阿一豬扒酸辣米綫

今日來西環堅尼地城「📍阿一豬扒酸辣米綫」重溫翻以前學生時代嘅滋味👨‍🎓食嘅係回憶 嘆嘅係青春💕### 🔥【招牌豬扒酸辣米線🍜】  一推開門 酸辣湯底嘅麻香撲鼻攻嚟，仲係記憶中嗰種霸道嘅「酸麻辣三重奏」🌶️🍖豬扒真係冇得輸 成塊手掌咁大✋ 炸到金黃脆皮咔嗞響，咬落去外脆內嫩，肉汁仲會爆出嚟💦雖然浸住湯，但神奇在依然keep到微脆感，醃得夠透又唔會死鹹 仲有淡淡蒜香吊味🧄以前係為咗呢啖邪惡感成日放學衝過嚟𠱁肚餓啊😂------------------------------米線係粗身版比一般更彈牙有咬口 超掛湯🍜湯底用雞同豬骨熬 精華全落咗喺自家醃嘅酸菜同辣油度——酸菜脆卜卜帶勁酸 辣油麻勁後襲🌶️由舌尖一路痺到喉嚨，食到鼻尖冒汗先叫過癮！滴配料鋪到滿：炸花生🥜同 芫荽蔥 仲有 靈魂酸菜 撈埋湯一啜 鹹香酸辣中和曬油膩感 真係食極唔滯🤤當年同班friend邊食邊嘶嘶聲吸氣嘅場景 即刻翻晒嚟～  ### 【凍檸茶🍹】  茶膽夠濃唔澀  落足三片檸檬🍋 篤爛再啜酸甜冰涼即刻降溫❄️中和翻辣感 又可以再戰多啖豬扒🎒學生哥最識慳錢 嗌個套餐 廿幾蚊就大滿足…查看更多

今日到堅尼地城，發現了這小店。大家都點了豬扒米線，豬扒很大塊！也點了水餃，份量足。米線份量目測以為不多，但原來已足夠飽肚。唯獨點了紅豆冰奶較稀，有進步空間。整體來說很不錯。…查看更多

每次嚟都一定係嗌佢嘅招牌豬扒米線今次叫咗小辣湯底酸味突出辣得過癮鍾意佢米線有好多配料同埋我係香蔥愛好者成碗麵都係綠色好開心！花生好脆又香口啲酸菜好爽好多每啖都有料夾埋米線一齊食口感豐富好多講埋主角豬扒肉質鬆軟亦食得出有醃過好夠味好入味絕對啱曬重口味愛好者！外皮亦炸過 望落食慾大開！但因為浸咗落湯 無咗炸嘅酥脆但浸湯又可以令外皮都吸晒湯底嘅酸辣味別有一番風味嘅😂米線都滑順入味 掛到湯我就認為佢嘅酸辣比起大家平時嘅連鎖米線鋪出色 …查看更多

排骨麵湯底比較油湯比較清淡，麵質地有啲似烏冬，排骨一般冇乜味冬菇麵仲淡好似熱水加辣酸菜同幾粒花生嘅味.冬菇算新鮮質地煙靭多汁👍🏻.奶茶幾好飲，唔會太甜搽底夠濃👍🏻👍🏻…查看更多

佢個地址啦，就係位於西環咁就呢間應該係佢哋嘅總店嚟嘅細細間乾淨企理嘅啲裝修係啲舊裝修店員嘅服務都好Nice嘅咁佢哋個上菜速度好快㗎佢呢度呢最出名呢就係食豬扒麵重可以配上海麵或者米線嘅佢哋嘅豬扒真係好好食～好入味另外呢如果想係到食辣嘅朋友呢呢度都要留意吓咁呢我就係食BB辣㗎咋食到都流晒汗呀如果想挑戰吓嘅朋友呢可以食中辣或者大辣 包你一試難忘我啲食得辣嘅朋友都係食中辣㗎咋都食到嗌救命呀 依間食過好多次可以一試再試…查看更多

