阿元來了 (鴻圖道)

营业中

休息中

嘢食可以 但職員態度好差 有職員細細聲係到講客人 背住客人講客人壞話 對客人不滿 從未遇過態度咁差嘅職員 服務差 令我係進食期間 體驗差 仲要落漏單 食完先知道 職員行過嚟 仲要冇反應 冇講對唔住 用餐體驗極差😠

阿元來了！相信唔小係觀塘返工既人都食過阿元來了，今次我都係第一次食阿元來了，不過因為下午茶時間，所以都唔係叫得多嘢，但幫襯過之後，決定之後得閒再食過！—————————————————————𝐎𝐫𝐝𝐞𝐫:⧐阿元魯肉飯|$43⧐蚵仔大腸麵線|$40⧐荔枝綠茶|$11⧐冬瓜茶|$21阿元魯肉飯，一睇個名有餐廳名就知要食，果然無失望，好入啲肉。蚵仔麵線，都好好食，同一般湯麵唔同，情況比較似碗仔翅。冬瓜茶無跟餐價，要加21蚊，荔枝綠茶就跟餐價加11。—————————————————————📝評分味道 ⁴ / ⁵環境 ⁴ / ⁵服務 ⁴ / ⁵衛生 ⁴ / ⁵抵食 ⁴/ ⁵—————————————————————餐廳:阿元來了 (鴻圖道) (觀塘)地址:觀塘鴻圖道28號地下後座

想食台灣野，就叫左阿元來了，好耐冇食嚕，整體都ok既，佢d野係地道d既😍1️⃣蚵仔大腸麵線HKD482️⃣焢肉飯 HKD553️⃣台灣黑輪拼盤 HKD35.味道 ★ ★ ★ ☆ ☆蚵仔大腸麵線好有係台灣食既味道，超地道，大腸夠肥、蚵仔都多粒。焢肉飯好大碗，豬肉半肥瘦，煮得夠淋，旁邊有d滷肉粒👍🏼台灣黑輪拼盤特別既，大粒有豆腐包住既係墨魚丸，其他係魚漿卷咁，味道好食既。.價錢 ★ ★ ★ ☆ ☆有台灣地道味道，可一試。

那個11月的週末，我們一行3人，走到觀塘及牛頭角一帶，她們早上先走到觀塘海濱長廊，而我放工才 join 她們！我們選擇了位於觀塘鴻圖道的人氣台式餐廳 <阿元來了>！ 等候了一陣間！這裡的裝潢懷舊又特色！供應台式美食，價錢合理！肉鬆起司蛋餅 $35 甜美的肉鬆加又名起司的芝士，鹹甜交集，肉鬆放得滿滿，還有沙律醬，味道都算夾，蛋餅厚薄適中！新竹貢丸湯 $20略嫌份量太少，碗内只有 2粒貢丸，勝在彈牙，湯味不會重口味！魯肉飯 $42魯肉份量十足，基乎掩蓋所有白飯； 油光閃閃，肥瘦均稱，連甜美的醬汁，拌飯一流！刈包 $32刈包比預期細個，而且包身凍凍地，夾了一塊豬腩肉，卻是有點乾硬！九份芋圓 (溫) $32尚算大碗，入口溫熱，口感煙韌軟糯的芋圓，大大粒之餘，數量也不少呢！還點了台式飲品！

叫咗細魯肉飯 夠入味 入口即溶嘅ʕ •́؈•̀ ₎ 最啱我輕食一吓 ᕕ( ᐛ )ᕗ洛神烏梅汁 酸酸地 好好飲環境舒服過西環嗰間 有車站 有髮型屋 有戲院 又好似大排檔 彷彿去咗台灣旅行咁 會返嚟再食

我都好少寫食評但都忍唔著因為其在太失望啦啦啦啦啦啦之前返工方便食開西環個間印象好好 所以嚟觀塘都想食返知道觀塘有芋圓食當然試下滷肉飯好味1如以往甘好味 都好滿意但個芋圓呢，就😭我揀左芋圓(溫)味道唔錯 係芋圓無咩本身味道如果對比平日其他小店 芋圓好有各自味道 即地瓜就充滿地瓜味芋頭就滿滿芋頭味另外落單前我用好普通既普通話問左侍應姐姐1次: 有沒有無珍珠?係佢答我無架甘最後個碗點解有珍珠架😭😭😭其實就我自己習慣食左珍珠會消化不良個胃好辛苦 我想走左珍珠去唉…

