開心小敘

营业中

休息中

上星期六約了一班好朋友到元朗做掃街茂，其實已不是第一次這樣瘋狂！在2015年元朗大食遊中狂掃8間店已可見一斑！這天澱粉質浸沒完沒了的進行！皆因這一站是重溫開心小敘的太陽蛋豬扒飯，朝思暮想的掛念這天終可相敘！！ 點了太陽蛋豬扒飯和太陽蛋雞翼飯開心分享，大家也不忘喝味道香濃的熱奶茶跟餐加＄4(單點＄16)，我的胃受不了放棄飲品！ 太陽蛋豬扒飯＄40跟三年前只漲價＄5幅度也算合理！盪漾的燶邊太陽蛋依舊誘惑，而軟淋豬扒亦同樣可愛，加上可口豉油汁真是我的Comfort Food！！ 而太陽蛋雞翼飯＄40賣相也不俗，但滷水雞翼有點鞋不是我杯茶呢！！

男朋友話：「今日帶你去食頹飯！」一個休閒的星期日就這樣開始了。星期日當然睡到自然醒才起床，梳洗過後便出門去元朗食頹飯過頹日。大約1點到達開心小敘，鋪外已經人山人海等待著用膳，吃飯的人都掛著滿意的笑容，小狗等待主人吃飯時也不忘與朋友們玩樂，微微的陽光，陣陣的涼風伴著我們等待座位，一切都使我更期待這碟「頹飯」！秋風起的日子人們也不介意坐鋪外，小狗也可伴著主人一起用餐，這就是茶餐廳的好處，這也是茶餐廳的特色！等候大約5分鐘便可進內就座，當日的午餐推介有3款，分別有豬扒煎蛋飯，餐肉腸仔蛋飯和雞翼雪菜肉絲飯。每款飯都可以跟豉油汁、咖哩汁、沙爹汁或黑椒汁，3款也奉送咖啡或奶茶（凍飲加$1），轉其他特飲也需要額外加錢。加餸每款加$8，而加飯需加$6。由於開心小敘出名豬扒，所以我在毫無猶豫的情況下點選1號餐，飲凍奶茶。枱面上已放豉油汁，如客人對咖哩汁、沙爹汁或黑椒汁沒有興趣，也可以選擇已放在枱面上的豉油汁。凍奶茶：首先到的必定是飲品，冰在奶茶的比例剛剛好，冰的份量少於杯的一半，此份量不但足夠令奶茶維持冰凍狀態，還不會過份沖淡奶茶的味道。茶味香濃，但同時奶味與糖漿的比例較多，就算冰溶後仍可保持味道。豬扒

今朝叫左個腸蛋面，同豬扒回鍋肉面，雞亦蛋面外賣首先講個湯，本身小弟都食得好重味下，但我都頂唔順，仲咸過海水，真係要好好改善下，回鍋肉面，全部都係筍一舊肉都無，真係omg，我唔係叫豬扒荀面啵，加左3蚊的。。豬扒還可以，但雞亦燶架囉😓點搞呀，做飲食衰過屋企自己煮，下次都係咪貪懶。。我個仔食左啖成碗擺左係度。。要幫佢食埋。。本身小朋友都好鐘意食蛋同腸仔。。得個唉字。。有幸你地見到呢個post希望你地店家可以改進下。。

今日經朋友介紹去左食元朗出名既豬扒飯 價錢都係3 40蚊 味道真係唔錯 塊豬扒好入味同口感好好👍🏻唔會硬同乾真係幾抵食 有時都食唔晒啲豬扒要比埋人地食 平民化餐廳 大份夾抵食！有次想夜晚黎食 先發現原來佢收5點 大家唔好好似我甘😆店內都幾乾淨 唔多人既時候可以慢慢食 睇下電視都幾舒服架

上個星期六同一班朋友參加Spartan Race, 咁之前梗係要食定啲嘢打底啦，佢哋介紹咗去呢一間食,佢哋話碟飯好大碟一定食得飽。佢哋介紹我食豉油汁豬扒蛋飯，真係好大碟又真係好好食。之後發現差唔多張張枱啲人都係叫呢一個飯。差唔多走嘅時候，竟然見到連洪金寶都嚟食呢個飯。呢個飯真係無得輸，真係想同佢講一句：洪師傅，試吓入佢中路😂呢個豬扒飯值得再食，塊豬扒真係好大件，原來加隻蛋加個豉油汁就可以咁好味!!!

