阿瑪港澳門餐廳 (已結業)

星期五到訪童夢城，之前在彼鄰阿瑪港澳門餐廳用膳。茶記格局，收機場較高價錢，衛生情況一般。享用了鴛鴦腸豬扒飯午餐一客及海南無骨雞飯一份。先來的羅宋湯「水份」高，幸好味道還算過得去。鴛鴦腸豬扒飯用料全是預製食材，實在無乜特別。豬扒鬆軟度合理，白飯則略濕過軟。海南無骨雞飯相對上好一點，雞件挺滑，雞香一般。伴上台南肉躁伴生菜，調味甜了少許，都OK嘅！餐飲熱奶茶，普普通通。名為澳門餐廳竟然無葡撻供應，有點奇怪。

由於仲有兩個小時才上機, 便去二號大樓吃下午茶, 一行七人, 唔使等位, 入座後,因為得一個餐牌, 大家輪流睇, 先叫服務小姐要水, 服務小姐好串又惡話"你地叫晒野先比水", OK,咁我地叫了七個餐, 我們叫了咸牛肉三文治(咸牛肉和蛋一起炒, 賣相和味道不錯), 其他的三文治, 吉烈豬扒沙律, 奶油豬都是一舨水準, 我朋友叫了懷舊西多,  "西多"送到來, 但沒上糖漿, 叫個服務哥哥仔, 佢話轉頭, 點知都叫左幾次佢都話轉頭, 但拎來係糖水, 之後同佢講, 佢都好不情願先再拎糖漿來, 以食物來講, 不過不失的茶記水準, 之後有些飲品還沒來, 想叫人追單, D人見到你揮手都當見唔到, 成個下午茶真係好受氣咁, 食物一般, 服務更係惡劣得嚇人. 要知道這是在離境機場的餐聽, 服務以遊客為主, 但如此服務, 真係趕客.

中午時候，已有十多人在門外等候入座！瑞士雞翼套餐：餐湯選擇了羅宋湯，呷一啖，湯身頗稀，淡而無味，敗筆！瑞士雞翼帶深棕色，上色均勻，入口甜中帶鹹，但略嫌肉質炆得過份腍口！鮑片𧐢汁伴生菜，賣相和味道一般，不值一提！凍奶茶，入口帶澀，奶味不夠，呷了一啖便放棄了，失望！不明白以這樣的食材味道，竟會吸引如此多人到訪！

亞美利堅舅父是日到港，我們舉家大小，前來機場、東涌一帶，先吃吃喝喝，再慢慢地等薯小兒的亞美利堅舅父落機。不駒車前往接機，也自然地會早一點到機場，在香港的國際空港吃喝玩樂一番。飛機未到，我們首先約好在2號空港，因為有一個 food court，大家可以自由地選擇大家所喜好的食物。而我就左想右想，就找來了這一個澳門餐廳。為何會見到外賣盒，原因就是這食店不是 food court 的其中一員，其身份只是圍著 food court 而開始的餐廳之一，所以一旦你說要拿到 food court 外面食，就只能夠 take away。千揀萬揀，揀了這一個炸魚薯條，因為並沒有其他合胃口的半輕食選擇，而這一個炸魚，是一份薄薄片的吉列魚柳，魚肉之薄，比起一些劣質西餐廳更薄，一口咬入去，我吃到的魚肉，真的有如火鍋薄切肉咁薄，我可以俾十個趣，因為件魚柳的確是十分之脆。薯條，是雪藏的波浪薯條，完全是覺得這一個是為了做下午茶而做的下午茶餐。其他的食品太貴，貴得令我沒興趣一試，下次都係去食漢堡包冇咁嬲。

依日出發外遊~攪掂晒就去"阿瑪港澳門餐廳"食Tea食店環境好唔錯~卡檯位置仲有獨立tv"招牌澳門洋蔥豬扒包"豬扒包半脆半軟..唔算香~豬扒夠腍身..味道唔會好鹹"日式吉列豬扒配有機扭紋薯條"食物賣相好靚但個"吉到豬扒"(請有心理準備睇圖片)好在我習慣切晒件先食~另一半見到即刻影底同經理理論依d係廚師最基本既衛生問題都做唔好~完全接受唔到囉經理用輕佻態度話再整過比我地..我地梗係唔要啦佢話咁全單免費~我地叫佢即刻收走餐飲.."熱檸水"+"熱咖啡"咩胃口都無晒~飲埋杯野就走啦雖然最終我地無追究~但都想分享比大家知道依個事實

我係機場員工, 間唔中都會黎呢度食其實我唔想黎, 但跟大隊冇法佢啲野, 食十次都唔知有冇一次係好食例如佢啲白汁, 真係hea到不得了...完全唔覺得忌廉味千祈唔好食佢個喇沙, 啲牛肉又鞋又肥, 湯底淡而無味佢嗰個招牌紅燒牛肉麵又係hea野, 比既大部份係牛筋, 湯底好咸常餐都唔好食, 佢啲腸仔奄列勁多洋蔥勁少腸仔都算, 入面啲青椒好似變左味咁食咁多次冇一次我真心覺得好食, 最多叫ok heahea地可以當一餐sosad雖然平啫, 但我寧可比貴啲食啲好少少架囉~服務又差, 啲待應好多時唔應人叫杯水可以扮聽唔到, 叫幾次都唔會攞黎~但最奇就係中午時間呢度係爆場, 可能機場真係唔多選擇...

