阿翁深井燒鵝大王

有同事搬咗入深井後，佢就成日話食燒鵝，成日都聽到佢講，就連假日都會落街買外賣燒鵝瀨返屋企食，聽到我都流晒口水。深井入面D咩記都食過哂都無咩驚喜，於是就試吓同事極力推介嘅阿翁燒鵝大王，同事仲係咁提我要食$1系列，$1系列有三款任揀，包括招牌燒鵝、白切雞同乳豬，而我就係為咗燒鵝而嚟，緊係點$1燒鵝啦！另外再加咗三個餸，包括小食陳醋黑都木耳、鮑魚滑雞煲同埋XO醬蝦仁炒珊瑚蚌。最先上到嚟嘅係燒鵝，呢度嘅燒鵝唔係用碟，而係用一個玻璃兜，下面仲有柔和嘅火保暖，淨係呢一點，我以後食燒鵝都會嚟呢度食，因為有食過燒鵝嘅人都知，特別係秋冬時候，食到一半已經唔想再食D燒鵝係因為D鵝油已經凝固，食落口就好似咬緊一舊油嘅口感！而呢度因為用火嚟暖坐，我食到尾都仲係熱，D汁都仲係水狀唔係油，成個深井得呢一間會咁做！陳醋黑都木耳用嚟開胃就真係啱哂。XO醬蝦仁炒珊瑚蚌，蝦仁大大隻，珊瑚蚌又好爽！鮑魚滑雞煲D雞真係夠滑，而鮑魚亦都好大隻，呢個好抵食！食完先見到阿拉斯加長腳蟹每隻$1388，外面食一隻起碼$$16xx以上，下次一定嚟食燒鵝+長腳蟹！…查看更多

首先總結左先性價比👍🏽👍🏽份量勁足 食材新鮮 味道好.1）乳豬 皮夠鬆化 乳豬黎講都唔洗講其他野😌2）燒鵝 份量夠 窩心地有個蠟燭仔烘住 令啲汁無咁易變杰身3）阿拉斯加長腳蟹 好大隻 夠新鮮 肉嫩 店員仲會好識做咁俾你原隻影左相先拆4）赤小豆粉葛煲豬骨湯 原煲上 勁濃郁好好味 仲𢳂埋啲湯渣俾你食5）珊瑚蚌蝦球西蘭花 超大碟 非常多珊瑚蚌同蝦球6）菠蘿咕嚕肉 啲咕嚕肉唔會好厚粉 每一舊都係一口份量 多肉 無乜骨 仲有成條新鮮菠蘿7）清炒豆苗 超大碟 同埋熱辣辣 好好食8）鮑魚啫啫雞煲 好多鮑魚 👍🏽9）清蒸石斑魚 好大條 肉滑 蒸得岩岩好10）炒糯米飯11）壽桃包12）紅豆沙我地一行九人 多男士食完個個好飽仲有8-9盒野食打包食唔晒 真係食唔晒下次可以試下嗌半席 或再多啲人黎食.唯一美中不足係聽到員工同客人鬧交而經理唔識阻止/處理有少少影響用餐心情同體驗…查看更多

我心目中既粵菜首選一定係阿翁。阿翁出品菜式高質，食材新鮮，分店又多。今晚就係深井燒鵝大王晩飯。先來個餐前小食，野味鴨舌拼海蜇。濃濃酒香滷水好入味⋯⋯鴨舌一絕必點小菜$1蚊優惠，揀咗極品B B豬。不肥膩，皮烤得好香脆。足料海皇粉絲什菜煲，多款海鮮，有蝦、帶子、鮮魷魚，另外加埋什菇菌，更鮮味。第一次食蜜椒脆鱔球。出面酒樓好少有菜甘。鱔肉炸得啱啱好，配少少甜醬汁。好特別！阿翁出品菜式每次都好有水準晚飯後主動送上紅豆糖水。正！…查看更多

