阿元菜市場 (科士街) (已結業)

阿元菜市場位置相當方便，堅尼地城c出口左望就見到。到步後，就可感受到老闆在設計上花了不少心思，菜市場裝修加上懷舊嘅擺設，為滿滿的客人增加了熱鬧嘅氣氛。員工服務態度很好，動作快更為我們簡單介紹了菜單。先選主鍋，再選湯底。主鍋已經有12款，任君選擇，而湯底有5款，由養生到麻辣，應有盡有。今次就選了一個招牌現炒石頭火鍋$169，配沙朗牛肉及冬粉。有驚喜的是有專人幫助先炒香牛肉至半熟，加上洋蔥，令火鍋一開始就有肉嘅香味。完成後，會先拿起牛肉，配上魚湯和豬骨湯開始打邊爐。另外，亦選了美國頂級牛小排$189, 配麻辣湯。 湯底雖然不能選擇辣度，但切合大眾口味，不會太油，亦適合不太會吃辣的朋友。牛小排賣相非常吸引，入口有牛肉味之餘，脂肪比率亦很平均，絕對推薦。此外，在等待火鍋翻滾時，這裡還有個自助式菜市場，客人可以任意選取台灣菜。所有菜款都非常新鮮乾淨，當中最喜歡的娃娃菜和第一次食的台灣水蓮。個人喜好，水蓮不要煮太久，才食到爽口的感覺，第一次就已經愛上了。最後，自助區還有一些菇類、丸類和瓜類，如北海味，杏鮑茹和冬瓜等等，令火鍋更為豐富。不過，我認為還是差點海鮮才夠完美，就額外點了蛤蜊$49，每隻都相

朋友話西環開左間新餐廳想試下，就約左我陪佢食。食之前我就捻住上OpenRice 做下功課睇下有咩好食，點知都見到唔少負評，心捻好似有啲伏咁。但都應承左朋友就唯有照去食喇點知食完我係覺得有驚喜嘅現炒石頭鍋$169 職員會係你隔離炒呢個石頭鍋，而炒嘅時候真係聞到勁勁勁香蒜頭味炒完之後就會加湯，職員話呢個鍋係用一半魚湯，一半豬骨湯做湯底（好似好特別咁）但係放啲火鍋料落去烚，味道又好似冇乜特別。香有而味不足，有少少失望。因為呢個係招牌菜而且比我叫普通火鍋貴多廿蚊左右。去骨雞腿排配勁爆麻辣鍋$129+15(麻辣鍋要加多15蚊)呢個鍋好香口唔會太辣，啲雞肉好滑鍋入面仲配左少少鴨血，都抵加多十五蚊嘅每個鍋都會跟一個白飯，而我就加多10蚊轉左滷肉飯。 個滷肉飯都好好味💕而我覺得最好味，最好味，最好味係佢啲菜呀蔬菜部份是以任食的模式，全部蔬菜都十分新鮮。岩晒我呢啲最意多菜少肉嘅人🥰呢度甜品得一個款，咁我地就叫黎試下。點知係涷食黎，而且味道一般。各位可以唔洗試都得。總結埋單五百蚊兩個人，CP值不算很高的餐廳 ，但是少有主打蔬菜的火鍋之選。

適逢今天中國情人節，同太太去西環海旁散步順便揀間餐廳食，見到有間阿元來了個friend阿元菜市場，睇完餐牌之後發覺原來啲菜任食，所以就衝左去試。佢有兩種鍋可以揀，一個石頭鍋，員工會係側邊呢幫你煮熟一半牛或豬之後擺落湯底，店員話咁樣會甜啲，另外就普通鍋揀主菜同湯底，我哋揀左個海鮮鍋，用藥膳湯底。每人一個鍋之後出面個菜市場啲菜同埋丸就可以任食，真心幾抵。雖然而家市面上其他任食火鍋啲菜都可以俾你任食，但係呢度嘅菜嘅種類比出面呢係多元化，包括皇帝菜、台灣嘅A菜等等，有d直接喺台灣運過嚟，隔離個姨姨係我地面前洗啲菜，感覺好新鮮。其實個煲本身包埋嘅牛肉，或者係海鮮，再加埋任食嘅菜同丸呢係絕對夠飽嘅。而且啲牛肉都尚算都幾高質素，啲海鮮係幾新鮮的，食落隻蝦嘅肉質都知道係新鮮買返嚟架，btw,佢個辣椒醬都幾好味。所以我得呢間菜市場個定位唔錯，下次可以再去幫襯。

