阿土麵線 (已結業)

睇左阿土麵線過往既食評,全部既*****此食評值得參考嗎?*****全部都有投*值得*和*唔值得*如果食家比*喊臉*,就更加多*唔值得*係咪有某人太過濫用呢?????????不過我都係比*ok*因為阿蚵非常非常腥(定係日日都唔同,咁啱我果日就*腥*)老公食左第一隻已經話好腥之後我都食下先,真係腥到不得了碗內既豬肚都幾入味,麵線太過味精喇~~~阿蚵已經輸左~~~中size 麵線$15+ 蚵$6 =$21-

呢間人氣小店今日經過啱啱開門,老闆阿土正在拖地,見無乜人唔駛同人逼就嚟個「立食」喇!揀咗個標準羹底($12)再加豬肚及豬腸各$3,麵線口感同碗仔翅差唔多,杰撻撻並非我杯茶,落咗芫荽同醋都幾香,豬肚及豬腸切得好碎,無乜味亦唔夠爽,反而最正係任落嘅辣蘿蔔,辣菜甫等配料,醃得好夠味又夠哂辣,正唔正宗呢?就好難講,但係最好唔好同台灣比,因為台灣真係乜都好食D.

係香港見到d 間台灣麵線..當然要試下啦..但感覺有距離...佢d大腸同台灣都好唔同....我覺得好普通...佢個味其實真係似丫宗麵線..但我一食就知佢係用味精較個味..而唔係本身既味道...

去咗大陸三年, 平時上OPENRICE網有得睇無得食, 上個月終於調返香港, 即刻上去登記先.話說前幾日响旺角等人, 見到商場門口人頭湧湧, 個個企喺條街度, 行埋去望下, 咦? 有新嘢食噃......台灣麵線? 上海都有啦......阿宗比起士林廟口嗰幾檔都差幾皮, 上海嗰間仲衰, 真唔明你哋貪佢有咩嘢好食, 一碗漿糊噉, 味精加豆粉嗰FAN落到樓,交咗嘢俾我就拉我食番碗, 我耍手擰頭, 佢就點都買咗碗細俾我, 是但啦, 當碗仔翅食落又無想像中差噃, 起碼唔似食豆粉水, 味精實有啦, 全世界中餐唔落味精就唔識煮, 真老土食完呢次, 對台灣麵線點都有啲改觀, 下次啦, 睇下會唔會又令我改觀多啲

在香港要食一些真正台灣地道的食物，實在唔容易，很多都係，大部份都係越改越差，真失敗！看見很多食評都說很出色、又地道，今次就決定來試試，叫了一碗標準的蚵仔麵線，外貌已很相似，味道也有八成一樣，還要拿著在街邊食，真係幾有台灣feel。麵線唔會煮得太淋，幾有口感、香醋味也幾好，加上芫茜的香味，真係幾出色。本來還有很多配菜可以加、但因想先試試原味、所以還是留返下次再食吧！本來可以給笑臉，可惜不好的是，食完很口喝。

我叫咗中碗，再加咗蚵仔 & 干貝，食落去完全係覺得唔知自己係度食乜，同台灣食到既差好遠，都係試一次就已經好夠......第一次試應該試細碗

去過台北旅遊的朋友相信對阿宗麵線都不會太陌生。看上去一碗有如漿糊的味精麵線，竟可賣得街知巷聞，真箇是奇哉怪也....但很奇怪，試過後隔了數天，又會有衝動去再吃一碗。難道是吃了msg後上癮 ?這所開在旺角人流其一最高的麵線店，其出品是不是能跟阿宗相提並論 ?試過後，小弟可以告訴您 : 絕對不能....首先，這兒的麵線湯濃稠度不足，與台灣的相比相差十萬八千里遠。吃這些麵線就是要吃那個杰撻撻的口感，不然吃來幹甚 ?其次是味精下得不夠多。這論調可能很奇怪，msg多的東西又怎會好吃 ?哈哈...但偏偏台灣人的小吃就是好像跟msg或醬油膏這類人工調味料過不去似的，一定要加大量進去吃才過癮。這裏的完全不合格，吃上去相對上"淡口"，可能是要迎合港人清淡的口味吧...若存這樣的心態，怎能做出地道的東西來 ? 實是太令人失望了

蚵仔係好大粒好肥既，干貝都ok，但要另外加錢就真係唔抵囉成廿幾蚊一碗咁既糊仔味精好重!! 食完好辛苦呀, 隔左一晚個口仲有大陣味精殘留既味，刷牙都冇用...我記得阿宗面線都唔係咁既，好好食之餘冇咁重味精唔好響度混淆視聽扮阿宗!!果陣味真係記一世...=.="

