阿佳拌麵

营业中

休息中

❣️阿佳拌麵 (葵芳)葵芳葵富路7-11號葵涌廣場3樓303F號舖☎️貴妃雞卷拌麵$42貴妃雞外皮脆，雞肉肉質紮實，咬落啖啖肉🤤Q彈嘅百葉豆腐加埋沙茶味嘅拌麵，撈埋啲雞肉一齊食，就更加惹味🤤#荃灣 #荃灣美食 #荃灣美食篇 #雞卷 #台式食物

見到呢間都算多人食，咁岩又想大腸包小腸，所以買黎試吓！！！味道唔算差既，不過唔係個回事，唔夠花生粉，同埋好似唔太正宗，比較似粢飯包住一條台灣腸既感覺！同埋佢無榨菜，所以差啲啲

首先個大陸呀姐成個河馬咁款 態度極其惡劣 講野又串 幫襯你仲要受你氣？然後d麵線又細份 d拌面又勁油唔會再幫襯！！個老細咁都唔炒個呀姐 祝你早日執笠呀！！！服務真係俾一星都嫌多！大家唔好再俾呢d垃圾舖頭賺！！

以前中學好鐘意去葵涌廣場掃街，出左黎做野之後真無咩機會再去掃街，每次去誓要食到夠本先走去到即刻research 下有咩好食先，見呢間阿佳拌麵幾hit，預左一個肚皮位俾佢，點知味道令人失望貴妃雞捲拌麵$42猶豫左好耐叫滷肉定雞捲拌麵，兩個都好似好吸引，最後叫左雞捲拌麵問左待應姐姐配咩醬好，佢地推介配麻醬首先，雞捲勉強合格，雞肉唔會話好鞋，烤完個皮少少燶但唔脆但個麵真系強差人意，外賣隔左一陣食已經癡埋一舊分唔開，麻醬無味得個底有，食左一半已經放棄真心唔推介大家預留肚皮食呢個拌麵

今日去開葵廣，第一次喺呢間叫外賣，俾錢後在舖頭門口等，突然態度惡劣問我企喺度做乜，我答佢等緊外賣。俾錢之後又冇俾單我，外賣出嚟後又好惡咁叫我俾單先可以拎走，職員自己疏忽仲要態度超級惡劣。間鋪冇乜其他客，絕對唔係因為太忙而服務差

出錯餐仲聲大夾惡，話請我食喎。我叫柯仔米線，比左個大腸米線，再者就同價既，咁既年紀，再比咁既回應，只能話值得投訴系我前面個人就叫左大腸包小腸，唔知呀姐係米淨係記得人地條腸，做錯事理直氣壯唔認數，好員工。你繼續留返

📍阿佳拌麵去得葵廣掃街基本上好多都係肥仔野🤣😈煎炸重口味甜野緊有一款會中🀄️今次就同大家分享一間相對無咁邪惡又好好食既拌麵🍜🐥鹽水雞拌麵 （$42）鹽水雞份量都好多‼️食得出一絲絲手絲雞肉味再加上有滷水豆乾、醃蘿蔔等配料比你撈埋一齊食口感好豐富😚拌麵煙靭有咬口加上用醬油撈甜甜地好好食✅🐥貴妃烤雞卷 （$26）烤雞卷熱辣辣係烤爐上烘熟每一卷雞卷都好大枝好多肉食之前仲可以自己添加味粉個碟見到個個都係加海苔粉🤣雞肉皮脆肉嫩咬開好多肉汁好食😋😋😋

每次來到葵涌廣場，都要叫呢款雞卷$26，不但真材實料，每次食都是熱辣辣，又落去外皮烤得好脆，入面的雞汁亦會滲透出來，雞汁連埋油分食物真係非常好味，真是食過返尋味👍🏻👍🏻

一直好鍾愛意食既貴妃雞卷，雞皮包住充滿肉汁既雞脾肉，每次黎葵廣都必食。 隔左一段時間無黎，再幫襯，點知一咬⋯雞卷變左雞皮包住雞肉腸咁，完全唔係果樣野，亦不再爆汁了！好失望😢😢

阿佳伴麵花枝丸麵線💰40味道正宗，超大碗，花枝丸好彈牙，都幾多花枝丸。麵線好滑唔會章住，食完好暖胃，食住阿佳伴麵諗起台灣小食。10分滿分價錢：8/10味道：7.5/10

