開餐 (已結業)

呢間💛係旺角佐敦都有Mark咗好奈 終於有時間去食好彩係灣仔有既分店就去咗食但佢個位比較近銅鑼灣嗰邊呢間分店好大好多位星期三下午去到都有一半空位同朋友慢慢食吹咗一陣水我叫咗個酸菜魚片米粉問過店員佢話有米粉通粉麵可以轉唔一定要河粉 而我睇過其他分店好似有米線轉啲魚片唔可以話超滑 但勝在無骨同埋份量多！而啲米粉吸曬啲湯好入味好好食個湯底辣多過酸朋友叫咗個豬油渣撈飯配鹽酥豬扒個豬扒係即炸 同埋好大塊仲叫咗個酸辣無骨鳳爪酸酸地好普通😂另外加咗野飲香芋珍珠鮮奶 微糖 但都係好甜😂黎到先知原來都係黑糖黎跟餐加$16 黑糖珍珠鮮奶我朋友話好少冰唔夠凍咁大杯野都係$16 我覺得好抵飲！總括黎講呢間真心好好食同埋又唔貴大家多啲去食啦！

今日行去灣仔，經過見到幾多人排隊，我都唔執輸排埋一份，一入到去環境好舒服，枱與枱之間唔會太近，我同老公叫咗一碗鰻魚雞扒飯、空姐芋圓奶凍糖水同埋無糖嘅玄米茶，仲有雞翼五隻，味道不錯！值得一讚嘅係服務，坐低好快就有侍應送上水杯同餐牌，下次有機會一定要再去食，試吓佢餐牌其他嘅食物，我見都幾多人嗌佢個番茄牛肉通粉！下次真係要試吓，仲有佢將無糖茶個樽仲可以重作，啱晒我依啲環保分子！原來佢都仲有兩間分店，下次真係要去試吓先

由於2人限聚🙃🙃🙃🙃🙃，好多時買外賣返公司啦。試咗位於 天樂里 既 開餐 ，我就揀咗食酸菜魚片湯河🍜。食開酸菜魚既人都知，酸菜魚就好睇佢個湯底，即係酸辣味，佢既湯就幾夠辣之餘，夠濃味啦，加上佢魚肉都嫩滑，重點佢既魚唔會食到成口骨，抵讚。唯一不足呢，就係個河粉都幾一般，可能都關外賣事既，食既時侯個河粉就成餅，所以最後放棄咗個粉。淨計個酸菜魚係好食既。😋😋😋😋😋都幾推介佢個酸菜魚，可試之選。

灣仔黃店！呢間黃店性價比高！午市套餐都有幾多選擇，餐廳環境寬敞，佈置好靚。招牌溫泉蛋雞扒鮮茄湯米粉$56喇沙海鮮肥牛湯麵$58- 喇沙湯淡味左少少，比較難去掛上麵上。海鮮肥牛份量足夠，如果整體調味重多啲就好喇。酸菜魚片湯河$57勿忘初心(蜜糖菜心)$16- 平時食淥菜心係配蠔油或者豉油，第一次試蜜糖加菜心，效果幾特別，鍾意新嘗試嘅朋友可以叫嚟食下。蝦多士$25- 推介！蝦多士炸得香脆，唔油膩，咬落去入面冇多餘嘅油份。蝦肉彈牙，唔腥，沾上沙律醬，好味道！桂花紅棗杞子蜜+$12明目圓肉杞子蜜+$10- 香港人加油！好鍾意呢個可循環使用嘅水樽，睇得又用得！$10買一個水樽入面仲有足料嘅養生飲品，抵！我平時非常鍾意食圓肉、杞子，糖度適中，有咬口，高度推介！解毒胎菊花蜂蜜+$10

街坊系列 – 開餐🍽️九龍區又一良心小店擴充業務👏🏼今次新店開係銅鑼灣同灣仔交界🇭🇰附近返工返學既朋友仔又多一間選擇啦😛------------------------------環境: 岩岩新開張,環境好新淨裝修風格係簡約工業風🛠️無華麗既燈光音響🎼舒適座椅🪑但俾人一種和諧且舒服既感覺☺️------------------------------食物: 蕃茄牛肉瓜粒湯飯配油炸鬼($58)湯底味道偏咸🧂食唔太出蕃茄香味🍅牛肉無筋🥩份量合理珍珠米有咬口🍚好岩配湯唔會太淋👍🏽勝瓜連皮🥒但烹調時間不足⏱️太生有點難咬😖小編提議如果可以完全去皮,可以更加吸湯同軟身😗明目圓肉杞子蜜(跟餐+$10)🥤超足料,好香杞子同龍眼肉味,飲落稍甜小編飲2啖後加小小水岩岩好💯------------------------------服務: 店員普遍為欠缺經驗既後生仔👦🏻當日午市時比較忙😵出現比較多錯亂,但唔算係咩大錯😃------------------------------P.S. 新開張繁忙,理解忙中有錯😉希望意見可以幫助到🤗環境: 6/10食物: 5/10服務: 4.5/10地址: 灣仔天樂里3-5A號僑

