阿佳拌麵

营业中

休息中

一個人周圍行下 。 搵下新食物。我知道阿佳拌麵其實開左一段時間。經常行過。但一次都沒試。因為這個商場有很多食物。不會排拌麵第一食。今次點左魷魚麻辣拌麵。佢味道其實都幾好食。35蚊價錢 一分錢一分貨。岩晒為食一族。 量不大。味道好。

葵廣三樓開左一段時間既台式小店，主打雖然係拌麵，不過另外都有唔少小食，見生煎包咁的骰可愛就試番粒啦😝▼台南生煎包（$10）生煎包細細粒，一盒三粒，非常新鮮新辣，外皮煎得幾脆可惜皮有點兒厚，餡料夠香但唔算多，整體黎講只屬OK，未能夠人十分回味！

魷魚係我最愛嘅海鮮，幾乎任何類型同任何煮法嘅魷魚我都唔會放過，因為佢獨特嘅質感同味道實在令我難以自拔～呢款古早現燙魷魚，淨係個賣相已經好吸引，沙茶醬薄薄一層咁掛嚮魷魚表面，鹹中帶甜，味道好濃郁，食落特別鮮美。除此之外，魷魚嘅質感亦都好爽滑，尤其係魷魚鬚，好正！雖然唔知嚮台灣嘅夜市，係咪真係有呢款沙茶醬魷魚，亦都唔係好清楚正宗嘅台灣風味，係應該有咩元素嚮入面，但無可否認既係，呢碗魷魚的確係整得好好，好想再買多碗食！

位於人流極多的葵涌廣場3樓的阿佳拌麵， 從來都是我最喜愛的外賣選擇之一。這個小店有很多不同的拌麵選擇，我最喜愛的就是燙魷魚拌麵，配以麻辣味道，價錢也只是30多元，吃起來十分惹味， 值得一試。

買完飛就等拎食物啦，咁係開放式廚房出面就可以目及到哂入面既制作過程，等候期間一直留意緊自己的食物，點知戴帽阿姐撈完麵，夾豆腐個陣係要一次過夾哂，咁就唔小心掉咗件落桌角邊，以為佢會掉咗佢，至少都洗下掛?         點知佢掛住傾計可能無為意到我照夾返起比返我食，本來想換番但諗諗下全部食物都係出自啲無乜衛生意識既阿姐手有乜分別，換完下一手咪又食，食欲即時下降下次唔幫襯就算                                                                                                                                                                                                                                                                                                 

今日天氣有點悶熱,冇咩胃口,就去葵涌廣場睇下有咩食,掃下街先去到最多食肆,琳瑯滿目既3/F, 睇云咁多間都冇咩心水。最後見到有間台式風味既小店,叫阿佳拌麵,突然好掛住台灣,就去懷勉下先。小店名符其名主打拌麵,仲有一些地道推介小食。今次選左現燙魷魚拌麵。仲有唔同醬汁任你選,口淡淡就試下刺激d既麻辣口味,再追加千頁豆腐。整盒份量唔算好大,但超多餸呀,個人覺得岩岩好。麵質適中,口感都唔錯。他既麻辣醬汁好惹味,食到愈食愈想食。魷魚份量超多,肉質彈牙,正另外,千頁豆腐口感勁似魚旦,超得意好好味,大家一定要追加。最鐘意係他會有黃瓜,酸酸甜甜同個麵係絕配,食飽飽又唔太膩。外賣拿走承惠$35個大洋,抵食又好味

話說今日相約好姊妹晚上去葵芳掃小食加Shopping一如以往先上左葵廣3樓掃左小食先尼間《阿佳拌麵》想食好耐因爲太耐無去台灣好想食地道台灣小食除左拌麵仲有其他小食拌麵有4種口味，原味、沙茶、麻辣同芝麻。我揀左個《招牌肉燥原味拌麵》$30配料流心蛋、肉燥、蘿蔔絲同豆腐乾拌麵夠爽配合啖啖肉燥同醃好左既蘿蔔絲真係好正同味道好夾魯過既流心蛋有驚喜超滑蛋醬出晒來最有驚喜係豆腐乾超級彈口咬落口感好特別雖然就無乜味但未食過咁彈牙既豆腐乾值得再來食

