阿久根和牛拉麵屋 (已結業)

試左佢燒牛肩胛肉濃蝦湯拉麵,先試啖蝦湯,湯既蝦味非常濃郁,牛肉嫩,有入口即溶既感覺.拉麵算係爽彈,服務員態度友善,整體黎講呢個價位同麵既質素對等的,下次食拉面又多一個選擇

去佐敦行街，行到肚餓，求其搵間餐廳入去食離遠見到呢間，鋪頭外表打造到好和風，日系嘅拉麵店令人好有衝動想入去！第一款拉麵揀咗招牌嘅a4和牛濃蝦湯，唔係龍蝦配嘅肉類有三款：包括 a4和牛，薩摩雞同埋隻燒豚肉，仲有半隻糖心蛋添店員好心提醒我哋，和牛顏色粉嫩係正常嘅，要浸一浸個湯先好食。除咗豚肉叉燒係熱嘅之外，牛同雞都係凍嘅雞肉雖然係慢煮，但係好鞋牛肉都太多肥膏，口感唔夠入口即溶 比起over咗嘅招牌拉麵，反而呢款清爽嘅雞白湯更加得我嘅歡心3塊帶焦糖味嘅炙燒豚肉，肥瘦均稱雞白湯唔會太濃，飲落都唔膩

拉麵店主打慢煮，除了肉之外還有湯底！招牌三色拉麵 $128 係鮮甜濃蝦湯底，非常濃郁。配料有口感淋滑的慢煮A4和牛，肥瘦適中，有點焦香的炙燒豚肉及帶黑椒味的薩摩雞肉。豚肉。另外仲有溏心蛋，木耳絲，蔥絲，筍片，紫菜，非常豐富！慢煮薩摩雞拉麵 $78 清爽湯底不會太重味，但口感跟濃蝦湯形成對比。沖繩青芥末餃子 $48 炸餃子不會太油膩，香脆之中滲出淡淡的芥末味，不會太嗆。店家有三款辣椒粉，原味蒜味洋蔥味，都幾辣下！

今日係實施咗兩日全時間外賣後，可以回復白天堂食的第一天，於是受邀請去這一間位於佐敦嘅和牛拉麵店試試麵。一踏進去，舖頭不大，就是像福岡、大阪的那些小戶經營的麵店略大一些，由於疫情嚴重，有些枱要分隔來保持一個法定距離，所以坐位在這種情況下，麵店暫時只能夠供應約六至八個座位，兼且隨枱有免洗手消毒液方便客人。今次到舖目的要即時試下一個限定品牌"慢煮安格斯牛排配濃蝦湯沾麵"。落ORDER後十五分鐘左右送到。食物上枱後，真品同宣傳品是完全一樣，濃蝦湯香味撲鼻，不減九州美食文化的細緻及講究，而喜愛吃濃湯的，這個濃蝦湯應該更貼近香港人的口味，你不會像在日本麵店試著那款濃湯，然後對著湯的描述產生懷疑及迷恾，總之，你會好爽皮咁將沾麵同牛排混上去吃，牛排選肉亦是上乘，青檸半粒灑在肉上，更是錦上添花。"慢煮安格斯牛排配濃蝦湯沾麵" 好適合今天沒有吃早餐的我，我食量也不少，但這個一客就飽足了。

清爽炙燒豚肉雞白湯加配和牛牛丸，炙燒豚肉肥瘦適中，油脂部份食落一口即化，肉質肥嫩多汁，口感軟腍，豚肉經炙燒後，食落更香口；拉麵軟硬適中、煙韌、有咬口；雞白湯採用日本薩摩雞製作味道濃郁、咸香；和牛牛丸口感彈牙，油脂味濃，味道獨特；木耳口感爽口；荀口感爽脆，味道咸酸；青蔥味道清爽；紫菜口感香脆；溏心蛋蛋味香濃，溏心效果突出。3款辣椒粉，包括有原味辣粉、蒜香辣粉、洋蔥辣粉，不同辣度自行選擇，各款辣椒粉味道都好香辣、惹味。

拉麵一直都係香港人好鍾意❤️呢間阿久根和牛拉麵屋🏠門口掛住咗好多小木牌🔖寫晒食客嘅祝福同願景㊗️.燒牛肩胛肉濃蝦湯拉麵🍜平時好少見唔到牛肩胛肉拉麵🤨所以想試下🤪食麵之前我通常會試一啖湯底🥄濃蝦湯蝦味非常濃郁😋原來係因為用上自家製蝦油、櫻花蝦及新鮮蝦熬製🦐牛肩胛肉肉質嫩🐂同時因為脂肪較多，所以充滿油香🤤灑上黑椒碎就更加好，溏心蛋流心唔錯🥚麵質有咬口得尼掛湯力好👍🏻.如果想再惹味啲😝餐廳有提供三款辣椒粉🤗原味辣粉🌶蒜香辣粉🧄洋蔥辣粉🧅都幾辣下㗎

