開心美食

营业中

休息中

今日(5-10-2022 Sat)中午,同老公到紅磡搵佢男友M聚聚,由於朝早留肚嚟紅磡至食嘢,但因預時間預遲咗,所以嚟到時,附近想食嘅店舖又未正式開門,我哋行經呢喥,老公就停底買啲嘢食,佢用咗$16.00買個腸粉,魚蛋同燒賣三併.我哋去到M嗰喥,佢就要開餐喇,打開睇,絕大部份都係腸粉,睇見魚蛋係啡色,老公話呢隻係辣魚蛋,我試吓,係好辣,不過辣一陣就過咗,而佢同其他嘢嘅口感都一樣正常,不過魚蛋同燒賣嘅份量都係各三粒.不過佢嘅辣醬又唔係好辣.

經驗所得叫得美食或美味既食肆都強差人意背道而馳，已做好心理準備應戰，我不入地獄誰入地獄！九鐵經常故障，搞到 10 點半先到黃埔，勁肚餓呀！魚肉燒賣、茶葉蛋，好鬼窮唯有食少一點點。專登想食煎釀三寶，竟然 3 點後先有得供應。魚肉燒賣，只 $10 蚊兜啊！辣油淡如水淨油沒有渣，燒賣嚥嚥韌韌濕度高，輕輕的咸，淺淺魚味。茶葉蛋，要 $11 蚊 3 隻，濃咸實淨，沒有特別的蛋蛋。咖哩魚蛋，只需 $9 蚊有 12 粒，大大碗抵食喎！咖哩水好淡，魚蛋彈彈索索聲好假，味道唔腥可以的。麻辣辣椒油有幾粒花椒浮浮下喎，裝飾黎架？完全都唔麻既？辣油不香不辣。辣醬好咸，少少酸帶微弱的辣。木瓜雪耳糖水，嬸嬸話例湯未煲好，午飯時段過左半都未有例湯？可能沽清啦。只有糖水供應，我唔食甜野架，是但照要轉贈同事品嚐。赤小豆蓮藕豬骨湯，味濃香甜熱辣辣，全數灌落暖笠笠好舒服。凍冰冰的餸菜依舊，都係先飲碗熱湯暖暖胃先。冬瓜雜菜湯，真的冬瓜來的嗎？絕無味精都是天然的超甜味道，不過豆味超強不喜歡。我要飲咸湯，不要甜湯，就連蜜棗我一樣不喜歡。五穀五豆湯，其實每次飲都估唔到係咩湯，估計係素湯。沒半點肉但味道香濃，豆味強烈還泛著栗子甜味，

見無乜人寫呢間，就寫下啦。黃埔區雖然舊啲，辦公室黎講一定無中環、觀塘等等咁靚，但食lunch平既餐廳就好多。呢間開心美食係其中一間，我同其他區返工既朋友講我$26一個餐，有兩個餸、大量飯，仲有飲品送，佢地都大呼好抵！下圖係我最常搭配的組合：蕃茄蛋同麻婆豆腐。麻婆豆腐辣辣地好過癮，絕對胃口大增。白飯方面我叫咗「少飯」，呢個份量我都差啲飽到食唔晒😂我覺得最好既係佢有得揀飲品、中式湯、甜品。通常有紅豆沙既話我都會食，其次係中式湯，都係好好味。一般我過咗peak hour先落去買，1點20幾分左右已經唔駛等，即叫即有。初時以為呢種類型的店舖，放晒啲餸菜出黎，啲餸會涼晒，因為台灣都好多呢type食肆往往放到好凍，食落口都覺得唔愉快，所以一直有得揀都唔食呢啲。但勇敢試過一次（因為夠平，呢個價位只能食車仔麵，但成日食麵都悶），發現啲餸仲係熱辣辣，就改觀咗，咁開心美食成為我的首選。（在大街的內巷入面，唔會長期食到車廢氣）

前世既成記快餐店執左後，舖位都吉左段長時間，終於見到有新舖開業喇，賣咩架？睇下先。本來想食牛雜併炒麵，但嬸嬸話未炆喎，要下午先有得賣。唔講唔知有出前一丁、腸粉、三餸、車仔麵、魚肉燒賣、煎釀三寶囉，全部都收埋晒，唔洗咁私隱架麻。Display 非常缺乏，又無海報或照片，吸引力大減。咖哩魚蛋併芽菜炒麵，又係索索聲假魚蛋，好驚！跟發記車仔麵一樣，食東翔、林記、通達真魚蛋好食萬倍。不過咖哩味特濃又夠辣，無半點腥味，讚。炒麵好淺色喎，唔係豉油皇呢，普通芽菜炒麵吧，味道不錯但有點濕。我唔會喜歡發泡膠盒，滴晒倒汗水落麵度。用油紙可以吸去多餘水份及油份，更好食更乾爽。$13 蚊我可以食燦記巨型即做三?餐蛋牛治喇！滷水牛雜，咖哩魚蛋、芽菜炒麵都麻麻地，比多幾次機會您！點解唔長開個爐既？慳電？太熱？怕炆爛牛雜？貌似老闆既四眼叔叔剪牛雜好生手喎，所以大部份都剪定晒。眼見剪左大量牛肺放係爐邊，不出所料比勁多肺我囉，好幸爽口彈牙無腥味?，滷水香而不濁，合格。牛腸好奀滋滋得層皮，淨賣牛腸皮？好爽彈喎。連牛膀都係爽口咁得意？食開都係軟棉質地。蘿蔔入味多水，好腍無渣最好食，比牛雜更好食。味道不錯，混上辣椒醬及芥辣就更