阿四快餐 (已結業)

夜晚7點左右步入Uncle 4，全場只有兩三枱客，大把位任揀。坐低就order左兩隻炸雞髀，$23/隻 (唔連野飲)因為下午茶時段已過 (下午茶去到六點)，否則雞髀加薯條連野飲都只係$33。講返雞髀，一上枱已聞到香噴噴，食落皮脆肉嫰，雖則係有少許雪味，但也無可厚非，香港地邊得黎咁多活雞。$23蚊呢個質素絕對收貨 

Uncle 4的羅宋湯, 真是夠濃味, 湯內材料也足, 有細件牛腩.咖啡, 是一般茶餐廳貨式, 不差, 也不見得十分好, 但無酸味.晚飯時段, 竟然還可以落單要午餐炒飯, 認真夠誠意, 炒飯炒得乾身, 粒粒分明, 微微的辣度, 叉燒粒不算多. 乾炒牛肉意粉, 同樣出色, 意粉屬於我最不喜歡的粗身, 但煮得彈牙又不硬, 炒過後, 好香口, 黑椒味道好, 牛肉絲不韌, 整體好滿意.

下午4點幾和兄弟在TST找野食，行行下見到間叫Uncle 4,個名幾man,所以上去看看咩環境 上去一推門，E?! 有d似酒吧格局，朋友說晚上會買酒的。朋友叫左公司三文治，我就叫火腿法蘭西多士😋，但？！ 落單姐姐話火腿西多士唔抵食，叫我改食西多士拼斯華力大腸喎😳😳，姐姐話都係一樣價錢，唔好蝕。ok聽佢話。朋友的公司治先到，好大件又烘得脆，料就當然多。好啦，我的主菜到啦，嘩 ，2件西多+大腸，隻碟都咩空位，牛油夠大pad，正😋。西多外層炸得鬆脆，內裏軟，➕埋糖槳一齊放落口，好甜好正！ok,攪下條斯華力大腸先😜，切入時feel到皮有少許脆，肉質有彈性！一食落去， 好熱 ，口感良好，皮肉分明😋！姐姐果然無點我☺️兩人$80左右埋單。真的好飽，晚餐可以no way😝直去下場😘

等人放工等到好鬼晏，想食個飯原來都仲有選擇。去到4叔叔既呢間餐廳，原來夜嗎嗎都仲有得食焗飯，仲要有好多選擇。叫左2個焗飯，話咁快就有野食啦。椰汁焗海鮮飯椰汁味道好香，第一啖食落好有以前既西餐廳既味道。海鮮係好多蟹柳同少少魷魚，非常地道。炒飯底，份量大，實飽！咖喱焗牛腩飯個汁好香咖喱味，汁又夠多，撈飯一流。牛腩質地就一般啦，要咬耐D。總括黎講，食物質素就一般，不過好有香港地既風味，而且太夜有咁多選擇，都唔錯既。

6pm 路經漆咸道，見有間 Uncle 4喺 2樓，下午茶餐供應至 7pm，款式好多揀，於是便上去試下。地方清潔，坐得舒服，叫了乾炒牛河配熱奶茶，都只係 $39！牛河非常大碟，根本是正常的份量吧？！熱辣辣，香噴噴，夠味不太咸，牛肉也大大塊的，無梳打粉味，非常軟滑！奶茶也夠熱，好味！聽到隔離枱三位哥仔叫了芝士咖喱焗牛腩飯，他們説每次來都一定叫芝士焗咖喱的，牛腩、豬扒都一樣好味...... 我下次都一定要試吓！

阿四快餐，聽個名好低好舊咁，但其實係一間幾新式嘅快餐廳，而且啲食物都好新穎！白汁焗飯、茄汁焗飯大家就聽得多，咖哩焗飯真係少見。講下個咖哩汁魚翅焗海南雞飯，個咖哩汁幾重椰香味，都幾似葡汁嘅味道，所以怕辣嘅朋友唔駛驚宜個係辣嘅咖哩汁。至於魚翅，我就好似揾唔到喇，連素翅都冇~~咁點解飯名要加魚翅黎誤導食客？個所謂嘅焗海南雞飯，其實同一般焗雞飯差唔多，食唔出有海南雞嘅味道，所以，基本上宜個飯有8成係同焗葡國雞飯相似，不過味道都算唔錯。大家有機會不妨試下其他創新嘅焗飯，例如褔建焗飯之類，當試下新式焗飯都唔錯！