香港人超愛食拉麵 耐不耐就有過江龍開店 呢間拉麵店嘅佐敦分舖 開張只有幾個月 門口掛上過百個小木牌 滿載食客祝福點評或願景 色彩繽紛 夠晒搶眼 有心思又特別-🐂🍜燒牛肩胛肉龍蝦湯拉麵 ($98）喺餐廳食牛肩肉 多數係日式或韓式燒烤 用佢配搭拉麵 比較少見 呢個牛嘅前肩部分 脂肪較多 肉質鮮嫩 師傅將牛肩肉燒到七成熟 灑上黑椒碎 配以香濃度十足嘅龍蝦湯 淨飲幾啖湯 十分滋味 計我話 呢個日式版本surf and turf 絕不遜色於西方版本-🐓🥣🍜慢煮薩摩雞沾麵 ($98)只要你鍾意硬身有口感嘅麵條 一定勁like呢度嘅沾麵 實在係無懈可擊 雞胸肉慢煮多個小時 肉質超乎想像地幼嫩可囗 豚骨濃汁用鐵碗盛上 熱度十足 將過咗冷河嘅麵條浸入熱湯再食 麵條嗰種遇熟漸腍但仍有若干硬度嘅咀嚼口感 越食越痛快-🐙酥炸墨魚鬚 ($48）墨魚鬚條條粗壯 外層炸得皮薄酥香 內裏肉質爽口有嚼勁 無敵嘅小食 配啤酒或汽水都得 百吃不厭-📍佐敦寧波街27-31號地舖 阿久根和牛拉麵屋

哩間拉麵店，揸車時經常經過，但就冇機會試，是日終於搵到位泊車，可以一嘗拉麵喇。 原本滿心歡喜地想試沾麵，點知店員告知，要夜晚先有沾麵，upset唔緊要，下次再黎試。搞左一輪，終於下到決定。Me 之選：宮崎煙肉拉麵由於我喜好蝦湯的，此湯底絕對符合我要求，味道都夠濃，唔會過鹹，不過對比拉麵來嘅蝦湯，拉麵來嘅蝦味會更突出。至於塊煙肉都好夠味，口感亦不錯，如果中意食厚厚肉嘅人，都可以選擇哩款拉麵。老公之選：燒牛肩胛肉。濃蝦湯拉麵湯底都係濃蝦湯，我老公都很喜歡。牛肉味道夠香口，但我就覺得可以唔好煮太熟。溏心蛋做到流心效果，very good心水小食：雞皮餃子新鮮熱辣制成，入口香脆，雖然係雞皮，但唔會覺得太油膩整體感覺：店舖環境舒服整潔，店員有禮，拉麵配搭有別一般傳統拉麵，味道亦係中上level，但我覺得沾麵更為吸引，所以下次會夜晚再去試試。另外，店員仲俾左個許願牌俾我，係for囡囡許願的，最後寫完願望，可掛係門外，都係一個不錯的 gimmick

無意中發現youduud呢個app有拉麵買一送一嘅優惠，於是決定同女朋友來食lunch。餐廳離佐敦地鐵站出口有一段距離，夏天行過去有點熱，下次都係搭巴士近啲。嗰日去到餐廳冇咩人好多空位，有做到防疫措施，枱之間有間隔。買一送一嘅拉麵就係炙燒豚肉濃蝦湯拉麵，一坐低我哋就同店員confirm呢個優惠係咪用得，然後就直接叫咗兩碗拉麵。拉麵來之前，店員有細心介紹佢哋嗰三款辣椒粉，原味辣粉，蒜香辣粉，洋蔥辣粉，三款辣椒粉都有一定嘅辣度，我個人覺得蒜香辣粉最惹味。拉麵到左，試一試個湯底，非常濃郁美口。拉麵麵身軟硬適中，有彈性。臀肉嘅表面係炙燒得好香，不過偏肥，好多肥膏，鍾意食嘅就會鍾意食，但我就麻麻哋的肥膏。如果係買一送一來講嘅話，整體還可以。

今天工作完畢，自己一個人到這間拉麵店進食，以往我便光顧過數次，一直想念它的味道，所以今天再到光。最欣賞餐廳防疫措施做得充足，入內會先提供探熱服務，而且枱面均有白板隔開食客，讓顧客可以安心地進食。這間拉麵店是遵從日本九州拉麵風味糅合香港本土口味來製作的，以招牌和牛叉燒、香濃蝦湯見稱的，希望以創作出一魂入麵的效果。招牌三式拉麵上桌時店員先專業及細心地說明有三種不同辣椒粉可供選擇用作調味，有原味辣粉、蒜香辣粉、洋蔥辣粉。湯底是阿久根皇牌蝦湯，以兩款鮮蝦及秘製蝦油泡製近9小時煮製而成，味道濃郁鮮美，黏度適中。拉麵掛湯力強，煙韌彈牙，入味可口。配料有慢煮A4和牛、灸燒豚肉、慢煮薩摩雞、溏心蛋，慢煮A4和牛是選用自日本的A4和牛西冷，其瘦肉及脂肪分布均勻，經過慢煮、封煎，以及18小時浸泡調味製作而成，入口肉質腍滑，油香豐富，軟嫩多汁。灸燒豚肉口感柔軟，肉汁香甜。慢煮薩摩雞是選用日本有名的農場雞種，入口雞味香濃，帶輕微的黑椒味。溏心蛋味道稠密緻滑，蛋香味濃。津路烏龍茶烏龍茶色澤清澈深色，入口冰涼順喉，帶有濃郁的茶香，飲用後有回甘在口腔中迴盪，既可解渴又解膩。整體而言，環境舒適衛生，富有日本風格，食材