呢間野....抵食既..平均D餐都係30幾40幾左右..機場黎講算好不過味道好一般..叫做大大碟.夠哂飽食個3絲冷麵..D 麻醬花生醬果D太"傑"喇..D配料係雞C,青瓜C呢DD味道唔太夾同個醬..有個小食配..叫左個紅油抄手...嘩又係"傑"到爆喎..抄手入面D料又怪..太扎實..珍珠奶茶D珍珠真係好似珍珠咁硬...搞咩鬼呀不過個肥牛河唔錯..湯底正..!呢個抵讚..!但叫環境唔錯幾好坐啦..不過D呀姐個個唔願做咁..態度都幾差......

放工後就立刻趕到朋友家幫忙搬行李出機場。到最後九點鐘才醫肚。在terminal 2的二人套餐似只有這間夠肚餓到前胸貼後背的我們吃。套餐有餐湯、兩個main dish、一個菜、白飯或香蒜牛油意粉。朋友再要多一杯珍珠奶茶。餐湯這裏的水準一般。我的羅宋湯不酸微甜沒特別可講的地方。朋友的白湯有素翅蟹柳但不夠濃，太淡了。珍珠奶茶的奶茶是疑似即沖的，珍珠則有股腥味。很難幻像為甚麼會這麼難飲。主菜的吉列豬扒頗大塊，沒油益味之餘很香脆，很有豬肉鮮味，腍度適中，而且不覺得太肥膩。底下的薯仔沙律有部分未熟透，吃了兩口就放棄。葡國雞的雞肉是入味的，討厭鞋雞的我也吃了兩大塊。但耐人尋味的是，葡國雞汁的味道是跟雞肉成反比，汁裏應有的咖哩味都很淡，椰汁味則一丁點兒也欠奉。香蒜牛油意粉...吃不出蒜味牛油味。撈無味的葡國雞汁亦沒有負負得正的效果，結果吃不完兩樣均要打包帶走。芝士奶油雜菜則爆冷，竟然最好吃。奶油非常creamy，mozzarella芝士鋪滿所有菜面，而且焗香後配西蘭花真是美味。底部還有少量充數的紹菜和菜心，陪奶油雖是奇怪配搭，但不算差。埋單每人$80，此套餐其實可吃飽三人。只要你不介意港式葡菜，質素參

係機場返工既關係, 所以成日黎呢間食, 因為有員工優惠,但服務態度真係唔多得囉, 次次落單都要叫 N 次先有人應,負責傳菜既唔會同你落單, 但除左經理外所有員工既制服都係一樣, 咁我又點分邊個會落單邊個唔係呢 ? 仲有佢地既凍飲成半杯都係冰, 超唔得 不過野食就 ok 既, 魯肉飯同台灣牛肉麵都唔錯~

11月27日, 我地期待已久~ 呀菲嘅生日歐遊大旅行終於出發~~~ *O*由於我地會去成2個禮拜咁耐… 所以未出發就已經開始懷念香港嘅美食! 就喺臨上機嘅最後一餐, 我地搵到呢間雖然叫做澳門茶餐廳, 但港產味甚濃兼最緊要有電視睇嘅地方開餐!::: 沙嗲金菇肥牛煲 配白飯 + 凍奶茶 ::: $53是日例湯為菜干瘦肉湯一碗~ 雖然有味精, 但味道頗濃而且有d湯渣咬下~ ok啦!沙嗲金菇肥牛煲實在係正宗港產茶餐廳名物! 基本上真係好難失手! 而呢一煲沙嗲肥牛亦十分對辦~ 首先金菇牛肉同粉絲芽菜份量多, 而且都幾入味. 沙嗲汁夠香濃, 個質地係有d透明獻汁feel~ 撈飯真係超正! 爭d嘅係個”靚仔”, 即係個白飯, 略嫌乾硬咗d… 但撈汁食都可以喇.凍奶茶合格啦~ 望落個色水就淡咁d, 但飲落茶味奶味都有, 算係咁~::: 蒜香豬肉炒翠玉瓜 配白飯 ::: $53呢個”食送”清淡d, 勝在有屋企feel!! 翠玉瓜炒得啱啱好, 清甜多汁~ 豬肉有蒜香味, 都幾嫩, 不過切得細塊同份量少咗d…::: 瑞士雞翼 ::: 免費係呢度嘅招牌野, 每人奉送一隻! Mmm…size比我地想像中大, 肉

