影片
港铁九龙站 C1 出口, 港铁九龙站 D1 出口, 港铁柯士甸站 D1 出口
继续阅读
电话号码
36197123
开饭介绍
是一家融合正宗闽南菜与广东美食的高级中菜厅。餐厅装潢优雅，设有落地玻璃窗，让食客品尝美馔同时饱览壮丽维港景色，打造写意且尊贵的用餐体验。
继续阅读
营业时间
今日营业
11:30 - 15:00
18:00 - 22:00
星期一至日
11:30 - 15:00
18:00 - 22:00
以上资料只供参考，请与餐厅确认详情
有关奖赏计划
位于ICC 101楼，完美饱览维港景色，加上装潢优雅，净系环境已经赢晒。而食物嘅质素一样令人印象深刻，绝对高质。先来两款精致开胃前菜 - 椒香脆芥兰芯 及 头抽芥末伴海螺片。前者将爽脆芥兰心切成细片，配上鱼子酱，味道带椒麻香；后者以咸鲜头抽及微辣芥末调味海螺片，味道鲜香。再来禅衣带子皇，以薄脆禅衣包住珍宝带子，卖相满分，食之前淋上配上酸甜酱汁，令鲜嫩带子皇味道更出色。荔浦黄金匣绝对印象深刻。酥脆外层里面包住绵滑芋头蓉，外酥内嫩。加淋上秘制猪头肉黑松露酱汁，美味非常，难怪成为得奖菜式。主菜大红袍乳鸽同星加坡胡椒蟹亦非常高水准。前者应该系我食过最皮脆肉嫩嘅乳鸽，没有之一。而且以大红袍香清雅香搭配乳鸽香，意想不到地配合；胡椒蟹绝对啱哂喜欢浓味人士，辛、辣、胡椒香，完全渗入蟹肉！鲍鱼肉丝炒面球，每个脆炸炒面球上都有一只肥美鲍鱼，食之前可选择淋上肉丝芡汁。最后来一碗荔枝石榴露，酸酸甜甜，入面仲有果肉，大满足。
继续阅读
近来人气高企嘅高级中菜厅，好多人都大力推荐，到底系唔系真系咁吸引？今日一试，只能说，不论环境、服务、食物精致度、味道，都一试爱上！餐厅装潢优雅，多处用上落地大玻璃窗，饱览壮丽维港景色，绝对写意。除咗大厅之外，亦都设有多间私隐度高嘅箱房。餐厅融合正宗闽南菜同广东美食，将好多常见嘅食材变得不平凡。✨椒香脆芥兰芯将芥兰心切成细片，刀功尽显。口感非常爽脆，但有微微椒麻香，面头仲配有鱼子酱，再加上红醋，非常喜欢💕✨头抽芥末伴海螺片海螺片鲜嫩爽脆，加入微辣芥末香，再配合咸鲜头抽，味道富有层次感。✨禅衣带子皇外型精致到十足。珍宝带子非常肥美，外层以薄脆禅衣包住。配上秘微酸嘅秘制酱汁，感觉高贵又美味☺️✨荔浦黄金匣先将芋头蓉进行多次压榨，令口感变成非常绵滑，再将其炸至外层酥脆，绝对系外酥内嫩。再加上黑松露酱汁，额外加上一份鲜香，个人非常喜欢😍 难怪成为得奖菜式！✨星加坡胡椒蟹一上菜已经闻到令人垂涎欲滴嘅胡椒香🤤蟹件将富有层次嘅胡椒辛、辣、香完全吸收，令人食到欲罢不能！✨大红袍乳鸽系我食过最皮脆肉嫩嘅乳鸽！一打开个盖已经闻到大红袍融合乳鸽嘅香气。乳鸽香配上大红袍嘅清雅，再带有少少花椒麻香，呢个组合富有层次亦好新颖。✨鲍鱼肉丝炒面球炒面球炸至非常香口脆身，每个炒面球上面都有大大只有嚼口嘅鲍鱼。临食之前再加入肉丝芡汁，非常不错。✨荔枝石榴露味道甜甜酸酸，荔枝同石榴香味完美配合，当中仲有果肉，完美地为呢餐作结💖
继续阅读
