阿拉麵館 (已結業)

今晚再訪阿拉麵館﹐食物水準依然合格﹐服務尚有禮殷勤﹐但有點兒“大頭蝦”- 落錯單﹐上錯菜﹐不只我們﹐隔離檯的遭遇也差不多﹐是否人手不夠呢﹖缽子醉雞- 最初上檯時以為份量好少﹐但原來都唔少﹐雞塊(主要係肉﹐值得一讚)塞滿個缽仔﹐酒香又夠濃﹐開胃之選﹐記得連皮食﹐唔好怕肥剔走雞皮﹐否則味道會遜色得多! 阿拉湯包(小籠湯包) - 皮夠薄﹐肉味佳﹐不過皮不及鼎泰豐的韌而湯包的體積也太大只﹐一夾之下皮很容易破﹐結果很大機會係皮還皮食﹐肉還肉食﹐這樣就要扣分了。火腿津白- 好味﹐菜亦沒有太老有渣的問題﹐金華火腿有5片﹐更是上品﹐份量也算足。$68是略為昂貴的﹐但還算是物有所值。阿拉麻辣湯麵- 夠香夠辣﹐嗜辣的人就不要“少辣”了﹐原本的辣度就很合適﹐以這餐廳級數計$28也算很合理﹐不怕辣又喜歡麵食的朋友應該要試試。以上的份量應該足夠一對男女共享的了﹐$200有找﹐並不貴。

見OPENRICE的食家推介﹐於是今晚專程前往一試。星期一晚近晚上九時都要等位﹐證明生意非常唔錯。環境俾想象中較好﹐似新派中菜格局﹐招呼亦算有禮﹐第一印象唔錯。菜式選擇頗多﹐有點花多眼亂之感。最後選了﹕薰蛋﹐排骨菜飯﹐炸醬雞肉撈麵﹐酒煮蛤蜊﹐生煎湯包﹐水晶飽。薰蛋味道不錯﹐只係略淡口﹐但蛋黃“糖心”得好靚﹐可以流出黎﹐淨係賣相都已經夠吸引﹐正﹗排骨菜飯夠晒大“煲”﹐無錯﹐係煲﹗唔係碗﹗一個大男人都應該夠食﹐排骨都算幾香幾惹味﹐加埋菜飯都合格﹐整體算係水準之作。撈麵則比較普通﹐平平平奇﹐應該可以做得更好的﹐我相信。酒煮蛤蜊好夠酒味﹐加入四川辣椒及大量芫西﹐風味甚佳﹐蛤蜊亦夠鮮甜﹐但略嫌細隻﹐但$55都算抵食。生煎湯包亦算做得唔錯﹐包中的確有湯汁﹐但不多。不過以煎包計﹐上桌時尚有湯汁在內已經算難得。水晶包晶瑩透澈﹐清甜有“咬口”﹐但我懷疑呢個甜品並非自家出品。埋單共$240﹐以兩人在銅鑼灣計﹐絕不算貴。結論係﹐合格有余! 值得再幫襯.

同幾個姊妹o黎傾偈食晏；訂o既係窗口海景位，環境唔錯，坐得都好舒服。叫o左客醉雞，一盅咁上，幾得意，酒味都好濃；睇落好似好細盅咁，但原來裡面都有幾多雞。另外仲叫o左一客清真牛肉包同阿拉湯包，兩樣都唔錯，D餡好多汁，都幾好味。麵就叫o左酸辣魚翅拉麵，D麵杰到一「pat」咁，又冇乜魚翅，麻麻地。甜品係豆沙香蕉窩餅，用一個兩層小籃盛載，賣相唔錯，水準就一般咁啦。埋單$220，以咁o既環境嚮銅鑼灣一帶都算好抵食lu~

Service不錯~ 侍應們都很有禮貌~ 可惜笑容久奉...至於食物方面, 我只試了以上兩道菜~菜肉雲吞加入了菜干, 多了一份脆爽的口感~ 雖然知道不十分出眾...煎湯包excellent~! 包底很脆, 包面加了蔥花和白芝麻, 包身又綿又香~ 一口咬下濺出鮮味的肉汁~很香口但不覺油膩~兩人加茶錢,service約$70~worth a try~

食物很不錯, 但款色不算多元化....店內的裝潢有它一套的風格, 陰暗的燈光帶出點點西意, 加上店員的中式的制服, 突顯出香港的中西文化之地..... 其中值得一讚的是水晶餅, 外表晶瑩, 透明道很高, 看得見它內裡的餡子, 看來師父手藝純熟得很, 而入口質感像橡皮一般烟韌但不黏牙, 配合內裡豆沙或蓮蓉, 不太甜, 味精剛剛好.