阿元來了 (鴻圖道)

营业中

休息中

朋友經常黎食，上一次專登晚上去，但由於太多人試唔到。今次趁完左活動，3:00前往去食個下午茶，下午茶時段不用等位，而且唔多人。環境非常有特色。讓我回想了台灣的旅行及美食。魯肉飯（小碗）（ $33 ）古早味的魯肉飯，飯上的魯肉為半肥瘦，配上醬汁配飯一流。食落唔會有太肥膩的感覺。小碗比相像中大碗，女仔非常適合叫細碗，這樣便可以試不同的美食了。塩酥雞（$37）香脆的塩酥雞，啖啖肉，不會有太厚的粉團。惟雞肉有少少「鞋」。玉米起司蛋餅（$30）最愛食台灣蛋餅的我，當然要叫蛋餅啦。蛋餅皮來自台灣，另外蛋餅上及辣椒醬的醬汁都非常有台灣的味道，懷念台灣的日子。如果餡料可以在豐富點則更正。手作風味水果茶（$35）大推，好好飲，係有少少甜。但茶底好飲，水果味濃。有豐豐的水果在內，百香果、橙、蘋果、青檸、菠蘿等。皇室奶茶加仙草（$22+$3）

星期四晚放工同屋企人約咗呢間餐廳食晚餐. 大約晚上7:30，等咗兩三張枱，都唔算話好多人. 座位方面，地方唔算大，環境好有台灣feel, 好多海報，但喺坐得比較迫啲，隔離枱行過都要讓吓位. 我哋三個人，叫咗阿元滷肉飯、滷肉飯、黑輪拼盤、滷水拼盤、蘋果西打、烏梅汁、黑糖珍珠奶茶. 價錢唔算貴，分量都岩岩好，滷肉飯好食過阿元滷肉飯，因為已經大碗、好抵食. 滷水拼盤值得一讚，個豆腐喺世界級正❤️黑糖珍珠奶茶唔錯. 鹽酥雞、黑輪拼盤都唔錯. 好可惜嘅喺我哋好想叫蚵仔麵線、炸花枝丸都話賣晒啦.

阿元來了📍觀塘💛甘梅粉雞扒 $45雞扒大塊過我塊面，炸粉少少厚，但係都好香脆，加咗甘梅粉酸酸甜甜幾開胃(˶‾᷄ ⁻̫ ‾᷅˵)蚵仔煎 $37我會話同喺台灣食嘅冇分別，個味好地道，一個字，好正٩(˃̶͈̀௰˂̶͈́)و炸甜不辣拼盤 $30其實我分唔到深色啲同淺色啲嘅甜不辣有咩分別，但係心理上就覺得深色啲嗰啲濃味啲(´▽｀)甜不辣來講不過不失，但係就嫌有少少唔夠脆(´･ω･`)九份芋圓(溫) $32芋圓嘅份量好多，除咗芋圓仲有珍珠同埋涼粉，黑糖同埋淡奶嘅味好夾，暖粒粒咁好舒服(*¯︶¯*)

性價比高既餐廳就真係要等位但佢勝在地方大, 上菜快等位都唔算太耐真係鍾意叫咩就想食咩排隊既時間已經有侍應派紙~ 所以基本上入到去都可以即刻落單阿元魯肉飯, 其實都差唔多次次都係必叫肉燥菜< 普通, 只係我想食菜魚蛋湯, 大大粒, 入面仲有肉碎, 好味! 台式香腸< 呢個都係必叫豬肉剎包< 我覺我凍左少少鹽酥雞(以往都有叫鹽酥GU) 兩樣都好好食板仔湯麵< 呢個普通左少少皮蛋豆腐< 呢個就唔係人人都會食其實我平時都會叫埋的甜品食, 但今次真係叫多左有的飽仲一定會叫珍珠奶茶, 暫時我只係會飲呢到的珍珠奶茶香芋珍珠奶茶其實黎好多次都好想食蛋餅 但都未食到~ 

好食！不過都幾多人，要等一陣。不過好彩冇等好耐就有位，環境裝飾幾靚，選擇我覺得都算多啦，特別飲品，填紙有得揀幾分糖，呢個值得加分！食左個擔仔麵，幾好食！另外叫左份鹽酥雞扒！超大塊！好少鋪頭會咁大塊！

