阿木台灣麵 (豉油街)

营业中

休息中

之前一直食開廣華街嗰間，原來已經結業左，但豉油街呢間都一樣好食👍🏻👍🏻1️⃣紅燒牛肉麵（片切）（$63）角切同片切嘅分別，就係片切多啲肉，角切多啲根～而我嗌咗片切真係一啲都冇令我失望，肉非常之多，又淋又入味，水準一直都keep得好好👍🏻👍🏻👍🏻麵質軟硬適中，面底好多，所以麵同肉兩個人share食都好足夠😋2️⃣炸甜不辣（$32）雖然係炸物，但食落去唔係好油亦都唔係話好脆口🤔味道有啲似魚糕，口感又煙煙韌韌，值得一試👍🏻👍🏻而兩個人食，份量真係有啲多😅食到最後有啲食唔晒。📍總結：-跟餐飲嘢有優惠，嗌咗熱珍珠奶茶都唔錯。-食咗幾次阿木都覺得份量有啲多😆😆細食嘅朋友真係可以嗌一個餐加一個小食嚟同朋友share👍🏻👍🏻-阿木最近開埋生活百貨，憑單去到買滿$100有九折～可以去睇吓喔！

紅燒牛肉麵 $70牛肉麵好濃郁夠味，湯底鮮甜，好香牛肉味，餸住個麵食一流！😝而且牛肉份量都好多，有5-6舊牛肉，然後全部肉都勁大舊同厚肉，超有口感🤤食完一碗牛肉麵真係勁飽，呢個份量超對得住佢個價錢😎肉燥飯 $36肉燥飯勁大碗！同平時去開果啲台式餐廳的肉燥飯細細碗好唔同🤓 飯的份量多，佢肉燥份量都唔惹小，鋪到成個碗都係，啖啖都食到肉燥，食完個飯勁滿足！阿木台灣麵 (豉油街) (旺角)旺角豉油街60-102號鴻都大廈地下3-4號舖

🍅蕃茄牛肉麵 $70牛肉嘅份量好多，大大嚿同埋好淋😍 蕃茄湯底蕃茄味好濃，麵質都唔會太淋😙如果兩個女仔嚟食嘅話share一碗麵都應該好夠飽🥚芝士肉鬆蛋餅 $44蛋餅餅皮好煙韌，厚薄適中，芝士份量好多，同肉鬆好夾😊🐷 家傳鹽酥肉 $40鹽酥肉唔會過鹹，味道不過不失，不過可以再淋多少少～🐟 炸甜不辣$32炸甜不辣唔係太脆，都食到有少少魚味，調味正常-呢間台灣菜係小編食過香港數一數二抵食嘅，牛肉麵同埋蛋餅真係必叫😙 不過鋪面比較細所以枱同枱之間都有啲迫，呢點就要留意番-味道: 8/10服務: 7/10環境:6/10回頭率: 9/10總評: 7.5/10💰人均消費: $100

之前行街都有經過見到呢間台灣麵，今日突然好想食台灣野就諗起呢間「阿木台灣麵」，嚟到門口已經見到有一個類似小賣部既區域，有唔同款式嘅地道台灣小食😍🌟鮮茄牛肉牛筋麵 $74🌟目測個湯底已經非常濃郁，鮮茄味非常香濃，牛肉同牛筋既份量同蔥花酸菜既量都係非常十足！麵條口感都相當彈牙可口😋🌟鹽酥雞 $39🌟食台灣野鹽酥雞係必須要點的🤩值得一讚既係炸粉好薄，肉嫩有汁，雞肉唔乾身，仲有如果唔想要椒鹽粉，可以圈返走椒鹽粉，好體貼的餐牌🥰🌟芝士卷鹽奶蓋炎燒烏龍茶（凍）$19🌟(加珍球＋$5 )芝士味比較濃，珍珠如果再彈牙少少就更好了👏🏻順帶一提，食既時候留意到餐廳都做緊宣傳 - 「阿木中秋套裝」有早鳥優惠，係喎！提醒咗我好快就到中秋節了😲如果諗唔到送禮比人，可以考慮吓呢幾款套裝，價錢都幾優惠，內容都好豐富🤩

