鋪的懷舊環境真係好有特色，岩哂我地！而且湯底+食材都係有心思，唔係普通野，所以好有驚喜

老公話想打邊爐，所以我地一行四人就黎到呀肥火鍋吃晚飯，黎到門前已經感受到當初80、90年代時期既香港，睇得出呢到既老闆係十分用心去裝潢此處，將舊時香港既居住環境一一呈現在我們眼前落左樓梯黎到地牢，有四哥蔬菜、嬋記士多......所有裝潢擺設都栩栩如生，俾人感覺真係置身於適日香港似的我地就好似係大排檔食緊晚餐。餐牌上有好多款不同既湯底、配菜供選擇，我地就選擇了最普通的皮蛋芫茜馬蹄鍋下下火，畢竟打邊爐都頗為熱氣的！！打邊爐當然唔少得必點啤酒🍻再加上清熱下火既馬蹄竹蔗水$58入口清甜可口，e+天氣飲用涼快不過老公愛食炸大腸，見到呢到有已經急不及待點了街頭炸大腸$58 上枱仲係熱辣辣，睇得出係即叫即炸的，入口外脆內軟，口感一流格左陣火鍋配料陸續送到野生竹笙$78超大一條竹笙，係出面食都末食過有咁大條通常都會被切到好細，無晒口感係呢到可以原條食真係好正，爽口彈牙萵荀$$32又係必點之一，就咁放落去滾淋佢，食落口經已十分清甜！！番薯蜆$68一碟有8隻，岩岩好1人兩隻番薯蜆食落無沙，肉質鮮甜炸魚皮$48手工響玲$48魚皮及響玲都係即叫即炸，絕對唔係出面街邊現成貨，食得出係好香脆，熱乎乎的手打蝦籽鮮蝦

平日光顧沒有時段限制，可以同朋友輕輕鬆鬆吹水。唔怕比人趕～食物唔錯，餐廳裝修好花心思，餐廳內仲會播番d 80後既勁典歌曲。最值得一讚係員工好親切兼有禮貌讚👍🏻

落幾日雨有d涼，又想打下邊爐，係尖沙咀有間十分有香港味道的火煱店。裝修有如7、80年代的雜貨店、街市、屋村，可以好好懷緬下。那些年的香港流行曲，許志安、周慧敏、許冠傑等。辣椒醬好吃，辣度ok，很香。茶位$10/位，醬料$18/位，小食$20，好多收費。寶池春睡(原隻豬肚包雞鍋)($268)豬肚也很嫩，超大份，真材實料，食極都食唔完！雞肉也有很多，很有質量，可以慢慢分開放雞塊入湯底，可保持肉質嫩滑。湯味道很濃郁，胡椒味強，加菜食超正，湯一路都keep到咁濃，冇淡過，抵讚！紅棗已去核，很貼心。海棠春蔬(什菜拼盤)($58)，有秋葵、娃娃菜、皇帝菜、菜心，這裡的菜心很嫩，不會像外面的很老。風塵三俠(蝦滑、墨魚滑、鯪魚滑) ($128)，最鍾意蝦滑，有蝦籽係面，蝦味濃郁。萵筍($32)很清甜，又爽口。

啱啱接完朋友收工，見佢太肚餓想食火鍋，所以就帶咗佢去呢一間係尖沙咀附近嘅特色火鍋。火鍋係喺地牢下面嘅，有啲唔顯眼，不過落到去啲裝飾真係令人哇一聲。裏面嘅裝修都係仿照香港以前嘅特色，好有趣。最特別係佢啲湯底，首先會盅形式上，然後就先飲佢啲湯，後再用鍋上，以作打邊爐嘅湯底。我哋今次叫咗馬卡金蟲草花豬展湯，聽聞係可以補虛提神。碗湯會有一陣中藥味，但係一啲都唔難入口，啲金蟲草清甜，飲落去勁滋潤，裏面仲有半隻雞，材料足，值得一試。另外材料方面，我哋二人就叫咗安格斯牛頸脊，貴妃蚌，萵筍，同埋墨汁腸。牛肉厚身，入口爽，有嚼口，重牛味。貴妃蚌新鮮，又大粒，鮮味濃。墨汁腸又係一樣未試過既野，味道似素腸，幾特別。

今日約左朋友去食飯，佢地話想試呢一間火鍋店，咁就等佢地訂枱啦✌🏻，準時20:00到達，去到既時候都有9成入坐率啦，所以記得訂左枱先呀，唔使等枱呀嘛👍🏻，入到去裝修非常之懷舊，播放嘅都係懷舊歌，的確非常有親切感😊，服務員亦都好有禮貌，湯底方面叫咗胡椒豬肚雞鍋，湯底味道濃郁👍🏻，雞肉都好滑同埋好冧，豬肚都好冧，火鍋配料方面就叫左，1）安格斯牛肩胛肉，好有牛味👍🏻2）芝心墨魚丸，一咬落去芝士流出嚟，而個墨魚丸好爽口👍🏻3）牛骨濃湯牛丸，咬落去嘅時候入邊仲會有少少肉汁，唔錯，4）手工紫菜響鈴，第一次食呢一隻響鈴，入面加埋紫菜都幾特別👍🏻，5）門鱔魚蛋，有魚味，非常彈牙👍🏻而其他仲有午餐肉，娃娃菜，出前一丁，用料都非常新鮮，整體來講，值得一試👍🏻👍🏻