阿元菜市場，又係台灣阿元呀！又再係堅尼地城開一間火鍋店。講明菜市場又真係好多款式嘅菜，啲菜都好新鮮呀😋而佢個環境又裝修度真係好似菜市場咁樣喎🤩。呢度係以一人一鍋嘅價錢去選擇之後就有丸類同埋蔬菜類任食。如果覺得唔夠嘅話都有唔少嘅火鍋配料可以另外點😄🍴頂級小牛排$189牛肉味都幾重切到簿簿地一片見到去牛嘅說花紋都幾靚🥰🍴西班牙豬肉$159望落去個樣肥嘅部份好似多啲咁樣但食落去又唔會覺得肥多。而且佢個肉味又唔會淡，幾好味。一人一鍋裏面已經包埋肉+飯或者冬粉，之後就係自選湯底啦。我哋選擇咗十全藥膳鍋用養生蔬菜鍋。兩種湯底都唔會淡而無味，反而養生蔬菜湯幾好味。真係飲到好濃郁嘅菜湯味，開頭仲以為佢會淡啲添。🍴芋泥蛋黃卷 $30成個炸波都係芋泥，而佢個口感帶一點點煙韌幾特別喎！🍴生鴨血$20個鴨血味唔會淡，而且滾耐左唔會散開。

6月去完台灣 食完無老鍋 台灣農村菜Keep 住對台灣蔬菜同麻辣火鍋念念不忘一直想搵有鴨血豆腐 高麗菜 同水蓮 食嘅麻辣火鍋之前見有間旺角台式火鍋水蓮買$88心諗台幣價錢炸甘岩尋晚碌ig 發現尼間嘢 蔬菜任食 仲包括丸類就半夜10點幾 九龍出車去堅尼地城 滿足一下自己嘅食慾 一試佢究竟係食之前都打咗個電話問 咁夜啲蔬菜仲齊唔齊店小二 回覆話齊全 就滿心歡喜過去啦去到得返我地同另一枱客 成個場都好台灣懷舊feel有兩種枱你揀 一種係一人一鍋 （$128 最低消費）另一種係得一個鍋一齊食（$200最低消費）一心想食麻辣火鍋 緊係一齊食啦 等佢越煲越辣ma叫咗個餐 要培根牛肉配勁爆麻辣湯（有少量鴨血豆腐）跟餐冬粉（因為魯肉飯買晒）另外叫咗啲小食排骨酥$39老油條$35 要煲耐啲 因為都幾‘老’特選牛小排$98不過不失 重牛味 但太薄 無口感麻辣鴨血$30叫咗兩份 實在太太太好食千其唔好放落麻辣湯度 會變淡佢原本味道店家本身已經熱辣辣攞出嚟 豆腐 鹵得超入味 正宗台灣口味芋泥蛋黃卷$30 有兩件外香脆 內軟糯 如果咸蛋黃係流沙就更正所有菜都無得頂 咁夜黎都新鮮鮮甜但因為店家趕住執嘢 只係一次過

台灣過江龍「阿元來了 」👨🏻‍🍳於堅尼地城再下一城，開設一人一鍋火鍋店「阿元菜市場」🤩以台式菜市場的懷舊裝修格局，提供地道台灣火鍋食材😋落單程序：1. 先選主鍋🐃🐖🐓🦐⬇️2. 再選湯底🥘⬇️3. 後選冬粉/白飯🍜🍚⬇️4. 到店內的「自助菜市場」，任食各種台式蔬菜🥬及丸類🍢先談主鍋，此店竟然有供應台式地道的「現炒石頭火鍋」♨️($169)，以牛肉/豬肉和洋蔥起穫，再加湯底十下十下，令火鍋更香口🤗另外亦有一般火鍋供應，有各色牛肉/豬/雞/櫻桃鴨($129-189)選擇🐃🐖🐓，也有海鮮組合($269起)🦐「自助菜市場」有多款台灣地道蔬菜🥦，如水蓮、台灣小白菜、紫玉米、蒟蒻外，還有九層塔丸、魚卵卷、北海翅等丸類🍢，大胃王可以在這裏不斷添食😃這間餐廳環境有特式🏵，賣點為台式火鍋加配料吃到飽，但性價比不算高，雖然心裏預算收費一定比台灣貴💲，但香港實在有太多平價的一人一鍋選擇，競爭太大，這店子對我來說一試無妨😉而最吸引的，就是有供應「阿元來了」的台式飲品🥤，邊喝珍珠奶茶邊吃火鍋，爽🤩

首先係地點都算易去，堅尼地城站C出口已經見到， 方便🤔🤔試佢地嘅現炒石頭火鍋，其實之前唔明即係點🤷‍♀️，又炒又放湯。試過就知真係幾特別，店員用菜炒香左個鍋底同將跟餐的肉炒至半熟後落湯做湯底，肉已半熟所以熱湯中不需太耐時間，入口仍是嫩嫩的。而且，總有啲噱頭招牌菜就梗㗎啦😎～另外叫哂佢四款海鮮，分別係蛤蜊、鮮蚵 、鯛魚片同海蝦，都好新鮮呀🤤除了個煱，仲叫左另外嘅食物（煱物及配食不是放題，菜及丸則自助吧模式）再加的食物中，米血糕、櫻桃鴨，麻辣鴨血都比高分，自助吧的丸丸任食，紫薯同芋頭條好正好粉，食了很都算特別嘅蔬菜，仲有王子麵，啲菜真係好好食😍今晚5人飯局慶生日，真心無乜理價錢，想食想試就叫，問心佢啲野唔係大大碟大堆頭，但味道有質素。叫埋野飲都係900幾蚊，一人唔洗200，盡慶又抵食🥰🥰地理位置的關係？見有幾張枱係外國人，希望佢地會覺得同朋友／家人咁樣食火煱係件開心事。