地道台灣菜買少見少其中一間阿木台灣麵今次終於去左旺角門店試試🍀 紅燒牛肉麵 $70牛肉勁厚，煮到好淋又入味，個湯底純天然。無味精仲好香濃😋😋而且牛肉同麵既份量都好多，性價比高👍🏻誠意度都好高🤩🍀 鹽酥雞 $39炸到好鬆脆，鮮嫩多汁👍🏻，惹味可口🍀蜜桃烏龍 🍑冷泡茶 500ml $14無糖 淡淡蜜桃清香消一消暑氣大大杯 套餐飲品半價唔夠喉仲有各款雜貨可供選購係屋企都可以食到阿木既味道憑收據🧾去阿木台灣生活百貨滿$100 仲有9折優惠

📍阿木台灣麵📍💡旺角去開旺角買嘢，難得見到lunch冇乜人，諗都唔諗即刻入去食，不過坐低咗就好快滿咗🤣原來係快人哋一步咋🐥紅燒牛肉牛筋麵($74)麵好大碗，牛肉牛筋都好多舊又好厚切，好似食極都仲有，牛肉質幾好，煮得軟腍，牛筋煮得入味入口香軟。湯底方面好濃牛味，麵條軟硬適中🐥芝士肉鬆蛋餅($44)蛋餅幾香，入面有芝士、蛋同肉鬆，份量好多，好厚實，芝士有拉絲效果，足料🐥珍珠奶茶 跟餐 +&15茶味再濃多dd就更好，珍珠好彈牙😋#旺角 #旺角美食 #美食日記 #食好西 #大滿足#香港美食指南 #香港美食 #香港美食 #香港 #hkfoodie #hkfood #bbq #hkfoodie #homekong#hkrestaurant #hkiger #hkfoodstagram #hkfoodlover #hkig #hkfoodshare #阿木台灣麵 #紅燒牛肉麵 #蛋餅 #foodiesinternationalchat #globaleats #indiandailybread

經過旺角豉油街阿木台灣麵幾次都見有人排隊，好想食。今日好彩人龍不算長，有時間便趁機試下，好彩等了一陣便有位。餐牌所見，好多台灣麵食，飯和小食都吸引。最终叫了碗紅燒牛肉牛筋麵，一份芝士肉鬆蛋餅和一杯芝士岩鹽奶蓋炭燒烏龍茶。紅燒牛肉牛筋麵大大碗好正，不愧是招牌貨。湯濃甜美味，關廟粗麵有咬口合味道，紅燒牛展大大片又厚身，炆得夠火喉，吃入口淋滑有筋唔韌，有水準，很好吃! 牛筋也很淋滑，充滿膠質，正! 點埋有蝦成份的自家製麻辣醬更有風味，讚! 吃完一碗已很滿足。芝士肉鬆蛋餅也有風味，多肉鬆有蛋味，好吃! 芝士岩鹽奶蓋炭燒烏龍茶愈飲愈好飲，茶味適中香滑不甜。我叫了少冰，多些冰應更美味。消費滿$100憑單在阿木台灣生活百貨門市可享九折。店中海報見到阿木有中秋套餐，送禮似乎不錯。

台灣風味的牛肉麵見朋友推介這間，有時間就去到旺角試一下，點左個紅燒牛肉牛筋麵，加份炸酥肉同一杯海鹽奶蓋烏龍茶。牛肉麵湯底香濃，有加左酸菜，味道沒那麼膩，而牛肉厚切，咬落好有滿足感，又唔會黐牙，牛筋軟糯，沾上湯汁一齊食-正而炸酥肉，剛炸好出黎，酥肉扎實香口。海鹽奶蓋烏龍茶則跟平常喝的差不多，跟麵一齊點，飲品可以有半價，可以一試。**買單後，見到單據有，消費滿一百的單據，可到附近的一間商場買東西有九折呢。