星期六特意去咗葵涌廣場掃街，第一站去咗阿佳拌麵。💜台式豬肉腸拌麵$40 （⭐️⭐️⭐️⭐️/5）哪左台式豬肉腸拌麵，豬肉腸係正宗台灣口味，微微的香氣，令人忍唔住一口接一口。啲麵條又彈又勁，醬汁食落去味道淡左少少，但加返古早燙魷魚嘅沙茶醬就豐富。榨菜仲加咗啲層次同色彩。總括嚟講，呢碗台底豬肉腸拌麵真係獨特又層次分明，絕對係台灣美食嘅經典之選！💜古早燙魷魚（沙茶味）$35（⭐️⭐️⭐️⭐️⭐️/5）真係啱晒我心水啦！啲魷魚好爽口，味道正唔會太辣，沙茶味嘅香氣就係典型嘅風味。食落去就係一種熟悉嘅感覺，就好似係香港嘅大街小巷食嘢嘅味道一樣。酥皮脆嘅魷魚，再配上香香嘅沙茶醬，真係啲味覺嘅盛宴啊，無論係掃街定夜宵都絕對係首選，滿足口腹之慾！

踏入這家店，台式霓虹燈牌閃閃發亮，一種港式街市嘅繁忙感湧上心頭。🏮🍗 搶眼嘅《爆汁貴妃雞卷》呀，真係撩撥到我嘅味蕾！雞腿肉嫩滑，醃製得入味，而外層雞皮烤得脆口，一咬落去，肉汁流出嚟，香味同口感簡直咁好得嚟頂咁上，真係好「食得」！夜市魚蛋揀咗海苔口味，每粒都彈牙得嚟又有海苔香味噏出嚟。搖滾四品拌麵又啱晒啲鍾意麻辣挑戰嘅朋友，熱烘烘嘅麵條配上香辣醬汁，真正「惹味」到不得了。想添啲軟滑再嚟個台滷日本流心蛋，滑溜嘅蛋黃化開喺麻辣拌麵之中，令人回味無窮。千萬唔好錯過夜市生煎包，好小心噬，呢個「燙口」又爆汁嘅小食，一啖下去，外皮酥脆，內裏湯汁滋味豐富。最後，烏來烤豬肉腸串同古早現燙魷魚，口感均勻爽脆，香氣十足，絕對係小食界嘅精品。遊走於小店嘅每一款美食，彷彿帶我瞬間走進台灣嘅夜市中，呢次体驗真係無「呃like」！👍😋🔥

見證葵廣變遷而家d小食貴左好多有d真係買唔落手雞捲係我其中一樣覺得仲抵買既小食一支雞捲 25蚊每次叫完都即烤所以溫度係超級之熱啊姐會將佢烤到外皮脆卜卜如果唔想有焦皮，可以同佢講聲唔洗烤咁耐拎完支雞捲可以係旁邊自行調味個人中意加大量紫菜😉再入落袋仔拎走~至於雞捲味道好入味有d似雞扎入面既嫩雞肉但爆汁效果勁左幾倍而且外皮既口感似BBQ香腸，小心咬落去比滾燙既爆汁燙傷😳

來到葵涌廣場當然要試下掃街啦，因為第一次掃街，當日人流比較多，所以都係隨機抽幾間咁食，遲下再去葵涌廣場會試其他未食過舖頭~~~估唔到會有正宗台灣人開的台灣食店，吸引度高，見好多人都排爆汁貴妃雞肉卷，寫住夜市人氣NO.1，當然要試一試，食完味道普通，避免爆汁情況出現，建議慢慢小口一咬。另外還點一盒滷汁便當，就是台灣傳統便當，如果是想念台灣美食可以點一份來吃，有台灣正宗味道，可以解相思之情~~~

🍜貴妃雞卷拌麵 $40其實已經聽過呢間拌麵好耐 姨姨好熱情咁介紹雞卷係佢哋嘅招牌咁就嗌咗呢款可以試埋佢哋嘅拌麵雞卷似係選用咗雞腿肉 結構係薄薄嘅雞皮包著雞腿肉雞皮半煎炸到好香脆 而且因為好薄身無咩脂肪所以唔會太油膩連我平時最唔鍾意雞皮嘅人都食到😗入面嘅雞腿肉出奇地超級滑嫩 因為已經去咗骨所以係名副其實嘅啖啖肉麵條偏粗身 口感偏稔但未到軟爛 都仲有少少咬口因為朋友想試試基礎版所以嗌咗原味 食落似撈咗滷水汁個人就覺得清淡咗啲 有啲似茶餐廳炒意粉嘅口感同味道😅會想試試麻辣或者沙茶配料都會有幾塊豆乾同埋一座細細嘅黃蘿蔔山每條都相對有厚度所以有爽脆嘅口感 味道酸酸甜甜幾解膩豆乾雖然深啡色索哂滷水汁嘅精華但唔會太鹹 都幾香