早兩日去旺角睇戲，離入場仲有大半個鐘，於是就去呢間最近人氣急升既小店試下。去到已經人頭湧湧，好在都唔洗排太耐。由於第一次試，於是淨係叫左一碗標準size，唔加任何野試下。由於之前未食過台式麵線，以後要用筷子食。怛其實佢d麵煮到碎同杰，用湯匙食就ok，感覺上同食碗仔翅相似。標準size已經有大腸，大腸算爽口，麵線同湯底感覺上有些微辣，算係唔錯。準備size $12，下次會試下加其他餸，睇下乜野味道。

難得在香港，有人肯冒險做台灣街坊小食。以前工作關係，一個月起碼去兩三次台灣，蚵仔/大腸麵線是必定要食的街頭小食，這種食品對台灣人來說就如廣東人的粥、上海人的豆漿那麼普遍。後來因為傳媒炒作吹捧，跑出個什麼阿宗麵線，香港人當寶，但大部份台灣人都不知道好食在那裡(西門町人例外).......那天在伙計的雜誌看見介紹，上開飯網見是九月之星，又看過食評，忍不住去試試......自己叫了：大腸麵線+蚵仔+蝦朋友叫了：大腸麵線+干貝+蟹肉麵線：不過不失，朋友認為夠熱，個人感覺可以再熱點點大腸：台灣滷法，甜口，我OK，香港人可能不合口味蚵仔：大了點但夠鮮，可接受鮮蝦：夠新鮮，不是冷凍"發泡膠"貨，但應該可以煮得更爽口點，可能為安全，熟了少少干貝：鮮嫩甜美得出乎意料之外，個人首選推介蟹肉：入口無雪味，可以推介但非個人所好總體來說，我個人認為可以接受，一個月一定會去三四次，解心癮不過，正如開頭講過，誰那麼傻這樣冒險，但......謝謝你們的傻，感激﹗

去過台灣食阿宗面線....見到旺角開左間,依到好評都幾多某日放學買了碗標準size吃有d野似台灣:都係不設座位,個個都係捧住個碗吃(不過台灣間鋪同出面路的area大好多,同埋對出唔係大馬路,唔會好似係旺角馬路邊食哂塵)果隻即棄匙同台灣阿宗一模一樣不過都好多野唔同:台灣係用碗,可以洗番再用,香港是即棄的台灣的SIZE好似大好多我印象中台灣好似冇自助吧加辣菜莆果D野講番味道~~可能吃過台灣正宗的面線,感覺太稀了,台灣的像碗仔翅比較"杰",今次阿土的比較水,像湯~可以加辣菜莆,辣榨菜,辣蘿蔔~~3樣都試過,我覺得辣榨菜最辣...食唔到辣唔好落咁多味道都ok~都幾濃,同有少少熱,不過成碗野居然一條大腸都冇~太離譜吧!!!!!!!!(雖然我唔食)其實未試過都值得一試~不過d味幾濃,食到成口味...................

每碗麵都已經有蚵仔d蚵仔都幾大隻，每碗有4-5粒tim我覺得感覺幾似食碗仔翅，味道亦不錯不錯的一個街頭小食!!

男友鍾意食台灣呀宗麵線, 每次去到台灣都要食兩餐先夠, 但我自己就唔係太鍾意.知道旺角開左一間類似呀宗既麵線, 所以帶左男友0黎食, 叫左一碗中麵線. 味道: 有八成相似熱度: 只係微暖, 呢方面錯過呀宗好多, 呀宗果d係熱辣辣.杰度: 稀左少少, 但都可接受用料: 大腸真係少得可憐, 而且無乜口感.整體0黎講係無呀宗咁好, 但以係香港食到既水準比較, 我覺得絕對食得過.

知道旺角開咗呢間台灣麵線, 本來好開心諗台灣麵線終於打到入嚟hk喇, 唔洗成日想去台灣再食一次, 點知買咗一碗試過so bad~~~真係覺得好奇怪, 台灣一碗蚵仔麵線有埋蚵仔喺裡面嫁嘛, 但呢度簡每個餸都要加錢(包括蚵仔), 如果我額外加料要加錢我就覺得ok, 但十幾蚊一碗淨麵線我就覺得好唔抵喇. 可能嗰日好早去買, 佢哋話未有蚵仔送到, 噤我簡豬肚喇, 加5蚊落得嗰幾條豬肚絲仔, 數埋都無8條, 重要覺得好似比得好多我要抽起2條, 嘩豬肚啫唔係魚翅呀. 至於味道無咩味, 知道係咸囉.我會覺得第一個開始引入呢樣食品, 點解會做得噤差嫁, 唔會有下一次囉~~~

數年前去台北食過一次"阿宗麵線", 覺得好難食。一pat野,味精又重,人又無禮貌。見阿土麵線在openrice 的食評幾好,姑且買回家一試。門口企左好多人，我order左一個麵線加蚵仔,自加了辣菜甫及蘿蔔,辣得幾味。蚵仔好肥又大隻,有四粒。回到家d湯無一pat 野,味精亦無"阿宗麵線"的重，食左唔駛即刻飲水。 可能係鋪租貴,所以價錢不算便宜。如果要我選,我還是會選港式碗仔翅+魚肉。