阿元來了 (北街)

营业中

休息中

環境100分，好有台灣地道風味，鋪頭設計好有台灣夜市檔口feel,等位亦不用等好耐，不過由於西環一帶有好多不同類型既餐廳cafe,間間都排隊，當然阿元都唔例外啦，所以建議如果去食，早d去好d,避開繁忙時間，如果唔係有排等待應服務100分，好有禮貌，雖然要搭枱，但都唔會上錯食物，呢點雖然好普通，但而家好多小店都做唔多，10次帶6，7次實上錯或漏單食物，份量不大，如果2-3人可以多叫幾樣一齊試阿元魯肉飯擔仔米粉蚵仔煎一定會特登搭車再去幫襯，鍾意台灣味道既你絕不能錯過

星期日唔想煮飯就嚟阿元呢度食晚飯，其實第二次嚟喇，好掛住佢d珍珠奶茶（竹炭鮮奶珍珠好正❤️）！另外食物都唔錯，焢肉飯、爆蛋雞肉飯、刈包都好好味！價錢又合理....雖然每次嚟都要等位，但時間唔需要等太耐，員工服務又好，會繼續支持同幫襯！

由佢舊鋪食到新鋪，交通真係方便左好多，而家一出地鐵站就會見到間店，有更大意慾黎食呀~蛋餅緊係必食啦，同係台灣食到既口味簡真係copy and paste 啦最緊要係個個環境，真係好有台灣氣息。而且價錢唔貴，性價比都幾高吖三個人食啱啱好，要去飲埋杯野啱啱好呀!有啲人話新店水準冇以前咁好，但我覺得唔係吖，啲野食都係咁好食!!|而家店面大左，又唔洗排咁耐隊，最緊要係唔洗行個大斜路吖麻

第一次嚟呢間台式小店，放工時間過離已經有一條人龍，等咗10分鐘左右就可以入座，等緊時候可以攞落單紙唸定食乜，一坐低即落單，上嘢食都好快手，每樣食物同嘢飲嘅味道都ok，份量亦算合理，重點佢嘅價錢真係好平!!!!當然同台灣當地嘅味道係差少少，但係香港以呢個價錢食到呢個味道已經好滿足

阿元來了的焢肉飯, 和我在彰化吃過的焢肉飯感覺很不同, 首先是焢肉的Size, 在阿元吃的是鹵水腩肉的感覺, 沒有如彰化般大塊肉的霸氣, 而且彰化的是用上豬腳, 肉質更嫩而且豬皮更彈牙, 阿元就是差一點點. 沒有大塊肉的霸氣, 阿元很佛心地補上她著名的魯肉, 吃完焢肉還有魯肉拌飯, 感覺還不錯. 酸薑除了可以中和油膩感, 其酸甜和鹵水汁味道也蠻夾的, 比起用上醃蘿蔔在口感和味道上更好呢!

準備去台灣之前，成班人一齊去食下台灣野打個底先呢間台灣野好正宗，連侍應都係台灣人要同佢地講普通話，加埋個裝修真係以為自己去左台灣阿元魯肉飯（$40）好好味嘅魯肉飯，同台灣比絕對唔會比下去，但飯量略嫌有啲少必食蚵仔大腸麵線（$40）呢個又係必食大腸數量多，成碗感覺同阿宗麵線好似，正！肉鬆起司蛋餅（$30）夜市嘅味道煎得岩岩好，咬一啖沙律醬爆哂出黎，好食竹炭鮮奶珍珠（$30）呢杯相比之下就有啲失色，個人覺得竹炭個味唔係好Match奶，所以都無飲哂

星期六的下午，為了避雨，於是獨自進入了這間餐廳食個下午茶。首先來了杯鳳梨綠茶，小小菠蘿味，但是偏甜，唔記得問餐廳職員是否可以選擇少甜或微甜；之後端了盤無骨鳳爪，感覺係雪櫃拎出嚟的，啲醬汁凝固在一起，但係味道很不錯，咬落去很爽，有少少辣，而且無骨很方便進食，如果配埋啤酒就一流；最後上來他們推薦的阿元魯肉飯，呢個果然是他們的招牌之一，雖然望落去有肥肉，但係感覺入口即溶；而且醬汁不會太鹹，用來送飯剛剛好。我覺得飯的份量是足夠一個女仔食的。員工態度有善，但係冷氣不是很涼，座位有少少擠迫。但是總體而言，CP值係高的。