今年年初，喺高耸入云嘅ICC环球贸易广场101楼☁️，一间崭新嘅餐厅——闽粤轩，静静咁揭开咗佢神秘嘅面纱。呢度唔单止专注于炮制最正宗嘅闽南同广东美食，仲有令人心旷神怡嘅景色同埋高到惊人嘅楼底🌃。畀呢啲吸引住，我决定亲自嚟呢度，体验一下佢嘅晚饭。一入门口，𠮶种震撼嘅气派即刻扑面而来，未食已经觉得超值。更加难得嘅系，呢度私隐度极高，有好多间豪华包厢，成日都有唔同嘅名人喺度出入✨。—————————————————🔹 十年黄金酱萝卜呢个酱萝卜用咗十年黄金酱腌制，味道浓郁，食落去脆口又开胃，真系一流！🔹 盐焗花螺用盐焗嘅方法煮花螺，保留咗佢原汁原味嘅鲜美，每一啖都系海洋嘅味道。🔹 禅衣带子带子真系好大粒，外边包住一层香脆嘅禅衣，入面嘅带子鲜嫩多汁，再加埋秘制酱汁，真系人间美味！🔹 玛瑙松茸炖雪绒初时以为雪绒系菇类，点知一饮先知原来系豆腐，真系对厨师嘅刀工佩服到五体投地。仲有松茸同菇菌，呢个汤真系好滋补。🔹 闽南甘香虾虾用闽南特有嘅方法煮，甘香十足，每一啖都系幸福嘅味道。🔹 生啫东星班东星班用生啫嘅方法煮，肉质鲜美，仲保留咗鱼嘅原汁原味，真系食过翻寻味。🔹 大红袍乳鸽一打开盖，𠮶阵香味即刻涌出嚟，乳鸽肉质细嫩，入味到每一个角落，真系停唔到口。🔹 猪油渣炒菜芯呢个菜用咗好多猪油渣，仲见到好多肉粒喺上面，食落去又香又脆，真系好下饭。🔹 云海杏仁茶杏仁茶滑捋捋，杏仁味又香浓，饮完真系成个人松晒。
继续阅读
早排屋企人生日🎂，我哋全家人一齐去咗新开张已经超难book嘅《闽粤轩》摆咗一围食晚餐🥰 我哋坐喺超大嘅包厢，环境同夜景都超级靓🌃😍🌟 茅台水晶肉水晶肉晶凝通透，咸香十足！🌟 盐焗花螺花螺炸甜大只超肥美，盐焗完更香更juicy！🌟 禅衣带子呢个带子超大只，外面包上香脆薄皮，再淋上秘制酱汁，香甜好开胃！🌟 玛瑙松茸炖雪绒呢个汤好滋补！有松茸、菇菌，仲有切成花形嘅豆腐，好香！🌟 生啫海星斑海星斑好多鱼肉，仲蒸得好嫩滑好香！🌟 大红袍乳鸽一打开盖就超香！乳鸽皮又薄又脆，肉汁丰富又鲜嫩！🌟 香酥法葱烧鸡葱烧鸡都大份又嫩滑！🌟 闽南甘香虾闽南甘香虾香炸过，皮脆好食，啖啖虾肉好弹牙！🌟 上汤豆苗豆苗鲜嫩脆绿🌟 泉州特色卤面第一次食泉州中卤面，加入多种海鲜湿炒，好食！🌟 芋蓉炖鲜奶芋蓉炖鲜奶香滑，老少咸宜！🌟 生日寿桃适逢家人生日，当然都要叫埋每人一件寿桃喇～
继续阅读
🔸茅台水晶肉🔸盐焗花螺🔸禅衣带子🔸玛瑙松茸炖雪绒🔸生啫海星斑🔸大红袍乳鸽🔸香酥法葱烧鸡🔸闽南甘香虾🔸上汤豆苗🔸泉州特色卤面🔸芋蓉炖鲜奶-闵粤轩系ICC 101楼嘅高级粤菜餐厅，呢次趁住屋企人生日特登book咗嚟试吓，真系每一道都好正！首先系茅台水晶肉，一上枱就喷上茅台，仪式感满满，酒香四溢。盐焗花螺系另一道必点菜，花螺经过盐焗处理，保持咗海鲜嘅鲜美，口感爽脆。禅衣带子呢道菜好有创意，带子鲜甜多汁，配上特制薄薄嘅禅衣同酱汁，味道层次丰富。玛瑙松茸炖雪绒系一道汤品，汤底清甜，营养丰富。大红袍乳鸽同香酥法葱烧鸡系经典烧味菜，乳鸽皮脆肉嫩，烧鸡外酥内嫩，香味四溢。闽南甘香虾用闽南风味烹调，虾肉鲜甜，香气扑鼻。上汤豆苗系清淡嘅蔬菜，豆苗鲜嫩，汤底清甜。而泉州特色卤面系用泉州风味制作，配料有多种海鲜，卤汁浓郁。最后嘅芋蓉炖鲜奶甜品，芋蓉细腻，鲜奶香甜，为今餐画上完美句号。
继续阅读