開心小敘

营业中

休息中

面餐沙嗲牛肉越嚟越鹹豬扒冇以前咁鬆軟，越嚟越硬。服務態度差，只做熟客生意。樓面六張枱。四個侍應。三個喺度吹水得一個人做野。一有熟客嚟，就兩個侍應上前傾偈同落單。

今日請假去做body check，做完見時間尚早就去附近搵地方食個靚早餐，經過開心小聚見有位就入去食啦！叫咗個簡單餐蛋公仔麵，轉多士烘底，加杯熱華田正。其實仲有好多款餐可以選擇，簡簡單單食完早餐都唔使半粒鐘

朋友介紹，，佢講咗好多次㗎啦，，今次就特登九龍入去元朗食， 似普通一間茶餐廳咁，舖頭裏面很多都是食緊豬扒雙蛋飯👍👍招牌推介？ 我又試吓先， 又OK喎，加埋啲豉油，叫埋杯凍檸茶，我還特登叫侍應煎多隻荷包蛋，成件事都好夾㗎， 都算是冇去錯啦☺️☺️☺️☺️。

傳說中既開心豬扒今日食到啦，豬扒好鬆軟，雖然炸過但係都唔乾身，加配雙雞蛋，雞蛋蛋黃汁爆漿出離， 簡直係精髓。 還可以問店員拎豉油汁加汁呢，豬扒大大塊，價錢相宜。值得推介呀。下次再試其他款式

黎這餐廳梗係食佢嘅招牌豬扒，軟綿綿一啲都唔鞋, 我叫了一碗雙腸雞蛋豬扒麵, 味道一啲都冇令人失望, 估唔到一間小店有咁出色的食物, 難怪呢一間小店一向都有好多人排隊等候。

呢度的招牌菜色係豬扒，早餐時間我點了豬扒太陽蛋米粉及一杯凍檸茶。豬扒醃製得相當入味而且不硬，煮得好「琳身」，整體很好，所以吸引我再來幫襯。店內有電視，冷氣足夠，近門口除外。

住元朗既朋友推介✨踩單車入南生圍之前，特登去試試佢！星期六，十一點到，都要等一陣先有位兩隻太陽蛋好吸引，加埋豉油，撈飯一流👍🏻豬扒好軟熟，又大塊我忍唔住食哂成碟飯，好飽呀！

元朗，無敵豬扒，Here we are.. I live in Yuen Long for half century, This is one of the most brilliant pork and egg rice here compared with all over restaurants in Yuen Long. I first ate their meal 10 years ago in their original restaurant, also in Yuen Long, 雞地，this branch, I am the second times eat there, the quality keep align with original one, nice, cheap, brilliant, I love it very muchI mean 豬扒香脆，豉油秘制，蛋邊甘脆，這價格，冇得输！

今日大約11:15去左開心小敍食野，叫左一碟豬扒紅腸飯（豉油汁）同埋一碗午餐肉煎蛋米線🍜豬扒好入味，而且煎得好香，咬落又唔鞋至於紅腸都係超正，煎得勁香，又大塊又厚，仲要有四塊咁多，碟飯加埋少少甜甜地嘅豉油汁，無得輸相比之下個米線就遜色啲，唔知係咪湯多，味粉少，個湯好淡茂茂我要又落胡椒粉同辣椒油黎頂檔而餐肉同蛋就好味嘅，不過建議餐肉蛋分碟上，因為浸到餐肉淋晒，食落口感就麻麻下次要黎嘅話都係叫返飯穩陣啲

星期六嘅下午瞓到差唔多11點先起身，喺屋企求其食完個早餐再瞓過，一醒已經係晏晝嘅兩點，呢個時候食晏晝又覺得太飽，於是乎就去開心小聚食下午茶。平時你呢度都係食豬扒飯，但係瞓咗好耐唔想食飯，於是乎就帶咗個豬扒包填下肚。包皮有烘，豬扒亦都係即煎，不過略嫌豬扒唔夠多汁，檸檬茶茶底有啲澀，叫開走甜嘅我，真係澀到飲唔到落去。食飽飽又返屋企睇套戲，渡過一個休閒嘅下午。

開心小敍係元朗已經開咗三間👍👍👍 一到假日開飯🥢時間都少不免排隊，絕對係殿堂級街坊食堂😂 東堤街分店雖然位處邊疆，但餐廳人流都唔少💪 週六朝十點零黎到，係大約40個位入面揀左個自閉角落坐坐，咁啱又搵到條光縫，影咗幾張靚相自high🤩餐牌好多選擇，但開心最出名係豬扒🐷 要左個豬扒腸仔丁，加埋個攝影模等：凍啡少甜☕老實講，黎開心都係食飯好啲，麵只係普通茶記素質😛 豬扒一如以往鬆化，係陽光下幾乎照得穿☀️唔會太多肥膏💀 咬落豬扒吸到出前一丁麻油味湯底，估佢應該係揼鬆，唔係鬆肉粉👏👏凍啡正正常常👌👌成個早餐41，都係合理價其實街坊食堂唔會係頂級美味，但係一定係可以番啅既好嘢，遊客就唔好山長水遠入黎食😂😂但街坊未食過就快啲試😋

食物唔係特別，但幫襯過幾次。我都係第一次忍唔住要寫食評。因為真係差得好緊要！今日我打電話去叫外賣。已經早左10分鐘打去叫定，跟住去到比左錢係門口等！過程我見到環境好混亂同埋員工個個都黑口黑面同埋好無禮貌！當時係正午，所以烈日當空，我足足等左25分鐘之後忍唔住入去問佢地，我見到佢地竟然漏左單。錢收左！之後我話要取消個疑似老闆娘仲要黑我面！唉～當我自己黑啦⋯⋯去左間咁差既食市

為食前輩教落，當唔知食咩既時候，嘗試搵間人頭湧湧既都錯唔到幾多，群眾集體出錯既機會微乎其微的。 一早未回魂唔知食咩好，係元朗市中心，行左一圈，大部份餐廳都係搵唔到“人頭湧湧”的，一行到開心小敘就見到呢個傳說中既陣容，唔使多考慮，直接坐入去食個靚早餐先呢間野我平時食開午餐的，佢個豬扒都可以列入元朗三甲之一了，午飯時間都一樣係高朋滿座的，叫左一碗 "紅腸控五香肉丁米線" + "凍檸茶少甜"。米線就叫做煮得夠淋身, 亦唔會話一夾就散的, 而紅腸呢, 因為我係紅腸控, 所以點都好食的肉丁就正正常常吧, 唔太差的,不過, 不可不提，呢間亦係元朗入面，少數堅決執行“少甜”既店舖之一，因為好多食店, 當你叫左"少甜", 都可以非常甜的,呢間堅決執行“少甜”, 要俾個 Like 了！