阿瑪港澳門餐廳 (已結業)

間餐廳一定有佢過人之處，唔係我都唔會行左入去😪 座位好闊落，又有卡位，又有電視睇，感覺唔錯。打開Menu，二百幾蚊有二人套餐食喎，仲好多嘢食，就試吓啦。首先係羅宋湯，只有微溫，冇乜料但味道對版。一碗叫做龍蝦湯既，有一層油喺面跟住係炸豬扒沙律，豬扒炸得唔油膩，沙律裏面有好多薯仔，好多生薯仔冇食！叫咗葡國雞跟個薑蛋炒飯，應該叫佢做葡國雪藏雞，好味既葡國汁係掩蓋唔到雞既嘅雪藏味🤢 炒飯係成個餐之中最好食嘅一碟。之後係馬介休炒雜菜，落咗一d非常特別既怪味腸去炒。餐冇包飲品，另叫華田係正常既。女仔員工服務係冇乜態度既。叫佢比兩個碗仔，攞嚟時對眼唔知係咪望住個電視呢，求其放枱邊，係仲有1mm就跌出枱邊果隻，送飲品過黎時都係咁🙄呢餐用嚟充飢都OK嘅

在機場T2見這間蒲式餐廳光光猛猛，座位又多，於是入去吃個晚餐才上機，進入餐廳無人招呼自行搵位坐下，我們五人侍應只給一份餐牌，五人輪流看頗廢時，於是要求給多一份menu，那侍應一副慢條斯理的模樣遞來多一份menu，他的身體語言好像在説：「你們這班人真麻煩」。說這間是蒲式餐廳但menu上一半都不是蒲式食物，而且價格徧高。我們點了台灣牛肉湯麵、焗豬扒意粉及海南雞飯。牛肉麵的牛肉太軟，不知在煱内煮了多少片，而湯底則有色無味，麵質似雪藏烏冬麵，焗豬扒意粉醬汁下的意粉是過軟發漲，而海南雞飯的飯也太硬。最後還要自行走到櫃臺結賬，在這裡看不到熱誠的服務態度，但還要付10%服務費！

晚上十時正到達香港國際機場terminal 2，登記後上到去terminal 2 嘅food count 發覺大部份嘅餐廳已經收左鋪，係冇咪選擇下唯有一試，點知就咁中伏。。。點了一個皇牌的紅燒台灣牛肉麵麵好快就送到，不過食左一半左右就頂唔順因為麵條好粉，極重味精湯底，咬唔開嘅牛肉， 食咗幾啖就好口渴，咁我去點嘢飲啦，點知好多飲品都係冇嘅，至少點左4/5樣先有。呢間餐廳唯一可以讚嘅就係服務幾好，而且開到好夜好夜。

同事個午餐配左隻雞翼，她説好好食，翻看餐牌唔見有得散點，就膽粗粗問下侍應姐姐先，她向經理查詢後，可以幫我地做，$68 四只炸雞翼，真心覺得抵食，雞翼上枱熱辣辣又入味，坊間已少有咁岀色的味道，又唔貴，真的一試難忘

落機肚餓去食野，撞正午餐時段都幾多人。地方夠大，好快有位。食物選擇多，一set lunch 加一都係$7x-8x以機場價錢黎講算係ok la,中環果啲仲貴點左個韓國泡菜雞排辛辣麵仲附有半塊蜂蜜多士+蕃茄火腿奄列+送一杯熱飲每個set可以揀唔同主菜 有啲餐可以揀牛/豬 唔想食奄列，韓國菜的話可以揀芝士年糕嘅食到好飽仲食唔哂麵入面仲有粟米+紫菜 一塊雞排都佔左半個碗雞排又好味 啲肉滑香港絲襪奶茶都唔錯幾滑幾好飲 茶餐廳奶茶 點左杯凍嘅要加$3值得推介下次去機場的話要搵野食可以食呢間

昨晚九時接老公機，一心想不用等位，盡快醫肚，看到這間餐廳有位置便內進，一直在選個空位坐，皆因很多坐位都是空，卻滿枱都是吃過的碗碟沒有人收，坐下來沒有人來招呼，只見一個收銀員，揮手也沒理會，只好自己去櫃面拿餐牌看，看了一會，終於見到有人來收旁邊枱的碗碟，我示意落單，她說不能落，就大叫一個類似經理的男人來落，他完全沒有耐性，我叫了一份餐，他就急不及待想走，我趕快再説下去，他才問我們是否職員，我們説不是，他即收走餐牌説：「不是職員不是這個價，誰拿這餐牌給你看！」我說剛才因沒人招呼才自己到櫃面拿。 點了兩碗$68台灣牛肉麵，一杯凍奶茶及一位熱奶茶，然後再想點其他小食，卻說沒有，跟著拿來的筷子像發了霉一樣，原本黑色都漂到甩色變白，牛肉麵尚算ok, 凍奶茶超甜，熱飲想自己加糖，糖盅又沒有匙，走的時候發現沒有打單，就直接出去埋單，但不見收銀員，等了一會，那個收銀員un住腳回來，完全靠指出那張枱吃東西就直接説$220，沒有給我看單，我因趕時間坐車便匆匆付了，之後再想想怎麼那麼貴？這次幫襯的經歷，強烈使我不會再去！

