阿元來了 (鴻圖道)

营业中

休息中

第一次黎呢度食飯，一入到黎見到裝修已經wow左一下。裝修充滿7，80年代風格，亦都好似入左大排檔咁。由於因為天氣關係大家都唔太想食主食，所以今日以小食為主~前菜1涼拌木耳：酸酸地既汁配上爽脆既木耳，作為頭盤十分開胃~前菜2炸甜不辣拼盤：一上枱見到佢既賣相已經知道佢係新鮮炸起，誠意十足。咬落口首先係又薄又脆既表層，同煙韌既餡料有強烈對比。前菜3炸銀絲卷：作為未戒奶既小孩，見到附上滿滿一盤煉奶，已經好滿意。如果可以再多d就更好啦~前菜4客家鹹豬肉：點菜之前完全冇概念係咩名堂。第一眼會覺得係薄切左既黑椒豬手，放入口係另一回事。可能因為薄切關係，唔會大啖肉。油脂同肉溝埋一齊入口係幸福既感覺~主食魯肉飯：終於輪到呢碗小小的主食。佢有大碗同細碗，為左可以食更多小食，叫細碗飯係正確既選擇。雖然碗細，但配料份量完全唔細，魯肉十分足料，由頭到尾每啖飯都食到魯肉，好中意佢魯肉大大粒，每粒都有少少肥~送飯一流由環境到食物都好滿意~成晚唯一美中不足係帶左我地三個人坐一張二人枱，上菜後就成枱野迫左d

其實2-3年前同朋友食過一次，個時已經幾有好感，食物質素唔錯，性價比相比其他台式餐廳都算高！今次同朋友二訪餐廳，試咗幾款野食，味道都唔錯！  <九份芋圓> $32 配料頗多，包括芋圓&仙草凍&小珍珠, 芋圓幾大粒&煙韌，但係整體黎講都冇乜味，我只可以憑顏色不同分辨口味，但實際上都係一樣🤦🏻‍♀️而且食完先發覺無上淡奶💦呢款真心唔推介<肉鬆芝士蛋餅> $35  比較偏向傳統個種軟皮蛋餅（唔係脆皮~），饀料足料，喺台灣食過嘅傳味道🥰甜甜辣辣嘅辣椒醬好開胃，呢個價格真喺夠曬親民⭐️  <魯肉飯> $33 魯肉飯（細）既分量算幾多！每一啖都可以食到油光滿滿的魯肉👍🏻肥瘦均勻，肉汁香濃，甚至滲曬落啲米飯到，真係好適合送飯🤤🤤  <炸甜不辣拼盤> $35 炸甜不辣拼盤應該係以鹽&胡椒作調味，食落味道鹹香為主，魚漿咬落都彈牙，整體不錯！  <蚵仔大腸麵線> $40 蚵仔好肥美，而且幾多粒，大腸爽口，麵線唔會太稀，地道台灣味道🥳  總括而言，明白lunch time人比較多，進食速度都因此變得比較趕🥲非繁忙時間光顧應該會有更加

近牛頭角地鐵站及觀塘其他工廠大廈的餐廳，入面餐廳隔離是阿元來了的大伯紅豆餅。餐廳環境很像去了台灣旅行的感覺。這間餐廳拍過VIUTV 電視劇《I SWIM》入面Miss翁和榮仔一起吃飯，🍴🍴🍴🍜🍜 所以我去了這間餐廳吃飯。另外，台灣著名食物是招牌魯肉飯，魯肉飯的味道超好味😋，可以配珍珠奶茶🧋比較合適的套餐。

觀塘呢間因為係工業區 所以長期要排隊 但係都唔算等好耐 大約15分鐘左右 叫左個大魯肉飯同麵線 魯肉飯d汁少左d 不過味道真係好好 同台灣果d一樣 飲品就等左好耐都唔到 有待改善

吃了無數次的一家店，太愛了太愛了，最近還有新出了一款辣的滷肉飯，好醇香，好好吃！每次必點的是鹽酥雞，魷魚鬚，飲料也還喝，豆花奶茶雖然要39💰但我覺得物超所值！好喝，一層濃郁的奶蓋，下面有奶茶豆花同珍珠！今天想吃蝦仁煎，不知道為啥他的蝦仁一直有土腥氣！這點不好

