影片
因为妈咪系印尼华侨，所以我自细就钟意食印尼嘢💕不过都戴定头盔先，我试过带朋友嚟食，佢哋冇乜食开印尼嘢就觉得麻麻哋🤣所以唔排除系我由细食到大先觉得好好食🤣➼ 手打捞面每次返印尼我哋都一定会食手打捞面，同Indome唔同㗎🤣所以我每次去亲呢度都只系会食呢个面，亦系唯一一样我会Order嘅主食。呢个捞面系好多印尼华侨都会食，喺印尼系好平民嘅嘢食嚟💕而呢间嘅捞面同我喺印尼食系一样味道㗎！个面底系幼面，但冇乜碱水味，系属于比较弹牙嘅面质。上面嘅材料其实好普通，有叉烧、炆猪肉、云吞、虾饼、鱼蛋、猪皮，全部都切到细细旧，所以每一啖都可以同埋啲料一齐夹起嚟食💕除咗虾饼比较干之外，其他都好好食，尤其系个猪皮，冇油益味又脆口！不过份量对男仔嚟讲可能会唔够，对女仔嚟讲就刚刚好。➼ 甜茶冰其实冇乜特别🤣就系好甜嘅茶🥰不过冇得少甜㗎Haha！我每次都会嗌，因为斋食面好Dry🤣➼ 什果刨冰呢个又系童年回忆嚟💕顾名思义，佢就系一个刨冰🤣除咗有基本嘅杂果，仲有绿色嘅珍多，上面淋咗好多炼奶，好简单但好好食💕不过Overall系几甜下，如果唔太喜欢食甜嘢嘅话，就唔好试呢个啦！
继续阅读
每次经过，都想入去帮衬，但次次都超多人。今日见到有位，咁不如早少少食晏（结果十分钟后又full哂）。印尼叉烧鸡饭（$58），有叉烧（约十薄片，好硬好干，都可以话唔太好食）、猪手（炆得好淋又入味，OK）、炸鸡（热的，但炸得较干）、卤蛋（够味，正常）、青瓜（正常）、酸菜（微酸，几开胃）。虽然有多款材料，但真心觉得麻麻哋。海鲜炒面（$50），即炒，有镬气，虽然未算好干身，但唔会湿淋淋，相比起碟饭好食。有虾仁、鱿鱼、猪肉片（明明餐牌写得海鲜，但张单就包埋猪肉，有趣）、豆干、肥芽菜、芥兰，材料好丰富，但味道稍咸。老实说，嘢食唔算突出，收费又唔算平，唔系几明点解咁多人？？？PS：啲位超窄又逼，坐得唔太舒服
继续阅读
咖哩鸡饭 52蚊猪肉海鲜炒米 50蚊首先，咖哩鸡饭的咖哩辣辣地，唔错，喜欢食辣会喜欢。鸡是鸡脾部位。不过鸡脾有少少怪味，可能是雪藏味太重。马玲薯就好水，煮得唔够入味，可能是果款马玲薯质地问题。猪肉海鲜炒米是炒得几香口，份量唔多，一个人岩岩好。不过海鲜份量偏少，如果多番d就好，炒米加辣椒酱唔错，炒米干身又唔油，比茶餐厅好得多。最大镬是饮品，点左冻柠茶同冻奶茶，冻柠茶的红茶味好淡，唔突出，而冻奶茶好似唔系加黑白淡奶，朋友话只味道差过茶餐厅。1杯冻饮加6蚊好贵🙄
继续阅读
今天叫了一碗简单的 Singkawang 捞面, 卖相不错但对味道感到失望.面质不错但不太熟及没味道.材料方面, 猪皮干已冧咗, 卤肉丝太干了及有点咸.希望用多点心把它做好, 而不是赶”出”面忘了Singkawang 捞面本身的味道.我会再去尝食其他的食物, 希望会附合之前朋友给的评语 - 好吃.
继续阅读
呢间喺深水埗嘅阿明印尼餐厅其实已经好耐历史，不过我喺深水埗出没咁多年都未曾试过，今日就同同事闯入呢个「小印尼」试吓佢嘅印尼菜。餐牌基本上都系图文并茂，而且都有中文名称，不过啲翻译就好似全部都差不多咁，所以我哋都系睇吓周围嘅印尼人或者印尼华侨食啲乜，就跟佢哋落单。餐牌上已列明黄姜饭有巴东牛肉、青瓜、花生、鱼干仔、茄子，整个配搭卖相已经够晒七彩缤纷，而且同场加映多半只鸡蛋，相当丰富。巴东牛肉其实即系印尼咖喱牛肉，牛肉有两大件，咖喱属于微辣，混入酱汁嘅茄子味道都吸引，而我最爱就系花生鱼干仔，其实每样配料都好好食！餐牌上列明手打捞面嘅配料有叉烧、炆猪肉、云吞、虾饼、鱼蛋同猪皮，手打面偏向干身，唔系平时食开印尼捞面嘅感觉(我讲Indo Mie😅)，但系佢嘅配料我就觉得好好味，虽然叉烧唔似得广东烧味带有蜜糖甜味，但咬落又另有一番风味，猪皮系炸得脆卜卜，食落唔会觉得油腻，整体感觉都唔错。饮品就正正常常，比较清澈𠮶杯叫做甜茶，其实系茶包另外附上一包白砂糖，不过唔嗜甜嘅我哋都冇特别再落糖了。呢个千层糕有好多人买，我哋都唔执输，买返一件返Office试。千层糕嘅口感有啲似我哋中式嘅年糕，口感软糯，并且充满班兰香味，难怪好多人喺度食完之后都会买几件带走。今次初试呢个印尼菜，印象非常之好，下次再嚟食嘅时候，一定会试吓其他唔同嘅菜式。
继续阅读