已經唔記得第幾次叫阿元來了外賣，次次都係叫肉焿面+蚵仔煎😋；今日胃口幾好，叫左肉焿米粉+魯肉飯+蚵仔煎，起初一打開飯蓋,有少少驚，因為賣相唔靚，以為今日阿元失水準？！但係食落有驚喜，特別係魯肉飯，魯肉肥瘦適中，魯肉汁撈飯超正難怪咁多人會首推阿元既魯肉飯，果然名不虛傳，如果再大碗d就更好了另外肉焿米粉好夠味，米粉夠多，如果肉焿可以再多d就更好最後蚵仔煎永遠都係咁惹味，夠哂開胃，成為我對阿元其中一個必點既菜式

暑假沒有安排出外旅遊，在香港也可以吃台灣的味道。點了阿元魯肉飯、沙茶魷魚焿米粉、無骨鳳爪、台灣香腸、鹽酥雞、茉莉綠茶、香芋珍珠奶茶。香芋珍珠奶茶奶味很濃，蠻好喝。台灣香腸不會輸的感覺。鹽酥雞很香脆不油。

之前原本開係西營盤地段果陣，一直都食唔到，太多人次次都摸門釘，今次襯住下午茶時段，就黎碰下運氣，好彩唔洗等位，一入到去好難得地有張係吉枱，開心😍🤗呢度明顯係比之前舊店大間好多，而且入到去成個感覺都充斥住台灣既感覺，店員都係講好地道既台灣口音普通話😆可惜既係我同朋友今次係為左佢地既「肉鬆起司蛋餅」而黎的，但原來menu已經轉左了😣不過都無破壞我地既興致，分別點了：✨「沙茶魷魚焿米粉」$50✨朋友好鐘意食台灣既花枝羹既關係，見到呢個魷魚焿就話要食 ，魷魚係一整條的，湯底飲落係有少少酸甜既感覺，配米粉，味道一流🤤⚡️「鹽酥雞」$37✨炸粉夠薄，食落唔會好油膩，粒粒都大大粒，好滿足😍✨「台南擔仔粿條」$36✨湯底有好濃既蒜香味，粿條感覺似係香港既河粉，但就比較闊身啲，口感好滑流👍🏻✨「珍珠奶茶」$24✨因為唔鐘意飲甜野既關係，叫了走甜，飲落有好濃既茶香味，同埋珍珠有少許甜味，整體飲落都唔會好苦🤗✨「紫薯芋泥」$30✨飲品分左三層，影完相之後，要搞混先好飲，啖啖都充斥住香濃既紫薯香味，好飲👍🏻紫薯控必點既飲品之一🤩

剛剛同同事特登揸車去買外賣，試咗阿元滷肉飯，啲飯好硬，好似未熟咁，汁少，冇特別，但至少試過，算了吧。。。以前他們在第三街的時候咪一直未有機會去試。今天最終有機會去試，但期望越大，失望越高。滷肉飯最緊要除咗個滷肉汁之外最緊要就係個飯，飯又硬又冇味，汁又俾得少，食有汁果D飯亦唔夠味。唉，浪費咗我呢個午餐嘅quota............倒不如留返啲胃口飛一轉臺北食個夠........................