今日終於試咗阿元菜市場，叫咗一個海鮮套餐加一個石頭鍋套餐。之前喺台灣食過一次石頭火鍋，估唔到竟然係同台灣一樣，係現場炒俾你，炒完之後再放湯，啲肉炒得好香，而我個friend嘅海鮮拼盤估唔到咁新鮮，隻鮑魚仲識得郁。之後我哋兩個出咗菜市場攞菜，有幾款菜都未見過，原來係台灣入口，食落好有菜味，同啲大陸菜真係有分別。我朋友話，下次嚟一定要試吓綠色果個蔬菜鍋，好似好養生咁。原來仲有台式珍珠奶茶飲，食完飯吹吹水真係一流，相信冬天一定好多人。

兩個人大約5百靚蚊落樓。如果想打邊爐可以真係去間打邊爐既食，逐碟叫都無咁貴。 值得一提 $39蚊 4粒丸（叫左墨丸但成粒都粉） ，湯底 連鍋（豬/牛）大約 百45蚊 左右 ，簡個麻辣又加錢，醬油又加，一個王子面都$20。食水太深。要讚係個蔬菜吧真係好多蔬菜，又有A菜又有溫室豆苗，同埋基本丸類。菜有姐姐係咁洗係咁切，真係好新鮮，如果鐘意俾幾百蚊食菜，可以一戰。總結，我好少寫食評都忍唔住要留cm。阿元來了一向都sell台灣黎，真材料，依點同價錢一樣深深感受到。試下無妨，但我肯定無下次。

昨晚去了那間新開的台式火鍋店, 四周的佈置令我感覺到像在台灣高雄街頭吃火鍋, 有一種親切及地度的感覺. 再看看菜牌, 這幾款鍋底之前有在台灣吃過 再深呼吸一下, 啲感覺真係一啲似去咗高雄. 再轆下手機 之前不是說$49可以用菜盤取一次台式菜嗎? 之後問一問那店員, 他說菜單已收了, 因為他們想每一位客人也可以試試台灣入口的蔬菜, 故每一個鍋底價錢已包括了任攞蔬菜,台式火鍋料及醬料. 之後我們叫了一個菜湯做湯底, 清清地, 不像港式邊爐, 只有濃濃的味精. 那店員說我可以先放一點菜, 湯滾了, 可以先喝一碗湯, 品嚐下新鮮的湯底才放肉類及火鍋料,他說, 這是台式的吃法. 之後叫了一碟牛肉, 一碟豬肉, 都算很新鮮. 兩個人埋單四舊水有找. 星期五同個朋友仔出去個飯, 吹水,都算後好. 

食物質素非常非常普通，選擇唔算多，價錢貴唔緊要，但份量偏少，絕對唔抵食！以我叫左嘅花枝丸同貢丸為例$39睇落有7粒但每粒係將1粒劏開1半即係實質得3粒！另外火鍋必備嘅醬油竟然要俾$15一位，記住係一位$15，同搶無分别！元氣滿滿湯底完全無味！應該改名為怒氣滿滿湯！叫左個魯肉飯，魯肉嘅份量應該一個湯匙都無，我數到大約有10粒細肉粒左右，又無乜汁，而且飯碗底全部係油！非常油膩！呢間嘢抱住好奇心中一伏係無妨！但我絕對唔會幫襯第2次！永不錄用！

🍲湯底：試咗3款湯底，全部淡而無味，唔知自己食緊咩，亦都食唔到任何清甜鮮味醬料要加$15先有呢part真係難以接受🥩配料：一堆下價貨，條獅子狗係腥嘅(唯獨是有一粒九層塔丸比較好食)，連吉x家嘅配料都高級過佢沙朗牛得嗰薄薄幾片，鴨有腥味🥬菜：椰菜正常，菇正常可以加$49出去夾一轉菜，咁抵就留番畀其他人享受喇🍗其他熟食：鹽酥雞似番阿元水準，但都唔係好食☹️總結：毫無可取之處，如果你喜歡用呢個價錢嚟食下價嘢，我會推介你嚟，但其他快餐店嘅一人一鍋會係更好選擇

香港人成日怕肥，出街食飯，想多菜少肉，都幾難，就算去食素，都擔心汁多油多色素多，仲肥！比我見到阿元今次開菜市場，唔通食齋？原來是火鍋，有幸笫一天就book到位，就看臺灣仔搞什麼鬼。有冇搞錯，D菜由臺灣直送，$39一碟，主打新鮮菜蔬之餘，竟然肉的品質也不錯！湯頭淡，回家不用勁飲水，今天早上沒有水腫！真係中女推介！