阿久根和牛拉麵屋

营业中

休息中

好耐冇過嚟幫襯呢間拉麵啦，仲記得啲湯底好濃郁，啲和牛又勁好食。而且免收+1服務費。🍜 慢煮A4和牛叉燒（拉麵）湯底：濃厚味噌蝦湯（偏咸）🥟日式鳳尾蝦餃(+HK$10.00)🥢荀（+HK$15.00）✨鍾意食濃味嘅一定要揀呢個湯底，比起雞白湯呢個湯底再鹹少少，重點係薄切的和牛😚，充滿油脂嘅香味，口感鮮嫩。另外加咗筍，同個拉麵超夾，啲筍好夠鹹香之餘仲好爽脆。🍜燒牛肩胛（拉麵）慢灸燒豚肉（+HK$15.00）✨濃厚雞白湯湯底依然係好濃郁，好夠味，配上即點即燒嘅牛肩胛、大量蔥絲、好夠入味嘅糖心蛋同一片紫菜，真係好滿足啊！另外佢麵嘅份量其實都好多，而且入口煙韌有口感。豚肉就厚切大大塊🤩，煎到好香口。

旺角間阿久根拉麵係好出名既小店，食過都一定會返轉頭再幫襯😍小店環境舒適！有多款拉麵同沾麵選擇！拉麵同沾麵我偏好揀沾麵😋朋友揀左招牌三色沾麵！夾一啖拉麵沾一沾濃厚味噌蝦湯，好仲意咁濃郁又香既味道🥰拉麵既口感好彈牙！虎蝦好大隻好爽口呢！溏心蛋好靚！我同朋友都加左隻日式鳳尾蝦餃，好飽滿好好味！會有教食沾麵既步驟，最後加個清湯飲埋個蝦湯好好飲！份量好大，食到滿足又好飽！Food list🍽️香煎虎蝦沾麵 $128(+日式鳳尾蝦餃 +$10)招牌三色沾麵(豚肉、雞肉及A4和牛) $148(+日式鳳尾蝦餃 +$10)

絕對值得一試，食過一次肯定會再想返嚟！👍🏻 =====================Food list📌自味自慢灸燒豚肉拉麵🍜呢碗拉麵真係超正！豚肉燒得金黃香脆🍖，每一口都令人陶醉😋 肉質非常嫩滑，搭配上特製的醬汁，味道真係一絕🥰 當你咬下去，肉汁立刻流出，令你口水直流💦 麵條方面，真係彈牙又有嚼勁🍜，每一根麵條都吸收到湯底的精華！湯底濃郁，味道層次豐富，喝一口就令人感到暖心❤️ 呢碗拉麵無論係味道定係質素都非常出色，食完真係令人心滿意足👌🏻慢煮A4和牛沾麵🍲呢碗沾麵就更加令人期待！A4和牛真係一流🥩，慢煮到極致，肉質超級嫩滑，就算係用筷子一撥就散開😱 而且肉味濃郁，越吃越想再來一份！沾醬方面，香味四溢，帶有少少鹹香，完美襯托出牛肉的鮮味⭐ 每一口都令人感到滿足，簡直係味蕾的享受🎉 麵條同樣唔算差，彈牙有勁，沾上醬汁後更加美味🍜

平時放工都會常到呢間拉麵🍜店之前雜誌都介紹過好吸引，滿有日本街頭風味的 「阿久根和牛拉麵屋 」！主打供應拉麵與沾麵，有濃蝦湯、黑蒜湯、海老湯、雞白湯與豚骨湯呢！🥰A4和牛黑蒜湯拉麵🍜每一啖都有濃郁黑蒜味，使人回味，慢煮A4和牛有兩大塊，和牛粉嫩帶紅，入口軟腍入味！溏心蛋配合天衣無縫！另外品嚐了不少小食： 日式餃子🥟、燒大虎蝦還有波子汽水🥤 好滿足！📍阿久根和牛拉麵屋 地址: 旺角廣華街廣輝大廈地下1號鋪

早前很想吃拉麵，朋友推薦，便去了這間位於旺角的人氣拉麵店。我們點了以下食物：鳳尾蝦餃配炙燒豚肉拉麵，略嫌豚肉炙得有點over咗，燒燶到變咗黑色，而鳳尾蝦餃味道偏淡。香煎虎蝦拉麵，當日虎蝦不是很新鮮，但味道維持水準。日式餃子，味道尚可。希望下次光臨，食材可以有所提升啦!

