影片
营业时间
今日营业
12:00 - 18:00
星期一至六
12:00 - 21:00
星期日
12:00 - 18:00
以上资料只供参考，请与餐厅确认详情
之前都有食开呢间阿土伯盐水鸡，不过次次都系叫一人餐。今日见系两个人，就叫个一只鸡既套餐啦。🫛套餐包一整只盐水鸡同埋六个配菜。配菜我哋拣咗两份百业豆腐，甜豆，黑木耳，豆干同埋鸡翼尖。份量都唔少嘅，而且拌得非常均匀，味道都好适中。🐥但系嚟到鸡嘅部份就出事了。讲到明系全鸡，你冇鸡翼我都算，我当你系要分开卖。但系两盒入边我谂有九成半都系鸡胸，脾嘅部份得𠮶一两旧，唔讲仲以为佢系变种鸡，成只鸡只有胸部😂🙈下次如果要食，我谂我都系拣返一人餐算啦。一人餐有得拣要脾要翼定要胸，唔洗硬食。
继续阅读
如果午饭喺观塘嘅话，我通常都钟意去阿土伯盐水鸡因为佢性价比高，唔贵$50就有半只鸡+3个𩠌我最想拣嘅系青苹果菠萝同埋西兰花又有菜又有生果又有鸡适合返一个人一日所需嘅营养最好嘅系尤其是戒淀粉质𠮶排食呢个够饱之余又可以当饭唯一唔好嘅好处就系冇嘢饮如果要买嘢饮嘅话佢剩系得可乐罐装配所以我会之后再买咖啡或者自己自备饮品去☺️
继续阅读
Lunch同同事去阿土伯盐水鸡(东广场)试咗佢嘅皇牌饭餐($55)，包盐水鸡饭同两款配料，我拣咗高丽菜同马铃薯。整体味道不错，但咸度可以再平衡下。食品部分盐水鸡饭：鸡肉质地嫩滑，盐香味浓，入口几满足，但咸味略重，食多几啖可能需要配多啲白饭中和下。不过鸡嘅分量够慷慨，饭量亦刚刚好，整体系值得一试。高丽菜：高丽菜炒得清香爽口，调味比较简单，带出咸鸡嘅咸香味，系一个几好嘅配搭。马铃薯：马铃薯够腍，入口绵密，带啲淡淡嘅咸味，同饭配埋食口感唔错。⭐食品评分：4/5环境与服务阿土伯盐水鸡主打简单快捷，环境整洁，虽然唔系特别靓，但食饭嘅气氛系舒服嘅。服务方面，出餐快，员工态度亦有礼貌，感觉几亲切。⭐环境与服务评分：4/5总体感受阿土伯盐水鸡嘅皇牌饭餐系CP值唔错嘅选择，鸡饭味道好，有配料拣更加贴心。唯一可以改善系咸度，希望可以再平衡下。不过如果你钟意咸香味重啲嘅菜式，呢度一定啱你胃口，值得再试。⭐总体评分：4/5
继续阅读
有一日经过观塘谂紧食乜嘢 谂住食啲轻便啲嘅 唔使咁Heavy咁最后拣咗佢哋食盐水鸡𠮶阵时啱啱好下午茶餐 唔系peak hours咁我嗌咗一人餐 冇加面（因为唔想食到太饱）感佢捞完出黎 我食左一啖 劲咸！！！（应该系当有面感捞）咁我同返啲店员讲 佢哋叫咗个资深嘅出嚟 态度超差感话 我哋𠮶啲固定咗㗎啦 冇得重新捞过 你食唔到嘅最多加啲水俾你㗎咋 你应该一开头落单嘅时候要讲啦本身我都唔系话好强求，要佢重新整过俾我 我都净系想有个解决方案 ，加水唔系问题 ，问题系个态度差到我已经完全唔想食最后我直接攞咗一杯清水 逐样逐样洗干净先食得。 （唔系第一次食盐水鸡，但系第一次食到咁咸嘅盐水鸡）
继续阅读
黎到东广场周围行一路未谂到食咩 热辣辣想食啲爽口啲嘅野 就见到有盐水鸡拣一人餐- 包四分之一份鸡同三份配菜 我就拣左西兰花杏鲍菇同埋百叶豆腐呢个组合全部都好爽脆 佢仲有个排行榜 呢三款配菜都榜中有名酱汁方面我拣左阿土伯秘制酱汁 口感上偏重胡椒粉味 后劲就偏甜 食落都好舒服餐厅有少量座位可供堂食
继续阅读