阿土麵線 (已結業)

叫了12蚊細的.上次辣到噴火, 今次只落中辣的辣蘿蔔算了.但都勁辣!豬豬女友仍食到噴火~麵線和台北食的一樣味, 又係連匙羹都係和台北阿x 麵線的一樣...呢排因豬流感, 用上了花支, 夠彈牙, 又幾好食噃.雖在亞皆老街, 但閉上眼食, 真的有身在台北的感覺呢~

細麵線$12...食到辣既一定要配埋辣菜圃同辣蘿蔔呀,混埋黎食真係好惦,但食唔到辣既真係唔好加,真係會食到噴火...本身唔配呢D,其實已經勁惹味,麵同湯已經變成同一種味道...阿土麵線成為小女係旺角其中一樣喜愛既小食

岩開張時見佢搶左隔離雞蛋仔好多生意成日都好多人幫親終於有機試試唔太餓就試下細碗+磥肉見有辣蘿蔔&辣炸菜咪加左少少真係便宜莫貪辣到原全食唔到~無諗過佢咁辣...唉結果食左兩啖掉左(好浪費)味道都唔係好特別,係有d大腸味咁羅唔明點解咁多人食d"食送"只係就咁加落去咁就賣成$18賺死佢賣野個妹妹都幾nice~又幾靚o者~呵呵

太多味精了! 之前一直很愛他的蚵仔, 不過, 昨天吃完之後口渴得很! 所以, 以後都不會吃啦~~

已經唔係第一次幫親 阿土麵線 隔左好耐冇食過今日經過就買黎食唔知點解 我覺得已經冇我之前咁好食品質好似差左.......記得佢岩岩開張果時(仲未有咁多人買咁出名果時)真係好好食 而且依家冇左一開始果種勁辣菜甫希望阿土快d回復番一開張ge水準

難得經過阿土麵線（平日都唔會行果邊）所以試下啦$12細碗//叫做頂到癮啦而且d"柯仔"好夠肉,,大粒過台灣阿宗))不過d湯較稀,,而且d麵線冇咁幼&滑,,免費的辣配菜就幾好食喎btw,,台灣阿宗都未係最好,,其他街邊的仲正呀

見咁多人企喺度食, 心想應該不太差, 次次出旺角都唔記得去試 , 今日咁啱經過, 所以買了一碗試, 我覺得好似香港的碗仔翅, 而且味道不太吸引, 只吃倒一PAT PAT野, $12蚊碗, 我寧願去吃碗雲吞麵了, 相信我以後也不會再幫趁了!

見佢開左咁耐，始終都要一試叫左蚵仔麵線，好多蚵仔，有成十粒，但無奈佢多而無味，只靠麵線ge 味道，真係有d失望，佢d 麵都幾好食，d 味好夠而我又鍾意食佢有d 豬腸絲，都幾香~~但靠麵做賣點係米真係夠...d 餸無味真係差dd

尋日走左去食阿土麵線，買左１８蚊，食左１啖，頂住，２啖頂住，吳好浪費，跟住食到第１０啖，真係頂吳住,我叫既係麵線加大腸小辣，料真係比到足，不過Ｄ調味真係出晒事，首先，蒜容一大篤，攪到蒜容味蓋過晒本身麵線Ｄ味，跟住佢地重落左一堆調味品，成碗野咩味都有，就係吳見左好味，我都係第一次食到咁難食既麵線，所以我都係決定買機票去台灣食好過！！！

我好鍾意食阿宗面線, 而家係香港搵到間可以頂住過癮, 我幾星期出旺角次次都有幫襯, 雖然食哂塵企度食又熱辣辣但係都冇損雅興, 最重要係男友咁咀叼都覺得好味會同我一齊食. 佢d菜莆勁辣, 但我都落小小吊下味, 鍾意食辣嘅人一定滿足到. 試過加蚵仔, 都幾多不過有小小殼就扣咗分. 成十幾蚊碗又唔飽都唔算抵食, 不過叫做唔使去台灣就食到啦.其實都知係有好多味精, 但係真係好好味, 到目前為止仲未厭, 希望佢唔會水準下降.

第二次食阿土麵線上次都尚算合格今次星期日行過食一碗~嘩....差左好多首先...唔夠熱呢個係致命傷唔夠熱的話~香味唔出而且感覺糊口加上佢d醋...似有還無咁....比起我第一次食的感覺~差太遠了荃灣嗰間曾經好食過的新阿宗麵線~質素差左後~結業收場今次阿土都差過之前好多人亦少左會唔會同一命運呢???

我係勁鍾意食阿宗麵線架, 所以每次去台灣都一日一大碗先夠。所以0係香港"餓"左好耐。一知道有阿土就去左買黎試。其實我試過旺角亦試過灣仔的阿土, 覺得灣仔間好似多D料。其實味道同台灣的差不多，但可惜係阿土麵線係麵線後加料(好似車仔麵)，所以冇咁正, 都係台灣阿宗得手D~ 同埋香港好似貴D, 要$18一碗大，而且香港唔夠台灣阿宗環保，台灣阿宗如果0係度食係用可洗完用番的膠碗，阿土就發泡膠碗，唔環保!

今日去旺角, 無意中見到這間人氣小食店, 當場要食番碗, 睇下係咪真係o禁好食。買o左碗來試, 仲落o左好多配菜,total 有3 種, 辣蘿蔔, 辣菜甫同埋一種(唔記得), if 你食得辣, 就會覺得好正, otherwise 就會頂唔順. 其實佢碗o野, 味道就好一般, 但係落o左o的辣菜甫之後就好好味, if 可以包走o的配菜, 我實take away 返home, 慢慢歎呀！缺點: 街鋪仲要係馬路位, 要企住o禁食, 都幾辛苦, 食塵

見咁多人都讚。好，出開旺角專誠試一試...叫左細碗，再加蚵仔同蟹肉，好似好吸引咁！到手都仲充滿期望，入口真係"唔係呱"?麵線溫度偏涼，已經唔係好想食，而且味精濃度相比傳聞有過之而無不及，根本食唔出蚵仔同蟹肉的味道，整體上根本就係差！真係咁好食?

每一個禮拜都一定會食既麵線!! 無論佢既麵線, 甚至乎spoon都好有台灣地道風味~ (台灣麵線都係用呢款spoon) 不過味精太重, 次次食完都好口渴, 幸好隔離有間飲品店, 嘻嘻.. 算係亙保不足啦~ 食過咁多次, 由開頭大大碗到而家細碗左.. (開頭麵線係貼碗邊, 而家係唔到邊, 下次食可以留意下.. )蟹肉: 咬落去有水出.. 唔知點講, 好奇怪, 冇蟹味大腸: 冇"屎", 味道夠濃, 配合麵線, 味道岩岩好. 只係.. 第一次不係一'巾', 同佢講要多份加$3, 但係只係不左半巾都冇 整體味道唔錯, 只係份量.. 愈黎愈少!! 比起其他台灣麵線既價錢, 味道, 亞土麵線算係好, 一試無仿!!