影片
食家推介
间唔中一个人都会黎Uncle 4 食个lunch ，但通常都系食炒粉、炒饭，所以今日就谂住试下佢地嘅咖哩。一入到餐厅，侍应姐姐都十分有礼貌并示意我的就座位置。餐厅咁岩播紧80-90年代嘅广东流行曲，加上装修等，格外有风味。今次叫左个咖哩猪扒饭，估唔到猪扒都唔会好靱，正正常常，但最意想不到嘅系竟然系有两块大大块嘅猪扒，仲有青椒、洋葱、薯仔等配料，真系岩哂大食嘅我🤣🤣。咖哩汁非常香浓，辣度对我来说刚好。由于系午市套餐，可选中汤或西汤，仲有一杯饮品，卖单都系$60，算是贴地。
继续阅读
经过依间见咖喱咁出名就试下啦～叫咗2份下午茶芝士咖喱焗海南鸡饭～卖相都吸引～咖喱几香椰奶味～不过D鸡肉好淋～一咬就散似煲咗好耐嘅肉～仲要有D奇怪味～冇咩肉骨多～睇落吸引食落麻麻芝士肉酱焗意粉味道仲奇怪～肉酱唔算多刚好够捞意粉～食到泰式酸辣酱味～有好多辣椒粒～餐牌冇写辣～如果系小朋友或者唔食辣叫咗𠮶D人点算好下午茶跟餐饮～热奶茶正常嘢枱櫈都好油好污糟～纸巾抹几次都好油～唔介意嘅先好试～担心卫生问题冇下次
继续阅读
疫情前，会间中食嘅一间茶餐厅。今次系疫情后再帮衬。佢嘅食物质素都算几好，又唔贵。咖哩鸡髀饭，系每次我去都会食嘅。鸡髀系炸嘅，好脆，入面肉质反而仲好嫩。配上咖哩汁好正😊大家如果平时系尖沙咀唔知食咩，呢度系唔错
继续阅读
【油尖旺区】【琪旺家】喺尖东食嘢，多数都系啲贵价嘢，不过亦都有啲茶餐厅。今日想讲呢间系一间几抵食嘅餐厅，以廉价西餐为招徕嘅。佢哋之前系叫「Uncle 4 阿四快餐」，喺香港都有几间。最近尖东呢间叫「琪旺家」，不过换汤不换药。讲到第一次食就已经系好耐之前，见到有 $72 嘅铁板套餐「黑椒杂扒配薯条」就叫个嚟食。咁当然系跟黑椒汁同薯条，汤就饮忌廉汤。味道上就一般架喇，港式快餐店质素，唔要求太多。加 $2 饮「冻柠茶」少甜，都可以。之后𠮶次食 $60 嘅「正宗海南文昌鸡饭套餐」跟中汤，都系加咗 $2 要「冻柠茶」不过今次走甜。质素上只鸡就好一般，失望。而再之后就食 $59 嘅「芝士蒜蓉焗猪扒意粉」饮忌廉汤同加 $2 嘅「冻柠茶」走甜，都系焗嘢稳阵。所以佢改名后我都系食 $65 嘅「仿鲍片黑椒汁焗肥牛意粉」改咖喱汁，晚市送「杨协成甘蔗水」，冇咗水吧咁。总括而言，谂唔到食乜之下，过嚟食个快饭都系一个唔错嘅选择，唔系我都唔会食咁多次，稳阵啲咪食焗嘢。。。（地址：尖沙咀漆咸道南69号阁楼）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺区 #尖东 #尖沙咀 #红磡 #1am红馆 #琪旺家 #阿四快餐 #uncle4 #铁板扒餐 #黑椒杂扒配薯条 #正宗海南文昌鸡饭 #芝士蒜蓉焗猪扒意粉 #仿鲍片黑椒汁焗肥牛意粉 #杨协成甘蔗水 #1am1068 #1ambackup
继续阅读
呢间嘢简直离晒谱 又污糟邋遢 水壶上又有曱甴 态度又差 好似得罪咗佢哋好~~多嘢咁 落单连行过嚟都唔愿意 喺个柜台叫我大嗌畀佢听要啲咩 嘢又唔系特别好食 环境邋遢到咁 都觉得佢啲嘢食邋遢 浸餐具𠮶只杯入面有肉碎 好似人哋朗完口吐返出嚟𠮶啲嘢咁 🤮🤮🤮 埋单问佢可唔可以用 Alipay 答都唔答我 扮听唔到 净系挂住同啲同事喺度倾计 倾计就大大声咁倾
继续阅读