天呀~ 我在機場返工, 自然密密揾食,但呢間.....BLACK LIST 咗!!!罪狀1: 點嗰樣無嗰樣 - 尤其以下午茶時間最為嚴重!! 最最黑人憎的係你無都好, 唔該你哋即刻話比人知吖, 無一樣等7mins先有人來同你講: "炒河賣晒, 擇第二樣啦!" 之後就施施然走咗去! 好喇, 擇過第二樣, 又過7mins先又有人走過嚟同你講蕒晒!! 我只得1hrs食飯時間比你糟蹋咗一半!罪狀2: 好啦! 有第二位伙記落單啦, 點知佢以為係張新單, 又重新落單, 轉頭比多杯餐飲我, 於是我好禮貌同佢講比錯咗, 點知比佢破口大駡: "你唔係加單就(頭先)講清楚先吖嘛!!!" 嘩.....火都嚟! 我一個女仔可以食得落兩份餐嗎??罪狀3: 叫佢哋攞辣椒醬, 第一位伙記:" 得無題, 轉頭...." 走咗...; 10min later, 第二位伙記:" 得無題, 轉頭...." 走咗...; 第三位伙記:" 得無題, 轉頭...." 走咗........最後梗係無攞到啦!! 唔駛啦, 我都慶到爆啦! 仲駛乜辣椒醬呢???罪狀4: 我有兩個男同事晚餐食完佢哋啲炒飯後又痾又嘔又發燒, 於是齊齊

The ordered curry chicken and baked pork chop rice were good. Good giving a try while you have been bored by all the dining venues at the Terminal 1. Try this interesting Portuguese ChaChaan Teng style restaurant/eatery place. We would come back.

十分之不滿員工的服務態度,呢度的員工冇服務可言......一坐底等極都冇人黎招呼,但呢一種態度不是對每一個客人都一樣....我地等左十多分鐘終於有人幫得地落單,但話都未講完,單都未落完,員工就已經跑走喇....到食物黎之後,又要等飲品,在我地三吹四請之下,都未能替我地跟進,進食中途叫員工拿餐具更加係比佢地黑面,仲要好大力咁比我地,完全無禮貌,無服務可言...到埋單仲要我地等,就連簡易一張單都要我親自去到佢地的櫃台拎,完全唔知佢地提供緊既係什麼服務態度,貴公司既創業在機場,就應該張服務大大提升.......呢個餐廳係我去過食過最差的一間........

今日去機場T2觀光兼睇戲, 散場出來見有點餓, 去呢度食左個貴夾難食既下午茶...總括來講, 上菜快, 禮貌係唔錯既, 但當我地出示問口派的coupon時問佢係咪可以用, 阿姐用非常輕蔑的聲音講:得一隻架咋喎~! 咁我地又唔係話唔叫野食, 之後比左兩隻我, 因為都係無味, 所以覺得就算佢送一打我都無用...咁叫左兩個餐, 都有加$10要多個小菜, 因為我與朋友都有奶茶癮, 大家都叫熱奶茶, 所有食物都係以極速上菜, 當我們呷第一啖奶茶時, 心知不妙...D奶茶好稀同無茶味, 好似一杯開過多水既淡奶咁既味;牛肉麵量多, 但係D味怪怪的;喇沙肥牛麵D湯係少許透明的, 也是很淡很淡的;小菜也真小, 得兩啖既雞絲粉皮, 我倆人都食不完...因為根本咬不爛...炸豆腐好似炸完又炸, 外皮好厚, 但D汁算幾好味.btw, 服務真係幾好, 如果食物及得上一成就好了...我估係無下次架啦...

去完台灣玩，又食唔飽。就呢度食埋先返屋企，呢個時候都唔算太多人既，係我地坐個位無咁易有人見到。瑞士雞翼呢個係送既，味道都唔錯既。甜甜地，又有滷水味，幾好食架。海鮮炒飯呢個就幾大碟，海鮮又幾多，好足料。而個飯又整得幾好食，唔會太韌既。沙甸魚呢個我無食過，我媽話都好食既。龍柳焗飯呢個算唔錯，龍柳算幾大條。而且都幾脆口，好好食呀。而個汁就無乜忌廉味，唔係太好。個飯都唔錯既，唔會太韌。非洲辣雞呢個就可以既，雞就太新鮮啦，如果可以乾身小小就好啦。朱古力拖肥幾好飲，好重朱古力味好重，仲有球朱古力雪糕。實有下次既，又唔係貴。