是日與好友入深井食燒鵝，食燒鵝真係深井必食。好快安排好入座就飲住茶食下花生睇下食咩好先。大家決定叫返個晚飯自選4-5人餐，當中選了小食沙薑豬手，燒味雙拼，即日煲靚湯，蜜桃冰梅骨，豉汁蒸鱔片，再加個3選1既$1系列阿翁燒鵝，阿翁小炒皇。沙薑豬手：豬手夠淋而且沙薑入味。燒味雙拼：燒腩仔皮脆肉唔會太肥，叉燒蜜糖香味鋪面燒得夠香。即日煲靚湯：粉葛豬骨湯好有家的感覺，煲湯都非常足料夠晒濃味又唔會確喉。蜜桃冰梅骨：肉質唔錯加上酸甜汁令到更為醒胃。豉汁蒸鱔片：用豉汁去蒸鱔可以令到餸菜更加帶出鮮味。厚厚肉咬落更為好食。阿翁燒鵝：唔好以為$1就會將貨就價，依個燒鵝無論份量同味道都做得好好。講下隻鵝：皮脆肉嫩，鵝皮同鵝肉之間脂肪層又唔算太厚，唔會成口油。阿翁小炒皇：韭菜花快炒夠清，腰果魚乾仔保持到脆香，蝦仁等令到餸菜更加色香味。最後有紅豆沙送滿足埋甜品胃，紅豆沙甜度適中紅豆夠淋。…查看更多

今晚約了朋友入深井食晚飯，點了晚飯自選4-5位餐（小食沙薑豬手，即日煲靚湯，燒味雙拼，蜜桃冰梅骨，豉汁蒸鱔片，阿翁小炒皇，阿翁燒鵝。沙薑豬手-豬手有咬口得來都夠味道。即日煲靚湯-味道濃味而不口乾，材料足夠煲既時間都夠，粉葛豬骨湯，足夠每人一至兩碗。燒味雙拼-我們點選了燒腩仔同叉燒，唔會太肥膩。燒腩仔皮夠脆。蜜桃冰梅骨-骨既味道不錯，肉又唔會好鞋口，甜甜地既醬汁更加開胃。豉汁蒸鱔片-鮮味鱔片，啖啖肉再配合豉汁更加鮮味。阿翁小炒皇-將不同材料加上去令到口感更好，有菜有香口。阿翁燒鵝-入深井當然叫燒鵝啦，炭香燒的味道，皮脆肉滑。仲有紅豆沙送，甜甜地夠完美了。…查看更多

係深井~用$1 就食到燒鵝係真ga!阿翁深井燒鵝大王平日晚市$1優惠 海南文昌雞/極品BB豬/至尊燒鵝王3選1至尊燒鵝王 $1去得深井當然建議大家揀燒鵝啦，份量都唔少！燒鵝皮脆，肉唔會好乾，底部仲有濃郁醬汁浸住雖則$1 加分位係有蠟燭熱住個碟，食到最尾一件都依然熱辣辣～溫馨提示$1 燒味優惠需加正價小菜一款京都焗肉排 148 豬扒切成條狀包裹住甜甜醬汁，底部有菠蘿很下飯半島 金牌炒飯 $138炒飯配料有貝柱、瑤柱、蝦仁、蛋白、菜粒好足料，炒得好乾身有鑊氣魚香茄子煲 $128調味夠晒惹味唔會稀lun lun, 最正撈飯又唔會好油同過咸食完有紅豆沙湯水送，茶芥 $18/位…查看更多

今日同好友約好入深井食晚飯，好快就安排好座位。今晚點了半島小炒皇，豐料老火靚湯，極品BB豬，龍蝦孖寶（蟹粉扒豆苗，上湯開邊龍蝦伊麵）。半島小炒皇：材料十足，香口魚乾仔腰果夾埋辣辣地韭菜花來食一流。豐料老火靚湯：粉葛鯪魚豬骨湯真係煲到d骨都咬到既老火湯。湯底濃郁又夠味，材料十足。飲完唔會口乾。極品BB豬：3選1既$1菜式我地點了BB豬。BB豬皮脆肉嫩，唔會因為$1而俾次貨你食。蟹粉扒豆苗：豆苗夠晒嫩，蟹粉多到天夠香。上湯開邊龍蝦伊麵：龍蝦肉爽彈，龍蝦鮮味十足，蝦膏濃郁。伊麵吸晒龍蝦汁既精華。仲有紅豆沙送，少少甜同埋有果皮香味。…查看更多