第一次嚟呢度食，叫咗豬扒酸辣米線，味道唔錯。令我驚喜嘅係店員嘅服務態度，真係好有禮貌，feel到係用心服務顧客，係而家嘅香港真係好難得🥲 不過店面比較小，唔可以坐好耐。我朋友食得比較慢，出面又有人排隊等位，所以店員叫咗我哋食完嘅人出去先（語氣好好，唔會有「趕人feel」）。如果想同朋友傾計傾好耐，最好揀過第二間。…查看更多

食咗好多年，今日忽然間想分享吓！他們的水準一路都很穩定，特別是豬扒的質素完全冇得輸，近日叫多個小食試下，一試就愛上了這個炸韭菜餃十分脆口，好有以前街邊檔煎釀三寶的風味🥰…查看更多

係附近番工 覺得呢間米線好好食 食過好多次今日難得同啲同事去堂食 如常叫番撈米線小辣點知係辣到完全食唔到.......明白唔同廚房師傅既手勢可能有啲唔同 但相差到咁又太過份了吧側邊同事更加唔食得辣 想話可唔可以攞碗湯溝淡少少 點知要收6蚊.. 勁細碗 係茶杯size...問佢有冇熱水 佢話淨係得支裝水😅😅😅請問正常廚房會唔會係無熱水？想講明明係佢哋廚房出品個標準不一我地只係想有個方法可以繼續食到個米線相信一碗湯或一碗熱水對一間餐廳的成本並不算什麼 可惜最後的結果完全係消費者無辜去承受決定以後唔會再食🙂‍↔️…查看更多

<阿一豬扒酸辣米綫> 📍香港大學站🔸發現新大陸！！！🗺️ 好味到一星期翻啅兩次😋🔸手打鮮豬扒鬆化可口，食過返尋味 🤤🤤🤤Encore!!! Encore!!! 再Encore!!! 🤤🤤🤤 最近譚仔難食左，想食碗令人感到無負擔、零油膩感嘅米線，所以特登搵晚去西環試下呢間35年老號 😎✨ 薑真係越老越辣，多年來屹立不倒，果然有返咁上下水準！！！真味豬扒酸辣米線/上海麵 ($46) — 手打鮮豬扒，口感鬆軟，同時亦不失纖維咬口 😋 最重要係腌料唔會過鹹，冇肉鬆粉同豬蘇味。酸辣米線小辣，已經夠晒過癮 🌶️🌶️🌶️ 好比譚仔五小辣 🔥 味道平凡得來唔簡單。米線選用粗米線，口感實在，與譚仔不同。如果想再有充實啲，可以選擇上海麵 🍜精選白咖啡($14) — 似乎係馬來西亞手信啲白咖啡粉溝出嚟 🤣🤣🤣 十幾蚊黎講都算交足功課，唔會稀寥寥 🥤 用嚟解辣都相當唔錯。自從前幾日食過第一次之後好似上咗癮咁，今日帶埋朋友仔再翻啅 🤣 佢唔食辣都覺得正！！！難怪客似雲來，餐廳做到冇停手 ☺️ 我都衷心希望本土小店可以做得長長久久啦～ 題外話：唔知大家有冇覺得筷子筒十年冇洗好污糟，所以我永遠都揀啲筷子頭向外嘅筷子用 😆😆😆 Surprisingly 呢間餐廳，全部筷子頭都向外，咁我就唔洗揀筷子，真心有被驚喜到！！！（無聊小發現）…查看更多

嗌咗招牌豬排酸辣米線 少辣佢塊豬排真係好大塊，食落唔乾，都幾入味入開頭見到碗湯都幾清，都懷疑緊係唔係酸辣湯底，飲落其實最主要係靠佢醬嘅味帶岀嚟，唔係好辣但係搶口，不過酸菜都ok唔知點計法，最好加埋杯凍咖啡埋單$58 …查看更多