避開OL Lunch hour, 晏小小至黎食不用等枱真好，餓到連隻牛都食得落嘅時候, 喺menu第一頁見到咖哩牛腩飯, 就食li個咖哩牛腩飯飯同咖哩牛腩分開上(好make sense), 白飯用一個大碟serve, 份量應該有2大碗. 咖哩牛腩則用一個四方倒梯形碗裝住, 好大陣香味! 見到好多件大大舊嘅牛腩同薯仔, 將d汁撈飯+一口牛腩, 每粒飯都充滿咖哩汁, 牛腩同薯仔炆得好夠林, li個份量連餐湯, 凍檸茶, 非常滿足, 難怪平時咁多成日要outdoor做野嘅staff都來幫襯. 我

今日星期日, 無哂OL等位嘅情境, 可以坐得勁舒服地lunch嘅'澳茶'👈🏻雖然改左名但大家都係嗌佢澳茶~以前黑猛猛嘅澳茶裝修左之後光猛左同乾淨左好多呢！海南雞飯個飯個presentation 都唔同左，以前係一個長碟擺哂雞，醬，飯，而家變左個大圓碟，分一大格同3小格放油飯，雞，醬同青瓜，賣相好看好多，味道都保持到昔日嘅水準，感覺仲大份左. 去左骨嘅海南雞好嫩滑, 皮肉好易分離.自選3餸粉麵我揀豆卜, 魚腐同豬軟骨嘅擔擔麵湯底米粉. 食食左發覺d米粉吸湯嘅速度驚人,為免食發漲左嘅米粉,唯有快過個米粉食, 之後至食料. 豬軟骨都好腍, 有時食豬軟骨都尚且要將好硬嘅軟骨吐出，今次就無li個情況而且個醬仲好入味添, 但係魚腐就好似硬左d, 可能d魚肉打得太勁打到firm哂. 米粉確實吸收左好多擔擔麵湯底, 所以好香好濃~仲唔辣Tim!我個麵送紅豆冰細杯裝但夠飲，紅豆夠腍，同花奶嘅比例唔錯, 而碎冰都幾易溶哂啱哂我唔想飲凍野但又想飲紅豆冰但唔好意思走冰嘅麻煩人！埋單個時好感恩轉左個態度好好多嘅收銀,相信以後食澳茶都唔需要再受氣了~

有點事要入機場，不如早些少入去，自己他他條條食個午餐？時間許可，過去T2那邊看看，可能選擇會更多。但，原來都是Food Court, 與及茶記。個人對Food Court毫無好感，寧願找間茶餐廳，起碼坐得舒舒服服。呢度基本上係無招呼，想攞個餐牌睇下有咩食，靠自己仲好。求求其要了豉椒斑腩河。份量唔細，都幾多斑腩，味道雖一般，但在機場食肆去計，算不過不失。只是，河粉一大疊，仲未炒鬆。咖啡的質素，不值一提。

偶爾都會一個人午飯，悶是有點悶，但可以隨心所慾挑選心水餐廳，未嘗不是一件好事。其實望住餐牌，真係唔明何謂拳頭食品？究竟係食物只有拳頭大細，抑或係食完要出拳頭。中式例湯用沙葛豬骨煲湯，又夠火喉，清甜滋潤，只嫌份量有點少。瑞士雞翼滷得夠入味，甜甜地用黎伴飯一流。鮑片蠔汁伴生菜鮑片出奇地厚，亦有點嚼口，生菜大路貨色。白飯明明餐牌話一碟，結果係碗上，係咪貨不對辦先？凍檸檬茶平日會好甜，特意少冰少甜，基本上做到，而且茶味幾香，個人幾鐘意。

很難想像，機場的餐廳出品基本上都係難食，味千拉麵可以食到一半掟筷子，所以造做2號客運大樓food court能夠生存。相對而言，阿瑪港的性價比及食物較合理，所以中午時段特別多人。無骨海南雞飯套餐餐湯是青紅蘿蔔豬骨湯，夠火喉，但經常預早舀好，所以都是變暖了。用的是雞脾位，真的是啖啖肉，只是用冰鮮雞，所以雞味欠奉，所謂雞油飯，真是沒多少油水，有時候乾脆換成白飯倒是心安理得。凍朱古力太多冰，喝起來不是味兒。蜀中無大將，將就將就一下。