湯底是一向濃郁嘅櫻花蝦湯底～ 但係碗沾沾汁上枱嘅時候仲係咕嚕咕嚕，呼吸嘅一樣。當然重點都係慢煮嘅牛小排。師傅係預先用小量黑椒醃過、但都唔會太辣和刺激。最好食係真係裡面鮮嫩 Tender pink ～ 外面就係熟嘅啡色👍🏻 口感係幾乎嫩滑，唔會太黐太un, 同食牛肉刺身有得比。不過呢，可能係因為牛肉係另外分開擺上去，所以佢溫度就比起碗麵有少少凍。我朋友就要擺喺個石鍋上面，將佢warm up 左先食😂 麵條就同其他資源都唔太大分別嘅。不過就值得講嘅係，佢會送五碗拉麵（五個印花）送一碗嘅優惠（$88以下）。但係店員都好好，即使係送嘅另一碗拉麵（慢煮雞肉拉麵）～佢都有俾一個印花😍🤫

今晚同朋友上美樂家購物完畢就在佐敦一帶覓食，意外發現一間日式拉麵🍜，外觀吸引我們便有決定。舖子不大但坐落舒服整齊，一人先來一罐啤酒涼快一吓。🥢炙燒豚肉濃蝦湯拉麵🍜一麵入魂好食到勾魂，幾時都話一碗日式拉麵要做得好重點在湯底，我點的濃蝦湯底，香濃味鮮湯汁厚，拉麵柔韌度恰到好處不失嚼勁，豚肉黏口油潤鬆軟，一碗拉麵令我食出多種滋味！😍🥢炙燒豚肉黑蒜湯拉麵🍜黑蒜湯沒有濃蝦湯濃，但充滿黑蒜色澤同蒜香，喝一口感覺清甜但又有濃濃蒜味同樣是好吃的。這裡服務態度很好，細心周到有禮貌我欣賞！👍下次要試沾麵😋

最近口淡淡又想食拉麵，就黎試下呢間阿久根和麵拉麵屋食拉麵～呢間舖易搵，位於佐敦B1出口行幾分鐘到，舖頭裝潢幾特別，一眼認到。聽聞有黑蒜濃湯系列（佐敦店限定），濃味最啱小編了小編揀咗慢煮薩摩鷄拉麵，黎到飲一啖湯先講野，飲落黑蒜湯底幾好味，油份及濃度非常適中唔會好似出面果啲食到成口油或者食完要狂飲水。慢煮鷄是近期特別既煮法，睇落似清烚雞胸肉（無味果隻），但原來口感幾特別，又滑又有小小鞋的感覺，幾趣怪，睇落無咩味，食落味道其實不錯總括而言值得一試嘅！

店子裝修仿照日本風設計，其中一幅牆有畫了卡通和牛、蝦及拉麵嘅牆紙，頗有特色。同大部份嘅拉麵店一樣，阿久根同樣都提供拉麵、沾麵同小食，湯底則有雞白湯、濃蝦湯、豚骨湯及黑蒜濃湯。雖然話必試嘅係招牌嘅慢煮A4和牛叉燒雞白湯沾麵，但我就俾依個數量限定嘅燒牛肩肉濃蝦湯拉麵吸引咗。我每次食拉麵都係先試一啖湯底，湯底鮮味澎湃，同掛湯又有咬口的麵條十分匹配。店員解說濃蝦湯以自家製蝦油、櫻花蝦及新鮮蝦熬製。燒牛肩肉亦非常之好味，入口軟嫩富油香，而且牛味香濃。每次食拉麵，都一樣好期待碗底寫住咩，通常都係店名、感謝、又或者咩都無。今日都唔例外，將濃蝦湯飲哂。碗底印住：一麵入魂，正是阿久根拉麵嘅口號。

琴晚上youtube睇咗幾條日本人整拉麵既片心血來潮想即刻去食下拉麵今日就同朋友黎試咗呢間拉麵店舖頭裝潢頗有特色 門口隔離掛滿祝願牌好奇心重既朋友經過可望望支持下疫症底下既距離限制比咗另一種感覺可以有大啲既空間同友人用餐 感覺舒適點咗佐敦店限定嘅黑蒜濃湯系列小編食嘅係慢煮薩摩鷄拉麵 黑蒜湯味濃度適中不會太油不會太咸最得意是舊慢煮雞 佢係質地界乎於滑同‘鞋’之間 食落口感覺幾新奇 味道不咸不淡 適合中意清淡既朋友麵就普普無乜特別中意新奇既朋友呢碗值得一試友人食既係灸燒豚肉拉麵（黑蒜系列）友人覺得湯可以淡多小小豚肉味道不錯 但肉質較‘鞋’ 總括拉麵黎講不過不失 還是可以一試的