阿土伯鹽水雞 (已結業)

老老實實，其實小編次次去台灣都因為衛生問題未食過當地嘅鹽水雞😂每次經過旺中、葵廣都聞到鹽水雞陣香味，不過都唔敢膽試，成日覺得食完會即刻肚痛🥲見九龍灣呢間阿土伯鹽水雞算係好乾淨即刻買黎試下😍.🐔半隻雞 (西蘭花+百頁豆腐+蓮藕)半隻雞份量真係好多，一個人食嘅話可以做兩餐嘅餸，不過價錢都有返咁上下貴😳雞味就真係冇乜，雞肉亦有部份比較鞋口，係咬都難咬個隻😂勝在個阿土伯醬幾好送飯，時不時買返屋企加餸都唔錯😌聽人講有啲分店整到好咸，九龍灣呢間又冇呢個問題😝配料好推薦百頁豆腐，索曬啲醬好好味😆.🍽味道: 3.5/5 🏙環境: 3.7/5‍👨🏼‍🍳服務: 3.5/5💧衛生: 3.5/5💰價錢: 3.5/5

今日去試阿土伯鹽水雞💛開業左一段時間都未去試過今日就叫咗一人餐 +1餸 外賣$45 + 8 一人餐只有1/4份雞 3個餸無飲品如果想要拉麵就要加$7感覺有少少貴就咁食餸算味道方面我要阿土醬 微辣味道唔錯 鍾意食辣嘅人幾啱蓮藕幾爽口豆腐乾冬筍就麻麻雞肉一般 唔算特別嫩本身加咗個甜不辣 好可惜品嚐唔到呢個都係我最失望嘅地方本身價錢上我都覺得有少少貴但係佢竟然比漏餸我其實買嘅時候唔多人我前面一個客人 我之後又冇人買一返到屋企搵極都搵唔到甜不辣真係好唔開心食又唔係食得好飽成個份量都比較少整體來講應該唔會再試醬汁味道的而且確唔錯但係呢個價錢食就唔係太抵

🌕🌕🌕🌗🌑🍽一人餐 - 雞脾雞胸各半，3個配菜 ($45) 加拉麵 (+$7)😋全部雞肉都好滑，已經去晒骨😋雞有雞味，唔會淨係得咬口🙂明明餐牌寫雞胸同雞脾，但見到有雞翼😋芭樂份量最多，無特登數但至少8舊，全部都甜😋豬耳大約3-4舊，軟骨位都唔會咬唔到🙂甜不辣就差唔多6小條，無味而煙韌嘅麵粉野，吸晒啲醬嘅味😐拉麵正常味，但得最多三分二個麵餅，份量少啲😐所有野加左拉麵都得半盒左右，女仔唔加麵都未必飽🙂調味主要都係靠外層嘅阿土醬，淨係食到黑白胡椒味，無酸梅味‼️微辣算係入門版，但唔食得胡椒味嘅朋友可能要嗌少醬👍🏻如題：Low Carb Diet之選，可以配多種菜同菇👍🏻少醬應該可以更健康，Light Lunch 無問題🙌🏻淘大店唔係室內商場舖，而係門口對室外個堆舖頭‼️店內得5-6個高身Bar枱位，適合速食‼️非商場舖嘅唔好處：當日有隻昆蟲係度飛下飛下😢

放假在家耍廢，家有一個細佬就好好使用，佢出去打外賣比我兩母女食呢日我在觀塘分店，外賣透明膠盒可以入微波爐，包裝企理我同肥髀一齊食：全雞餐（原味）配菜蓮藕、皮蛋、冬荀、雞腎、木耳、芋絲（走辣）一堆食物撈埋一齊，分裝在兩個膠盒，我同肥髀分享，雞肉有很多，肥嘅比肥髀食，我食瘦肉😁，撕開雞肉都夠滑，醬汁有點較油膩鹹味花生醬，配菜我最鍾意皮蛋，蛋黃起沙，蛋白彈牙又夾到醬料嘅味道，蓮藕及冬荀爽脆，荀無壓味，木耳似雲耳，較嫩滑彈牙，芋絲彈牙但因醬料入唔到芋絲入面，所以食落較淡，雞腎太硬又唔入味，差！加上幾多嘅芫茜及蔥，幾惹味細佬係一人餐：雞胸+雞髀（原味）配菜（3款）豆乾、玉米荀、芋絲，鹵水豬耳、拉麵（+$7）配飯食當加餸都不錯