今次就去咗旺角嘅一間日式拉麵店 - 阿久根和牛拉麵屋 一去到既時候，已經見到門口大排長龍雖然天氣都好凍 但係大家都好耐心等待我相信呢一間應該係幾好食～搞到我都好期待💕好彩果然冇令我失望！！招牌三色濃蝦湯沾麵🐮🐷🐥🌥️推介指數：8.5/10三色即係A4和牛，灸燒豚肉同慢煮雞肉。和牛切咗薄片⋯入口即溶，肥而不膩。豚肉炙燒之後唔會好乾身，肉汁豐富慢煮雞肉既肉質好鮮嫩重點係唔使做選擇 一次過滿足晒三個願望🤤拉麵沾上濃濃嘅湯汁 ⋯ 拉麵質感好彈牙💕香煎虎蝦🦐濃蝦湯拉麵🌥️推介指數：8.5/10估唔到隻虎蝦咁大隻😻超有口感～ 而且好新鮮！ 特別鍾意食蝦頭既膏 ～ 超鮮甜🤍配埋超濃味嘅蝦湯真係好正 👍🏻

話說早幾日同阿妹去左旺角一間好有人氣既拉麵店度食麵🍜我地食左：⬇️⬇️✨招牌三色拉麵 ✨$138招牌三色分別系炙燒豚肉、雞肉及A4和牛；湯底有濃厚雞白湯、濃厚味噌蝦湯同黑蒜濃湯…等等可以揀，阿妹最後揀咗濃厚雞白湯🐔▫️灸燒豚肉選用日本豚肉五花腩🐷；經過24小時既烹製入味後，再灸燒佢增強焦香❣️半肥瘦既肉質加上鬆軟既質感，肉香焦香分別都好搶眼，我地都覺得佢好鬼正😋▫️雞肉以慢煮形式煮出嚟嘅雞肉，肉質滑嫩唔柴口👍🏻▫️雞白湯用左日本薩摩雞熬製20小時而成，濃郁樸鼻，鮮香味美‼️✨慢煮A4和牛叉燒拉麵 ✨$158呢度既慢煮和牛叉燒系用左阿久根A4和牛西冷經慢煮、煎香之後再用自家製醬汁浸超級18小時先粉嫩登場，食落牛味勁重，又軟又嫩咁接近入口即溶，高汁到不得了👍🏻👍🏻👍🏻湯頭方面，小妹揀左名乎其實咁濃厚既濃厚味噌蝦湯，入口滿滿都係蝦既鮮甜味，正到我一滴都冇得剩🤣🍜阿久根和牛拉麵屋 📍旺角廣華街13號廣輝大廈地下1號舖#旺角美食 #旺角餐廳 #旺角拉麵 #阿久根和牛拉麵屋 #香港拉麵 #拉麵關注組 #雞白湯 #海老湯 #濃蝦湯 #和牛拉麵 “

今次我地黎左旺角呢邊食拉麵，之前係廣華街呢邊同朋友食甜品，見到呢度間拉麵店都幾多人食，要排隊，所以我地都早少少黎食🍜餐廳入面只有bar枱，所以坐位係偏窄，比較適合1-2人黎食，坐位都有齊水，同紙巾比客人用😗慢煮A4和牛叉燒沾麵（$168）呢間拉麵店最出名就係和牛拉麵，我就揀左和牛沾麵，佢地既慢煮和牛係整到半生熟左右，牛肉係鮮紅色，脂肪幾靚，肉質嫩口，真係幾特別，沾麵係用上粗麵，而湯底我就揀左黑蒜濃湯，黑蒜味好出，食完麵仲可以叫店員加湯飲埋個湯😋味自慢灸燒豚肉拉麵（$85）呢碗拉麵既豚肉燒得好靚，大大塊，帶有小小肥，湯底我地揀左濃厚雞白湯，味道有d似忌廉湯，但係冇咁杰，拉麵既麵就係用幼麵😌雞軟骨餃子（$48）一共有4隻餃子，係日式餃子風味，裡面加入雞軟骨令到口感脆口更加好味🥟呢間拉麵食物都幾有水準，值得一提係佢地既半熟蛋好好味，用靚蛋同埋個熟成度做得好，唯一係店舖唔大，有機會要排隊食，所以想食既話，最好早d黎食，我地食6:30左右食，7:15左右離開既時候已經開始排緊長龍🫢