阿一豬扒酸辣米綫仲未離開瑪麗醫院嘅我，今日已經住咗第28日，做埋少少檢查就會出院啦！返屋企抖一陣就會去伊利沙伯醫院，點都唔相信關自身退化事，希望QE會幫到我啦！既然就快遠離西環一帶，一定要試哂西環d好西先，試唔哂都要叫做食過下先得，今次試下食「阿一米線」，外賣拎上瑪麗醫院都唔會淋哂，好唔錯！1.真味豬扒酸辣米線$44+$1外賣（9/10）呢個豬扒米線份量都勁多，豬扒都有一大舊，由於個外賣盒唔夠大關係，豬扒剪開兩舊，豬扒係炸過，好入味，唔算薄又唔算肥，肉質唔算好韌，入面仲有酸菜同炸花生，炸花生好香，辣度我覺得似小辣，米線焗住都唔會淋有咬口，成碗豬扒米線真係好唔錯！1人總共價錢$45個人口味總評分：9/10@hka1chilisauce地址：西環卑路乍街7-11號海都樓地下C1號舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#阿一豬扒酸辣米綫 #西環 #西環好去處 #米線關注組 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong…查看更多

📍阿一豬扒酸辣米綫西環卑路乍街7-11號海都樓地下C1號舖呢間食咗好多年，水準一路都keep到～服務要睇分店，呢間個伯伯就好有禮貌，唔該前唔該後，上菜又快！1️⃣豬扒酸辣米綫（小辣）$44呢間主打豬扒，真係必食！$44大大碗，仲有3塊大大塊嘅有骨豬扒。我睇佢門口嘅介紹係即叫即炸，而且會每日人手以肉質纖，再醃過夜，所以豬扒好入味、肉質鬆軟。佢呢間嘅酸辣係自己用辣油醃嘅酸菜，好正！成個湯底唔會太heavy太油膩！米綫有咬口，唔會煮得太腍。2️⃣酸麻辣撈魚片頭（小辣） $40同米綫個汁一樣，都係自己用辣油醃嘅酸菜！會建議中午外賣留返夜晚先食，咁會入味啲。今次堂食都辣嘅，但好表面，醃多一陣嘅話魚片頭中間都會入味啲～…查看更多

成日想寫下屋企附近一些好味又質素穩定店，但總係因變了太日常般，幫襯不少次，依然好味，依然質素常在，卻食完影完相，最終忘記寫！我好鍾意食呢一間米線嘅酸辣魚腩米線，每次幫襯魚腩都新鮮好味，除咗預覽我仲會叫小食炸雲吞，每次都炸得香脆可口！另一半就最鍾意食佢嘅炸豬扒撈，話佢嘅炸豬扒整得太好食！另外我哋好多時都會叫佢嘅小食海蜇，酸酸辣辣又爽口覺得非常之美味開胃！服務方面，我認為係禮貌不錯嘅 and 每次我叫呢一個魚腩米綫，都不忘拎一隻碗俾我裝魚骨真係thanks :)…查看更多

特色上海米線阿一豬扒酸辣米線(西環)____________________________西環區特色上海湯麵，小編Order了 鮮味豬肝上海麵($39)，韭菜餃酸辣上海麵($39)，豬肝味道鮮甜，上海麵口感好似烏冬，非常彈牙很美味， 酸辣湯底亦非常香！！！秋天吃暖暖的湯烏冬很好正呢～～…查看更多

豬扒酸辣上海麵 佢嘅上海麵好似烏冬質地 好彈牙 酸辣裏邊啲湯好正 碗麵好專業有埋花生 豬扒都有四五舊好大舊 好好食 最緊要就係晏晝食飯嗰陣時大大碗 價錢平 可以之後同啲朋友一齊試吓佢個中辣…查看更多