是日到好友深井屋企聚會，之後就到附近阿翁深井燒鵝大王 吃晚餐 。坐好就開左壽味飲住先，食下花生睇下食咩好。今晚都好滿座下，好彩黎得夠早。每人叫一樣，最後叫左個龍蝦孖寶，$1既極品BB豬，豐料老火湯，半島小炒皇。先黎個$1系列，我們選擇了極品BB豬-個皮脆口，同埋唔會太肥因為真係好驚過肥。皮脆肉嫩好食。飲返個豐料老火靚湯-好有家的感覺，粉葛鯪魚湯足料好夠味。整埋個上湯開邊龍蝦伊麵-龍蝦肉爽口彈牙又夠新鮮加埋伊麵軟硬得宜又索晒龍蝦汁。蟹粉扒豆苗-嫩滑豆苗入口冇渣，配合鮮味可口蟹粉更加冇敵。半島小炒皇-將蝦仁，魚干仔，韭菜花，腰果爆炒後，要香口 既保持到唔會淋。混合完後有著不同層次口感。埋尾仲有紅豆沙送，煲得紅豆淋，唔會水還水豆還豆。…查看更多

住咗深井咁耐都未試過呢間阿翁嘅晚餐，平時飲茶就飲得多＇今日終於有機會試吓佢嘅晚市。同老媽子兩個人叫得唔多，簡簡單單叫咗個咕嚕肉同金銀蛋莧菜，咕嚕肉外脆內軟，唔會一咬落去全部肥豬肉，好食！同埋佢好有誠意，切埋個新鮮菠蘿出嚟👍🏻👍🏻個菜就正常發揮，都幾多配料，唔錯！食到尾聲竟然仲有糖水送😳😳仲要係好啱香港人口味，唔太甜嘅紅豆沙😂同埋d服務幾好，我哋只係叫咗兩個小菜，都有個侍應企喺我哋附近又加茶又加水咁，呢個值得一讚👍🏻仲見到原來食長腳蟹侍應會幫手剪埋蟹，唔怪得咁多人食長腳蟹，幫手剪埋唔駛自己郁手真係好正！下次要試吓！😎…查看更多

入開深井探朋友，佢介紹阿翁俾我哋話幾好食，叫咗個晚巿優惠三寶，$398有魚有蝦有肉，份量都幾多，同老婆兩個人食要打包走。講返食物，以為套餐都係d普通嘢，但都有水準，蝦好大隻好彈牙，老婆返到屋企宵夜已經食晒。條魚就蒸到啱啱好唔會老，欖角骨好香欖角味又入味又唔會好咸。食完唔會好口乾，應該唔重味精。見到好多人食長腳蟹，下次人多少少可以試吓。另外要讚吓服務，全場坐滿晒，侍應都好有禮貌又有笑容，人手好充足。…查看更多

成日經過呢間阿翁見到d長腳蟹已經好想試吓，見佢而家做特價就即刻衝！$1388喺池入面任揀，梗係揀隻最大🫢揀咗好耐好彩都無黑面，仲教我哋點揀🤭隻蟹蒸完，阿姐姐竟然幫我哋剪埋隻蟹，等我哋一揭開蟹殼就食得，平時係我一個人剪晒d殼，今次可以食殘廢餐🤗🤗隻蟹好飽肉好鮮，不過5 斤半真係好大隻，食完蟹都有少少飽🤣除咗蟹仲叫咗優惠價BB豬，本身都無乜期望，又竟然好好食，唔似平時食嗰d凍冰冰同好dry咁，佢係即燒！皮脆有肉汁！呢個真係有驚喜！呢間阿翁可以再去，隻乳豬已經值得我再去多次，同埋佢服務真係幾好喎，起碼好過平時我去開嗰d😆…查看更多