話說我老公👦🏻好鍾意食拉麵🍜之前睇雜誌有介紹過《#阿久根和牛拉麵屋 》今日就特登嚟試吓呢度嘅特色拉麵🍜其實佢主打係供應拉麵與沾麵，有濃蝦湯、黑蒜湯、海老湯、雞白湯與豚骨湯湯底！開初我都諗緊拉麵同沾麵呢兩款有咩分別？跟住問吓老闆，佢話沾麵就會比較濃郁啲‼️不過我自己親身試過其實兩款湯底都好濃郁👍🏻鍾意食拉麵飲埋湯嘅應該會好鍾意✨A4和牛黑蒜湯（拉麵）$158超濃郁嘅黑蒜湯🤩每一啖湯都好鬼正✨ 慢煮A4和牛有兩大塊，入口軟腍濃郁✨和牛係呈粉嫩帶紅🤩牛味十足‼️招牌三色海老湯（沾麵）$148海老湯底非常濃郁，加入咗好多蝦仔！每一條都沾係啲麵條上面🤩不過佢啲肉肉都唔執輸，我鍾意食佢嘅雞肉好香口，仲有3塊鮮嫩粉紅嘅和牛薄片🐮叉燒肥瘦各半👍🏻好岩口味❤️溏心蛋都好正，蛋黃熟度完美🤩鍾意食拉麵嘅，真係唔好錯過❤️❤️

今日去左旺角同朋友食拉麵🍜，拉麵店風格好有日系風，款式都幾多揀👍🏻招牌三色沾麵（豚肉，雞肉及A4和牛）配黑蒜濃湯一上枱就勁吸引，賣相好豐富，3款肉基乎鋪滿成碗麵，A4和牛勁高質，牛香味濃，肉質軟腍，麵係粗麵，煙煙韌韌咁，好有咬口，湯頭勁香黑蒜，夠哂惹味日式鳳尾蝦餃配灸燒豚肉配濃厚雞白湯湯頭好清甜，雞香係淡淡咁散發出嚟，灸燒豚肉係勁高質，食到陣陣既灸燒香氣，肉質係肥瘦均勻，勁厚身好好食，鳳尾蝦餃內餡好飽滿日式餃子🥟外皮脆身，絕對基本水準以上罐裝啤酒（細)

早排係旺角食完返去煙廠街搵糖水食個陣，見到依間拉麵店勁多人排隊，見今日早收工同個frd 過嚟試吓先。我哋6點半左右到就唔使排隊，原來間鋪得十幾個座位㗎咋，但裝修得好有日本風情，牆身貼咗好多手繪既poster#慢煮雞胸拉麵 （$80）- 拉麵有幾款湯底可以揀，我就揀咗食雞白湯。湯底濃郁得嚟又唔油膩，好香雞味🤤慢煮雞胸有三塊，三塊慢煮都仲有灸燒過，雞胸好嫩慢仲有燒完既香味😍😍同埋拉麵俾既蔥份量都好多，成個小山丘咁😂#灸燒豚肉拉麵 （$85） - 朋友叫燒豚肉配黑蒜油，第一啖飲個底湯就已經俾啲黑蒜油衝擊味蕾😂 灸燒豚肉係半肥瘦既豚肉片，燒到有少少焦香味🤤🤤好好食另外，我哋仲叫咗兩款小食 #雞軟骨餃子 （$48/4pc) - 一咬落去就食到軟骨既爽脆感#流心芝士薯餅 （$38） - 薯餅勁邪惡 咬落去就會唧哂啲芝士出嚟，勁多芝士😈😈同埋想讚吓個電子點餐系統，可以即時見到自己同朋友叫緊既野，咁就唔會重覆叫咗👍🏻👍🏻我哋食完出返去就見到條長龍啦，果然早啲嚟食可以享受咗先，唔使排長龍。下次嚟食想試埋佢個海老湯底，好似都係人氣之選嚟