點樣食推介✨💛良心台灣菜💛💛觀塘黃店💛阿元來了 地址：觀塘鴻圖道28號地下後座🍖玉米起司蛋餅 $30 (7.6/10)話說之前食完阿木嘅蛋餅佢d蛋餅皮腍到一pat嘢咁令我覺得蛋餅好難食😂，好彩今次係阿木食到個外皮煙韌嘅蛋餅👍🏻，裏面d cheese同粟米都好足料，幾抵食🤣🍖炸甜不辣拼盤 $30 (7/10)其實味道唔差，炸到脆脆地，佢個拼盤有兩款甜不辣，一款係普通甜不辣，另一款係溝左d瑤柱嘅甜不辣，但佢味精太重，我食完兩舊直接冇胃口食其他野食，成個下就都要瘋狂飲水😣🍖台南擔仔米粉 $36 (7.2/10)同事話想食新竹米粉，我食左一啖發現冇特別，同平時d米粉咪一樣🤣，成碗野個湯都冇咩味，都係佢嘅滷肉飯好食d🍖沙拉秋葵 $39 (7.5/10)味道方面都係主要靠個沙律醬調味，個沙律醬好啱我胃口，秋葵都雪到勁凍，夏天食一流👍🏻🍖煙肉洋蔥車輪餅 $14 (7.8/10)佢地依家堂食都可以嗌車輪餅黎食😍，即刻試下佢咩料，我覺得幾高質！外皮微微脆同帶少少煙韌，裏面d煙肉洋蔥好惹味，同埋店家落左超多黑椒🤣，其實足料到我覺得食兩個車輪餅已經可以當一個lunch回頭指數: 🍧🍧🍧🍧 (滿分:🍧🍧🍧🍧

《製》阿元來了（觀塘鴻圖道28號地下後座）《號》魯肉飯 + 炸蛋黃芋頭卷《貝》$32 + $35《案》🔷「魯肉飯的肉必須切成小條，肥、瘦、皮皆在那一小條上，澆得白米飯頂，危顫顫抖動方成。」——舒國治《臺北小吃札記》🔷案前魯肉飯，得其道。《品》【魯肉飯】🟤晶體肥肉，彈勁瘦肉，相間於條條滷肉之上，油光熠彩，垂涎不止三尺。🟤濃滷汁鹹甜適中，味道和正，香縈口腔；份量合度，多一分飯過濕，少一分米無味。🟤黏稠肉汁之膠質微微黏合粒粒米飯。分食半碗，意猶未盡。【炸蛋黃芋頭卷】🟣熱燙炸起，金燦煌煌，品之外酥內順，炸衣脆而不硬，酥薄而不膩。🟣芋泥偏甜而綿滑，芋香不過不失，更濃為佳。🟣蛋黃唯中心有一星半點，雖具鹹蛋味，份量卻未如人意。

我從來都唔食有連住肥肉的豬肉，但依碗魯肉飯我食晒，仲有d配菜都好好味。因為近公司所以外賣自取回公司食，快，靚、正既便當set，用埋open rice既優惠非常抵！

⋆⁺₊⋆.阿元來了....阿元魯肉飯/ $43 / 🥨🥨🥨魯肉偏肥，不過好多汁去撈飯～.台灣黑輪拼盤/ $30 / 🥨Er..有啲似普通烚熟嘅丸😹😹再加左啲醬咁～中間有一大舊用腐皮包住嘅丸（？口感有啲奇怪但唔難食嘅.玉米起司蛋餅/ $58 / 🥨🥨🥨🥨蛋餅係偏淋個種～不過中間好多芝士同玉米！！食落好滿足同埋好飽🤣.花生牛奶豆花/ $35 / 🥨🥨食落嘅味道係花生醬+花奶+豆腐花(⊃｡•́‿•̀｡)⊃味道可以～唔太甜！不過較普通［滿分5個🥨］...⌫ 阿元來了 (鴻圖道) (觀塘)觀塘鴻圖道28號地下後座.#觀塘咔嚓[ ɪɢ : @ʙʏ.ᴋᴀᴄʜᴀ]