最近發現咗呢度開咗間叫「開餐」嘅港式餐廳，入到入面都幾多位，枱與枱之間放咗隻連豬，牆上有手畫畫，好正💛餐牌上有好多嘢食，上枱覺得份量偏大，味道幾好食，飲品都幾足料但偏甜，所以巳嚟過2次，食咗乜？看下面啦！香港人雜扒飯 (HK$57)．雞扒，午餐肉，腸仔和荷包蛋各一件．荷包蛋煎得厚身，可以食到滑滑嘅蛋白，蛋黃一篤穿就流晒出嚟，正呀👍🏻．煎雞扒，啖啖肉，不過連雞皮．午餐肉厚切，煎得香口．香腸，正常，不過我好耐冇食啦～．細食嘅可以叫少飯招牌溫泉蛋雞扒鮮茄湯通粉 (HK$56)．好大碗．好大隻溫泉蛋，香滑多蛋黃．香煎雞扒，啖啖肉，不過連雞皮鹹蛋黃醬香蔥油撈飯配鹽酥豬扒 (HK$57)．碗飯上面有大pat鹹蛋黃醬，食落香蔥味好香呀．鹽酥豬扒分開碟上，有3片，炸得酥脆，肉質juicy．細食嘅可以叫少飯雲頂仙草古早冬瓜茶 (+HK$14)．焦糖味奶蓋．仙草份量多，飲極都有．少甜少冰嘅冬瓜茶都係偏甜明目圓肉杞子蜜 (+HK$10)．呢個泡茶高質，足料．飲唔晒可以帶走，水樽可以重用喔！*200轉泡沫榛子咖啡配黑糖珍珠 (+HK$14)．榛子味香濃，咖啡味也在．叫咗少甜，但味道都係偏甜的．黑糖珍珠口感都唔

多款飯/麵都想試，我揀喇沙帶子雞球湯麵。強調我係未食過喇沙，唔知好食嘅喇沙係點，只能用個人口味去評分:帶子好似手指頭咁大，上桌時僅僅熟，幾好；雞球嘅肉好滑，無乜調味，淡淡地，我鍾意；落單時忘記問係咩麵，or有咩粉麵可揀，嚟到先知係油麵(我唔鍾意食油麵☹)大家落單時記得揀要咩粉麵；最想讚個喇沙湯，唔係hea湯，湯加埋配菜係成個麵嘅靈魂: 紅辣椒、芫茜、芽菜、䓤、青檸，全部要晒，味道先完整，令整體味道畫龍點睛，下次落單要講多配菜。食完個麵到此刻相隔2個鐘，都無口渴，唔錯；小食揀咗蝦多士，跟餐$25，都好的骰吓，味道ok ，建議餐廳配埋蛋黃醬會無咁單調；蝦多士係懷舊小食，唔係度度有，價錢合理的話，香港人應該支持吓，否則越嚟越少食店做呢啲懷舊小食㗎啦。一碗喇沙 + 蝦多士 + 餐茶 = $83