第二次食阿木台灣麵，同第一次一樣，都係排滿曬人，所以要食真係要早少少排隊😆阿木嘅價錢比較其他台灣食物嘅鋪頭相對較低。因為兩個人去，所以我地叫左一個鹽酥雞便當同埋一個牛肉麵。便當嘅肉燥飯比想像中大碗好多，係正常size嘅1.5倍，啱曬所有大食嘅人try try。至於牛肉麵嘅牛肉煮到好淋，成碗麵好有牛肉鮮味🥳另外阿木除左堂食，仲有賣其他唔同類型嘅食物，啱曬最愛台灣美食嘅大家😚。個人極力推薦可以係平日午餐或者晚飯一試，包你一直難忘😝

好耐冇得去台灣旅行，好掛住台灣嘅食物，今日咁岩經過呢一間舖頭，突然好想食牛肉麵，再入去試下！之前見到呢間都好多人排隊呢！半筋半肉麵🍜牛肉肥瘦相間，而且炆得好淋好入味，食落軟綿綿好正！牛筋都係好軟綿綿，完全唔會好似其他果啲硬掘掘，每一啖都係滿滿骨膠原，好正呀！芝士肉鬆蛋餅🫔呢個蛋餅都係招牌菜之一，餅皮熱辣辣軟綿綿，裡面既肉鬆有好香，睇圖就知道肉鬆份量好足，配埋芝士一齊食簡直一絕！白桃汁🍑呢杯桃汁一上台就聞到好香桃味，而且仲有粒粒桃肉，又唔會太甜！不錯！總體來講呢間台灣菜味道都幾正宗，絕對值得encore！btw，佢地除左有餐廳之外，仲有百貨店，專賣台灣嘢，係佢地度食完張單可以當coupon用，如果唔夠喉行過一條街就可以買佢地既product返去自己煮添！

蕃茄牛肉麵(片切) 一上台就已經覺得好香，飲咗啖湯，蕃茄味濃而且一啲都唔油，配上嘅酸菜唔會偏酸又唔會偏鹹，仲好爽口，同個湯好夾！另外要讚下佢個牛，雖然係片切但係好厚，食落去仲好冧，基本上都冇牙都咬得開😌 同埋佢啲筋膜同肉係一層一層梅花間竹咁，超好食！❤️ 而佢嘅麵條都好好食，煮到岩岩好，唔會太硬又唔會太冧，食麵嘅時候可以吸埋啲湯，正！另外如果食得辣嘅朋友，好建議大家試下佢個自家製辣椒醬，加落個湯上面好香，可能因為佢有蝦嘅關係，有種鮮味😍鹽酥雞鹽酥雞皮薄鬆化有肉汁，可能迎合香港人口味，無係台灣食既咁味精，感覺清新d，很好❤️珍珠奶茶叫咗少甜走冰，啲珍珠係有少少口感一咬開佢就開嘅果種，飲得出有奶味同茶嘅澀味，最開心係佢做到真正嘅少甜。而家喺度食完飯仲可以過對面嘅阿木台灣生活百貨度買嘢，憑單據買滿100蚊仲有九折！喺舖頭見到生活百貨原來有得買台灣生乳捲仲有蜂蜜蛋糕！😍食完飯就走去睇下先🥰