話說機場新跑道工程預計展開，所以2號客運大樓聽說難逃拆卸的命運，想不到好幾億的工程，使用不到廿年，可惜，就趁尚存的日子，多點過來吃飯吧。早餐選擇未計粥餐都已經超過10款，不錯。濃番茄湯公仔麵無乜料，就當作是羅宋湯麵會心安理得一點，麵條淥得好馬虎，根本未腍，幸好湯底番茄味夠濃，又有幾舊薯仔頂肚。餐肉炒蛋配錬奶多士就一般，多士微脆，塗上錬奶幾好食，餐肉只得半片，將貨就價無辦法，炒蛋似乎過熟了。凍檸檬茶刻意要少甜，但作用不大，茶味尚可以。好多時吃得太好，偶爾都要平淡一點吧!

喺公司附近餐廳食到悶晒，趁星期六公司冇咁忙，同事揸車出去T2食lunch，一行三人，十二點零鐘到，呢個時間機場員工好多都未放飯，唔使等位，入到去快快趣各自order咗個午餐跟羅宋湯同餐茶，我揀咗吉列豬扒跟飯，而同事分別揀雞扒拼羊扒跟飯同鴨飯；嘩﹗我個餐竟然有兩大塊吉列豬扒，豬扒外層炸到好脆，內裡好滑唔韌，而且保留肉汁，好好味，白飯熱騰騰，配燒汁，我同事嘅雞扒拼羊扒都係配呢隻汁；個餐嘅份量對於我嚟講實在太大，結果食唔晒，又要做大嘥鬼喇。今餐唯一缺點係我杯餐熱檸茶有生水味。完揸車返去都唔使遲到，哈哈。

我不是茶餐廳的忠實愛好者，不過茶餐廳食物多元化的優點，無可否認確立了港式飲食文化的地位。茶餐廳已不僅植根於香港人的心裡，近年更成為訪客們追捧的對象，無論是屋邨、大型商場、人流暢旺的購物區，均可尋覓得到茶餐廳的蹤影！赤鱲角機場內至少也有兩間茶餐廳，「阿瑪港」是其中一間位於二號客運大樓之內的茶餐廳。茶餐廳佔用的面積不少，樓底也頗高，空間較寬敞，沒有一般茶餐廳的擠迫感覺！左手邊還設有卡座，牆壁掛上播放電視的小型屏幕，打造出非一般茶餐廳的形象！翻看餐牌，除了提供主打的澳葡式和必有的港式食品外，還有四川和台式的麵食，無論款式和價錢果然也是非一般的，不過在機場的食肆，收費往往偏貴，這早有心理準備！凍檸茶是常餐內包含的飲品。以前嚐葡式蕃茄通粉必到「四太太」的茶餐廳，不過最近嚐過一次，水準較早年差遠了！來嚐嚐「阿瑪港」的又如何！蕃茄湯底來得較清淡，可嚐到蕃茄的清酸，而鹹與甜味則較輕。換句話來說，愛濃味的朋友絕對不會愛上，但從另一角度，我反而會覺得其自然的味道，加上滾燙的溫度，令喉部倍感舒暢！湯中可找到不少的蕃茄、牛肉、紅蘿蔔和西芹等，是葡式蕃茄湯底的必備！可是極度軟乎乎、毫無彈性的螺絲粉，真令我難以接

昨天下午，小弟獨自前往機場逛逛。來到機場後，第一件事，當然是找個地方吃午餐，填飽肚子了。小弟在二號客運大樓內，四處尋找合乎自己口味，而且價格相宜的食肆，結果最後選擇了阿瑪港。小弟原本是想點台南肉鬆麵的，但是該餐廳的侍應卻向小弟，介紹該店的其中一道招牌菜－台式紅燒牛肉麵。小弟看見餐牌上的照片後，看見紅色的湯底，心想它可能是辣的，於是便問侍應，究竟它是否辣的，侍應於是說："不"，此時小弟才放心點它。飲品方面，則選擇了泡沫珍珠。不消一會，台式紅燒牛肉麵終於端上來了。小弟吃下碗內的牛肉，覺得牛筋的部份，相當鬆軟，但是牛肉的部份，則有少許"Chi"牙了。麵條方面，也還算是煙靭、彈牙的。不過令小弟感到失望的，還是它的湯底，小弟曾試喝幾口，覺得味道偏淡，與深厚的紅色色澤不相符。至於泡沫珍珠，喝起來，奶茶甘香，珍珠煙靭，還算是有水準。付帳時，小弟看見台式紅燒牛肉麵加泡沫珍珠，再加上服務費，總共是99大元！此時小弟感到有點兒吃驚，平時吃午餐，頂多是五十多元而已，而它也不是甚麼中高級餐廳，卻竟有如此的價格，真是．．．．．．在機場吃頓餐，價格當然較外面同類的食品飲料的價格為昂貴，這已經是小弟預料之內，可是，