成日聽觀塘有好嘢食🤤終於等到住觀塘嘅朋友帶我食台灣嘢！不過呢間鋪地點比較難搵，係喺啲工廠區附近，搵路都搵左一段時間🙈一入到去發現擺設同成個裝修都俾到客人一種去左台灣嘅感覺💫喺疫情下都可以試下去旅遊嘅感受！而我哋叫左阿元滷肉飯（$43）味道中規中矩，唔算太特別🥢反而佢啲台南擔仔麵（$37）比較出色，食落去唔會好淋，都算爽口💫但份量比較少，大食嘅話就未必飽🙈值得一提係呢間鋪嘅起司蛋餅（$28）價錢唔貴，但食落起司夠多，有時仲可以拉絲！價錢平民但好飽肚🤤阿元來了喺台式鋪嚟講算係款式多，價錢相宜！經過觀塘不坊一試💫

阿元來了是觀塘10大必食既餐廳,好耐無食,就會想食一次。今次2個人來,真係必食魯肉飯,佢既魯肉不是肉碎,而且每粒都有肥肉,真係好好味。個汁同個飯簡直是絕配!!!!所以真係必食呢!而小食其甜不辣真係好好味,我鐘意食紅色個隻多D~味道是不錯的。最後因為口痕,所以叫多左個雞排,有梅粉既~嘩,原來咁大塊既,真係有手掌咁大塊,食完之後就真係超飽,飽到晚餐呢..不過都好享受既!如果下次再食,想食埋炸魷魚呀~最後就係介紹下飲品,要記得飲品01-08 是加$11,但其他是正價,我叫了水果荼,如果$35 黎講就太細杯了,要改善下啦!

呢間位於觀塘鴻圖道28號地下後座的阿元來了是觀塘數一數二的台灣菜每次黎到都覺得充滿濃厚嘅台灣氣氛每次必點嘅單品就係滷肉飯每次食嘅時候都覺得係喺台灣食嘅一樣而佢近期都新加咗好多台灣直送嘅菜式我今次就試咗佢嘅蝦餅 十分之出色

已經食過好多次，次次都想試吓新嘢不過都係忍唔住要返魯肉飯🤣魯肉有分大同細size , 大既有滷水蛋同菜。我通常都係嗌細 跟住再另外嗌小食。雖然都幾油 但佢啲肥肉恰到好處，撈飯好正，好有係台灣食嘅感覺。而且碗飯夠熱都係重點！同埋好鍾意個一片醃蘿蔔😁鹽酥雞 鹽酥雞扒 鹽酥魷魚 3樣試過晒都勁好食 。應該係即叫即炸 夠晒熱辣辣 又脆！ 仲有台式香腸都係必點！另外今日試咗大腸米線我就覺得一般 唔夠濃味。d 蚵仔都一般般。嘢飲就冇試過呢間嘅台式飲品通常都係飲熱咖啡。

原本上星期日打算試下呢間「阿元來了」，去到先見大門深鎖，原來呢間餐廳星期日係唔開門！😅今日再接再勵星期六下午六點就到，鋪頭里面已經九成滿，好彩唔使等位就即刻可能入坐。嗌左以下3樣食品試下。阿元滷肉飯$43 滷肉夠肥夠味，送飯一流，對一般男士黎講可能細份d，但價錢ok，可以一試。☺️台東擔仔麵$37肉醬分量唔係好夠，我都係撈埋滷肉一齊食，湯頭味道唔夠濃，面頭浮左一層油，食落有d油。份量都係少左d。😅無骨鳳爪$32因為平時食開都係泰式鳳爪或者酒樓豉汁鳳爪，呢個鳳爪好有驚喜，滷水夠味得黎又爽脆彈牙。最推薦呢樣小食。👍

📸 阿元來了 @yuanishere @yuansmarket好耐無去台灣 去開觀塘就即刻揀咗阿元試吓6點半去到 人唔算多 未需要等位住叫咗幾款野食試吓 errrrr有時真係唔好有期望🍴雞肉飯太陽蛋煎得剛剛好蛋汁可以用嚟撈飯雞絲份量都幾多 本身配咗醬油汁唔知問題係雞肉定個汁食落一陣油膉味 餐廳配咗酸菜解膩 但唔知係咪太碎完全無酸味🍴蚵仔煎蚵仔份量非常多🤪但唔知係咪唔新鮮 好腥食完一啖真係食唔落蛋漿同木薯粉既比例有少少唔平均調味又唔夠木薯粉食落似橡筋 身為煙韌控 呢個口感都幾唔吸引🥶#wwh中伏了 #wwh食勻觀塘#wwh食勻牛頭角✨