// #賤精黃店地圖💛 間野叫：開餐𝗗𝗶𝗻𝗲 𝗜𝗻𝗻邊度嚟：灣仔天樂里𝟯-𝟱𝗔號僑康大廈地下𝗖號舖••••••••••••••••••••••••••••••酸菜魚片湯河 $𝟱𝟳 (配餐飲) 𝗙𝗶𝘀𝗵 𝘄𝗶𝘁𝗵 𝗣𝗶𝗰𝗸𝗹𝗲𝗱 𝗩𝗲𝗴𝗲𝘁𝗮𝗯𝗹𝗲𝘀 𝗙𝗹𝗮𝘁 𝗥𝗶𝗰𝗲 𝗡𝗼𝗼𝗱𝗹𝗲𝘀𝟲分酸菜魚湯底夠酸 以為唔辣 點知佢玩後勁 魚片有少少腥味 河粉份量多到可以兩個人開心些牙 但要彈一彈嘅係啲河粉 一餅咁黐係碗底 一攪勻就差唔多碎曬 碎河粉真係不能接受••••••••••••••••••••••••••••••炸溜沙奶皇飽 $𝟭𝟵 (原價: $𝟮𝟵) 𝗙𝗿𝗶𝗲𝗱 𝗘𝗴𝗴 𝗖𝘂𝘀𝘁𝗮𝗿𝗱 𝗕𝘂𝗻𝟳.𝟱分炸溜沙奶皇飽幾有驚喜 炸到金黃色啱啱好 咬落有炸饅頭嘅感覺 奶皇餡唔會太甜 不過就無咩鹹蛋黃味 鍾意食炸饅頭嘅值得試啊喂••••••••••••••••••••••••••••••麻辣豬軟骨 $𝟮𝟴 (原價: $𝟯𝟴) 𝗦𝗽𝗶𝗰𝘆 𝗣𝗼𝗿𝗸 𝗧𝗲𝗻𝗱𝗲𝗿 𝗕𝗼𝗻𝗲𝟲.𝟱分豬軟骨就好一般 肉係淋嘅 軟骨係爽脆𝘁𝘆𝗽𝗲 𝗯𝘂𝘁滷水味搶左麻辣味 滷水偏甜 改個名叫滷水豬軟骨 或許會更適合 本身想過下

我本來以為光顧位於「灣仔」「天樂里」的分店港式餐廳「開餐」，可以需要摸着地圖不斷反覆搜索，才能尋找到餐廳的實際位置。結果我從「灣仔」港鐵站裡面出來不久之後，很快就成功找到餐廳。雖然「開餐」的飲品餐牌裡面，沒有提供「水蜜桃」口味的手調紅茶、綠茶、乳酸或者梳打飲品，但是卻有一款以「芝士」作為奶蓋的梳打飲品，「開餐」把這款飲品的名稱，改為叫做「雲頂」飲品。所以我考慮過後，最後選擇了享用「開餐」以甜味「巨峰」「提子」，作為主要味道的「雲頂鮮果巨峰提子梳打」飲品，以為「梳打」的有氣氣泡口感，會讓我享用飲品的過程變得比較舒服。不過到我享用「開餐」「雲頂鮮果巨峰提子梳打」飲品，才發現將味道略帶鹹味和甜味的芝士「奶蓋」，跟裡面有氣泡的「梳打」飲品混合之後，竟然有大量飲品從杯裡面噴發出來，我告訴侍應後，侍應立刻遞上紙巾給我。讀者看到這裡請高抬貴手，不要再怪責我了，畢竟我始終是個讀文科出身的人，所以對於理科「化學」裡面的理論知識，都是近乎一知半解，完全不知道「梳打」飲品裡面的氣泡會有如此的化學效應。所以「開餐」「雲頂鮮果巨峰提子梳打」飲品裡面的「巨峰提子」味道雖然很甜，「芝士奶蓋」裡面也有屬於自己的甜味，

呢間位於灣仔天樂里3-5A,僑康大廈地下C號舖，店名叫開餐，呢間餐廳多元化，是不是台式食物呢？今次第一次食，我叫左酸菜牛肉湯河，分量夠👍🏻，味道都好，酸味洽當，不過辣味就勁左d，如果喜歡食辣，要必食，同事叫左碳燒雞扒飯，一路食，一直話好味，不過賣相都好靚，都睇得出應該係好好味，一定要提就是杯飮品，香芋珍珠奶茶，呢杯好正，不太甜芋頭味好出，下次一定要再叫呢個飲品，同埋要食酸菜魚片湯河，原條鰻魚牛肉飯呀。👍🏻😋

今日黎到灣仔開餐，繼上次食完最出名既酸菜魚米線後，繼續試下其他野咖哩牛腩飯 $57之前聽過朋友介紹，呢度既牛腩好食，所以今次就一於試吓叫👍🏻👍🏻咖哩：有椰香味，又有咖哩香，唔會太辣，如果份量多少少就好牛腩：好冧好入味，正👍🏻👍🏻另外值得留意嘅係佢仲有唔少嘅牛筋，牛筋大大條，好冧又入味，好正👍🏻👍🏻👍🏻👍🏻👍🏻之後加多$10就仲會有個特飲，叫左桂圓杞子，好味又養眼，正👍🏻👍🏻👍🏻