此店開業了一段日子，但見openrice上的評語頗為參差，所以我雖有興趣，卻一直沒敢嘗試。直到這幾天見某外賣app有優惠，自取有八折再另減$25，即二人餐只需$78左右，好抵食，所以就初次幫襯。二人餐有拌麪、半隻雞、自選五款配菜。配菜我選了雞腳筋、木耳絲、秋葵、菠蘿、皮蛋，醬料則是原味微辣。麪底分量比預計少，但餸量頗多，女仔一定夠飽，男仔就可能爭少少。雞肉夠滑，配菜能帶出不同口感，其中木耳好夾，雞腳筋有特色又好味，菠蘿酸酸甜甜，配重口味嘅拌麪啱哂！醬料雖然揀咗微辣但都真係幾辣下，味道幾重，不過食得過癮。下次會再幫襯，想試埋個阿土醬。

九龍灣本身已經有一間阿土伯鹽水雞喺工業區嗰邊，最近住宅區呢邊開多咗間，街坊想食就更加方便。呢個舖前身係賣好好食雞蛋仔同梳乎厘嘅黃店，佢宣佈結業時真係晴天霹靂😭，稍感安慰嘅係，舖位而家由另一黃店接手。叫咗個一人餐，包括雞胸肉同雞髀肉，三款配料我就揀咗甜不辣，滷蛋同魚片，九月份新張優惠，仲送多份拉麵，好豐富😃。雞肉份量比想像中少，但肉質尚算嫩滑，唔錯；三款配料當中，我最鍾意甜不辣，煙煙韌韌，相對之下，魚片就比較普通，至於滷蛋，可能滷嘅時間唔太長，略嫌唔夠入味。整體嚟講，鹽水雞同拉麵嘅味道偏油偏鹹，比較啱一啲重口味嘅人，可能正正因為佢味濃，調味雖然我揀咗阿土醬，但係都唔係好食得出梅粉嘅酸甜味😐。下次叫番原味，睇下會唔會夾啲。

I ordered a takeaway of its classic set from this eatery. The taste of the chicken is fine and the texture is great. Spicy and salty at an optimal level. The broccoli and the enoki mushroom go well with the chicken.However, the amount of the chicken is like the size of my palm. It would feed a grown man well if there were more chicken. Besides, the so-called "古早味飯" is like "臘味飯" using regular rice instead of sticky rice, which is considerably different from what I had in my previous trip to

呢間嘢，一早已經食過九龍灣企業分店，同鰂魚涌分店。兩間都好食。會食完好快想再去買嚟食。今日行過淘大，見到佢開喎話試業中。立即去買個嚟下午茶啦點知，企收銀嗰個員工又唔識收結果等超過數分鐘，先有人幫手收嗰幾十元！仲要八達通都唔收！今時今日，疫情，大家都鼓勵同盡量唔用現金，你迫客得可以用現金？！算啦，都等啦，一心諗住俾完錢，啲嘢其實只係凍食唔係要煮，應該好快pack好外賣拎走得食啦。點知，個員工收完錢，完全唔見唔消毒又入番廚房。最後等十幾廿分鐘先有一份一人餐俾我！等得嚟，我去附近淘大其他食店，食埋走得添啦？！肚餓真係唔會再幫襯佢。就算試業期間，送6蚊一個面底都係咁話！喺淘大咁多食肆，冇原因再幫襯佢！淘大店連嘢飲都只得汽水揀！九龍灣企業店嘅鮮果汁，沙律，佢淘大呢邊全冇！我唔知佢開嚟做乜。服務差，食品不良好。食客不如去返九龍灣企業店食！

看看附近多了很多買台灣食舖，今次下午見不太多人排隊，便試試這間新開嘅鹽水雞店，首先要點點雞的份量，有一人份，半隻同一隻揀，還有套餐連古早飯，一見古早就想起台灣掃街了。因不太肚餓，便叫了半隻雞試試，不太貴，不過要加兩款配菜同食，半隻雞五十幾蚊，配菜就有兩個價錢，最貴都係十蚊。最後叫了至愛皮蛋，甜不辣，齋同小黃瓜，要原味小辣。食感: 雞幾爽口，蒜泥味濃有輕輕胡椒味，正是台灣食到的風味。小黃瓜(青瓜)青爽脆，剛好平衡濃烈的蒜味，皮蛋算靚，不硬不醐，甜不辣就略為硬了點。這個雞伴飯伴麵伴米粉一流，若有雞胗，雞腎作配菜更正。

淘大商場一向都好多食肆，而且，食店經常轉換，更換率很快。這一間舖位，不久前還是賣雞蛋仔，但是最近新開了一間鹽水雞，感覺還算新鮮。「阿土伯鹽水雞」有很多分店，應該不會太差，新開張，很多人排隊買。九龍灣住宅眾多，人口密集，在這裏開外賣食肆，理應是不錯的選擇，但重點係，食物質素一定要好。貪新鮮買了全隻雞，加了黑木耳和滷水豬耳，要了中辣，新張期間，附送了拉麵。價錢係$126。雞肉和黑木耳份量還算多，但係滷水豬耳份量很少，個人感覺味道普通，胡椒粉味重，辣椒粉頗多。這樣的價錢，其實還可以有很多選擇。