同媽咪出動食lunch，周圍餐廳都排晒隊，好多人，最後簡咗呢間最多位嘅，等咗5分鐘就有位啦！豬扒雙蛋飯出名嘅煎豬扒薄身，食落好香口，邊位仲煎到有少少脆，肉質較“淋”。太陽蛋打孖煎，加少少豉油，一吉爆晒蛋黃汁出黎，用黎撈飯超正丫，睇先都開心晒！咁正~ 成日都黎食，唔洗講太多啦😋😋😋

聽聞之前元朗3大豬扒飯,成記~天奴~~同埋呢間開心小敍今日放假專程嚟試下~~兩條友嚟個幾併飯可以一次過試多幾款食物~~主打嘅豬扒比成記稍為薄身啲，但有醃製過，不過咸左啲，雞翼係滷水,普普通通,雙蛋煎得唔錯,脆邊的~~午餐肉同漢堡扒就不過不失啦～豉油汁係普通溝水變淡嘅豉油,唔係甜豉油,整體上都ok嘅！服務都唔錯,侍應見枱上枝豉油就嚟冇，就主動遞上另一枝豉油俾我地,不過我始終覺得成記比較好,但係大熱天時食,呢間有室內冷氣都係唔錯嘅選擇

元朗有3大豬扒 之前有嘗過某2間既豬扒都覺得真係好正! 今次lunch就去埋剩低依間~碟頭飯好夠風味 我嗌左豬扒雙蛋飯 太陽蛋任何時候食都會覺得正 另外佢既豬扒肉幾鬆既 偏腍 吾會嚡口 其實幾有家既感覺就係比較貼地~ 另外我無叫到其他汁而食佢地最經典既豉油汁 係成支擺係枱上面比你任加既~ 飯方面比較軟淋~ 個人就麻麻地依種質地~朋友嗌左豬扒雞扒飯 份量係勁多 成座山甘 雞扒都好嫩滑 但配既咖哩汁就稀身 同埋甜味重啲所以無乜咖哩香 所以都係配番豉油汁就無得輸啦~兩個飯都係40蚊左右 所以係幾抵食!

Here I came for lunch today,again, I ordered pork with sunny side up egg. The yolks look so attractive and so yummy mixed with rice! The porks were still juicy and the soy sauce was not too salty that I think the taste was balanced. The portion is big and the pork is easy to be chewed.

今時今日，一個三文治跟杯野飲，要三十蚊，喺元朗都唔少得，但係要我食到背脊骨落，真係要多得依間黑面小叙。 我有個袋放喺個位都唔駛黑我面，仲要好串咁講，我有四位入拎開個袋。我聽完都費事應佢，比錢走人。二個字討厭。一個很差的服務體驗。要多得依個黑面收銀，有你咁既員工，真。溫馨提示，如果你有小朋友，帶bb車仲死，我見佢都要好無禮貌咁叫人搬開d野。其實食物我見都唔太差，但係影響晒d廚師，有你一個員工，勝過開多二間對手喺你對面，自己唸下改善下。

臨時有要事和朋友分別，遁入一間普通的茶記吃一個午餐，再去做完正事。午餐選擇不少，但適逢想吃一些比較開胃的東西，於是便選了一個特濃的蕃茄湯米線，要了豬扒。不過來的時候，卻是雞扒，不過不要緊啦，本來已經趕時間，也不多計較了。只是可能雞扒炸得太油的關係,於是令蕃茄湯也油了許多。我自己的習慣，凡出外吃麵必定飲湯，而蕃茄湯，也是我自己格外喜歡飲的，但蕃茄湯濃香則濃香矣，卻因為其中油份，而不太想飲了。真是一個不小的浪費