有唔少火鍋店走懷舊風格，阿肥火鍋正是其中之一，裝潢、餐具都好有特色，成個裝修都好有屋邨味、另一邊又好似街市，播嘅都係懷舊歌。平日落住大雨嘅晚上，都滿座，人氣十分旺，幸好我地有訂位。坐低之後，馬上睇餐牌，餐牌嘅選擇多，湯底有超過15款，仲要有保健湯底，例如較貴價嘅鮑魚花膠杞子烏雞湯、瑤柱響螺水鴨湯，亦有港式湯底，例如花膠雞鍋、濃蝦湯海鮮煲等，價錢係78-368蚊，豐儉由人。我地點左花膠雞鍋，兩個人點煲細嘅就夠，鍋底有半隻雞、花膠、杞子等，滾起後就可以先飲湯，湯底足料無味精，全是精華，飲番幾碗先開始食雞。雞肉大半隻，食前先剪開，隻雞啖啖肉，雞皮唔會太肥，雞肉嫩滑到不得了加湯後就可以打邊爐了！我地點左穀飼安格斯牛肩胛肉，份量唔多，質素比想像中好，牛肉大片，脂肪平均，入口滑嫩，而且有牛味，真係唔錯。當然啦，如果人多，點手切牛肯定更加正點左份小食脆炸午餐肉，餐肉控打親邊爐都忍唔住一定要點，香脆可口。接著點左兩款丸類，呢度嘅丸、餃份量彈性，可點半份/全份，我地得兩個人，所以只點左半份。半份四粒，分別係手打鮮蝦丸，新鮮爽口，雖然唔係好大粒。另外仲點左芝心墨魚丸，墨魚丸足料，不過流心度唔高。最後點左菜

在門口望兩望....八十年代、懷舊風情、屋邨性格、舊式的招牌設計，簡直就是懷舊鐵三角，潮流時興懷舊，自然有值得緬懷的價值了！近期身邊的朋友一個一個的接著去，自己不由得也被牽動了，便相約朋友數個，預早幾天訂了位吃晚飯。起初打了好多遍都沒有人接，好不容易在它晚市剛開的時間致電，終於有人接電話。可想【阿肥火鍋專門店】平常也非常忙碌呢。火鍋店位於尖沙咀漆咸道南，餐廳喺地庫但都非常容易找到，入口細細的，要經一條樓梯落地庫...門口地下有個燈牌，挺得意的，會不停地慢慢轉動... 樓梯一看便處處見細節都有點特式，不論牆身...地下、各落...好像慢慢引導你點去當時八十年代的香港情懷！門一推開，非常熱鬧多人，看見朋友招手我就非常開心...因為很久不見了....望望四周...感覺老闆裝修用心想造一種集體回憶，舊街市、舊公屋、舊屋邨、舊式第品、處處都值得令你停留看看！ 知道已點了些食物我便去拿些配料...朋友說店員為我們留了枱，然後放下小食一大碟花生及菜莆後，便讓我們慢慢點野食！花生作為開端真係好邪惡...好香脆呢湯底方面先點了「松茸菌昆布清湯鍋」$88，因為清新既湯鍋先會食到食材夠唔夠新鮮呢！松茸菌昆布

又可以影相又可以食好西，黎呢到就冇錯啦，以懷舊為主題既打邊爐。係樓下舖黎，後尾發現有𨋢嫁喎原來好有小時候既感覺呀，唔覺意都影左好多相餐具都係走懷舊風胡椒豬肚雞鍋$128我地叫左個胡椒豬肚雞鍋，有成半邊雞，仲有豬肚，剩係火鍋料又好多，唔洗點叫野啦，件雞仲要好滑好滋味，個湯底更加係讚呀，我當湯飲左兩碗，好香胡椒味貴妃蚌$68好大隻同好鮮味，可以放心係冇沙鴨血$48情有獨鍾，唔係間間打邊爐都有佢萵筍$32蔬菜打邊爐都吸晒湯既味道，所以我叫萵筍，碌完都仲有佢個味道，好爽口鐵棍淮山$38據說淮山好有益，對女士好，加上我覺得佢適合做打邊爐既料，都係爽口既桃園疊影（什菌拼盤）$68好好呀，有併盤，一次可以試晒所有菌類，如果每款都單叫，量多我地一定食唔晒我地坐左好耐，食完見冇咩人，又再瘋狂地影相，大滿足。

佢地裝修偏向以前舊式屋邨樣，令人十分懷念!全晚不間斷播放80-90年代流行金曲，氣氛好濃。譚詠麟，梅豔芳，林子祥的老歌，將我們帶返那個年代。不過舊擺設有d亂，衛生情況麻麻地，好多蚊......有好多招牌，比如手工紫菜嚮鈴，入面有紫菜，特別香口，呢樣都可以一試，而且佢地係手工整! 夠哂有心思!可惜未夠香脆。仲有呢個油條釀蝦膠，只需在鍋中浸一下就食得，另外我地點左好多丸子，幾彈牙。不過茶水杯極污糟，仲要收加一茶位及小食，如果收得人錢，應該起碼比到人好少少至少食到的質素。小食好hea!