晚上與同行友人們路過：看見了阿元來了 四隻大字 便進了去，點了以下：魯肉飯：肉燥的肉太鞋而且不夠香，實在說不上好吃，旺角某兩間的肉燥比他更出色，但飯粒落水剛好，飯口感還好九份芋圓：冰太少，糖水偏甜，芋圓太淋且塌，沒咬口 作為推薦實在差勁祼粉：湯底有少少濁，味道一般，像味精水，配料一般，很普通，不香口也不是好吃又不新鮮，不推薦刈包：包好軟 有彈力，入面腩肉肥瘦均勻，夠入味，若能厚多一點會更好起司蛋餅：芝士味夠，但蛋餅本身偏淋及黏，沒有蛋餅本身的油香味，愛芝士人士可試。飲品：本身可選甜度冰度是很好欣賞的地方之一1-8要加+$10 其他正價每杯望落都係細杯，未知容量有無變芒果綠茶（+$10）：好喝，3分度甜剛剛好，不會太甜不會太多芒果香精味仙草凍奶茶（+$24）：仙草量不算少，但實在太細杯，根本唔夠飲環境有特色，對台灣菜口痕可用來充充飢，但別忘了這跟台灣的正版店阿元來了是沒有直屬關係的，而且別人店家都對有關事有出澄清與這店微妙的關係，來不來吃？自己決定。

西環的阿元來了以前在西營盤站搬到堅尼地城站人流依然不減大約晚上七時多門外已經要排隊所以第一時間要在門外的機取票先 店內的位置非常迫出奇地，兩人跟四人的枱是一樣大，很難放東西服務員應該都是台灣人，因為都說普通話 阿元魯肉飯 － $40 爆蛋雞肉飯 － $40比阿元魯肉飯更好吃這個雞絲非常之多，而且採用瘦雞肉比較健康 監酥雞 － $37 香脆大雞排 － $40 飲品可自選甜度及冰塊不甜/去冰 － 0微甜/微冰 － 3半甜 － 5少甜/少冰 － 8正常 － 10 胚芽珍珠奶茶 － $29 紫薯芋泥(只屬於你) － $30很重奶味，紫薯及芋泥要有心理準備，比較滯肚 其實還叫了刈包$32、爆濃起司蛋餅$30及肉鬆起司蛋餅$30因極速吃了，沒有拍到照刈包比較普通，包子很大很厚，但肉很肥及少，就像一塊扣肉爆濃起司蛋餅就是很多芝士做到流心、拉絲效果肉鬆起司蛋餅比較喜歡，適當的芝士，肉鬆煎得有少少脆脆

終於有機會係堅尼地城附近，當然要去試下阿元來了。雖然係lunch時間，但都係等左5分鐘位。食物方面有菜果款魯肉飯對女仔黎講有啲多，唔係好食得曬。但肉既肥瘦好平均，唔會好肥都唔會好瘦。另外嗌左個魷魚鬚，好好食。炸粉唔會好多，好香👍🏼👍🏼推介

堅尼地城不嬲都冇咩嘢食，都係得鬼佬嘅酒吧同埋好大量嘅連鎖餐廳，當我知道西營盤嘅阿元來了搬咗過嚟堅尼地城，我就即刻同啲friend一齊嚟啦。我哋一行二人係閑日嘅差唔多9:00到到阿元來了，但係都等位等左三個字，入面係座無虛席架。好彩佢門口有啲櫈比客人坐，亦都擺咗點餐只等客人寫咗食啲咩先， 十分細心。入到去見到鋪頭嘅裝修好別緻，充滿台灣嘅味道，有台式嘅招牌，而廚房嗰度都好似台灣嘅夜市佈置，店員都會用普通話同你講嘢，令到食客覺得自己好似係台灣咁。我哋叫咗一個擔仔麵，滷肉飯，玉米起司蛋餅同埋一杯阿薩姆紅茶。擔仔麵：佢個湯底有麻油味同埋好重蒜蓉味，有蝦同埋肉燥鋪面，同喺台灣食嘅擔仔麵都好似，好惹味。滷肉飯：滷肉非常之淋，甚至入口即溶，配埋佢個醬汁撈飯，非常之好食。玉米起司蛋餅：蛋餅個皮好薄，入面包住粟米同埋芝士，面頭鋪一啲甜甜地嘅汁，另外亦都有辣醬可以點，好食又飽肚。阿薩姆紅茶：我揀咗微甜，真係好少甜味，茶味頗濃。總結，餐廳嘅食物充滿台灣風味，相信係台灣人原汁原味將台灣嘅食物帶嚟，價錢都合理。不過，餐廳晚市嘅份量偏小，我見唔同嘅顧客都會叫好多小食，所以如果食下想食飽啲，要叫多幾個dish。另外，