我以為係炸雞翼，但原來係滷水雞翼。豬扒好淋好好食雞翼都滷得好入味個飯我要左豉油汁，佢俾支豉油你自己淋，我初頭驚咸淋左小小，但發現支豉油好似溝左好多水咁一d都唔咸！定係我唔識欣賞佢既特別豉油🤔餐飲加左$5要左杯凍奶茶少冰少甜茶味好夠好順口

呢間餐廳以我本人睇到個門面黎講係唔會入去食，而我第一次去食既原因係朋友介紹，大推開心豬扒。咁我去到一睇，喂阿哥，人地叫開心小叙。我之後先知原來因為佢豬扒最出名而有呢個別稱。咁次次去叫當然會叫開心豬扒食，佢本身就原味既，但如果你想要黑椒汁阿燒汁阿洋蔥汁果Ｄ，你同佢講聲就可以加比你，唔洗額外加錢既講返盒飯，豬扒份量好多，好淋又多汁！重要係街坊價，要食豬扒飯真係捨佢其誰。唯一問題係次次都要排隊，實在太多人幫襯

在附近工作，聽說呢間豬扒好味，所以來到食早餐，店面唔大，茶餐廳格局，桌椅好迫，餐點選擇全部都有豬扒豬扒煎蛋福麵（$42）豬扒幾厚，肉質好鬆，一啲都唔嚡，平時咁嘅厚度一定會嚡，醃得入味！唔錯！太陽蛋太生，蛋黃加部分蛋白唔熟！一般！福麵麵質彈牙，但湯太淡，無咗福麵湯底辣辣地又香又濃嘅惹味！熱檸茶：茶底夠濃，茶餐廳水準，沖出來唔澀！早餐食完，點知午餐好趕時間，因為近又在呢間食！豬扒反蛋飯（$36）因為早餐嘅餐太生，所以今次叫反蛋，蛋白熟晒，蛋黃流心，好味，豬扒切條，午市比較乾身，醃得入味，所以豬扒唔使沾豉油已經夠味！飯粒乾身有咬口！簡單配豉油汁已經好味！熱咖啡（跟飯$4）因為太眼訓而叫嘅，咖啡夠熱幾香，一向只飲咖啡店嘅咖啡，今次第一次試茶餐廳嘅，奶唔重，咖啡易入口！驅走眼訓！豬扒雞扒飯（$46）同事食店員比較粗率，午餐價錢計錯要我哋提醒先知！不過好好笑容，又即刻更正，有講有笑舒服！呢間店排隊長，所以店員會要調位翻多啲枱，幸好有禮！所以大家都唔介意！好在唔使食埋晚餐！

五一假期的下午一時，依然非常多人。還好今天不太熱，所以我們揀了室外的坐位，快一點。我點了豬扒太陽蛋跟豉油汁，老公點了豬扒焗豆跟沙嗲汁。餐飲很快便到，飯就稍為要等久一點，人真的太多，而且不少是叫外賣的。終於兩碟飯都一起上檯!!! 賣相很不錯~豬扒很淋身，用匙更已可切開，我還是喜歡薄一點的豬扒。味道一錯，可是稍為淡口。最欣賞還是太陽蛋，煎得非常漂亮，超級脆邊!!! 讚!!!豉油汁的話雖然味道是不錯，但還是元朗另一檔馳名豬扒飯的較濃味和稠身!!!老公的沙嗲汁我試了一口，沒有沙嗲味，而且很稀...還是豉油汁好...另外油菜只有一條...多一至兩條的話會更好...以這個價錢來說的確很值得~ 難怪人龍不絕吧~