剝咗智慧牙要食軟飯，醒起未試過呢間堅香港人食店，就叫老公放工去買外買。要左勝瓜木耳雞球湯飯、煎雞扒飯、烚菜心⋯⋯全部都係紙兜，好環保呀！我個湯飯嘅湯係分開的，個湯好好味，兜飯好多餸同飯，好食！如果勝瓜淋D就perfect了！老公個雞扒煎得啡啡地好靚，可惜我戒煎炸野吖，佢話幾好食。洽菜心係菜心苗，正常發揮。兩個飯都係五十幾蚊，平靚正，會再撑！加油！

【灣仔～開餐啦！高CP值飯堂！】灣仔lunch 普遍一個lunch 都>$50，有時>$100 都不為過，唔帶飯出嚟食都係想搵一間正常價而味道又唔錯嘅飯堂，芸芸餐廳中，有一間脫穎而出，就係「開餐」啦！當你經過「開餐」睇一睇佢嘅Menu，款式好似普普通通，同普通茶記差唔多，咁諗你就錯啦，佢真正嘅身份其實係一間CP值極高嘅餐廳！平時等候時間，一般都係10 ~ 15分鐘，今次好彩唔洗等！一坐落位當然叫返個是日靚lunch填肚，「懷舊豬油渣撈飯」+「燒原片五花腩」+「明目圓肉杞子蜜」。「懷舊豬油渣撈飯」豬油渣偏少而細粒，但勝在夠脆，加埋啲特製醤油，味道夠哂！「燒原片五花腩」，三大塊五花腩，啱哂我呢啲食肉獸，而且夠哂濃！最後飲返樽超級足料「明目圓肉杞子蜜」，圓肉有1/4樽，唔太甜夠哂潤喉！

一日一黃店-小有勁驚喜既黃店 呢間我最鐘意係裝修 畫作 文宣 公仔 遍布每一個角落 整體裝修店面色調都好黃 入到黎其實我幾鐘意既 平時普通飯餐大概$50-70仲有一個小食叫 五大素球 點都要試試懲罰你但想叫個特別d既飯餐 出post所以叫左 ⭐️原條鰻魚牛肉飯$78 加餐飲$16⭐️香芋珍珠鮮奶 👍🏻珍珠軟熟 外層有啲黑糖👌🏻口感少少起泡 既感覺 幾特別.再望望鰻魚牛肉飯賣相 都ok既🤔鰻魚都大條但餐牌相應該有菜 我呢碗就冇啦🥵一食 點知就出事啦👎🏻米飯軟到 黐埋一舊 口感都係煮到爛哂既感覺直接負皮 我對米飯要求已經唔算高煮好米飯 絕對係每一間餐廳既基本但唔知點解 往往就係好多餐廳都做唔好🤔之後再試試牛肉 份量還好 唔算多大概五片👎🏻牛肉偏淡 可以話完全冇醬汁味（所以我淨低左好多米飯）但又唔想嘥嘢嘅我 問左店員拎個牛汁（有位著住校服既女仔 竟然係店員 態度少許兒戲 我問完佢拎牛汁 佢臉帶小小:nani??)👎🏻最後終於拎到牛汁 一望 成大層油係表面👎🏻而且牛汁同樣好淡（😎我想講 我係識煮牛肉飯咖）‼️個汁一定重用左好多次...唔多講啦.總結 米飯唔得 牛肉唔得 鰻魚嚟貨嘅如果唔計鰻魚 平時

唔知有冇朋友係灣仔做野架呢？如果有哩間就岩你啦！話說小編以前都係灣仔返工，但灣仔啲餐廳大部分都係貴夾唔飽，食個唔好味嘅燒味飯都要四十幾蚊啦....小編朋友聽完我嘅感受之後，就話：「反正哩間食飯都係哩個價錢，咁梗係食間好味架啦～」介紹返啲食物先。我地就叫左個麻辣豬軟骨，炭燒雞扒飯，酸菜魚河粉。仲有兩杯飲品，水果茶同蘋果醋。麻辣豬軟骨真係好好味，夠淋夠入味，仲有啲豬軟骨汁辣辣地撈飯一流。炭燒雞扒好夠炭火燒味，整出黎夠脆，不過炭燒要等耐啲。酸菜魚河粉，個人覺得好特別，又點諗到食落又幾夾，河粉分量夠多，個人認為可以再酸辣啲，你知啦我重口味架嘛～野飲方面，水果茶係紅茶底，水果味夠，我就叫少甜嘅，個人認為剛剛好。蘋果醋就...普通蘋果醋囉，酸到唔係好飲到咩味。咁多野埋單都係$188，哩個價錢CP價真心高，大家都可以去試下～