人氣慢煮安格斯牛小排沾麵 ($148)慢煮A4和牛叉燒沾麵 ($168)今次嚟到人氣拉麵鋪頭，一去到嘅時侯已經係門口排左十幾人，真係好誇張😱😱不過都同時將我嘅期待值拉高左🤣🤣等左一陣入到去就見到地方唔算好大，大槪有10個位左右，但幾好嘅係擺凳都唔會擺到好擠迫👍🏻我同朋友都分別叫左兩款沾麵配搭唔同嘅湯頭試下佢地嘅味道，包括左濃厚味噌蝦湯同埋黑蒜濃湯😋😋首先係想講下安格斯牛小排，數一數原來都有成6塊都真係唔少😂，食落口唔會係好肥嘅口感，幾重肉味🤩🤩而另外嘅A4和牛叉燒就係有兩大片，輕輕燒過嘅和牛油脂味好重😍有一種入口即融嘅感覺，真係好好味🥹而個濃厚味噌蝦湯就係味道比較重嘅，都有一種濃郁嘅海鮮味，而且湯嘅質感比較杰身，掛落沾麵上真係一流👍🏻而黑蒜濃湯就味道冇咁重，係比較著重係蒜香味道身上嘅😙評分：9/10旺角廣華街13號廣輝大廈地下1號舖

阿久根拉麵店自開業以來 捧場者不絕 我亦係佢嘅忠實擁躉 由佐敦舖頭 食到旺角廣華街-🐂燒牛肩胛醬油拉麵鎮店之寶 梗係慢煮和牛啦🤓 每次必叫呢款拉麵‼️ 小店用上牛嘅前肩部分 脂肪較多 肉質鮮嫩汁燒慢煮至七成熟 再灑上黑椒碎 無論配醬油湯底定係雞白湯 都各有風味😋-🐽炙燒豚肉黑蒜油拉麵炙燒豚肉係另一個人氣口味 將半肥瘦豚肉片燒香之後 焦香味吸引 麵條柔韌有口感 溏心蛋好味又撐肚呀😗-🥟沖繩苦瓜餃子一口/雞皮/苦瓜呢三款餃子之中 我最鍾意味道甘甘地嘅沖繩苦瓜餃子 蘸醬油/七味粉食就更滋味

繼上次試咗佢哋個招牌三色拉麵之後，一直心心念念，今次決定帶埋friend返嚟再試雞白湯。朋友係沾麵愛好者，所以佢就揀咗招牌三色嘅沾麵版本~~叉燒做到肥膏入口即溶之餘，瘦肉竟然唔係柴皮！😳 慢煮雞肉好嫩 仲有味醂甜味🤤 A4和牛更加唔使講，灸燒咗有焦香，牛味非常濃郁，半生熟入口更佳🤤🤤 沾麵湯頭更加濃味，飲得出用大量鮮蝦熬製，非常好飲，忍唔住一口接一口🤤櫻花蝦更係畫龍點睛！而我今次試嘅雞白湯都冇令我失望。味道濃郁，雞油味突出，絕對可以話係我食過數一數二好食嘅雞白湯拉麵，大推！另外仲可以試埋佢哋嘅招牌雞軟骨餃子👍

今日同老公去旺角搵食，見到呢間舖頭主打和牛拉麵🍜，仲要坐滿曬人，就排隊試下我地叫左1️⃣慢煮A4和牛叉燒拉麵💰158見到呢間舖頭出名和牛拉麵，即刻叫碗黎試下，湯底都有好多唔同選擇，雞白湯、海老湯、黑蒜濃湯等，老公叫左黑蒜濃湯，上台已經聞到好大陣蒜香味，香味十足，麵係幼身，煮得啱啱好，和牛好大片，切左薄身，油脂豐富，牛味香濃❤️❤️2️⃣慢煮安格斯牛小排龍蝦湯沾麵💰湯底非常濃郁，用石碗裝著可以保留熱力，成晚湯食到最後都好熱。沾麵麵質煙靭，彈性十足，加上大量櫻花蝦、嫩滑牛小排，好滿足👍消費價錢：2人💰306，人均💰153結論：（10分為滿分）味道：7/10性價比：7/10回頭指數：7/10餐廳名稱：阿久根和牛拉麵屋餐廳地址：旺角廣華街13號廣輝大廈地下1號舖#旺角美食 #旺角餐廳 #旺角拉麵 #阿久根和牛拉麵屋 #香港拉麵 #拉麵關注組 #雞白湯 #海老湯 #濃蝦湯 #和牛拉麵