位於工廠區嘅隱世美食，莫屬呢間台灣「阿元來了」，曾經耳聞過呢間食店好味得嚟、環境又靚，不過中午多人，揀咗外賣。#玉米芝士蛋餅唔知點解會變咗肉鬆蛋捲，但都好食嘅，啲饀料冇落少，略嫌蛋餅厚咗，陣䶢味拉返勻。裏面有沙律醬，味道都算夾，而份量方面可以同另一人分享呢道小食。#九份芋圓（温）温温哋唔熱，啱曬呢種唔湯唔水嘅天氣飲，望落份量唔大，但芋圓係大粒、好好嚼，數量亦唔少，特別要推薦👍🏻但個人認為糖水可以唔飲。

Went to Taiwanese place that happens to be near work, Yuan Is Here is a quick and easy lunch fix. Since Taiwanese street food here is mostly under $50 per item, it does make me feel like splurging and ticking everything off the menu.I love all the fried snakcs, including this massive chicken with my arm for comparison, it was hugeeeee and juicyyyy and crispyyyyyyy. The fried squid was also great, and the 甜不辣 is my fav. I think its made from fish? Like a flattened fishball with extra chewiness ad

好多人推介阿元來了，好耐之前中環行過見勁多人排隊 當時已經想試，到觀塘開咗分店都一直好期待，點知今日食過dinner後，覺得有些少吹大了其實見open rice 中評比例咁高 已經想唔去最後廢事再揀，就去試吓啦佢哋話限時45分鐘，心諗真係夠時間食咩答案係可以㗎🌝因為上菜快到呢～呢碗係大滷肉飯，味道口感正常，唔差但唔出色，唔黏口，唔夠香。其實唔鍾意蚵仔煎但係晚餐嘅Menu實在少得可憐，同午餐原來好唔同。💥冇煎蛋卷，💥冇大腸麵線 唯有叫呢餅蚵仔煎試吓🌝，好唔鍾意一pat粉漿啫喱咁以防太難食已經叫咗雙蛋（以上純粹個人唔鍾意蚵仔煎，佢唔係特別差過其他餐廳）呢碟唔記得叫咩黑輪，味道都可以不過唔夠熱係一條比較軟嘅肉腸 （唔識點形容🤡）再配一大粒”漁蛋”釀豆腐 ，👈🏻幾好味全晚最好味嘅係鹽酥雞 不過”椒鹽?” 都比較少，似普通酥脆炸雞🍗口感係好OK嘅炸得好好，雞肉又夠嫰滑，唔會乾整體食物來講，不過不失，搵唔到令人回頭嘅嘢食 （唔知個煎蛋捲，大腸麵線如何）👋👋但係價錢真係算平 或者以呢個價錢來講，質素已經算OK～四碟野加埋$150有找（p.s. 一個台灣朋友食過阿元來了，話係香港食過最有台味嘅餐廳）係

馳名觀塘嘅阿元來了、終於有機會試。 今日跟同事打電話去阿元落單， 再去拎外野去觀塘野外食用， 感覺好好！我叫咗滷肉飯便當，跟一杯嘢飲， 60元正。滷肉飯份量正常，老玉嘅瘦肉肥肉比例非常適中，滷水汁好啱我胃口。配一隻滷蛋，滷蛋非常入味，唔會太鹹。配菜有少量蔬菜同粉絲，炒椰菜非常出色，味道好好，粉絲亦都唔錯，有少少辣。而家觀塘食午飯嘅價錢越嚟越貴， $60有一個高質嘅便當加一杯台式飲料， 價錢算OK。加埋有觀塘海濱野餐嘅配合，絕對可以再encore ！