今日下午又和家人嚟到阿翁飲下午茶，特價乳鴿加上美味燒鵝瀨粉，絕對是下午茶的首選，這裏的出品點心味道不錯，枱與枱之間空間感亦足夠，最令我欣賞是這裏的服務態度令我很滿意。之前和家人亦試過這裏的晚餐，海鮮和阿拉斯加蟹都做得非常出色，我最欣賞就是不是常常有的豬腳仔，菠蘿咕嚕肉亦都是很好味，深井雖然有一間比較出名的燒鵝，但是已經不是以前的那種味道，現在只是用來吸引内地客人的食店，我是一個喜歡到處吃美食的人，深井阿翁我覺得是一個不錯的地方。…查看更多

今日諗住去深井食燒鵝，點知比較傳統嗰間未開，行返出深井大街，見到有間叫翁記嘅酒樓，咁就諗住試吓啦。點知一落單叫燒鵝嘅時候，就比個男職員用責怪嘅語氣大聲咁話呢個時間點會有燒鵝，講到好似你唔知就係白痴一樣，就連附近幾枱食客都聽到同望過嚟！大哥，我唔係你咁響呢間酒樓度做，我又點會知你啲嘢係幾點出爐啊！仲有，叫蝦餃啲皮就厚到爆。仲有其他點心啲味總係覺得唔好食。算啦，當自己當黑，唔想再貼錢買難受，呢間酒樓我就唔會再去！…查看更多

我們4人8點半入座，假期入去完全無特價餐，本來好失望，開頭叫鵝腸$188，白飯魚煎蛋$148，已經下單，突然看到魚缸有斑馬瀨尿蝦，我們有人想吃，我2妹就看到$799［三寶］其實我地都覺得貴，但一諗散叫連加一都400元，改叫三寶啦，另外深井出名燒鵝，我地都叫左例牌（下裝加20）黎到好驚喜，燒鵝好脆原全玻璃皮，脆卜卜，食落有炭烤味，斑馬瀨尿蝦又大隻，扇貝都好好食不會味精重咸到苦，鮑魚雞煲就正常發揮，另外加了一個白飯，驚喜是晚飯送綠豆莎，很久沒有酒樓送糖水了，態度都好，不趕我們走，只是有dd輕微漏單，上菜有點慢…查看更多

一直都想試吓呢間酒樓，但見到7個評語裏已經有三個係負評，所以已經不想試了。直至母親節，因為好多酒樓都需要限時，但呢間酒樓唔需要所以決定博下 。母親節只有套餐選擇，12人全包宴套餐盛為$4088，每人除開也是$340/位，也不算太貴 。由於本着沒有期待的心情，但竟然意外地有驚喜 。燒鵝沒有臊味，沒有很肥，而且皮脆肉嫩，比起附近的X記還要好吃 。龍蝦伊麵也不錯，龍蝦肉很彈，沒有很厚的芡汁👍🏻。最令我驚喜的是BB乳豬全體,是我近年來吃過最好吃的乳豬，乳豬皮薄脆，一點肥膏也沒有，脆得像吃薯片一樣，皮脆肉嫩，完全是超出預期🌟套餐裏還有鮑魚雞煲，鮑魚完全不韌，剛剛好沙巴龍躉也是一絕，通常蒸這些大魚都是蒸過龍，但這條魚竟然是蒸得剛剛好很滑😋比較失色的，只有炸蠔，蠔的肉質不夠堅實，但也其實不難吃，只是其他菜式出色吧了 。還有一點需要改善，就是冷氣不足。總括來說，那些劣評說侍應服務態度差，東西不好吃的問題，完全沒有感受到，希望藉着這篇食評能夠幫他們平反吧！…查看更多