阿木台灣麵 - 未食過既人一定一定要去試吓啊！🥳平日午市套餐就最抵食！👍🏻 $60就有埋野飲！加$10仲可以飲珍珠奶茶🧋紅燒牛肉麵（片切） $60食咗咁多次都冇失望既牛肉麵！🥰🥰🥰啲牛係每次都好！足！料！而且係厚切😂細食啲既女仔真係食啲牛都可能飽到🤣仲要啲牛肉已經係煮到超級淋！啖啖肉😙湯底又真係有牛味，而啲麵又掛到汁，好味好味。😋珍珠奶茶 （套餐+$10）奶茶好香茶味～同埋係好台式既奶茶泥😛！不過啲珍珠就比較硬，個人泥講鐘意煙韌嘅珍珠，建議就咁叫奶茶泥飲。😗😗😗鹽酥雞（小份） 追加$23 唔建議！！！😮‍💨冇諗過小份係得4粒仔，如果係想食建議大家直接叫$36成份了👍🏻加多十幾蚊多好多😂呢個表現一般般啦～但炸咗入舊肉都仲好滑同juicy既🫶🏻麻辣牛肉麵（片切） $60係另一次去既其實！因為想試吓麻辣味會唔會仲吸引🥳一泥到都幾紅，其實淆淆地😂FYI三哥食十小辣😗食落都仲接受到，但係因為有辣油，成個感覺油膩左容易會食到濟，都係食返原味開心啲🥰總括🥄未食過既大家一定要去試吓！同埋食閒日去食午市套餐真心抵食又好食😋啊～不如就唔好加配小食了！直接單叫會抵食好多👍🏻—————————————————

星期日中午黎到，唔洗等位叫咗鹽酥肉便當、鹽酥雞便當、芝士肉鬆蛋餅鹽酥肉便當好好食！！酥肉軟嫩得黎帶點爽口，好正！！👍可惜嘅係調味太輕手，好淡味，就算自己加重椒鹽粉都覺得唔夠味（平時食嘅台灣野都比較重口味）。便當配埋肉燥飯，比起其他台灣餐廳，呢到嘅冇咁油膩，白飯超多，下次再食要叫少飯先得。另外仲跟咗三款配菜，有榨菜、麵麩（？）同半隻滷水蛋，一樣都係比起其他台灣餐廳，冇咁重口味。鹽酥雞就正正常常，都係唔夠調味，同埋感覺份量冇酥肉咁多。芝士肉鬆蛋餅，我覺得芝士唔夠多，但肉鬆有驚喜～佢地係用魚鬆，好香，類似柴魚片嘅味道👍總括黎講食物質素係滿意嘅，價錢都抵。唯一唔好係冷氣唔夠，我一路食一路出汗😥

紅燒牛肉麵$67牛肉超級厚之餘又淋又入味！而且牛肉份量都唔少！麵條掛湯有彈性🫶🏻湯底普普通通但有少少偏咸食完超飽肚，平時經過諗唔到食咩都會考慮佢，係平價足料之選

🇹🇼每次經過豉油街，都見到經常好多人排隊嘅呢間台灣菜餐廳「阿木台灣麵」。到底係乜嘢咁吸引大家光顧呢？咁啱有唔使排隊嘅下午茶時間，小編立即去試一試～🍜蕃茄牛肉牛筋麵（$71）：濃郁蕃茄湯底，一啲味精口渴感都無。酸菜比較淡口，有數片半筋半肉嘅牛肉片，以及大量青蔥。🥩家傳鹽酥肉（$40）：係豬肉條裹粉之後再拎去炸！肉質鬆軟，炸豬扒變奏版。分量十足，兩次三個人分都好足夠。餐桌上附有鹽酥調味粉，食客可以自行添加。🫔芝士肉鬆蛋餅（$44）：蛋餅餅皮好軟熟，肉鬆多到溢出嚟。肉鬆味道濃烈，稍為遮蓋咗芝士及雞蛋嘅味道。但係對於重口味，或是愛好肉鬆嘅朋友嚟講係好正嘅選擇。🥤凍柑桔檸檬紅茶（$12）：清爽，搭配油炸食物之好選擇。當然珍珠奶茶係絕對唔會錯嘅配搭。😗整體而言：1. 食品性價比高，道地嘅台灣風味。2. 座位相對緊密，餐枱相對細張。3. 阿木台灣生活百貨，直接訂購台灣美食。4. 喺附近又唔使排隊嘅話可以一試。5. 下午茶時間已經好多食物飲品售罄，想試多啲嘅朋友要早啲到訪呢～阿木台灣麵 地址：旺角豉油街60-102號鴻都大廈地下3-4號舖電話：98622272營業時間：11:00-22:15#香港食好