阿土伯鹽水雞 (東廣場)

喺观塘返工，收工嘅时候通常都会嗌牙阿土伯盐水鸡做晚餐，我觉得佢个阿土酱汁几特别😋😋配菜我一定会拣甜不辣，芭乐同埋秋葵，呢三样嘢捞埋捞面食好好味，甜不辣烟烟韧韧咁好好味，芭乐甜甜地同埋啲捞面一齐食辣辣地，都几清新🙌🏻不过近期买嘅时候发觉啲面嘅份量好似越来越少😫😫因为一直都系喺外卖平台叫开二人餐，之前男仔食都够饱但系近期就好似两啖就食完个面了所以如果可能男仔食嘅话，要加多个饭先得🥹整体我会比75分💙…查看更多

观塘收工谂住求其食啲嘢。夜晚8:44落单，当时员工亦冇问我系堂食定外卖，收据亦写明堂食。当坐低咗又唔俾人堂食要人离开。员工态度差，嘢食又好咸，啲酱料一pat pat，唔会再帮衬。…查看更多

之前都有食开呢间阿土伯盐水鸡，不过次次都系叫一人餐。今日见系两个人，就叫个一只鸡既套餐啦。🫛套餐包一整只盐水鸡同埋六个配菜。配菜我哋拣咗两份百业豆腐，甜豆，黑木耳，豆干同埋鸡翼尖。份量都唔少嘅，而且拌得非常均匀，味道都好适中。🐥但系嚟到鸡嘅部份就出事了。讲到明系全鸡，你冇鸡翼我都算，我当你系要分开卖。但系两盒入边我谂有九成半都系鸡胸，脾嘅部份得𠮶一两旧，唔讲仲以为佢系变种鸡，成只鸡只有胸部😂🙈下次如果要食，我谂我都系拣返一人餐算啦。一人餐有得拣要脾要翼定要胸，唔洗硬食。…查看更多

如果午饭喺观塘嘅话，我通常都钟意去阿土伯盐水鸡因为佢性价比高，唔贵$50就有半只鸡+3个𩠌我最想拣嘅系青苹果菠萝同埋西兰花又有菜又有生果又有鸡适合返一个人一日所需嘅营养最好嘅系尤其是戒淀粉质𠮶排食呢个够饱之余又可以当饭唯一唔好嘅好处就系冇嘢饮如果要买嘢饮嘅话佢剩系得可乐罐装配所以我会之后再买咖啡或者自己自备饮品去☺️…查看更多

Lunch同同事去阿土伯盐水鸡(东广场)试咗佢嘅皇牌饭餐($55)，包盐水鸡饭同两款配料，我拣咗高丽菜同马铃薯。整体味道不错，但咸度可以再平衡下。食品部分盐水鸡饭：鸡肉质地嫩滑，盐香味浓，入口几满足，但咸味略重，食多几啖可能需要配多啲白饭中和下。不过鸡嘅分量够慷慨，饭量亦刚刚好，整体系值得一试。高丽菜：高丽菜炒得清香爽口，调味比较简单，带出咸鸡嘅咸香味，系一个几好嘅配搭。马铃薯：马铃薯够腍，入口绵密，带啲淡淡嘅咸味，同饭配埋食口感唔错。⭐食品评分：4/5环境与服务阿土伯盐水鸡主打简单快捷，环境整洁，虽然唔系特别靓，但食饭嘅气氛系舒服嘅。服务方面，出餐快，员工态度亦有礼貌，感觉几亲切。⭐环境与服务评分：4/5总体感受阿土伯盐水鸡嘅皇牌饭餐系CP值唔错嘅选择，鸡饭味道好，有配料拣更加贴心。唯一可以改善系咸度，希望可以再平衡下。不过如果你钟意咸香味重啲嘅菜式，呢度一定啱你胃口，值得再试。⭐总体评分：4/5…查看更多