女人街的出名食肆比較集中在街尾，今日難得遊走於女人街頭果邊，所以就揀左呢間未試過嘅「Uncle 4」，點知⋯ ⋯信錯四叔喇今鋪！我地揀呢間係因為場內較大，雖然正值晚飯時間，都仲可以即時入座，省卻咗等位時間，所以就二話不說入咗去。一坐低，侍應連餐牌都冇俾，淨係比咗兩杯茶，要我地自己去隔離檯拎。因為呢間係港式茶餐廳，所以先唔介意，但後來嘅食物質素真係令人不敢恭維，完全稱唔上好食（詳見下文）我地一共叫咗兩個餐，一個係套餐價$55包飯、湯、飲品。另一個係單點飯$46，飲品另加$8。落單侍應話送多個湯比我地，咁我地都欣然接受，即管睇下佢個湯有咩咁巴閉，可以一個侍應就話到事免費送多個。羅宋湯嚟到時，賣相普普通通唔覺有咩特別，一用匙畢嘅時候就發覺異常的「杰身」，好似啱啱落茄膏冇幾耐咁，最詭異嘅係，飲落淡如加左茄汁嘅清水，雖然睇落入面好多材料，又好鮮色，但飲落好淡好淡，果然係賣唔哂先咁慷慨送比我地吧！（隨後聽到四圍嘅人都點忌廉湯，可能我地太黑仔喇，竟然揀著個唔好飲嘅湯）冇幾耐就上咗個《雜錦海鮮炒飯》，顏色就鮮豔喇，但食落連基本嘅海鮮味都冇，期間仲要有另一個侍應發現上少咗粒帶子，要拎去廚房加返。雖然誠實

這店初開業時, 與朋友上過來一次, 當晚上十時左右, 好攪笑, 可能當時店老闆還未想清楚要做甚麼形式的食肆, 上到去, 好似80年代的Disco一樣, 打晒大光燈, 紅橙黃綠紫, 大光燈還會轉來轉去的, 我們一路食一路笑過不停. 不過, 事後不夠三個月, 就變回了茶餐廳的模樣了, 直到現在都係咁上下.近幾月又再嚟, 餐牌上印著的”日日精選午餐”, 號碼A1, 是為: 麻辣星洲炒飯. 自從第一次食過之後, 難以忘記, 實在太合我心意. 我最…最…最…鐘意, 就係炒得乾身的炒飯, 係乾到有些少硬硬地, 就更好, 這店甚合我心水.凍奶茶, 走甜, 無嘢講, 係咁上下啦, 唔差, 又唔係好好喎… 總之..般茶餐廳貨式.餐湯, 羅宋湯, 味道夠濃, 偏鹹了一點, 材料不少, 交足功課.麻辣星洲炒飯, 上檯, 夠大碟, 已見飯身粒粒分名, 細看, 飯粒, 頭尾都無爛, 粒粒完好, 蝦仁中型大小, 隻隻都無蝦屎(街外茶記難搵). 材料豐富, 义燒 火腿 蛋絲 菜絲 蔥花 辣椒 全齊且多, 炒得顏色平均迷人… 哈哈… 食評...就係咁唔客觀嫁喇.. 好食..就自然覺得個賣相都會加分…入口, 微微麻辣,

糧尾呀糧尾，唯有吃茶餐廳。但我們開始尖沙咀尋味之旅，茶餐廳也選未試過的。茶餐廳人滿之患，侍應又要我們兩人坐一邊卡位，明白的，幸好對面也是兩位輕盈女仕。 同事的中湯不錯。我的西湯，材料多味道略淡。日式海鮮炒烏冬，$42，日式味不夠，餸還算有小蝦。乾炒黑椒牛柳絲米粉，$42，一點也不夠味，不要說惹味了。拿著餐桌鹽不斷落。奶茶還是茶餐廳好。

其實我隔天便會來吃早餐, 坐得舒服, 可以慢慢看報紙，吃完便上班。餐廳是在閣樓, 要不是朋友帶我來, 我絕不知道它的存在。今天叫了這份, 清清地, 火腿通, 轉埋多士，不過不失 , 在尖沙咀這一帶, 這裡算是中上。

普通早餐一份蛋煎得太熟啦但係好多味精蒜蓉白汁海鮮焗飯好味好味好好味!!!!!!!!!!!!!!!!!!!!!!!!!!!!!!sauce very nice and thick, creamy, very galic;p又足料!!!!!service quite good!!!!

焗蒜蓉汁豬扒飯好好好好好~~~~~~味!!!有蒜味!!!有豬扒味!!!豬扒夠腍飯亦冇焗硬紅湯冇假茄味quite ok!來得快service good因為新裝修環境雖然有少少逼但很新淨ok