聽人講就講得多，終於第一次黎， 餐廳裝潢都幾有特色，似係台灣夜市（不過係70-80s個隻），啱晒幫內子打吓咭。叫咗幾樣野， 最有驚喜係個滷水拼盤個豬耳，夠入味之餘又唔會好鹹，最like係咬落有種好黏既口感，係滿滿骨膠原既感覺。豆腐唔係平時食開個種而係用咗百葉豆腐，食落有咬口同彈性，亦唔會因為滷太耐而好鹹，係我第二favorite。蛋同雞翼就普通，略嫌鹹咗d，而且雞翼咬落有d硬。肉噪青菜就不過不失，不過堅多油，尤其最尾個幾條，食完油光滿嘴，連潤唇膏都慳返(kidding)。啊元魯肉飯2個人食都夠，胯在佢夠多汁，啱曬鐘意汁撈飯既的我。鹽酥雞上到時熱辣辣，咬落夠香趣唔會成口油。另外介叫咗個豪華海鮮煎，個size係估唔到咁大，最鐘意係佢個好煙un既底，仲要有好爽口又大粒既蝦仁，雖然帶子麻麻，但蝦仁同蚵仔都幾多仲要大大碟，性價比高。最後叫咗九份芋圓，比較失望，口感都夠煙un，但個味似好假既香料味。總括黎講，係一間選擇多，價錢相宜食物都幾好。

睇戲前醫肚，隨便行吓見到台灣魯肉飯入來試吓，一個魯肉飯、一個滷味拼盤、洛神烏梅汁，味道唔錯，食咗先記得拍照！6點多入來，一個人唔需要等太耐，在塲都算多人食！🤣

- 台式肉燥飯肉燥肥瘦均勻，滷香味十足，滷蛋都好入味-台式擔仔麵線湯好濃好傑，米粉索到好多湯汁，入曬味👍🏻唔會好易斷-鹽酥雞炸粉好薄，雞件都嫩滑唔會油，經典台式味道-甜不辣雖然係炸物但都唔覺得油，煙煙韌韌口感幾正-芋圓糖水煉奶係另外上，可以自己調教甜度～芋圓煙韌有咬口，仲食到少少番薯同芋頭粒呀-oreo咖啡車輪餅估唔到真係有一大塊oreo，餡就完全係咖啡整，味道好濃郁，甜度啱啱好，食一個都唔會覺得膩！

觀塘阿元出左名好耐, 今日終於可以有機會黎試試, 下午時段都唔少人要排隊, 無耐已經可以入座. 蚵仔大腸麵線頗有台灣味道蚵仔夠新鮮食到甜味. 台南擔仔麵都不錯, 肉燥好夠味, 但湯底略淡. 肉鬆芝士蛋餅味道芝士濃郁幾好有蛋味, 我略嫌蛋皮比較粗少少. 台灣香腸配生蒜幾帶出香腸甜味, 我自己接受到生蒜嘅味道. 九份芋圓我幾鍾意食, 不會太甜又食到芋圓的煙韌. 另外奶茶配咖啡磚我覺得幾夾, 咖啡味幾突出, 又唔會因為珍珠令人覺得太飽, 我個人非常喜歡.總結整體不俗可以返轉頭.

今日喺牛頭角附近專誠去到阿元來了食晚飯，他是一間很台的餐廳在香港，如果喜愛台灣美食的朋友不妨到這間餐廳一解不能去台灣旅遊的需要。這次叫了兩個煮食分別是台南擔仔米粉，以及滷肉飯。擔仔米粉湯大不算太濃，配上不同的配菜例如貢丸，肉醬等等令味道跟似台南簡單的米粉。份量不太多， 再叫多一份小食就足夠了。至於滷肉飯方面我們叫的是小型份量，滷肉以及汁是10分出色的，把飯撈勻一起再吃是跟台灣的有過之而無不及。另外我們叫了一份鹽酥雞，份量大約有六至七粒而每一粒的size也不算細，也是即叫即炸的，配上台灣應有的調味粉，真的不錯。飲品方面叫了一杯正宗珍珠奶茶，嚴格來說他是我在香港所飲的珍珠奶茶當中最似台灣的味道。茶香奶或而且像台式的奶茶味，想飲完一杯又一杯，提提大家不需要半糖也可接受。

晚飯時間限時1個鐘，但唔係入座前同你講，係差不多夠1個鐘時先同你講有限時.食物ok, 魯肉飯係好味既，但鹽酥雞就普通.台南擔仔米粉好細碗，亦無咩特別.炸起司地瓜球，有輕微拉絲，都ok好味.