我地其實都習慣左帶飯 但係每日lunch都忍唔住要加餸 阿元雖黎我地公司好近 但係我地好少會考慮佢 因為佢既主食較多💁🏻‍♀️但係今日有同事發現佢地多左好多小食 例如 花枝蝦排 雙色香腸等 咁今日就比個機會佢啦😇😇甘梅粉雞扒- 圖中嘅係已經比急不及待想食既我分開左一舊舊 雞扒外脆內嫩 非常厚身大件 自己一個食就大過份 要揾人share👍🏻👍🏻上面既梅粉可減少油膩感 推介💕雙色香腸- 除左常見既紅色 仲有墨汁腸 最驚喜就係見到一片生蒜🧄簡直係食台灣腸既精髓 只係腸切得超級薄身 完全無晒口感 加上肥肉過多 呢個普通😗炸魷魚鬚- 炸粉較厚 調味略嫌不足 雖有與九層塔一齊炸 但並無存在感 食左咁多炸野 大家緊記要飲返多啲水呀！

台灣過江龍小店？又做得幾掂喎！每樣份量唔多，可以叫多幾款同fd share，鐘意樣樣都試吓嘅約多幾個fd去就啱晒啦台灣擔仔粿條⭐️其實就係河粉黎嘅滷肉咸左d🤏🏼蝦新鮮彈牙嘅👍🏼蚵仔大腸麵線⭐️大腸夠晒肥，洗得好乾淨👍🏼蚵仔唔知係咪全熟，少少腥，但可接受炸甜不辣拼盤⭐️其實只係兩種炸法，只係口感唔同，味道一樣淺色Q軟一咬就爛，深色煙韌有咬口椒鹽四季豆⭐️咸咸地，送飯一流不過我地無叫飯食落完order見到隔離枱碗控肉飯d肉好大塊又好似好正咁，唯有下次再試啦我地12點前入坐Lunch time去嘅話好爆唔想等位就要避開peak time喇

疫情期間冇得去旅行，偶然會想念台灣的味道。今次特登入歡塘就係為左食台灣野。一入去，環境佈置十分吸睛，行舊台灣嘅懷舊，啲擺設都好得意，非常有心思。是日午餐：🍚阿元魯肉飯🍜柯仔大腸米線🥪肉鬆起司蛋餅🍠炸起司地瓜球🥣九份芋圓🧋招牌珍珠奶茶食物味道大致上都OK嘅。但係對炸起司地瓜球同九份芋圓有啲失望，可能呢兩樣係我鍾意食嘅嘢，所以略嫌味道有啲淡，前者冇乜地瓜嘅味道，後者無論係糖水定芋圓都冇乜味。另外，食物份量足夠兩個人食，仲幾飽下。

我地係有坐低過，落埋order。。但係d野等極都唔到，周圍遲過我地入黎既食客都已經有得食。。。我仲要想問一個肥肥地既職員，佢地淨係招呼其他客，係咁話轉頭幫我地，但係等極都唔過黎。。 終於叫到另一個職員，講國語既，佢幫我地問，但係問完都係叫我地等。。。。。魯肉飯都係就咁筆飯同餸，水吧無整緊野都唔出杯野比我地，其實黎左個飯或者飲品比我地先已經好好，但係佢連一個解釋一句唔好意思都無。。由於食飯時間有限，我地決定起身走，職員望住都無講任何野，服務真係差到。。。。。以後都唔會再去!!P.S. 我無食過，但係一定要比晒細項評分先可以比劣評

🥚爆蛋雞肉飯 $43雞肉切成絲 似雞肉鬆係純瘦肉唔帶任何肥膏份量多 完美覆蓋底下嘅白飯醬汁微微鹹 配埋帶鹹香嘅雞絲啱啱好所謂嘅爆蛋其實係太陽蛋 蛋黃的確流心但未到爆咁誇張😂旁邊嘅雪菜粒絕對係點睛之筆！🐽阿元魯肉飯 $43魯肉半肥瘦切成粗條 油光滿滿醬汁夠撈成碗飯 食到底都唔會乾飯粒脹卜卜粒粒分明 唔會黏埋一齊🍠九份芋圓 $32三色芋圓軟糯唔算特別煙韌淺紫色芋頭圓食到少少芋頭粒粒除咗芋圓仲有仙草凍同埋小珍珠花奶另上 可以根據自己喜好加☕️奶蓋紅茶 $26奶蓋質地堅挺 唔容易同底下嘅紅茶混合超濃芝士鹹香 似紅色包裝嗰隻芝士餅紅茶夠冰凍 嗌咗5分甜 茶味濃但唔會苦澀但飲到一半會開始膩。