台灣野食真係冇乜邊個唔鐘意。今次黎到一直好受歡迎嘅阿元來了，由台灣人開嘅人氣小店：裝修好有心思，主打懷舊台灣夜市風，充滿人情味當日下奏3點左右，等左15分鐘左右就有位，仲有好多人外賣。阿元滷肉飯阿元滷肉飯比普通滷肉飯多隻滷蛋同菜，滷肉半肥瘦，都幾入味，可能因為半肥瘦同比較少油嘅關係，唔夠台灣嘅滿足磁焢肉飯幾塊厚切腩肉加少量滷肉，相對會乾身小小，岩鍾意啖啖肉嘅朋友鹽酥雞想像中嘅味道，不過不失，係唔夠熱同脆身肉鬆起司蛋餅黎到有d嚇親，因為真係超大舊超足料，滿滿肉鬆同芝士仲有少少辣醬係側邊，食落惹味又無咁濟

今晚去左阿元來了食晚飯，第一次黎整體感覺一般吧，而且用餐時間好急，我地大約7點到，8點半開始趕我地走，但其實冇乜客等入枱😅😅用餐1.5hrs。餐牌只有2頁紙，一頁飲品一頁食品，當中主食主要2款:滷肉飯同湯麵線，之後都係小食⭐️如果想食玉子蛋卷要5:30前，晚餐係冇架😂😂滷肉飯份量一小碗，性價比比較低，味道吾會太咸整體冇特別。擔仔棵條湯，麵條其實係幼身湯河加滷蛋滷肉同一隻蝦，湯底清甜少湯汁。甜不辣拼盤，係原味+辣味，份量大概8-9條，口感爽彈可口，雖然冇醬汁但味道本身夠。蚵仔煎，蠔仔較少，餅比較痴底而且送上黎吾熱，吾知係咪放左一段時間？？另外點左2杯飲品，珍珠奶茶茶味較淡。整體來說，價錢可以接受，但性價比吾高。

以前西營盤已經有食開, 一間食物正常發揮嘅餐廳.我8:55pm 入去, 個接待員話冇問題叫我哋快啲order比錢先就得, 咁我5分鐘order好比錢坐低咗, 大約5-10分鐘啲嘢食到晒, 我哋2個人都order咗4樣嘢食, 我見我哋最尾五六台咁我已經盡量食快啲, 不過真係李老闆！我食咗幾分鐘 嗰個阿姐走過嚟同我講”你哋可唔可以食快啲!” 其實淨係比幾分鐘我食, 不如一開頭就同我講要閂門！ 我睇吓隻錶嗰陣係9:18pm, 跟住佢哋真係同你玩熄燈走人 ….. 我知你哋出名, 其實招呼唔到咪叫人叫外賣或者唔好做, 好簡單~ 人哋唔會怪你~不過又要賺埋又唔願service! 最後我哋夾硬倒晒落個口度頂住晒禁走！ 做餐飲業做到咁其實對得住個客人咩？食物 ** 態度令我覺得食咗屎咁環境 **** 係特別嘅服務 * 如果有得比負* 佢負4* 簡直對唔住個餐飲業界衛生 *** 正常觀塘水平抵食 * 比完錢唔比時間人食 點話你抵 價錢一般

想食台灣嘢嘅話，阿元來了一直都係我嘅首選。佢哋唔單止食物種類多，而且每一樣食物都好有水準，性價比都幾高。今次去叫咗我最鍾意食嘅爆蛋雞肉飯同埋海鮮煎。爆蛋雞肉飯嘅雞肉輕輕醃過，雞肉撕成一條條，配上酸菜同埋蛋汁，撈埋落啲雞油飯度，食落好香口，好滿足。海鮮煎入面有蚵仔，蝦仁同埋帶子，海鮮算新鮮，海鮮煎煎到金黃色，粉漿嘅濃度調配恰當，配埋特製嘅甜醬同辣醬，好有台灣夜市風味♥️都唔知幾時先有得再去台灣，唯有食阿元來了頂住當先啦😭