我覺得呢間台式拌面係葵廣幾有台味既一間店鋪，亦都唔係到到都見到呢種拌面，雖然佢無坐既位係唔係太方面，但佢價錢合理，我最鐘意食佢既豬肉丸，好彈牙，佢溏心蛋都好有誠意，係日本拉面鋪都要加十幾蚊啦，所以真係好抵啊！

葵廣掃街第二擊 爆汁雞捲 見佢講到好正咁 但食落又有點失望。雞係好食 入味 不過略厭乾身鞋口左小小 同想像中爆汁有小小距離。 不過佢既胡椒粉真係有台灣風 ，灑上雞捲面為雞捲加左唔小分。

上到葵芳廣場3樓，好多野小食店都試過，今次係時候食下阿佳拌麵⭐️咁唔洗講，叫份肉燥拌麵($30)就機本，另外再叫左份迷你生煎包($15)。排隊買完好快有得食，拎上手時都仲係熱架! 👍🏼拌麵既配料有肉燥、流心蛋、豆腐、仲有啲好似係小黃瓜絲，味道方面叫左沙茶味。麵質唔錯，唔會太乾或者淋，但肉燥食落相對上有小小偏乾，望落唔乾但食落乾同肉質可能太老，豆腐都幾彈，但口感都一般，係隻流心蛋挽回些少分數。沙茶味道令到個麵都幾重口味，睇下個人喜好。另外係個生煎包，都幾認真麻麻😣，個皮真心乾，入面嘅餡都無乜特別，加上真係好細粒，不推薦。

行親葵廣都好想試呢個 終於試左！麻辣招牌拌麵 嘩嘩嘩 隻溏心蛋一百分😍😍😍超級好食！拌麵都唔錯 但如果有辣但唔係麻辣就好啦！！！因為我唔鍾意食麻🖐🏿$30反而生煎包仔就麻麻 好乾！

特登慕名去到葵廣嘅阿佳拌麵，果然名不虛傳！今次揀左招牌肉燥拌麵，有肉燥、溏心蛋同豆腐！豆腐口感好特別，有啲似魚蛋嘅質感，唔錯 醬汁係原味，即係醬油味，同麵條好夾，仲熱辣辣好好味！

早前在看網絡短片中介紹這間食店令小弟有點興趣想試下，所以擇日來到一試，今次外賣拿回家，所以已經有點涼，影響味道和口感。四種魚蛋的感覺，左上的百頁豆腐比較好食，其餘一般，拌麵比較淡味，不過份量夠。一樣有百頁豆腐，肉燥加上拌麵令味道變得夠味，而流心蛋更是一絕，所以肉燥拌麵是十分推介。兩款拌麵都是30元，價錢唔貴，因為即叫即造，所以等候須時，份量足，推介首選肉燥拌麵，不論味道，配餸都是比較好。今次一試拌麵有新鮮感，但麵的味道比較淡，一試無妨。

佢個唐心蛋真係一流!!為左佢隻蛋專登買個面食 (單買唐心蛋唔抵...), 佢D豆腐都唔錯, 但隻蛋真係再3回味 XD不過佢個面偏油同重味, 初時頭幾啖還好, 食到後尾會重味到唔想食自己本身係大食怪, 都仲有一半面剩...個面普通啦~~係隻蛋真心正~ 

今個月忙裏偷唔到閒，實在太忙～只可以做到邊食到邊，不過忙極都想試新野食😋去葵芳廣場經常都會發現新的小食店，而且又平又大份，今次黎個快速午餐，台式伴麵！在這裏就算看到很多人排隊，其實都好快有得食，試了一個肉操伴麵，排隊時見到有幾隻字好吸引"台灣直送爆汁雞卷"，忍唔住叫埋，食住雞卷等了5分鐘，睇住店內姐姐即撈伴麵。雞卷爆汁是真的，但有點油膩，$15有點貴～肉操拌麵有四款汁可以簡，我見排隊前面全部人都叫沙茶醬，第一次食嘅小編照跟～包裝像台式便當，內裏還有豆腐，糖心蛋煮得很好，便當豐富！沙茶醬份量撈得啱啱好，味道不錯，如果加點辣就更好！不過＄30都算好食同大份～可以再食！忙裡不一定吃一式一樣的快餐店，找一點台灣味道也不錯～